Chapter 21

[English text for this chapter is available]

ṛṣaya ūcuḥ |
sūta sūta mahābhāga vyāsaśiṣya namostu te |
samyaguktaṃ tvayā tāta pārthivārcāvidhānakam || 1 ||
[Analyze grammar]

kāmanābhedamāśritya saṃkhyāṃ brūhi vidhānataḥ |
śivapārthivaliṃgānāṃ kṛpayā dīnavatsala || 2 ||
[Analyze grammar]

sūta uvāca |
śṛṇudhvamṛṣayaḥ sarve pārthivārcāvidhānakam |
yasyānuṣṭhānamātreṇa kṛtakṛtyo bhavennaraḥ || 3 ||
[Analyze grammar]

akṛtvā pārthivaṃ liṃgaṃ yonyadevaṃ prapūjayet |
vṛthā bhavati sā pūjā damadānādikaṃ vṛthā || 4 ||
[Analyze grammar]

saṃkhyā pārthivaliṃgānāṃ yathākāmaṃ nigadyate |
saṃkhyā sadyo muniśreṣṭha niścayena phalapradā || 5 ||
[Analyze grammar]

prathamāvāhanaṃ tatra pratiṣṭhā pūjanaṃ pṛthak |
liṃgākāraṃ samaṃ tatra sarvaṃ jñeyaṃ pṛthakpṛthak || 6 ||
[Analyze grammar]

vidyārthī puruṣaḥ prītyā sahasramitapārthivam |
pūjayecchivaliṃgaṃ hi niścayāttatphalapradam || 7 ||
[Analyze grammar]

naraḥ pārthivaliṃgānāṃ dhanārthī ca tadarddhakam |
putrārthī sārddhasāhasraṃ vastrārthī śatapaṃcakram || 8 ||
[Analyze grammar]

mokṣārthī koṭiguṇitaṃ bhūkāmaśca sahasrakam |
dayārthī ca trisāhasraṃ tīrthārthī dvisahasrakam || 9 ||
[Analyze grammar]

suhṛtkāmī trisāhasraṃ vaśyārthī śatamaṣṭakam |
māraṇārthī saptaśataṃ mohanārthī śatāṣṭakam || 10 ||
[Analyze grammar]

uccāṭanaparaścaiva sahasraṃ ca yathoktataḥ |
staṃbhanārthī sahasraṃ tu dveṣaṇārthī tadarddhakam || 11 ||
[Analyze grammar]

nigaḍānmuktikāmastu sahasraṃ sarddhamuttamam |
mahārājabhaye paṃcaśataṃ jñeyaṃ vicakṣaṇaiḥ || 12 ||
[Analyze grammar]

caurādisaṃkaṭe jñeyaṃ pārthivānāṃ śatadvayam |
ḍākinyādibhaye paṃcaśatamuktaṃ japārthivam || 13 ||
[Analyze grammar]

dāridra ye paṃcasāhasramayutaṃ sarvakāmadam |
atha nityavidhiṃ vakṣye śṛṇudhvaṃ munisattamāḥ || 14 ||
[Analyze grammar]

ekaṃ pāpaharaṃ proktaṃ dviliṃgaṃ cārthasiddhidam |
triliṃgaṃ sarvakāmānāṃ kāraṇaṃ paramīritam || 15 ||
[Analyze grammar]

uttarottaramevaṃ syātpūrvoktagaṇanāvidhi |
matāṃtaramatho vakṣye saṃkhyāyāṃ munibhedataḥ || 16 ||
[Analyze grammar]

liṃgānāmayutaṃ kṛtvā pārthivānāṃ subuddhimān |
nirbhayo hi bhavennūnaṃ mahārājabhayaṃ haret || 17 ||
[Analyze grammar]

kārāgṛhādimuktyarthamayutaṃ kārayedbudhaḥ |
ḍākinyādibhaye saptasahasraṃ kārayettathā || 18 ||
[Analyze grammar]

sahasrāṇi paṃcapaṃcāśadaputraḥ prakārayet |
liṃgānāmayutenaiva kanyakāsaṃtatiṃ labhet || 19 ||
[Analyze grammar]

