Chapter 3

[English text for this chapter is available]

ṛṣaya ūcuḥ |
sūtasūta mahābhāga vyāsaśiṣya namo'stu te |
adbhuteyaṃ kathā tāta varṇitā kṛpayā hi naḥ || 1 ||
[Analyze grammar]

munau gate haristāta kiṃ cakāra tataḥ param |
nāradopi gataḥ kutra tanme vyākhyātumarhasi || 2 ||
[Analyze grammar]

vyāsa uvāca |
ityākarṇya vacasteṣāṃ sūtaḥ paurāṇikottamaḥ |
pratyuvāca śivaṃ smṛtvā nānāsūtikaraṃ budhaḥ || 3 ||
[Analyze grammar]

sūta uvāca |
munau yadṛcchayā viṣṇurgate tasminhi nārade |
śivecchayā cakārāśu māyā māyāviśāradaḥ || 4 ||
[Analyze grammar]

munimārgasya madhye tu virece nagaraṃ mahat |
śatayojanavistāramadbhutaṃ sumanoharam || 5 ||
[Analyze grammar]

svalokādadhikaṃ ramyaṃ nānāvastuvirājitam |
naranārīvihārāḍhyaṃ caturvarṇākulaṃ param || 6 ||
[Analyze grammar]

tatra rājā śīlanirdhirnāmaiśvaryasamanvitaḥ |
sutāsvayamvarodyukto mahotsavasamanvitaḥ || 7 ||
[Analyze grammar]

caturdigbhyaḥ samāyātaissaṃyutaṃ nṛpanandataiḥ |
nānāveṣaissuśobhaiśca tatkanyāvaraṇotsukaiḥ || 8 ||
[Analyze grammar]

etādṛśampuraṃ dṛṣṭvā mohamprāpto'tha nāradaḥ |
kautukī tannṛpadvāraṃ jagāma madanedhitaḥ || 9 ||
[Analyze grammar]

āgataṃ munivaryaṃ taṃ dṛṣṭvā śīlanidhirnṛpaḥ |
upaveśyārcayāṃcakre ratnasiṃhāsane vare || 10 ||
[Analyze grammar]

atha rājā svatanayāṃ nāmataśśrīmatīṃ varām |
samānīya nāradasya pādayossamapātayat || 11 ||
[Analyze grammar]

tatkanyāṃ prekṣya sa munirnāradaḥ prāha vismitaḥ |
keyaṃ rājanmahābhāgā kanyā surasutopamā || 12 ||
[Analyze grammar]

tasya tadvacanaṃ śrutvā rājā prāha kṛtāṃjaliḥ |
duhiteyaṃ mama mune śrīmatī nāma nāmataḥ || 13 ||
[Analyze grammar]

pradānasamayaṃ prāptā varamanveṣatī śubham |
sā svayaṃvarasaṃprāptā sarvalakṣaṇalakṣitā || 14 ||
[Analyze grammar]

asyā bhāgyaṃ vada mune sarvaṃ jātakamādarāt |
kīdṛśaṃ tanayeyaṃ me varamāpsyati tadvada || 15 ||
[Analyze grammar]

ityukto muniśārdūlastāmicchuḥ kāmavihvalaḥ |
samābhāṣya sa rājānaṃ nārado vākyamabravīt || 16 ||
[Analyze grammar]

suteyaṃ tava bhūpāla sarvalakṣaṇalakṣitā |
mahābhāgyavatī dhanyā lakṣmīriva guṇālayā || 17 ||
[Analyze grammar]

sarveśvaro'jito vīro girīśasadṛśo vibhuḥ |
asyāḥ patirdhruvaṃ bhāvī kāmajitsurasattamaḥ || 18 ||
[Analyze grammar]

ityuktvā nṛpamāmaṃtrya yayau yādṛcchiko muniḥ |
babhūva kāmavivaśaśśivamāyā vimohitaḥ || 19 ||
[Analyze grammar]

citte vicintya sa munirāpnuyāṃ kathamenakām |
svayaṃvare nṛpālānāmekaṃ māṃ vṛṇuyātkatham || 20 ||
[Analyze grammar]

