Chapter 10

[English text for this chapter is available]

nārada uvāca |
brahman vidhe mahābhāga dhanyastvaṃ śivasaktadhīḥ |
kathitaṃ sucaritraṃ te śaṃkarasya parātmanaḥ || 1 ||
[Analyze grammar]

nijāśrame gate kāme sagaṇe saratau tataḥ |
kimāsītkimakārṣīstvaṃ taścaritraṃ vadādhunā || 2 ||
[Analyze grammar]

brahmovāca |
śṛṇu nārada suprītyā caritraṃ śaśimaulinaḥ |
yasya śravaṇamātreṇa nirvikāro bhavennaraḥ || 3 ||
[Analyze grammar]

nijāśramaṃ gate kāme parivārasamanvite |
yadbabhūva tadā jātaṃ taccaritraṃ nibodha me || 4 ||
[Analyze grammar]

naṣṭobhūnnārada mado vismayo'bhūcca me hṛdi |
nirānaṃdasya ca mune'pūrṇo nijamanorathe || 5 ||
[Analyze grammar]

aśocaṃ bahudhā citte gṛhṇīyātsa kathaṃ striyam |
nirvikārī jitātmā sa śaṃkaro yogatatparaḥ || 6 ||
[Analyze grammar]

itthaṃ vicārya bahudhā tadāhaṃ vimado mune |
hariṃ taṃ so'smaraṃ bhaktyā śivātmānaṃ svadehadam || 7 ||
[Analyze grammar]

astavaṃ ca śubhastotrairdīnavākyasamanvitaiḥ |
tacchrutvā bhagavānāśu babhūvāvirhi me purā || 8 ||
[Analyze grammar]

caturbhujoraviṃdākṣaḥ śaṃravavārja gadādharaḥ |
lasatpīta paṭaśśyāmatanurbhaktapriyo hariḥ || 9 ||
[Analyze grammar]

taṃ dṛṣṭvā tādṛśamahaṃ suśaraṇyaṃ muhurmuhuḥ |
astavaṃ ca punaḥ premṇā bāṣpagadgadayā girā || 10 ||
[Analyze grammar]

harirākarṇya tatstotraṃ suprasanna uvāca mām |
duḥkhahā nijabhaktānāṃ brahmāṇaṃ śaraṇaṃ gatam || 11 ||
[Analyze grammar]

hariruvāca |
vidhe brahman mahāprājña dhanyastvaṃ lokakāraka |
kimarthaṃ smaraṇaṃ me'dya kṛtaṃ ca kriyate nutiḥ || 12 ||
[Analyze grammar]

kiṃ jātaṃ te mahadduḥkhaṃ madagre tadvadādhunā |
śamayiṣyāmi tatsarvaṃ nātra kāryyā vicāraṇā || 13 ||
[Analyze grammar]

brahmovāca |
iti viṣṇorvacaśśrutvā kiṃciducchavasitānanaḥ |
avoca vacanaṃ viṣṇuṃ praṇamya sukṛtāṃjaliḥ || 14 ||
[Analyze grammar]

brahmovāca |
devadeva ramānātha madvārtāṃ śṛṇu mānada |
śrutvā ca karuṇāṃ kṛtvā hara duḥkhaṃ kamāvaha || 15 ||
[Analyze grammar]

rudrasaṃmohanārthaṃ hi kāmaṃ preṣitavānaham |
parivārayutaṃ viṣṇo samāramadhubāṃdhavam || 16 ||
[Analyze grammar]

cakruste vividhopāyān niṣphalā abhavaṃśca te |
abhavattasya saṃmoho yoginassamadarśinaḥ || 17 ||
[Analyze grammar]

ityākarṇya vaco me sa harirmāṃ prāha vismitaḥ |
vijñātākhiladajñānī śivatattvaviśāradaḥ || 18 ||
[Analyze grammar]

|| viṣṇuruvāca |
kasmāddhetoriti matistava jātā pitāmaha |
sarvaṃ vicārya sudhiyā brahman satyaṃ hi tadvada || 19 ||
[Analyze grammar]

brahmovāca |
śṛṇu tāta caritraṃ tat tava māyā vimohinī |
tadadhīnaṃ jagatsarvaṃ sukhaduḥkhāditatparam || 20 ||
[Analyze grammar]

yayaiva preṣitaścāhaṃ pāpaṃ kartuṃ samudyataḥ |
āsaṃ tacchṛṇu deveśa vadāmi tava śāsanāt || 21 ||
[Analyze grammar]

