Chapter 13

[English text for this chapter is available]

nārada uvāca |
brahmanvidhe mahā prājña vada no vadatāṃ vara |
dakṣe gṛhaṃ gate prītyā kimabhūttadanaṃtaram || 1 ||
[Analyze grammar]

brahmovāca |
dakṣaḥ prajāpatirgatvā svāśramaṃ hṛṣṭamānasaḥ |
sargaṃ cakāra bahudhā mānasaṃ mama cājñayā || 2 ||
[Analyze grammar]

tamabṛṃhitamālokya prajāsargaṃ prajāpatiḥ |
dakṣo nivedayāmāsa brahmaṇe janakāya me || 3 ||
[Analyze grammar]

dakṣa uvāca |
brahmaṃstāta prajānātha varddhante na prajāḥ prabho |
mayā viracitāssarvāstāvatyo hi sthitāḥ khalu || 4 ||
[Analyze grammar]

kiṃ karomi prajānātha varddheyuḥ kathamātmanā |
tadupāyaṃ samācakṣva prajāḥ kuryāṃ na saṃśayaḥ || 5 ||
[Analyze grammar]

brahmovāca |
dakṣa prajāpate tāta śṛṇu me paramaṃ vacaḥ |
tatkuruṣva suraśreṣṭha śivaste śaṃ kariṣyati || 6 ||
[Analyze grammar]

yā ca pañcajanasyāṃga sutā ramyā prajāpateḥ |
asiknī nāma patnītve prajeśa pratigṛhyatām || 7 ||
[Analyze grammar]

vāmavyavāyadharmastvaṃ prajāsargamimaṃ punaḥ |
tadvidhāyāṃ ca kāminyāṃ bhūriśo bhāvayiṣyasi || 8 ||
[Analyze grammar]

brahmovāca |
tatassamutpādayituṃ prajā maithunadharmataḥ |
upayeme vīraṇasya nideśānme sutāṃ tataḥ || 9 ||
[Analyze grammar]

atha tasyāṃ svapatnyāṃ ca vīriṇyāṃ sa prajāpatiḥ |
haryaśvasaṃjñānayutaṃ dakṣaḥ putrānajījanat || 10 ||
[Analyze grammar]

apṛthagdharmaśīlāste sarva āsan sutā mune |
pitṛbhaktiratā nityaṃ vedamārgaparāyaṇāḥ || 11 ||
[Analyze grammar]

pitṛproktāḥ prajāsargakaraṇārthaṃ yayurdiśam |
pratīcīṃ tapase tāta sarve dākṣāyaṇāssutāḥ || 12 ||
[Analyze grammar]

tatra nārāyaṇasarastīrthaṃ paramapāvanam |
gamo yatra saṃjāto divyasindhusamudrayoḥ || 13 ||
[Analyze grammar]

tadupasparśanādeva protpannamatayo' bhavan |
dharme pāramahaṃse ca vinirddhūtamalāśayāḥ || 14 ||
[Analyze grammar]

prajāvivṛddhaye te vai tepira tatra sattamāḥ |
dākṣāyaṇā dṛḍhātmānaḥ pitrādeśa suyaṃtritāḥ || 15 ||
[Analyze grammar]

tvaṃ ca tān nārada jñātvā tapatassṛṣṭi hetave |
agamastatra bhūrīṇi hārdamājñāya māpateḥ || 16 ||
[Analyze grammar]

adṛṣṭvā taṃ bhuvassṛṣṭi kathaṃ kartuṃ samudyatāḥ |
haryaśvā dakṣatanayā ityavocastamādarāt || 17 ||
[Analyze grammar]

brahmovāca |
tanniśamyātha haryaśvāste tvaduktamataṃdritāḥ |
autpattikadhiyassarve svayaṃ vimamṛśurbhṛśam || 18 ||
[Analyze grammar]

suśāstrajanakādeśaṃ yo na veda nivartakam |
sa kathaṃ guṇaviśraṃbhī kartuṃ sargamupakramet || 19 ||
[Analyze grammar]

iti niścitya te putrāssudhiyaścaikacetasaḥ |
praṇamya taṃ parikramyāyurmārgamanivartakam || 20 ||
[Analyze grammar]

nārada tvaṃ manaśśaṃbhorloṃkānanyacaro mune |
nirvikāro maheśānamanovṛttikarastadā || 21 ||
[Analyze grammar]