saundaryaṃ sarvanārīṇāṃ priyaṃ bhavati sarvathā |
taddṛṣṭvaiva prasannā sā svavaśā nātra saṃśayaḥ || 21 ||
[Analyze grammar]

vidhāyetthaṃ viṣṇurūpaṃ grahītuṃ munisattamaḥ |
viṣṇulokaṃ jagāmāśu nāradaḥ smaravihvalaḥ || 22 ||
[Analyze grammar]

praṇipatya hṛṣīkeśaṃ vākyametaduvāca ha |
rahasi tvāṃ pravakṣyāmi svavṛttāntamaśeṣataḥ || 23 ||
[Analyze grammar]

tathetyukte tathā bhūte śivecchā kāryakarta hi |
brūhītyuktavati śrīśe munirāha ca keśavam || 24 ||
[Analyze grammar]

nārada uvāca |
tvadīyo bhūpatiḥ śīlanidhissa vṛṣatatparaḥ |
tasya kanyā viśālākṣī śrīmatīvaravarṇinī || 25 ||
[Analyze grammar]

jaganmohinyabhikhyātā trailokyepyati sundarī |
pariṇetumahaṃ viṣṇo tāmicchāmyadya mā ciram || 26 ||
[Analyze grammar]

svayaṃvaraṃ cakarāsau bhūpatistanayecchayā |
caturdigbhyaḥ samāyātā rājaputrāssahasraśaḥ || 27 ||
[Analyze grammar]

yadi dāsyasi rūpaṃ me tadā tāṃ prāpnuyāṃ dhruvam |
tvadrūpaṃ sā vinā kaṃṭhe jayamālāṃ na dhāsyati || 28 ||
[Analyze grammar]

svarūpaṃ dehi me nātha sevako'haṃ priyastava |
vṛṇuyānmāṃ yathā sā vai śrīmatī kṣitipātmajā || 29 ||
[Analyze grammar]

suta uvāca || vacaḥ śrutvā muneritthaṃ vihasya madhusūdanaḥ |
śāṃkarīṃ prabhutāṃ buddhvā pratyuvāca dayāparaḥ || 30 ||
[Analyze grammar]

viṣṇuruvāca |
sveṣṭadeśaṃ mune gaccha kariṣyāmi hitaṃ tava |
bhiṣagvaro yathārttasya yataḥ priyataro'si me || 31 ||
[Analyze grammar]

ityuktvā munaye tasmai dadau viṣṇurmukhaṃ hare |
svarūpamanugṛhyāsya tirodhānaṃ jagāma saḥ || 32 ||
[Analyze grammar]

evamukto munirhṛṣṭaḥ svarūpaṃ prāpya vai hareḥ |
mene kṛtārthamātmānaṃ tadyatnaṃ na bubodha saḥ || 33 ||
[Analyze grammar]

atha tatra gataḥ śīghrannārado munisattamaḥ |
cakre svayamvaraṃ yatra rājaputraissamākulam || 34 ||
[Analyze grammar]

svayamvarasabhā divyā rājaputrasamāvṛtā |
śuśubhe'tīva viprendrā yathā śakrasa bhā parā || 35 ||
[Analyze grammar]

tasyāṃ nṛpasabhāyāṃ vai nāradaḥ samupāviśat |
sthitvā tatra vicintyeti prītiyuktena cetasā || 36 ||
[Analyze grammar]

māṃ variṣyati nānyaṃ sā viṣṇurūpadharandhruvam |
ānanasya kurūpatvaṃ na veda munisattamaḥ || 37 ||
[Analyze grammar]

pūrvarūpaṃ muniṃ sarve dadṛśu'statra mānavāḥ |
tadbhedaṃ bubudhuste na rājaputrādayo dvijāḥ || 38 ||
[Analyze grammar]

tatra rudragaṇau dvau tadrakṣaṇārthaṃ samāgatau |
viprarūpadharau gūḍhau tatredaṃ jajñatuḥ param || 39 ||
[Analyze grammar]

mūḍha matvā muniṃ tau tannikaṭaṃ jagmaturgaṇau |
kurutastatprahāsaṃ vai bhāṣamāṇau parasparam || 40 ||
[Analyze grammar]