liṃgānāmayutenaiva viṣṇvādaiśvaryamāpnuyāt |
liṃgānāṃ prayutenaiva hyatulāṃ śriyamāpnuyāt || 20 ||
[Analyze grammar]

koṭimekāṃ tu liṃgānāṃ yaḥ karoti naro bhuvi |
śiva eva bhavetsopi nātra kāryyā vicāraṇā || 21 ||
[Analyze grammar]

arcā pārthivaliṃgānāṃ koṭiyajñaphalapradā |
bhuktidā muktidā nityaṃ tataḥ kāmarthināṃ nṛṇām || 22 ||
[Analyze grammar]

vinā liṃgārcanaṃ yasya kālo gacchati nityaśaḥ |
mahāhānirbhavettasya durvṛttasya durātmanaḥ || 23 ||
[Analyze grammar]

ekataḥ sarvadānāni vratāni vividhāni ca |
tīrthāni niyamā yajñā liṃgārcā caikataḥ smṛtā || 24 ||
[Analyze grammar]

kalau liṃgārcanaṃ śreṣṭhaṃ tathā loke pradṛśyate |
tathā nāstīti śāstrāṇāmeṣa siddhāntaniścayaḥ || 25 ||
[Analyze grammar]

bhuktimuktipradaṃ liṃgaṃ vividhāpannivāraṇam |
pūjayitvā naro nityaṃ śivasāyujyamāpnuyāt || 26 ||
[Analyze grammar]

śivānāmamayaṃ liṃgaṃ nityaṃ pūjyaṃ maharṣibhiḥ |
yataśca sarvaliṃgeṣu tasmātpūjyaṃ vidhānataḥ || 27 ||
[Analyze grammar]

uttamaṃ madhyamaṃ nīcaṃ trividhaṃ liṃgamīritam |
mānato muniśārdūlāstacchṛṇudhvaṃ vadāmyaham || 28 ||
[Analyze grammar]

caturaṃgulamucchrāyaṃ ramyaṃ vedikayā yutam |
uttamaṃ liṃgamākhyātaṃ munibhiḥ śāstrakovidaiḥ || 29 ||
[Analyze grammar]

tadarddhaṃ madhyamaṃ proktaṃ tadarddhamaghamaṃ smṛtam |
itthaṃ trividhamākhyātamuttarottarataḥ param || 30 ||
[Analyze grammar]

anekaliṃgaṃ yo nityaṃ bhaktiśraddhāsamanvitaḥ |
pūjayetsa labhetkāmānmanasā mānasepsitān || 31 ||
[Analyze grammar]

na liṃgārādhanādanyatpuṇyaṃ vedacatuṣṭaye |
vidyate sarvaśāstrāṇāmeṣa eva viniścayaḥ || 32 ||
[Analyze grammar]

sarvametatparityajya karmajālamaśeṣataḥ |
bhaktyā paramayā vidvāṃ lliṃgamekaṃ prapūjayet || 33 ||
[Analyze grammar]

liṃgercitercitaṃ sarvaṃ jagatsthāvarajaṃgamam |
saṃsārāṃbudhimagnānāṃ nānyattāraṇasādhanam || 34 ||
[Analyze grammar]

ajñānatimirāṃdhānāṃ viṣayāsaktacetasām |
plavo nānyosti jagati liṃgārādhanamaṃtarā || 35 ||
[Analyze grammar]

haribrahmādayo devā munayo yakṣarākṣasāḥ |
gaṃdharvāścaraṇāssiddhā daiteyā dānavāstathā || 36 ||
[Analyze grammar]

nāgāḥ śeṣaprabhṛtayo garuḍādyāḥkhagāstathā |
saprajāpatayaścānye manavaḥ kinnarā narāḥ || 37 ||
[Analyze grammar]

pūjayitvā mahābhaktyā liṃgaṃ sarvārthasiddhidam |
prāptāḥ kāmānabhīṣṭāṃśca tāṃstānsarvānhṛdi sthitān || 38 ||
[Analyze grammar]

