Chapter 14

[English text for this chapter is available]

ṛṣaya ūcuḥ |
vyāsaśiṣya mahābhāga kathaya tvaṃ pramāṇataḥ |
kaiḥ puṣpaiḥ pūjitaśśaṃbhuḥ kiṃ kiṃ yacchati vai phalam || 1 ||
[Analyze grammar]

|| sūta uvāca |
śaunakādyāśca ṛṣayaḥ śṛṇutādarato'khilam |
kathayāmyadya suprītyā puṣpārpaṇavinirṇayam || 2 ||
[Analyze grammar]

eṣa eva vidhiḥ pṛṣṭo nāradena maharṣiṇā |
provāca paramaprītyā puṣpārpaṇavinirṇayam || 3 ||
[Analyze grammar]

brahmovāca |
kamalairbilvapatraiśca śatapatraistathā punaḥ |
śaṃkhapuṣpaistathā devaṃ lakṣmīkāmo'rcayecchivam || 4 ||
[Analyze grammar]

etaiśca lakṣasaṃkhyākaiḥ pūjitaścedbhavecchivaḥ |
pāpahānistathā vipra lakṣmīssyānnātra saṃśayaḥ || 5 ||
[Analyze grammar]

viṃśatiḥ kamalānāṃ tu prasthamekamudāhṛtam |
bilvo dalasahasreṇa prasthārddhaṃ paribhāṣitam || 6 ||
[Analyze grammar]

śatapatrasahasreṇa prasthārddhaṃ paribhāṣitam |
palaiḥ ṣoḍaśabhiḥ pratthaḥ palaṃ ṭaṃkadaśasmṛtaḥ || 7 ||
[Analyze grammar]

anenaiva tu mānena tulāmāropayedyadā |
sarvānkāmānavāpnoti niṣkāmaścecchivo bhavet || 8 ||
[Analyze grammar]

rājyasya kāmuko yo vai pārthivānāṃ ca pūjayā |
toṣayecchaṃkaraṃ devaṃ daśakoṣṭyā munīśvarāḥ || 9 ||
[Analyze grammar]

liṃgaṃ śivaṃ tathā puṣpamakhaṇḍaṃ taṃdulaṃ tathā |
carcitaṃ caṃdanenaiva jaladhārāṃ tathā punaḥ || 10 ||
[Analyze grammar]

pratirūpaṃ tathā maṃtraṃ bilvīdalamanuttamam |
athavā śatapatraṃ ca kamalaṃ vā tathā punaḥ || 11 ||
[Analyze grammar]

śaṃkhapuṣpaistathā proktaṃ viśeṣeṇa purātanaiḥ |
sarvakāmaphalaṃ divyaṃ paratrehāpi sarvathā || 12 ||
[Analyze grammar]

dhūpaṃ dīpaṃ ca naivedyamarghaṃ cārārtika tathā |
pradakṣiṇāṃ namaskāraṃ kṣamāpanavisarjane || 33 ||
[Analyze grammar]

kṛtvā sāṃgaṃ tathā bhojyaṃ kṛtaṃ yena bhavediha |
tasya vai sarvathā rājyaṃ śaṃkaraḥ pradadāti ca || 14 ||
[Analyze grammar]

pradhānyakāmuko yo vai tadarddhenārcayetpumān |
kārāgṛhagato yo vai lakṣenaivārcayeddhanam || 15 ||
[Analyze grammar]

rogagrasto yadā syādvai tadarddhenārcayecchivam |
kanyākāmo bhavedyo vai tadarddhena śivaṃ punaḥ || 16 ||
[Analyze grammar]

vidyākāmastathā yaḥ syāttadarddhenārcayecchivam |
vāṇīkāmo bhavedyo vai ghṛtenaivārcayecchivam || 17 ||
[Analyze grammar]

uccāṭanārthaṃ śatrūṇāṃ tanmitenaiva pūjanam |
māraṇe vai tu lakṣeṇa mohane tu tadardhataḥ || 18 ||
[Analyze grammar]

sāmaṃtānāṃ jaye caiva koṭipūjā praśasyate |
rājñāmayutasaṃkhyaṃ ca vaśīkaraṇakarmaṇi || 19 ||
[Analyze grammar]

yaśase ca tathā saṃkhyā vāhanādyaiḥ sahasrikā |
muktikāmorcayecchaṃbhuṃ paṃcakoṭyā subhaktitaḥ || 20 ||
[Analyze grammar]

jñānārthī pūjayetkoṭyā śaṃkaraṃ loka śaṃkaram |
śivadarśanakāmo vai tadardhena prapūjayet || 21 ||
[Analyze grammar]