sṛṣṭiprāraṃbhasamaye daśa putrā hi jajñire |
dakṣādyāstanayā caikā vāgbhavāpyatisundarī || 22 ||
[Analyze grammar]

dharmo vakṣaḥsthalātkāmo manasonyopi dehataḥ |
jātāstatra sutāṃ dṛṣṭvā mama moho bhavaddhare || 23 ||
[Analyze grammar]

kudṛṣṭyā tāṃ samadrākṣa tava māyāvimohitaḥ |
tatkṣaṇāddhara āgatya māmanindatsutānapi || 24 ||
[Analyze grammar]

dhikkāraṃ kṛtavān sarvānnijaṃ matvā paraprabhum |
jñāninaṃ yoginaṃ nāthābhoginaṃ vijitendriyam || 25 ||
[Analyze grammar]

putro bhūtvā mama hare'nindanmāṃ ca samakṣataḥ |
iti duḥkhaṃ mahanme hi taduktaṃ tava sannidhau || 26 ||
[Analyze grammar]

gṛhṇīyādyadi patnīṃ sa syāṃ sukhī naṣṭaduḥkhadhī |
etadarthaṃ samāyātuśśaraṇaṃ tava keśava || 27 ||
[Analyze grammar]

brahmovāca |
ityākarṇya vaco me hi brahmaṇo madhusūdanaḥ |
vihasya māṃ drutaṃ prāha harṣayanbhavakārakam || 28 ||
[Analyze grammar]

viṣṇuruvāca |
vidhe śṛṇu hi madvākyaṃ sarvaṃ bhramanivāraṇam |
sarvaṃ vedāgamādīnāṃ saṃmataṃ paramārthataḥ || 29 ||
[Analyze grammar]

mahāmūḍhamatiścādya saṃjātosi kathaṃ vidhe |
vedavaktāpi nikhilalokakarttā hi durmatiḥ || 30 ||
[Analyze grammar]

jaḍatāṃ tyaja mandātman kuru tvaṃ nedṛśīṃ matim |
kiṃ bruvaṃtyakhilā vedāḥ stutyā tatsmara saddhiyā || 31 ||
[Analyze grammar]

rudraṃ jānāsi durbuddhe svasutaṃ parameśvaram |
vedavaktāpi vijñānaṃ vismṛtaṃ tekhilaṃ vidhe || 32 ||
[Analyze grammar]

śaṃkaraṃ surasāmānyaṃ matvā drohaṃ karoṣi hi |
subuddhirvigatā tedyāvirbhūtā kumatistathā || 33 ||
[Analyze grammar]

tattvasiddhāṃtamākhyātaṃ śṛṇu sadbuddhimāvaha |
yathārthaṃ nigamākhyātaṃ nirṇīya bhavakārakam || 34 ||
[Analyze grammar]

śivassarvasvakartā hi bhartā hartā parātparaḥ |
parabrahma pareśaśca nirguṇo nitya eva ca || 35 ||
[Analyze grammar]

anirdeśyo nirvikārī paramātmā'dvayo'cyutaḥ |
anaṃtoṃtakaraḥ svāmī vyāpakaḥ parameśvaraḥ || 36 ||
[Analyze grammar]

sṛṣṭisthitivināśānāṃ karttā triguṇabhāgvibhuḥ |
brahmaviṣṇumaheśākhyo rajassattva tamaḥparaḥ || 37 ||
[Analyze grammar]

māyābhinno nirīhaśca māyo māyāviśāradaḥ |
saguṇopi svataṃtraśca nijānaṃdo vikalpakaḥ || 38 ||
[Analyze grammar]

ātmā rāmo hi nirdvandvo bhaktādhīnassuvigrahaḥ |
yogī yogarato nityaṃ yogamārgapradarśakaḥ || 39 ||
[Analyze grammar]

garvāpahārī lokeśassarvadā dīnavatsalaḥ |
etādṛśo hi yaḥ svāmī svaputraṃ manyase hi tam || 40 ||
[Analyze grammar]

