Chapter 4

[English text for this chapter is available]

ṛṣaya ūcuḥ |
sūta sūta mahāprājña varṇitā hyadbhutā kathā |
dhanyā tu śāṃbhavī māyā tadadhīnaṃ carācaram || 1 ||
[Analyze grammar]

gatayorgaṇayośśaṃbhossvayamātmecchayā vibhoḥ |
kiṃ cakāra muniḥ kruddho nāradaḥ smaravihvalaḥ || 2 ||
[Analyze grammar]

sūta uvāca |
vimohito munirdattvā tayośśāpaṃ yathocitam |
jale mukhaṃ nirīkṣyātha svarūpaṃ giriśecchayā || 3 ||
[Analyze grammar]

śivecchayā na prabuddhaḥ smṛtvā harikṛtacchalam |
krodhaṃ durviṣahaṃ kṛtvā viṣṇulokaṃ jagāma ha || 4 ||
[Analyze grammar]

uvāca vacanaṃ kuddhassamiddha iva pāvakaḥ |
duruktigarbhitaṃ vyaṅgaḥ naṣṭajñānaśśivecchayā || 5 ||
[Analyze grammar]

nārada uvāca |
he hare tvaṃ mahāduṣṭaḥ kapaṭī viśvamohanaḥ |
parotsāhaṃ na sahase māyāvī malināśayaḥ || 6 ||
[Analyze grammar]

mohinīrūpamādāya kapaṭaṃ kṛtavānpurā |
asurebhyo'pāyayastvaṃ vāruṇīmamṛtaṃ na hi || 7 ||
[Analyze grammar]

cetpibenna viṣaṃ rudro dayāṃ kṛtvā maheśvaraḥ |
bhavennaṣṭā'khilā māyā tava vyājarate hare || 8 ||
[Analyze grammar]

gatissa kapaṭā te'tipriyā viṣṇo viśeṣataḥ |
sādhusvabhāvo na bhavānsvataṃtraḥ prabhuṇā kṛtaḥ || 9 ||
[Analyze grammar]

kṛtaṃ samucitannaiva śivena paramātmanā |
tatprabhāvabalaṃ dhyātvā svataṃtrakṛtikārakaḥ || 10 ||
[Analyze grammar]

tvadgatiṃ susamājñāya paścāttāpamavāpa saḥ |
vipraṃ sarvopari prāha svoktaveda pramāṇakṛt || 11 ||
[Analyze grammar]

tajjñātvāhaṃ hare tvādya śikṣayiṣyāmi tadbalāt |
yathā na kuryāḥ kutrāpīdṛśaṃ karma kadācana || 12 ||
[Analyze grammar]

adyāpi nirbhayastvaṃ hi saṃgaṃ nāpastarasvinā |
idānīṃ lapsyase viṣṇo phalaṃ svakṛtakarmaṇaḥ || 13 ||
[Analyze grammar]

itthamuktvā hariṃ sotha munirmāyā vimohitaḥ |
śaśāpa krodhanirviṇṇo brahmatejaḥ pradarśayan || 14 ||
[Analyze grammar]

strīkṛte vyākulaṃ viṣṇo māmakārṣīrvimohakaḥ |
anvakārṣīssvarūpeṇa yena kāpaṭyakāryakṛt || 15 ||
[Analyze grammar]

tadrūpeṇa manuṣyastvaṃ bhava tadduḥkhabhugghare |
yanmukhaṃ kṛtavānme tvaṃ te bhavaṃtu sahāyinaḥ || 16 ||
[Analyze grammar]

tvaṃ strīviyogajaṃ duḥkhaṃ labhasva paraduḥkhadaḥ |
manuṣyagatikaḥ prāyo bhavājñānavimohitaḥ || 17 ||
[Analyze grammar]

iti śaptvā hariṃ mohānnārado'jñānamohitaḥ |
viṣṇurjagrāha taṃ śāpaṃ praśaṃsañśāṃbhavīmajām || 16 ||
[Analyze grammar]