brāhmaṇaḥ kṣatriyo vaiśyaḥ śūdro vā pratilomajaḥ |
pūjayetsatataṃ liṃgaṃ tattanmaṃtreṇa sādaram || 39 ||
[Analyze grammar]

kiṃ bahūktena munayaḥ strīṇāmapi tathānyataḥ |
adhikārosti sarveṣāṃ śivaliṃgārcane dvijāḥ || 40 ||
[Analyze grammar]

dvijānāṃ vaidikenāpi mārgeṇārādhanaṃ varam |
anyeṣāmapi jaṃtūnāṃ vaidikena na saṃmatam || 41 ||
[Analyze grammar]

vaidikānāṃ dvijānāṃ ca pūjā vaidikamārgataḥ |
kartavyānānyamārgeṇa ityāha bhagavāñchivaḥ || 42 ||
[Analyze grammar]

dadhīcigautamādīnāṃ śāpenādagdhacetasām |
dvijānāṃ jāyate śraddhānaiva vaidikakarmaṇi || 43 ||
[Analyze grammar]

yo vaidikamanādṛtya karma smārtamathāpi vā |
anyatsamācarenmartyo na saṃkalpaphalaṃ labhet || 44 ||
[Analyze grammar]

itthaṃ kṛtvārcanaṃ śaṃbhornaivedyāṃtaṃ vidhānataḥ |
pūjayedaṣṭamūrtīśca tatraiva trijaganmayīḥ || 45 ||
[Analyze grammar]

kṣitirāponalo vāyurākāśaḥ sūryyasomakau |
yajamāna iti tvaṣṭau mūrtayaḥ parikīrtitāḥ || 46 ||
[Analyze grammar]

śarvo bhavaśca rudra śca ugrobhīma itīśvaraḥ |
mahādevaḥ paśupatiretānmūrtibhirarcayet || 47 ||
[Analyze grammar]

pūjayetparivāraṃ ca tataḥ śaṃbhoḥ subhaktitaḥ |
īśānādikramāttatra caṃdanākṣatapatrakaiḥ || 48 ||
[Analyze grammar]

īśānaṃ naṃdinaṃ caṃḍaṃ mahākālaṃ ca bhṛṃgiṇam |
vṛṣaṃ skaṃdaṃ kapardīśaṃ somaṃ śukraṃ ca tatkramāt || 49 ||
[Analyze grammar]

agrato vīrabhadraṃ ca pṛṣṭhe kīrtimukhaṃ tathā |
tata ekādaśānrudrā npūjayedvidhinā tataḥ || 50 ||
[Analyze grammar]

tataḥ paṃcākṣaraṃ japtvā śatarudri yameva ca |
stutīrnānāvidhāḥ kṛtvā paṃcāṃgapaṭhanaṃ tathā || 51 ||
[Analyze grammar]

tataḥ pradakṣiṇāṃ kṛtvā natvā liṃgaṃ visarjayet |
iti proktamaśeṣaṃ ca śivapūjanamādarāt || 52 ||
[Analyze grammar]

rātrāvudaṇmukhaḥ kuryāddevakāryaṃ sadaiva hi |
śivārcanaṃ sadāpyevaṃ śuciḥ kuryādudaṇmukhaḥ || 53 ||
[Analyze grammar]

na prācīmagrataḥ śaṃbhornodīcīṃ śaktisaṃhitān |
na pratīcīṃ yataḥ pṛṣṭhamato grāhyaṃ samāśrayet || 54 ||
[Analyze grammar]

vinā bhasmatripuṃḍreṇa vinā rudrā kṣamālayā |
bilvapatraṃ vinā naiva pūjayecchaṃkaraṃ budhaḥ || 55 ||
[Analyze grammar]

bhasmāprāptau muniśreṣṭhāḥ pravṛtte śivapūjane |
tasmānmṛdāpi kartavyaṃ lalāṭe ca tripuṃḍrakam || 56 ||
[Analyze grammar]

iti śrīśivamahāpurāṇe prathamāyāṃ vidyeśvarasaṃhitāyāṃ sādhyasādhanakhaṇḍe pārthivapūjanavarṇanaṃ nāmaikaviṃśo'dhyāyaḥ || 21 ||
[Analyze grammar]