Chapter 12

[English text for this chapter is available]

nārada uvāca |
brahman śaṃbhuvara prājña samyaguktaṃ tvayānagha |
śivāśivacaritraṃ ca pāvitaṃ janma me hitam || 1 ||
[Analyze grammar]

idānīṃ vada dakṣastu tapaḥ kṛtvā dṛḍhavrataḥ |
kaṃ varaṃ prāpa devyāstu kathaṃ sā dakṣajā'bhavat || 2 ||
[Analyze grammar]

brahmovāca |
śṛṇu nārada dhanyastvaṃ munibhirbhaktitokhilaiḥ |
yathā tepe tapo dakṣo varaṃ prāpa ca suvrataḥ || 3 ||
[Analyze grammar]

madājñaptassudhīrdakṣassamādhāya mahādhipaḥ |
apādyaṣṭuṃ ca tāṃ devīṃ tatkāmo jagadaṃbikām || 4 ||
[Analyze grammar]

kṣīrodottaratīrasthāṃ tāṃ kṛtvā hṛdayasthitām |
tapastaptuṃ samārebhe druṣṭuṃ pratyakṣatombikām || 5 ||
[Analyze grammar]

divyavarṣeṇa dakṣastu sahasrāṇāṃ trayaṃ samāḥ |
tapaścacāra niyatassaṃ yatātmā dṛḍhavrataḥ || 6 ||
[Analyze grammar]

mārutāśī nirāhāro jalāhārī ca parṇabhuk |
evaṃ nināya taṃ kālaṃ ciṃtayantāṃ jaganmayīm || 7 ||
[Analyze grammar]

durgādhyānasamāsaktaściraṃ kālaṃ taporataḥ |
niyamairbahubhirdevīmārādhayati suvrataḥ || 8 ||
[Analyze grammar]

tato yamādiyuktasya dakṣasya munisattama |
jagadambā pūjayataḥ pratyakṣamabhavacchivā || 9 ||
[Analyze grammar]

tataḥ pratyakṣato dṛṣṭvā jagadambāṃ jaganmayīm |
kṛtakṛtyamathātmānaṃ mene dakṣaḥ prajāpatiḥ || 10 ||
[Analyze grammar]

siṃhasthāṃ kālikāṃ kṛṣṇāṃ cāruvaktrāṃ caturbhujām |
varadābhayanīlābjakhaḍgahastāṃ manoharām || 11 ||
[Analyze grammar]

āraktanayanāṃ cārumuktakeśīṃ jagatprasūm |
tuṣṭāva vāgbhiścitrābhiḥ supraṇamyātha suprabhām || 12 ||
[Analyze grammar]

dakṣa uvāca |
jagadeva mahāmāye jagadīśe maheśvari |
kṛpāṃ kṛtvā namastestu darśitaṃ svavapurmama || 13 ||
[Analyze grammar]

prasīda bhagavatyādye prasīda śivarūpiṇam |
prasīda bhaktavarade jaganmāye namostu te || 14 ||
[Analyze grammar]

brahmovāca |
iti stutā maheśānī dakṣeṇa prayatātmanā |
uvāca dakṣaṃ jñātvāpi svayaṃ tasyepsitaṃ mune || 15 ||
[Analyze grammar]

devyuvāca |
tuṣṭāhaṃ dakṣa bhavatassadbhaktyā hyanayā bhṛśam |
varaṃ vṛṇīṣva svābhīṣṭaṃ nādeyaṃ vidyate tava || 16 ||
[Analyze grammar]

brahmovāca |
jagadambāvacaśśrutvā tato dakṣaḥ prajāpatiḥ |
suprahṛṣṭataraḥ prāha nāmaṃ nāmaṃ ca tāṃ śivām || 17 ||
[Analyze grammar]

dakṣa uvāca |
jagadambā mahāmāye yadi tvaṃ varadā mama |
madvacaḥ śṛṇu suprītyā mama kāmaṃ prapūraya || 18 ||
[Analyze grammar]