atha śaṃbhurmahālīlo niścakarṣa vimohinīma |
svamāyāṃ mohito jñānī nāradopyabhavadyayā || 19 ||
[Analyze grammar]

aṃtarhitāyāṃ māyāyāṃ pūrvavanmatimānabhūt |
nārado vismitamanāḥ prāptabodho nirākulaḥ || 20 ||
[Analyze grammar]

paścāttāpamavāpyāti nininda svaṃ muhurmuhuḥ |
praśaśaṃsa tadā māyāṃ śāṃbhavīṃ jñānimohinīm || 21 ||
[Analyze grammar]

atha jñātvā munissarvaṃ māyāvibhramamātmanaḥ |
apatatpādayorviṣṇornārado vaiṣṇavottamaḥ || 22 ||
[Analyze grammar]

haryyupasthāpitaḥ prāha vacanaṃ naṣṭa durmatiḥ |
mayā duraktayaḥ proktā mohitena kubuddhinā || 23 ||
[Analyze grammar]

dattaśśāpo'pi tenātha vitathaṃ kuru taṃ prabho |
mahatpāpamakārṣaṃ hi yāsyāmi nirayaṃ dhuvam || 24 ||
[Analyze grammar]

kamupāyaṃ hare kuryāṃ dāso'haṃ te tamādiśa |
yena pāpakulaṃ naśyennirayo na bhavenmama || 25 ||
[Analyze grammar]

ityuktvā sa punarviṣṇoḥ pādayormunisattamaḥ |
papāta sumatirbhaktyā paścāttāpamupāgataḥ || 26 ||
[Analyze grammar]

atha viṣṇustamutthāpya babhāṣe sūnṛtaṃ vacaḥ |
viṣṇuruvāca |
na khedaṃ kuru me bhakta varastvaṃ nātra saṃśayaḥ || 27 ||
[Analyze grammar]

śṛṇu tāta pravakṣyāmi suhitaṃ tava niścayāt || 1 ||
[Analyze grammar]

nirayaste na bhavitā śivaśśaṃ te vidhāsyati || 28 ||
[Analyze grammar]

yadakārṣīśśivavaco vitathaṃ madamohitaḥ |
sa dattavānīdṛśaṃ te phalaṃ karma phalapradaḥ || 29 ||
[Analyze grammar]

śivecchā'khilaṃ jātaṃ kurvitthaṃ niścitāṃ matim |
garvāpahartā sa svāmī śaṃkaraḥ parameśvaraḥ || 30 ||
[Analyze grammar]

paraṃ brahma parātmā sa saccidānaṃdabodhanaḥ |
nirguṇo nirvikāro ca rajassatvatamaḥpara || 31 ||
[Analyze grammar]

sa evamādāya māyāṃ svāṃ tridhā bhavati rūpataḥ |
brahmaviṣṇumaheśātmā nirguṇo'nirguṇo'pi saḥ || 32 ||
[Analyze grammar]

nirguṇatve śivāhvo hi paramātmā maheśvaraḥ |
paraṃ brahmāvyayo'naṃto mahādeveti gīyate || 33 ||
[Analyze grammar]

tatsevayā vidhissraṣṭā pālako jagatāmaham |
svayaṃ sarvasya saṃhārī rudrarūpeṇa sarvadā || 34 ||
[Analyze grammar]

sākṣī śivasvarūpeṇa māyābhinnassa nirguṇaḥ |
svecchācārī saṃvihārī bhaktānugrahakārakaḥ || 35 ||
[Analyze grammar]

