Chapter 2

[English text for this chapter is available]

sūta uvāca |
etasminsamaye viprā nārado munisattamaḥ |
brahmaputro vinītātmā taporthaṃ mana ādadhe || 1 ||
[Analyze grammar]

himaśailaguhā kācidekā paramaśobhanā |
yatsamīpe suranadī sadā vahati vegataḥ || 2 ||
[Analyze grammar]

tatrāśramo mahādivyo nānāśobhāsamanvitaḥ |
taporthaṃ sa yayau tatra nārado divyadarśanaḥ || 3 ||
[Analyze grammar]

tāṃ dṛṣṭvā muniśārdūlastepe sa suciraṃ tapaḥ |
badhvāsanaṃ dṛḍhaṃ maunī prāṇānāyamya śuddhadhīḥ || 4 ||
[Analyze grammar]

cakre munissamādhiṃ tamahambrahmeti yatra ha |
vijñānaṃ bhavati brahmasākṣātkārakaraṃ dvijāḥ || 5 ||
[Analyze grammar]

itthaṃ tapati tasminvai nārade munisattame |
cakaṃpe'tha śunāsīro manassaṃtāpavihvalaḥ || 6 ||
[Analyze grammar]

manasīti viciṃtyāsau munirme rājyamicchati |
tadvighnakaraṇārthaṃ hi hariryatnamiyeṣa saḥ || 7 ||
[Analyze grammar]

sasmāra smaraṃ śakraścetasā devanāyakaḥ |
ājagāma drutaṃ kāmassamadhīrmahiṣīsutaḥ || 8 ||
[Analyze grammar]

athāgataṃ smaraṃ dṛṣṭvā saṃbodhya surarāṭ prabhuḥ |
uvāca taṃ prapaśyāśu svārthe kuṭilaśemuṣiḥ || 9 ||
[Analyze grammar]

indra uvāca |
mitravaryya mahāvīra sarvadā hitakāraka |
śṛṇu prītyā vaco me tvaṃ kuru sāhāyyamātmanā || 10 ||
[Analyze grammar]

tvadbalānme bahūnāñca tapogarvo vināśitaḥ |
madrājyasthiratā mitra tvadanugrahatassadā || 11 ||
[Analyze grammar]

himaśailaguhāyāṃ hi munistapati nāradaḥ |
manasoddiśya viśveśaṃ mahāsaṃyamavāndṛḍhaḥ || 12 ||
[Analyze grammar]

yācenna vidhito rājyaṃ sa mameti viśaṃkitaḥ |
adyaiva gaccha tatra tvaṃ tattapovighnamācara || 13 ||
[Analyze grammar]

ityājñapto mahendreṇa sa kāmassamadhu priyaḥ |
jagāma tatsthalaṃ garvādupāyaṃ svañcakāra ha || 14 ||
[Analyze grammar]

racayāmāsa tatrāśu svakalāssakalā api |
vasaṃtopi svaprabhāvaṃ cakāra vividhaṃ madāt || 15 ||
[Analyze grammar]

na babhūva muneśceto vikṛtaṃ munisattamāḥ |
bhraṣṭo babhūva tadgarvo maheśānugraheṇa ha || 16 ||
[Analyze grammar]

śṛṇutādaratastatra kāraṇaṃ śaunakādayaḥ |
īśvarānugraheṇātra na prabhāvaḥ smarasya hi || 17 ||
[Analyze grammar]

atraiva śambhunā'kāri sutapaśca smarāriṇā |
atraiva dagdhastenāśu kāmo munitapopahaḥ || 18 ||
[Analyze grammar]

kāmajīvanahetorhi ratyā saṃprārthitaissuraiḥ |
samprārthita uvācedaṃ śaṃkaro lokaśaṃkaraḥ || 19 ||
[Analyze grammar]

kaṃcitsamayamāsādya jīviṣyati surāḥ smaraḥ |
paraṃ tviha smaropāyaścariṣyati na kaścana || 20 ||
[Analyze grammar]

iha yāvaddṛśyate bhūrjanaiḥ sthitvā'marāssadā |
kāmabāṇaprabhāvotra na caliṣyatyasaṃśayam || 21 ||
[Analyze grammar]

iti śaṃbhūktitaḥ kāmo mithyātmagatikastadā |
nārade sa jagāmāśu divamindrasamīpataḥ || 22 ||
[Analyze grammar]

ācakhyau sarvavṛttāṃtaṃ prabhāvaṃ ca muneḥ smaraḥ |
tadājñayā yayau sthānaṃ svakīyaṃ sa madhupriyaḥ || 23 ||
[Analyze grammar]

vismitobhūtsurādhīśaḥ praśaśaṃsātha nāradam |
tadvṛttāṃtānabhijño hi mohitaśśivamāyayā || 24 ||
[Analyze grammar]

durjñeyā śāṃbhavī māyā sarveṣāṃ prāṇināmiha |
bhaktaṃ vinārpitātmānaṃ tayā saṃmohyate jagat || 25 ||
[Analyze grammar]

nārado'pi ciraṃ tasthau tatreśānugraheṇa ha |
pūrṇaṃ matvā tapastatsvaṃ virarāma tato muniḥ || 26 ||
[Analyze grammar]

kāmopyajeyaṃ nijaṃ matvā garvito'bhūnmunīśvaraḥ |
vṛthaiva vigatajñānaśśivamāyāvimohitaḥ || 27 ||
[Analyze grammar]

dhanyā dhanyā mahāmāyā śāṃbhavī munisattamāḥ |
tadgatiṃ na hi paśyaṃti viṣṇubrahmādayopi hi || 28 ||
[Analyze grammar]