kāle gate bahutare mama putraḥ prajāpatiḥ |
nāśaṃ niśamya putrāṇāṃ nāradādanvatapyata || 22 ||
[Analyze grammar]

muhurmuhuruvāceti suprajātvaṃ śucāṃ padam |
śuśoca bahuśo dakṣaśśivamāyāvimohitaḥ || 23 ||
[Analyze grammar]

ahamāgatya suprītyā sāṃtvayaṃ dakṣamātmajam |
śāṃtibhāvaṃ pradarśyaiva devaṃ prabalamityuta || 24 ||
[Analyze grammar]

atha dakṣaḥ paṃcajanyā mayā sa parisāṃtvitaḥ |
sabalāśvābhidhān् putrān sahasraṃ cāpyajījanat || 25 ||
[Analyze grammar]

tepi jagmustatra sutāḥ pitrādiṣṭā dṛḍhavratāḥ |
prajāsarge atra siddhāssvapūrvabhrātaro yayuḥ || 26 ||
[Analyze grammar]

tadupasparśanādeva naṣṭāghā vimalāśayāḥ |
tepurmahattapastatra japanto brahma suvratāḥ || 27 ||
[Analyze grammar]

prajāsargodyatāṃstān vai jñātvā gatveti nārada |
pūrvavaccāgado vākyaṃ saṃsmarannaiśvarīṃ gatim || 28 ||
[Analyze grammar]

bhrātṛpaṃthānamādiśya tvaṃ mune moghadarśanaḥ |
ayāścorddhvagatiṃ te'pi bhrātṛmārgaṃ yayussutāḥ || 29 ||
[Analyze grammar]

utpātān bahuśo'paśyattadaiva sa prajāpatiḥ |
vismitobhūtsa me putro dakṣo manasi duḥkhitaḥ || 30 ||
[Analyze grammar]

pūrvavattvatkṛtaṃ dakṣaśśuśrāva cakito bhṛśam |
putranāśaṃ śuśocāti putraśoka vimūrchitaḥ || 31 ||
[Analyze grammar]

cukrodha tubhyaṃ dakṣosau duṣṭoyamiti cābravīt |
āgatastatra daivāttvamanugrahakarastadā || 32 ||
[Analyze grammar]

śokāviṣṭassa dakṣo hi roṣavisphuritādharaḥ |
upalabhya tamāhatya dhigdhik procya vigarhayan || 33 ||
[Analyze grammar]

dakṣa uvāca |
kiṃ kṛtaṃ te'dhamaśreṣṭha sādhūnāṃ sādhuliṃgataḥ |
bhikṣomārgo'rbhakānāṃ vai darśitassādhukāri no || 34 ||
[Analyze grammar]

ṛṇaistribhiramuktānāṃ lokayorubhayoḥ kṛtaḥ |
vighātaśśreyaso'mīṣāṃ nirdayena śaṭhena te || 35 ||
[Analyze grammar]

ṛṇāni trīṇyapākṛtya yo gṛhātpravrajetpumān |
mātaraṃ pitaraṃ tyaktvā mokṣamicchanvrajatyadhaḥ || 36 ||
[Analyze grammar]

nirdayastvaṃ sunirlajjaśśiśudhībhidyaśo'pahā |
hareḥ pārṣadamadhye hi vṛthā carasi mūḍhadhīḥ || 37 ||
[Analyze grammar]

muhurmuhurabhadraṃ tvamacaro me'dhamā 'dhama |
vibhavedbhramataste'taḥ padaṃ lokeṣu sthiram || 38 ||
[Analyze grammar]

śaśāpeti śucā dakṣastvāṃ tadā sādhusaṃmatam |
bubodha neśvarecchāṃ sa śivamāyāvimohitaḥ || 39 ||
[Analyze grammar]

śāpaṃ pratyagrahīśca tvaṃ sa mune nirvikāradhīḥ |
eṣa eva brahmasādho sahate sopi ca svayam || 40 ||
[Analyze grammar]

iti śrīśiva mahāpurāṇe dvitīyāyāṃ rudrasaṃhitāyāṃ dvi0 satīkhaṃḍe dakṣasṛṣṭau nāradaśāpo nāma trayodaśo'dhyāyaḥ || 13 ||
[Analyze grammar]