Chapter 15

[English text for this chapter is available]

brahmovāca |
athaikadā pituḥ pārśve tiṣṭhaṃtīṃ tāṃ satīmaham |
tvayā saha munedrākṣaṃ sārabhūtāṃ trilokake || 1 ||
[Analyze grammar]

pitrā namaskṛtaṃ vīkṣya satkṛtaṃ tvāṃ ca māṃ satī |
praṇanāma mudā bhaktyā lokalīlānusāriṇī || 2 ||
[Analyze grammar]

praṇāmāṃte satīṃ vīkṣya dakṣadattaśubhāsane |
sthitohaṃ nārada tvaṃ ca vinatāmahamāgadam || 3 ||
[Analyze grammar]

tvāmeva yaḥ kāmayate yantu kāmayase sati |
tamāpnuhi patiṃ devaṃ sarvajñaṃ jagadīśvaram || 4 ||
[Analyze grammar]

yo nānyāṃ jagṛhe nāpi gṛhṇāti na grahīṣyati |
jāyāṃ sa te patirbhūyādananyasadṛśaśśubhe || 5 ||
[Analyze grammar]

ityuktvā suciraṃ tāṃ vai sthitvā dakṣālaye punaḥ |
visṛṣṭau tena saṃyātau svasthānaṃ tau ca nārada || 6 ||
[Analyze grammar]

dakṣobhavacca suprītaḥ tadākarṇya gatajvaraḥ |
ādade tanayāṃ svāṃ tāṃ matvā hi parameśvarīm || 7 ||
[Analyze grammar]

itthaṃ vihārai ruciraiḥ kaumārairbhaktavatsalā |
jahāvavasthāṃ kaumārīṃ svecchādhṛtanarākṛtiḥ || 8 ||
[Analyze grammar]

bālyaṃ vyatītya sā prāpa kiñcidyauvanatāṃ satī || 9 ||
[Analyze grammar]

atīva tapasāṃgena sarvāṃgeṣu manoharā || 9 ||
[Analyze grammar]

dakṣastāṃ vīkṣya lokeśaḥ prodbhinnāṃtarvayasthitām |
ciṃtayāmāsa bhargāya kathaṃ dāsya imāṃ sutām || 10 ||
[Analyze grammar]

atha sāpi svayaṃ bhargaṃ prāptumaicchattadānvaham |
piturmanogatiṃ jñātvā māturnikaṭamāgamat || 11 ||
[Analyze grammar]

papracchājñāṃ tapohetośśaṃkarasya vinītadhīḥ |
mātuśśivātha vairiṇyāssā sakhī parameśvarī || 12 ||
[Analyze grammar]

tatassatī maheśānaṃ patiṃ prāptuṃ dṛḍhavratā |
sā tamārādhayāmāsa gṛhe māturanujñayā || 13 ||
[Analyze grammar]

āśvine māsi nandāyāṃ tithāvānarca bhaktitaḥ |
guḍaudanaissalavaṇairharaṃ natvā nināya tam || 14 ||
[Analyze grammar]

kārtikasya caturdaśyāmapūpaiḥ pāyasairapi |
samākīrṇaissamārādhya sasmāra parameśvaram || 15 ||
[Analyze grammar]

mārgaśīrṣe'sitāṣṭamyāṃ satilaissayavaudanaiḥ |
pūjayitvā haraṃ kīlairnināya divasān satī || 16 ||
[Analyze grammar]

pauṣe tu śuklasaptamyāṃ kṛtvā jāgaraṇaṃ niśi |
apūjayacchivaṃ prātaḥ kṛśarānnena sā satī || 17 ||
[Analyze grammar]

māghe tu paurṇamāsyāṃ sa kṛtvā jāgaraṇaṃ niśi |
ārdravastrā nadītīre'karocchaṃkarapūjanam || 18 ||
[Analyze grammar]

tapasyasitabhūtāyāṃ kṛtvā jāgaraṇaṃ niśi|| |
viśeṣatassamānarca śailūṣaissarvayāmasu || 19 ||
[Analyze grammar]

caitre śuklacaturdaśyāṃ palāśairdamanaiśśivam |
apūjayaddivārātrau saṃsmaran sā nināya tam || 20 ||
[Analyze grammar]

rādhaśuklatṛtīyāyāṃ tilāhārayavaudanaiḥ |
pūjayitvā satī rudraṃ navyairmāsaṃ nināya tam || 21 ||
[Analyze grammar]

jyeṣṭhasya pūrṇimāyāṃ vai rātrai saṃpūjya śaṃkaram |
vasanairbṛhatīpuṣpairnirāhārā nināya tam || 22 ||
[Analyze grammar]