tathā mṛtyuṃjayo jāpyaḥ kāmanāphalarūpataḥ |
paṃcalakṣā japā yarhi pratyakṣaṃ tu bhavecchivaḥ || 22 ||
[Analyze grammar]

lakṣeṇa bhajate kaściddvitīye jātisaṃbhavaḥ |
tṛtīye kāmanālābhaścaturthe taṃ prapaśyati || 23 ||
[Analyze grammar]

paṃcamaṃ ca yadā lakṣaṃ phalaṃ yacchatyasaṃśayam |
anenaiva tu maṃtreṇa daśalakṣe phalaṃ bhavet || 24 ||
[Analyze grammar]

muktikāmo bhavedyo vai darbhaiśca pūjanaṃ caret |
lakṣasaṃkhyā tu sarvatra jñātavyā ṛṣisattama || 25 ||
[Analyze grammar]

āyuṣkāmo bhavedyo vai dūrvābhiḥ pūjanaścaret |
putrakāmo bhavedyo vai dhattūrakusumaiścaret || 26 ||
[Analyze grammar]

raktadaṇḍaśca dhattūraḥ pūjane śubhadaḥ smṛtaḥ |
agastyakusumaiścaiva pūjakasya mahadyaśaḥ || 27 ||
[Analyze grammar]

bhuktimuktiphalaṃ tasya tulasyāḥ pūjayedyadi |
arkapuṣpaiḥ pratāpaśca kubjakalhārakaistathā || 28 ||
[Analyze grammar]

japākusumapūjā tu śatrūṇāṃ mṛtyudā smṛtā |
rogoccāṭanakānīha karavīrāṇi vai kramāt || 29 ||
[Analyze grammar]

baṃdhukairbhūṣaṇāvāptirjātyāvāhānna saṃśayaḥ |
atasīpuṣpakairdevaṃ viṣṇuvallabhatāmiyāt || 30 ||
[Analyze grammar]

śamīpatraistathā muktiḥ prāpyate puruṣeṇa ca |
mallikākusumairdattaiḥ striyaṃ śubhatarāṃ śivaḥ || 31 ||
[Analyze grammar]

yūthikākusumaiśśasyairgṛhaṃ naiva vimucyate |
karṇikāraistathā vastrasaṃpattirjāyate nṛṇām || 32 ||
[Analyze grammar]

nirguṇḍīkusumairloke mano nirmalatāṃ vrajet |
bilvapatraistathā lakṣaiḥ sarvānkāmānavāpnuyāt || 33 ||
[Analyze grammar]

śṛṅgārahārapuṣpaistu varddhate sukha sampadā |
ṛtujātāni puṣpāṇi muktidāni na saṃśayaḥ || 34 ||
[Analyze grammar]

rājikākusumānīha śatrūṇāṃ mṛtyudāni ca |
eṣāṃ lakṣaṃ śive dadyāddadyācca vipulaṃ phalam || 35 ||
[Analyze grammar]

vidyate kusumaṃ tanna yannaiva śivavallabham |
caṃpakaṃ ketakaṃ hitvā tvanyatsarvaṃ samarpayet || 36 ||
[Analyze grammar]

ataḥ paraṃ ca dhānyānāṃ pūjane śaṃkarasya ca |
pramāṇaṃ ca phalaṃ sarvaṃ prītyā śṛṇu ca sattama || 37 ||
[Analyze grammar]

taṃdulāropaṇe nṝṇāṃ lakṣmī vṛddhiḥ prajāyate |
akhaṇḍitavidhau vipra samyagbhaktyā śivopari || 38 ||
[Analyze grammar]

ṣaṭkenaiva tu prasthānāṃ tadardhena tathā punaḥ |
paladvayaṃ tathā lakṣamānena samadāhṛtam || 39 ||
[Analyze grammar]

pūjāṃ rudrapradhānena kṛtvā vastraṃ susundaram |
śivopari nyasettatra taṃdulārpaṇamuttamam || 40 ||
[Analyze grammar]

upari śrīphalaṃ tvekaṃ gaṃdhapuṣpādibhistathā |
ropayitvā ca dhūpādi kṛtvā pūjāphalaṃ bhavet || 41 ||
[Analyze grammar]

prajāpatyadvayaṃ raupyamāsaṃkhyā ca dakṣiṇā |
deyā tadupadeṣṭre hi śaktyā vā dakṣiṇā matā || 42 ||
[Analyze grammar]

ādityasaṃkhyayā tatra brāhmaṇānbhojayettataḥ |
lakṣapūjā tathā jātā sāṅgaśca mantrapūrvakam || 43 ||
[Analyze grammar]