īdṛśaṃ tyaja kujñānaṃ śaraṇaṃ vraja tasya vai |
bhaja sarvātmanā śambhuṃ santuṣṭaśśaṃ vidhāsyati || 41 ||
[Analyze grammar]

gṛhṇīyācchaṃkaraḥ patnīṃ vicāro hṛdi cettava |
śivāmuddiśya sutapaḥ kuru brahman śivaṃ smaran || 42 ||
[Analyze grammar]

kuru dhyānaṃ śivāyātsvaṃ kāmamuddiśya taṃ hṛdi |
sā cetprasannā deveśī sarvaṃ kāryaṃ vidhāsyati || 43 ||
[Analyze grammar]

kṛtvāvatāraṃ saguṇā yadi syānmānuṣī śivā |
kasyacittanayā loke sā tatpatnī bhaveddhruvam || 44 ||
[Analyze grammar]

dakṣamājñāpaya brahman tapaḥ kuryyātprayatnataḥ |
tāmutpādayituṃ patnīṃ śivārthaṃ bhaktitatsvataḥ || 45 ||
[Analyze grammar]

bhaktādhīnau ca tau tāta suvijñeyau śivāśivau |
svecchayā saguṇau jātau parabrahmasvarūpiṇau || 46 ||
[Analyze grammar]

brahmovāca |
ityuktvā tatkṣaṇaṃ meśaśśivaṃ sasmāra svaprabhum |
kṛpayā tasya saṃprāpya jñānamūce ca māṃ tataḥ || 47 ||
[Analyze grammar]

viṣṇuruvāca |
vidhe smara puroktaṃ yadvacanaṃ śaṃkareṇa ca |
prārthitena yadāvābhyāmutpannābhyāṃ tadicchayā || 48 ||
[Analyze grammar]

vismṛtaṃ tava tatsarvaṃ dhanyā yā śāṃbhavī parā |
tayā saṃmohitaṃ sarvaṃ durvijñeyā śivaṃ vinā || 49 ||
[Analyze grammar]

yadā hi saguṇo jātassvecchayā nirguṇaśśivaḥ |
māmutpādya tatastvāṃ ca svaśaktyā suvihārakṛt || 50 ||
[Analyze grammar]

upādideśa tvāṃ śambhussṛṣṭikāryaṃ tadā prabhuḥ |
tatpālanaṃ ca māṃ brahman somassūtikaro'vyayaḥ || 51 ||
[Analyze grammar]

tadā vāṃ veśma saṃprāptau sāṃjalī natamastakau |
bhava tvamapi sarveśo'vatārī guṇarūpadhṛk || 52 ||
[Analyze grammar]

ityuktaḥ prāha sa svāmī vihasya karuṇānvitaḥ |
divamudvīkṣya suprītyā nānālīlāviśāradaḥ || 53 ||
[Analyze grammar]

madrūpaṃ paramaṃ viṣṇo īdṛśaṃ hyaṃgato vidheḥ |
prakaṭībhavitā loke nāmnā rudraḥ prakīrtitaḥ || 54 ||
[Analyze grammar]

pūrṇarūpassa me pūjyassadā vāṃ sarvakāmakṛt |
layakarttā guṇādhyakṣo nirviśeṣaḥ suyogakṛt || 55 ||
[Analyze grammar]

tridevā api me rūpaṃ haraḥ pūrṇo viśeṣataḥ |
umāyā api rūpāṇi bhaviṣyaṃti tridhā sutāḥ || 56 ||
[Analyze grammar]

lakṣmīrnāma hareḥ patnī brahmapatnī sarasvatī |
pūrṇarūpā satī nāma rudrapatnī bhaviṣyati || 57 ||
[Analyze grammar]

viṣṇuruvāca |
ityuktvāṃtarhito jātaḥ kṛpāṃ kṛtvā maheśvaraḥ |
abhūtāṃ sukhināvāvāṃ svasvakāryaparāyaṇau || 58 ||
[Analyze grammar]

samayaṃ prāpya sastrīkāvāvāṃ brahmanna śaṃkaraḥ |
avatīrṇassvayaṃ rudranāmā kailāsasaṃśrayaḥ || 59 ||
[Analyze grammar]

avatīrṇā śivā syātsā satīnāma prajeśvara |
tadutpādanahetorhi yatnotaḥ kārya eva vai || 60 ||
[Analyze grammar]

ityuktvāṃtardadhe viṣṇuḥ kṛtvā sa karuṇāṃ param |
prāpnuvaṃ pramudaṃ cātha hyadhikaṃ gatamatsaraḥ || 61 ||
[Analyze grammar]

iti śrīśivamahāpurāṇe dvitīyāyāṃ rudrasahitāyāṃ dvitīye satīkhaṇḍe brahmaviṣṇusaṃvādo nāma daśamo'dhyāyaḥ || 10 ||
[Analyze grammar]