mama svāmī śivo yo hi sa jāto brahmaṇastutaḥ |
rudranāmā pūrṇarūpāvatāraḥ paramātmanaḥ || 19 ||
[Analyze grammar]

tavāvatāro no jātaḥ kā tatpatnī bhavedataḥ |
taṃ mohaya maheśānamavatīrya kṣitau śive || 20 ||
[Analyze grammar]

tvadṛte tasya mohāya na śaktānyā kadācana |
tasmānmama sutā bhūtvā harajāyābhavā'dhunā || 21 ||
[Analyze grammar]

itthaṃ kṛtvā sulīlā ca bhava tvaṃ hara mohinī |
mamaivaiṣa varo devi satyamuktaṃ tavāgrataḥ || 22 ||
[Analyze grammar]

kevalaṃ svārthamiti ca sarveṣāṃ jagatāmapi |
brahmaviṣṇuśivānāṃ ca brahmaṇā prerito hyaham || 23 ||
[Analyze grammar]

brahmovāca |
ityākarṇya prajeśasya vacanaṃ jagadambikā |
pratyuvāca vihasyeti smṛtvā taṃ manasā śivam || 24 ||
[Analyze grammar]

devyuvāca |
tāta prajāpate dakṣa śṛṇu me paramaṃ vacaḥ |
satyaṃ bravīmi tvadbhaktyā suprasannākhilapradā || 25 ||
[Analyze grammar]

ahaṃ tava sutā dakṣa tvajjāyāyāṃ maheśvarī |
bhaviṣyāmi na saṃdehastvadbhaktivaśavartinī || 26 ||
[Analyze grammar]

tathā yatnaṃ kariṣyāmi tapaḥ kṛtvā sudussaham |
harajāyā bhaviṣyāmi tadvaraṃ prāpya cānagha || 27 ||
[Analyze grammar]

nānyathā kāryasiddhirhi nirvikārī ca sa prabhuḥ |
vidherviṣṇośca saṃsevyaḥ pūrṇa eva sadāśivaḥ || 28 ||
[Analyze grammar]

ahaṃ tasya sadā dāsī priyā janmani janmani |
mama svāmī sa vai śaṃbhurnānārūpadharopi ha || 29 ||
[Analyze grammar]

varaprabhāvādbhrukuṭeravatīrṇo vidhesma ca |
ahaṃ tadvaratopīhāvatariṣye tadājñayā || 30 ||
[Analyze grammar]

gaccha svabhavanaṃ tāta mayā jñātā tu dūtikā |
harajāyā bhaviṣyāmi bhūtā te tanayācirāt || 31 ||
[Analyze grammar]

ityuktvā sadvaco dakṣaṃ śivājñāṃ prāpya cetasi |
punaḥ provāca sā devī smṛtvā śivapadāmbujam || 32 ||
[Analyze grammar]

parantu paṇa ādheyo manasā te prajāpate |
śrāvayiṣyāmi te taṃ vai satyaṃ jānīhi no mṛṣā || 33 ||
[Analyze grammar]

yadā bhavān mayi punarbhavenmaṃdādarastapā |
dehaṃ tyakṣye nijaṃ satyaṃ svātmanyasmyatha vetaram || 34 ||
[Analyze grammar]

eṣa dattastava varaḥ pratisargaṃ prajāpate |
ahaṃ tava sutā bhūtvā bhaviṣyāmi harapriyā || 35 ||
[Analyze grammar]

brahmovāca || evamuktvā maheśānī dakṣaṃ mukhyaprajāpatim |
aṃtardadhe drutaṃ tatra samyag dakṣasya paśyataḥ || 36 ||
[Analyze grammar]

aṃtarhitāyāṃ durgāyāṃ sa dakṣopi nijāśramam |
jagāma ca mudaṃ lebhe bhaviṣyati suteti sā || 37 ||
[Analyze grammar]

iti śrīśivamahā purāṇe dvitīyāyāṃ rudrasaṃhitāyāṃ dvitīye satīkhaṃḍe dakṣavaraprāptivarṇano nāma dvādaśo'dhyāyaḥ || 12 ||
[Analyze grammar]