śṛṇu tvaṃ nārada mune sadupāyaṃ sukhapradam |
sarvapāpāpaharttāraṃ bhuktimuktipradaṃ sadā || 36 ||
[Analyze grammar]

ityuktvāstvasaṃśayaṃ sarvaṃ śaṃkarasadyaśaḥ |
śatanāmaśivastotraṃ sadānanyamatirjapa || 37 ||
[Analyze grammar]

yajjapitvā drutaṃ sarvaṃ tava pāpaṃ vinaśyati |
ityuktvā nāradaṃ viṣṇuḥ punaḥ prāha dayānvitaḥ || 38 ||
[Analyze grammar]

mune na kuru śokaṃ tvaṃ tvayā kiṃcitkṛtaṃ nahi |
svecchayā kṛtavānśaṃbhuridaṃ sarvaṃ na saṃśayaḥ || 39 ||
[Analyze grammar]

ahārṣittvanmatiṃ divyāṃ kāma kleśamadātsa te |
tvanmukhāddāpayāṃcakre śāpaṃ me sa maheśvaraḥ || 40 ||
[Analyze grammar]

itthaṃ svacaritaṃ loke prakaṭīkṛtavān svayam |
mṛtyuṃjayaḥ kālakālo bhaktoddhāraparāyaṇaḥ || 41 ||
[Analyze grammar]

na me śivasamānosti priyaḥ svāmī sukhapradaḥ |
sarvaśaktiprado me'sti sa eva parameśvaraḥ || 42 ||
[Analyze grammar]

tasyopāsyāṃ kuru mune tameva satataṃ bhaja |
tadyaśaḥ śṛṇu gāya tvaṃ kuru nityaṃ tadarcanam || 43 ||
[Analyze grammar]

kāyena manasā vācā yaśśaṃkaramupaiti bho |
sa paṇḍita iti jñeyassa jīvanmukta ucyate || 44 ||
[Analyze grammar]

śiveti nāmadāvāgnermahāpātakapa rvatāḥ |
bhasmībhavantyanāyāsātsatyaṃ satyaṃ na saṃśayaḥ || 45 ||
[Analyze grammar]

pāpamūlāni duḥkhāni vividhānyapi tānyataḥ |
śivārcanaikanaśyāni nānya naśyāni sarvathā || 46 ||
[Analyze grammar]

sa vaidikasya puṇyātmā sa dhanyassa budho mune |
yassadā kāyavākcittaiśśaraṇaṃ yāti śaṃkaram || 47 ||
[Analyze grammar]

bhavaṃti vividhā dharmā yeṣāṃ sadyaḥphalonmukhāḥ |
teṣāṃ bhavati viśvāsastripurāṃtakapūjane || 48 ||
[Analyze grammar]

pātakāni vinaśyaṃti yāvaṃti śivapūjayā |
bhuvi tāvaṃti pāpāni na saṃtyeva mahāmune || 49 ||
[Analyze grammar]

brahmahatyādipāpānāṃ rāśayopyamitā mune |
śivasmṛtyā vinaśyaṃti satyaṃsatyaṃ vadāmyaham || 50 ||
[Analyze grammar]

śivanāmatarīṃ prāpya saṃsārābdhiṃ taraṃti te |
saṃsāramūlapāpāni tasya naśyaṃtyasaṃśayam || 51 ||
[Analyze grammar]

saṃsāramūlabhūtānāṃ pātakānāṃ mahāmune |
śivanāmakuṭhāreṇa vināśo jāyate dhruvam || 52 ||
[Analyze grammar]

śivanāmāmṛtaṃ peyaṃ pāpadāvānalārditaiḥ |
pāpadāvāgnitaptānāṃ śāṃtistena vinā na hi || 53 ||
[Analyze grammar]

śiveti nāmapīyūṣavarṣadhārāpariplutaḥ |
saṃsāradavamadhyapi na śocati na saṃśayaḥ || 54 ||
[Analyze grammar]

na bhaktiśśaṃkare puṃsāṃ rāgadveṣaratātmanām |
tadvidhānāṃ hi sahasā muktirbhavati sarvathā || 55 ||
[Analyze grammar]

anaṃtajanmabhiryena tapastaptaṃ bhaviṣyati |
tasyaiva bhaktirbhavati bhavānī prāṇavallabhe || 56 ||
[Analyze grammar]

jātāpi śaṃkare bhaktiranyasādhāraṇī vṛthā |
paraṃ tvavyabhicāreṇa śivabhaktirapekṣitā || 57 ||
[Analyze grammar]