āṣāḍhasya caturdaśyāṃ śuklāyāṃ kṛṣṇavāsasā |
bṛhatīkusumaiḥ pūjā rudrasyākāri vai tayā || 23 ||
[Analyze grammar]

śrāvaṇasya sitāṣṭamyāṃ caturdaśyāṃ ca sā śivam |
yajñopavītairvāsobhiḥ pavitrairapyapūjayat || 24 ||
[Analyze grammar]

bhādre kṛṣṇatrayodaśyāṃ puṣpairnānāvidhaiḥ phalaiḥ |
saṃpūjya ca caturdaśyāṃ cakāra jalabho janam || 25 ||
[Analyze grammar]

nānāvidhaiḥ phalaiḥ puṣpaissasyaistatkālasaṃbhavaiḥ |
cakre suniyatāhārā japanmāse śivārcanam || 26 ||
[Analyze grammar]

sarvamāse sarvadine śivārcanaratā satī |
dṛḍhavratābhavaddevī svecchādhṛtanarākṛtiḥ || 27 ||
[Analyze grammar]

itthaṃ naṃdāvrataṃ kṛtsnaṃ samāpya susamāhitā |
dadhyau śivaṃ satī premṇā niścalābhūdananyadhīḥ || 28 ||
[Analyze grammar]

etasminnaṃtare devā munayaścākhilā mune |
viṣṇuṃ māṃ ca puraskṛtya yayurdraṣṭuṃ satītapaḥ || 29 ||
[Analyze grammar]

dṛṣṭāgatya satī devairmūrtā siddhirivāparā |
śivadhyānamahāmagnā siddhāvasthāṃ gatā tadā || 30 ||
[Analyze grammar]

cakruḥ sarve surāssatye mudā sāṃjalayo natim |
munayaśca nataskaṃdhā viṣṇvādyāḥ prītamānasāḥ || 31 ||
[Analyze grammar]

atha sarve suprasannā viṣṇvādyāśca surarṣayaḥ |
praśaśaṃsustapastasyāssatyāstasmātsavismayāḥ || 32 ||
[Analyze grammar]

tataḥ praṇamya tāṃ devīṃ punaste munayassurāḥ |
jagmurgirivaraṃ sadyaḥ kailāsaṃ śivavallabham || 33 ||
[Analyze grammar]

sāvitrīsahitaścāhaṃ saha lakṣmyā mudānvitaḥ |
vāsudevopi bhagavāñjagāmātha harāṃtikam || 34 ||
[Analyze grammar]

gatvā tatra prabhuṃ dṛṣṭvā supraṇamya susaṃbhramāḥ |
tuṣṭuvurvividhaiḥ stotraiḥ karau baddhvā vinamrakāḥ || 35 ||
[Analyze grammar]

devā ūcuḥ |
namo bhagavate tubhyaṃ yata etaccarācaram |
puruṣāya maheśāya pareśāya mahātmane || 36 ||
[Analyze grammar]

ādibījāya sarveṣāṃ cidrūpāya parāya ca |
brahmaṇe nirvikārāya prakṛteḥ puruṣasya ca || 37 ||
[Analyze grammar]

ya idaṃ pratipaṃcyedaṃ yenedaṃ vicakāsti hi |
yasmādidaṃ yataścedaṃ yasyedaṃ tvaṃ ca yatnataḥ || 38 ||
[Analyze grammar]

yosmātparasmācca paro nirvikārī mahāprabhuḥ |
īkṣate yassvātmanīdaṃ taṃ natāḥ sma svayaṃbhuvam || 39 ||
[Analyze grammar]

aviddhadṛk paraḥ sākṣī sarvātmā 'nekarūpadhṛk |
ātmabhūtaḥ parabrahma tapaṃtaṃ śaraṇaṃ gatāḥ || 40 ||
[Analyze grammar]

na yasya devā ṛṣayaḥ siddhāśca na viduḥ padam |
kaḥ punarjaṃturaparo jñātumarhati veditum || 41 ||
[Analyze grammar]

didṛkṣavo yasya padaṃ muktasaṃgāssusādhavaḥ |
caritaṃ sugatirnastvaṃ salokavratamavraṇam || 42 ||
[Analyze grammar]

tvajjanmādivikārā no vidyaṃte kepi duḥkhadā |
tathāpi māyayā tvaṃ hi gṛhṇāsi kṛpayā ca tān || 43 ||
[Analyze grammar]

tasmai namaḥ pareśāya tubhyamāścaryakarmaṇe |
namo girāṃ vidūrāya brahmaṇe paramātmane || 44 ||
[Analyze grammar]