tayā saṃmohitotīva nārado munisattamaḥ |
kailāsaṃ prayayau śīghraṃ svavṛttaṃ gadituṃ madī || 29 ||
[Analyze grammar]

rudraṃ natvābravītsarvaṃ svavṛttaṅgarvavānmuniḥ |
matvātmānaṃ mahātmānaṃ svaprabhuñca smarañjayam || 30 ||
[Analyze grammar]

tacchrutvā śaṃkaraḥ prāha nāradaṃ bhaktavatsalaḥ |
svamāyāmohitaṃ hetvanabhijñaṃ bhraṣṭacetasam || 31 ||
[Analyze grammar]

rudra uvāca |
he tāta nārada prājña dhanyastvaṃ śṛṇu madvacaḥ |
vācyamevaṃ na kutrāpi hareragre viśeṣataḥ || 32 ||
[Analyze grammar]

pṛcchamāno'pi na brūyāḥ svavṛttaṃ me yaduktavān |
gopyaṃ gopyaṃ sarvathā hi naiva vācyaṃ kadācana || 33 ||
[Analyze grammar]

śāsmyahaṃ tvāṃ viśeṣeṇa mama priyatamo bhavān |
viṣṇubhakto yatastvaṃ hi tadbhaktotīva me'nugaḥ || 34 ||
[Analyze grammar]

śāstismetthañca bahuśo rudrassūtikaraḥ prabhuḥ |
nārado na hitaṃ mene śivamāyāvimohitaḥ || 35 ||
[Analyze grammar]

prabalā bhāvinī karma gatirjñeyā vicakṣaṇaiḥ |
na nivāryā janaiḥ kaiścidapīcchā saiva śāṃkarī || 36 ||
[Analyze grammar]

tatassa munivaryo hi brahmalokaṃ jagāma ha |
vidhiṃ natvā'bravītkāmajayaṃ svasya tapobalāt || 37 ||
[Analyze grammar]

tadākarṇya vidhissotha smṛtvā śambhupadāmbujam |
jñātvā sarvaṃ kāraṇaṃ tanniṣiṣedha sutaṃ tadā || 38 ||
[Analyze grammar]

mene hitanna vidhyuktaṃ nārado jñānisattamaḥ |
śivamāyāmohitaśca rūḍhacittamadāṃkuraḥ || 39 ||
[Analyze grammar]

śivecchā yādṛśī loke bhavatyeva hi sā tadā |
tadadhīnaṃ jagatsarvaṃ vacastaṃtyāṃta sthitaṃ yataḥ || 40 ||
[Analyze grammar]

nārado'tha yayau śīghraṃ viṣṇulokaṃ vinaṣṭadhīḥ |
madāṃkuramanā vṛttaṃ gadituṃ svaṃ tadagrataḥ || 41 ||
[Analyze grammar]

āgacchaṃtaṃ munindṛṣṭvā nāradaṃ viṣṇurādarāt |
utthitvāgre gato'raṃ taṃ śiśleṣajñātahetukaḥ || 42 ||
[Analyze grammar]

svāsane samupāveśya smṛtvā śivapadāmbujam |
hariḥ prāha vacastathyaṃ nāradaṃ madanāśanam || 43 ||
[Analyze grammar]

viṣṇuruvāca |
kuta āgamyate tāta kimarthamiha cāgataḥ |
dhanyastvaṃ muniśārdūla tīrtho'haṃ tu tavāgamāt || 44 ||
[Analyze grammar]

viṣṇuvākyamiti śrutvā nārado garvito muniḥ |
svavṛttaṃ sarvamācaṣṭa samadaṃ madamohitaḥ || 45 ||
[Analyze grammar]

śrutvā munivaco viṣṇussamadaṃ kāraṇaṃ tataḥ |
jñātavānakhilaṃ smṛtvā śivapādāmbujaṃ hṛdi || 46 ||
[Analyze grammar]

tuṣṭāva giriśaṃ bhaktyā śivātmā śaivarāḍ hariḥ |
sāṃjalirvisudhīrnamramastakaḥ parameśvaram || 47 ||
[Analyze grammar]

viṣṇuruvāca |
devadeva mahādeva prasīda parameśvara |
dhanyastvaṃ śiva dhanyā te māyā sarva vimohinī || 48 ||
[Analyze grammar]

ityādi sa stutiṃ kṛtvā śivasya paramātmanaḥ |
nimīlya nayane dhyātvā virarāma padāmbujam || 49 ||
[Analyze grammar]

yatkartavyaṃ śaṃkarasya sa jñātvā viśvapālakaḥ |
śivaśāsanataḥ prāha hṛdātha munisattamam || 50 ||
[Analyze grammar]

viṣṇuruvāca |
dhanyastvaṃ muniśārdūla taponidhirudāradhīḥ |
bhaktitrikaṃ na yasyāsti kāmamohādayo mune || 51 ||
[Analyze grammar]

vikārāstasya sadyo vai bhavaṃtyakhiladuḥkhadāḥ |
naiṣṭhiko brahmacārī tvaṃ jñānavairāgyavānsadā || 52 ||
[Analyze grammar]

kathaṃ kāmavikārī syā janmanā vikṛtassudhīḥ |
ityādyuktaṃ vaco bhūri śrutvā sa munisattamaḥ || 53 ||
[Analyze grammar]

vijahāsa hṛdā natvā pratyuvāca vaco harim |
nārada uvāca |
kiṃ prabhāvaḥ smaraḥ svāminkṛpā yadyasti te mayi || 54 ||
[Analyze grammar]

ityuktvā harimānamya yayau yādṛcchiko muniḥ || 55 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ prathamakhaṃḍe sṛṣṭyupākhyāne nāradatapovarṇanaṃ nāma dvitīyo'dhyāyaḥ || 2 ||
[Analyze grammar]