yasyā sādhāraṇī śaṃbhau bhaktiravyabhicāriṇī |
tasyaiva mokṣassulabho nāsyetinya matirmama || 58 ||
[Analyze grammar]

kṛtvāpyanaṃtapāpāni yadi bhaktirmaheśvare |
sarvapāpavinirmukto bhavatyeva na saṃśayaḥ || 59 ||
[Analyze grammar]

bhavaṃti bhasmasādvṛkṣādavadagdhā yathā vane |
tathā bhavaṃti dagdhāni śāṃkarāṇāmaghānyapi || 60 ||
[Analyze grammar]

yo nityaṃ bhasmapūtāṃgo śivapūjonmukho bhavet |
sa taratyeva saṃsāramapāramatidāruṇam || 61 ||
[Analyze grammar]

brahmasvaharaṇaṃ kṛtvā hatvāpi brāhmaṇānbahūn |
lipyate naraḥ pāpairvirūpākṣasya sevakaḥ || 62 ||
[Analyze grammar]

vilokya vedānakhilāñchivasyaivārcanamparam |
saṃsāranāśanopāya iti pūrvairviniścitam || 63 ||
[Analyze grammar]

adyaprabhṛti yatnena sāvadhāno yathāvidhi |
sāmbaṃ sadāśivaṃ bhaktyā bhaja nityaṃ maheśvaram || 64 ||
[Analyze grammar]

āpādamastakaṃ samyak bhasmanoddhūlya sādaram |
sarvaśrutiśrutaṃ śaivammaṃtrañjapa ṣaḍakṣaram || 65 ||
[Analyze grammar]

savārṅgeṣu prayatnena rudrākṣāñchivavallabhān |
dhārayasvātisadbhaktyā samantramvidhipūrvakam || 66 ||
[Analyze grammar]

śṛṇu śaivīṃ kathāṃ nityaṃ vada śaivīṃ kathāṃ sadā |
pūjayasvātiyatnena śivabhaktānpunaḥ punaḥ || 67 ||
[Analyze grammar]

apramādena satataṃ śivaikaśaraṇo bhava |
śivārcanena satatamānandaḥ prāpyate yataḥ || 68 ||
[Analyze grammar]

urasyādhāya viśade śivasya caraṇāmbujau |
śivatīrthāni vicara prathamaṃ munisattama || 69 ||
[Analyze grammar]

paśyanmāhātmyamatulaṃ śaṃkarasya parātmanaḥ |
gacchānandavanaṃ paścācchaṃbhupriyatamaṃ mune || 70 ||
[Analyze grammar]

tatra viśveśvaraṃ dṛṣṭvā pūjanaṃ kuru bhaktitaḥ |
natvā stutvā viśeṣeṇa nirvikalpo bhaviṣyasi || 71 ||
[Analyze grammar]

tataśca bhavatā nūnaṃ vidheyaṃ gamanaṃ mune |
brahmaloke svakāmārthaṃ śāsanānmama bhaktitaḥ || 72 ||
[Analyze grammar]

natvā stutvā viśeṣeṇa vidhiṃ svajanakaṃ mune |
praṣṭavyaṃ śivamāhātmyaṃ bahuśaḥ prītacetasā || 73 ||
[Analyze grammar]

sa śaivapravaro brahmā māhātmyaṃ śaṃkarasya te |
śrāvayiṣyati suprītyā śatanāmastavaṃ ca hi || 74 ||
[Analyze grammar]

adyatastvaṃ bhava mune śaivaśśivaparāyaṇaḥ |
muktibhāgī viśeṣeṇa śivaste śaṃ vidhāsyati || 75 ||
[Analyze grammar]

itthaṃ viṣṇurmuniṃ prītyā hyupadiśya prasannadhīḥ |
smṛtvā nutvā śivaṃ stutvā tatastvaṃtaradhīyata || 76 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ prathamakhaṃḍe sṛṣṭyupākhyāne nāradasya viṣṇūpadeśavarṇano nāma caturtho'dhyāyaḥ || 4 ||
[Analyze grammar]