paśya nārada rūpaṃ hi viṣṇoriva mahottamam |
mukhaṃ tu vānarasyeva vikaṭaṃ ca bhayaṃkaram || 41 ||
[Analyze grammar]

icchatyayaṃ nṛpasutā vṛthaiva smaramohitaḥ |
ityuktvā sacchalaṃ vākyamupahāsaṃ pracakratuḥ || 42 ||
[Analyze grammar]

na śuśrāva yathārthaṃ tu tadvākyaṃ smaravihvalaḥ |
paryaikṣacchrīmatīṃ tāṃ vai tallipsurmohito muniḥ || 43 ||
[Analyze grammar]

etasminnaṃtare bhūpakanyā cāṃtaḥpurāttu sā |
strībhissamāvṛtā tatrājagāma varavarṇinī || 44 ||
[Analyze grammar]

mālāṃ hiraṇmayīṃ ramyāmādāya śubha kṣaṇā |
tatra svayambare reje sthitā madhye rameva sā || 45 ||
[Analyze grammar]

babhrāma sā sabhāṃ sarvāṃ mālāmādāya suvratā |
varamanveṣatī tatra svātmābhīṣṭaṃ nṛpātmajā || 46 ||
[Analyze grammar]

vānarāsyaṃ viṣṇutanuṃ muniṃ dṛṣṭvā cukopa sā |
dṛṣṭiṃ nivārya ca tataḥ prasthitā prītamānasā || 47 ||
[Analyze grammar]

na dṛṣṭvā svavaraṃ tatra trastāsīnmanasepsitam |
aṃtassabhāsthitā kasminnarpayāmāsa na srajam || 48 ||
[Analyze grammar]

etasminnaṃtare viṣṇurājagāma nṛpākṛtiḥ |
na dṛṣṭaḥ kaiścidaparaiḥ kevalaṃ sā dadarśa hi || 49 ||
[Analyze grammar]

atha sā taṃ samālokya prasannavadanāmbujā |
arpayāmāsa tatkaṇṭhe tāṃ mālāṃ varavarṇinī || 50 ||
[Analyze grammar]

tāmādāya tato viṣṇū rājarūpadharaḥ prabhuḥ |
aṃtardhānamagātsadyassvasthānaṃ prayayau kila || 51 ||
[Analyze grammar]

sarve rājakumārāśca nirāśāḥ śrīmatīmprati |
munistu vihvalo'tīva babhūva madanāturaḥ || 52 ||
[Analyze grammar]

tadā tāvūcatussadyo nāradaṃ svaravihvalam |
viprarūpadharau rudragaṇau jñānaviśāradau || 53 ||
[Analyze grammar]

gaṇāvūcatuḥ |
he nāradamune tvaṃ hi vṛthā madanamohitaḥ |
tallipsussvamukhaṃ paśya vānarasyeva garhitam || 54 ||
[Analyze grammar]

sūta uvāca |
ityākarṇya tayorvākyaṃ nārado vismito'bhavat |
mukhaṃ dadarśa mukure śivamāyāvimohitaḥ || 55 ||
[Analyze grammar]

svamukhaṃ vānarasyeva dṛṣṭvā cukrodha satvaram |
śāpandadau tayostatra gaṇayormohito muniḥ || 56 ||
[Analyze grammar]

yuvāṃ mamopahāsaṃ vai cakraturbrāhmaṇasya hi |
bhavetāṃ rākṣasau vipravīryajau vai tadākṛtī || 57 ||
[Analyze grammar]

śrutvā haragaṇāvitthaṃ svaśāpaṃ jñānisattamau |
na kiṃcidūcatustau hi munimājñāya mohitam || 58 ||
[Analyze grammar]

svasthānaṃ jagmaturviprā udāsīnau śivastutim |
cakraturmanyamānau vai śivecchāṃ sakalāṃ sadā || 59 ||
[Analyze grammar]

iti śrīśiva mahāpurāṇe dvitīyāyāṃ rudrasaṃhitāyāṃ prathamakhaṃḍe sṛṣṭyupākhyāne nāradamohavarṇanaṃ nāma tṛtīyo'dhyāyaḥ || 3 ||
[Analyze grammar]