arūpāyorurūpāya parāyānaṃtaśaktaye |
trilokapataye sarvasākṣiṇe sarvagāya ca || 45 ||
[Analyze grammar]

nama ātmapradīpāya nirvāṇasukhasaṃpade |
jñānātmane namaste'stu vyāpakāyeśvarāya ca || 46 ||
[Analyze grammar]

naiṣkarmyeṇa sulabhyāya kaivalyapataye namaḥ |
puruṣāya pareśāya namaste sarvadāya ca || 47 ||
[Analyze grammar]

kṣetrajñāyātmarūpāya sarvapratyayahetave || 48 ||
[Analyze grammar]

sarvādhyakṣāya mahate mūlaprakṛtaye namaḥ |
puruṣāya pareśāya namaste sarvadāya ca || 49 ||
[Analyze grammar]

trinetrāyeṣuvaktrāya sadābhāsāya te namaḥ |
sarvendriyaguṇadraṣṭre niṣkāraṇa namostu te || 50 ||
[Analyze grammar]

trilokakāraṇāyāthāpavargāya namonamaḥ |
apavargapradāyāśu śaraṇāgatatāriṇe || 51 ||
[Analyze grammar]

sarvāmnāyāgamānāṃ codadhaye parameṣṭhine |
parāyaṇāya bhaktānāṃ guṇānāṃ ca namostu te || 52 ||
[Analyze grammar]

namo guṇāraṇicchanna cidūṣmāya maheśvara |
mūḍhaduṣprāptarūpāya jñānihṛdvāsine sadā || 53 ||
[Analyze grammar]

paśupāśavimokṣāya bhaktasanmuktidāya ca |
svaprakāśāya nityāyā'vyayāyājasrasaṃvide || 54 ||
[Analyze grammar]

pratyagdraṣṭrai'vikārāya paramaiśvarya dhāriṇe |
yaṃ bhajanti caturvarge kāmayaṃtīṣṭasadgatim |
so'bhūdakaruṇastvaṃ naḥ prasanno bhava te namaḥ || 55 ||
[Analyze grammar]

ekāṃtinaḥ kaṃcanārthaṃ bhaktā vāṃchaṃti yasya na |
kevalaṃ caritaṃ te te gāyaṃti paramaṃgalam || 56 ||
[Analyze grammar]

akṣaraṃ paramaṃ brahmatamavyaktākṛtiṃ vibhum |
adhyātmayogagamyaṃ tvāṃ paripūrṇaṃ stumo vayam || 57 ||
[Analyze grammar]

atīṃdriyamanādhāraṃ sarvādhāramahetukam |
anaṃtamādyaṃ sūkṣmaṃ tvāṃ praṇamāmo'khileśvaram || 58 ||
[Analyze grammar]

haryādayo'khilā devāstathā lokāścarācarāḥ |
nāmarūpavibhedena phalgvyā ca kalayā kṛtāḥ || 59 ||
[Analyze grammar]

yathārciṣognessavituryāṃti niryāṃti vāsakṛt |
gabhastayastathāyaṃ vai pravāho gauṇa ucyate || 60 ||
[Analyze grammar]

na tvaṃ devo 'suro martyo na tiryaṅ na dvijaḥ prabho |
na strī na ṣaṃḍho na pumānsadasanna ca kiṃcana || 61 ||
[Analyze grammar]

niṣedhaśeṣassarvaṃ tvaṃ viśvakṛdviśva pālakaḥ |
viśvalayakṛdviśvātmā praṇatāssmastamīśvaram || 62 ||
[Analyze grammar]

yogaraṃdhitakarmāṇo yaṃ prapaśyanti yoginaḥ |
yogasaṃbhāvite citte yogeśaṃ tvāṃ natā vayam || 63 ||
[Analyze grammar]

namostu te'sahyavega śaktitraya trayīmaya |
namaḥ prasannapālāya namaste bhūriśaktaye || 64 ||
[Analyze grammar]

kadiṃdriyāṇāṃ durgeśānavāpya paravartmane |
bhaktoddhāraratāyātha namaste gūḍhavarcase || 65 ||
[Analyze grammar]

yacchaktyāhaṃ dhiyātmānaṃ haṃta veda na mūḍhadhī |
taṃ duratyayamāhātmyaṃ tvāṃ nataḥ smo mahāprabhum || 66 ||
[Analyze grammar]

brahmovāca |
iti stutvā mahādevaṃ sarve viṣṇvādikāssurāḥ |
tūṣṇīmāsanprabhoragre sadbhaktinatakaṃdharāḥ || 67 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṃḍe naṃdāvratavidhānaśivastuti varṇanaṃ nāma paṃcadaśo'dhyāyaḥ || 15 ||
[Analyze grammar]