śatamaṣṭottaraṃ tatra maṃtre vidhirudāhṛtaḥ |
tilānāṃ ca palaṃ lakṣaṃ mahāpātakanāśanam || 44 ||
[Analyze grammar]

ekādaśapalaireva lakṣamānamudāhṛtam |
pūrvavatpūjanaṃ tatra kartavyaṃ hitakāmyayā || 45 ||
[Analyze grammar]

bhojyā vai brāhmaṇāstasmādatra kāryā nareṇa hi |
mahāpātakajaṃ dukhaṃ tatkṣaṇānnaśyati dhruvam || 46 ||
[Analyze grammar]

yavapūjā tathā proktā lakṣeṇa paramā śive |
prasthānāmaṣṭakaṃ caiva tathā prasthārddhakaṃ punaḥ || 47 ||
[Analyze grammar]

paladvayayutaṃ tatra mānametatpurātanam |
yavapūjā ca munibhiḥ svargasaukhyavivarddhinī || 48 ||
[Analyze grammar]

prājāpatyaṃ brāhmaṇānāṃ kartavyaṃ ca phalepsubhiḥ |
godhūmānnaistathā pūjā praśastā śaṃkarasya vai || 49 ||
[Analyze grammar]

saṃtatirvarddhate tasya yadi lakṣāvadhiḥ kṛtā |
droṇārddhena bhavellakṣaṃ vidhānaṃ vidhipūrvakam || 50 ||
[Analyze grammar]

mudgānāṃ pūjane devaḥ śivo yacchati vai sukham |
prasthānāṃ saptakenaiva prasthārddhenāthavā punaḥ || 51 ||
[Analyze grammar]

paladvayayutenaiva lakṣamuktaṃ purātanaiḥ |
brāhmaṇāśca tathā bhojyā rudrasaṃkhyāpramāṇataḥ || 52 ||
[Analyze grammar]

priyaṃgupūjanādeva dharmādhyakṣe parātmani |
dharmārthakāmā varddhaṃte pūjā sarvasukhāvahā || 53 ||
[Analyze grammar]

prasthaikena ca tasyoktaṃ lakṣamekaṃ purātanaiḥ |
brahmabhojaṃ tathā proktamarkasaṃkhyāpramāṇataḥ || 54 ||
[Analyze grammar]

rājikāpūjanaṃ śaṃbhośśatrormṛtyukaraṃ smṛtam |
sārṣapānāṃ tathā lakṣaṃ palairviśatisaṃkhyayā || 55 ||
[Analyze grammar]

teṣāṃ ca pūjanādeva śatrormṛtyurudāhṛtaḥ |
āḍhakīnāṃ dalaiścaiva śobhayitvārcayecchivam || 56 ||
[Analyze grammar]

vṛtā gauśca pradātavyā balīvardastathaiva ca |
marīcisaṃbhavā pūjā śatrornāśakarī smṛtā || 57 ||
[Analyze grammar]

āḍhakīnāṃ dalaiścaiva raṃjayi tvārcayecchivam |
nānāsukhakarī hyeṣā pūjā sarvaphalapradā || 58 ||
[Analyze grammar]

dhānyamānamiti proktaṃ mayā te munisattama |
lakṣamānaṃ tu puṣpāṇāṃ śṛṇu prītyā munīśvara || 59 ||
[Analyze grammar]

prasthānāṃ ca tathā caikaṃ śaṃkhapuṣpasamudbhavam |
proktaṃ vyāsena lakṣaṃ hi sūkṣmamānapradarśinā || 60 ||
[Analyze grammar]

prasthairekādaśairjātilakṣamānaṃ prakīrtitam |
yūthikāyāstathā mānaṃ rājikāyāstadarddhakam || 61 ||
[Analyze grammar]

prasthairviṃśatikaiścaiva mallikāmāna muttamam |
tilapuṣpaistathā mānaṃ prasthānnyūnaṃ tathaiva ca || 62 ||
[Analyze grammar]

tataśca dviguṇaṃ mānaṃ karavīrabhave smṛtam |
nirguṃḍīkusume mānaṃ tathaiva kathitaṃ budhaiḥ || 63 ||
[Analyze grammar]

karṇikāre tathā mānaṃ śirīṣakusume punaḥ |
baṃdhujīve tathā mānaṃ prasthānaṃ daśakena ca || 64 ||
[Analyze grammar]

ityādyairvividhai mānaṃ dṛṣṭvā kuryācchivārcanam |
sarvakāmasamṛdhyarthaṃ muktyarthaṃ kāmanojjhitaḥ || 65 ||
[Analyze grammar]

ataḥ paraṃ pravakṣyāmi dhārāpūjāphalaṃ mahat |
yasya śravaṇamātreṇa kalyāṇaṃ jāyate nṛṇām || 66 ||
[Analyze grammar]

vidhānapūrvakaṃ pūjāṃ kṛtvā bhaktyā śivasya vai |
paścācca jaladhārā hi kartavyā bhaktitatparaiḥ || 67 ||
[Analyze grammar]

jvarapralāpaśāṃtyarthaṃ jala dhārā śubhāvahā |
śatarudriyamaṃtreṇa rudrasyaikādaśena tu || 68 ||
[Analyze grammar]

rudrajāpyena vā tatra sūkten pauruṣeṇa vā |
ṣaḍaṃgenātha vā tatra mahāmṛtyuṃjayena ca || 69 ||
[Analyze grammar]

gāyatryā vā namoṃtaiśca nāmabhiḥ praṇavādibhiḥ |
maṃtraivāthāgamoktaiśca jaladhārādikaṃ tathā || 70 ||
[Analyze grammar]

sukhasaṃtānavṛddhyarthaṃ dhārāpūjanamuttamam |
nānādravyaiḥ śubhairdivyaiḥ prītyā sadbhasmadhāriṇā || 71 ||
[Analyze grammar]

ghṛtadhārā śive kāryā yāvanmaṃtrasahasrakam |
tadā vaṃśasya vistāro jāyate nātra saṃśayaḥ || 72 ||
[Analyze grammar]

evaṃ maduktamaṃtreṇa kāryaṃ vai śivapūjanam |
brahmabhojyaṃ tathā proktaṃ prājāpatyaṃ munīśvaraiḥ || 73 ||
[Analyze grammar]

kevalaṃ dugdhadhārā ca tadā kāryā viśeṣataḥ |
śarkarāmiśritā tatra yadā buddhijaḍo bhavet || 74 ||
[Analyze grammar]

tasyā saṃjāyate jīvasadṛśī buddhiruttamā |
yāvanmaṃtrāyutaṃ na syāttāvaddhārāprapūjanam || 75 ||
[Analyze grammar]

yadā coccāṭanaṃ dehe jāyate kāraṇaṃ vinā |
yatra kutrāpi vā prema duḥkhaṃ ca parivarddhitam || 76 ||
[Analyze grammar]

svagṛhe kalaho nityaṃ yadā caiva prajāyate |
taddhārāyāṃ kṛtāyāṃ vai sarvaṃ duḥkhaṃ vilīyate || 77 ||
[Analyze grammar]

śatrūṇāṃ tāpanārthaṃ vai tailadhārā śivopari |
kartavyā suprayatnena kāryasiddhirdhuvaṃ bhavet || 78 ||
[Analyze grammar]

māsi tenaiva tailena bhogavṛddhiḥ prajāyate |
sārṣapenaiva tailena śatrunāśobhaveddhruvam || 79 ||
[Analyze grammar]

madhunā yakṣarājo vai gacchecca śivapūjanāta |
dhārā cekṣurasasyāpi sarvānandakarī śive || 80 ||
[Analyze grammar]

dhārā gaṃgājalasyaiva bhuktimuktiphalapradā |
etāssarvāśca yāḥ proktā mṛtyaṃjayasamudbhavāḥ || 81 ||
[Analyze grammar]

tatrā'yutapramāṇaṃ hi kartavyaṃ tadvidhānataḥ |
kartavyaṃ brāhmaṇānāṃ ca bhojyaṃ vai rudrasaṃkhyayā || 82 ||
[Analyze grammar]

etatte sarvamākhyātaṃ yatpṛṣṭo'haṃ munīśvara |
etadvai saphalaṃ loke sarvakāmahitāvaham || 83 ||
[Analyze grammar]

skaṃdomāsahitaṃ śaṃbhuṃ saṃpūjya vidhinā saha |
yatphalaṃ labhate bhaktyā tadvadāmi yathāśrutam || 84 ||
[Analyze grammar]

atra bhuktvākhilaṃ saukhyaṃ putrapautrādibhiḥ śubham |
tato yāti maheśasya lokaṃ sarvasukhāvaham || 85 ||
[Analyze grammar]

sūryakoṭipratīkāśairvimānaiḥ sarvakāmagaiḥ |
rudrakanyāsamākīrṇairgeyavādyasamanvitaiḥ || 86 ||
[Analyze grammar]

krīḍate śivabhūtaśca yāvadābhūtasaṃplavam |
tato mokṣamavāpnoti vijñānaṃ prāpya cāvyayam || 87 ||
[Analyze grammar]

iti śrīśivamahāpurāṇe prathama khaṃḍe dvitīyāyāṃ rudrasaṃhitāyāṃ sṛṣṭyupākhyāne śivapūjāvidhānavarṇano nāma caturdaśo'dhyāyaḥ || 14 ||
[Analyze grammar]