Chapter 19

[English text for this chapter is available]

ṛṣaya ūcuḥ |
sūta sūta ciraṃjīva dhanyastvaṃ śivabhaktimān |
samyaguktastvayā liṃgamahimā satphalapradaḥ || 1 ||
[Analyze grammar]

yatra pārthivamāheśaliṃgasya mahimādhunā |
sarvotkṛṣṭaśca kathito vyāsato brūhi taṃ punaḥ || 2 ||
[Analyze grammar]

sūta uvāca |
śṛṇudhvamṛṣayaḥ sarve sadbhaktyā harato khilāḥ |
śivapārthivaliṃgasya mahimā procyate mayā || 3 ||
[Analyze grammar]

ukteṣveteṣu liṃgeṣu pārthivaṃ liṃgamuttamam |
tasya pūjanato viprā bahavaḥ siddhimāgatāḥ || 4 ||
[Analyze grammar]

harirbrahmā ca ṛṣayaḥ saprajāpatayastathā |
saṃpūjya pārthivaṃ liṃgaṃ prāpuḥsarvepsitaṃ dvijāḥ || 5 ||
[Analyze grammar]

devāsuramanuṣyāśca gaṃdharvoragarākṣasāḥ |
anyepi bahavastaṃ saṃpūjya siddhiṃ gatāḥ param || 6 ||
[Analyze grammar]

kṛte ratnamayaṃ liṃgaṃ tretāyāṃ hemasaṃbhavam |
dvāpare pāradaṃ śreṣṭhaṃ pārthivaṃ tu kalau yuge || 7 ||
[Analyze grammar]

aṣṭamūrtiṣu sarvāsu mūrtirvai pārthivī varā |
ananyapūjitā viprāstapastasmānmahatphalam || 8 ||
[Analyze grammar]

yathā sarveṣu deveṣu jyeṣṭhaḥ śreṣṭho maheśvaraḥ |
evaṃ sarveṣu liṃgeṣu pārthivaṃ śreṣṭamucyate || 9 ||
[Analyze grammar]

yathā nadīṣu sarvāsu jyeṣṭhā śreṣṭhā surāpagā |
tathā sarveṣu liṃgeṣu pārthivaṃ śreṣṭhamucyate || 10 ||
[Analyze grammar]

yathā sarveṣu maṃtreṣu praṇavo hi mahānsmṛtaḥ |
tathedaṃ pārthivaṃ śreṣṭhamārādhyaṃ pūjyameva hi || 11 ||
[Analyze grammar]

yathā sarveṣu varṇeṣu brāhmaṇaḥśreṣṭha ucyate |
tathā sarveṣu liṃgeṣu pārthivaṃ śreṣṭhamucyate || 12 ||
[Analyze grammar]

yathā purīṣu sarvāsu kāśīśreṣṭhatamā smṛtā |
tathā sarveṣu liṃgeṣu pārthivaṃ śreṣṭhamucyate || 13 ||
[Analyze grammar]

yathā vrateṣu sarveṣu śivarātrivrataṃ param |
tathā sarveṣu liṃgeṣu pārthivaṃ śreṣthamucyate || 14 ||
[Analyze grammar]

yathā devīṣu sarvāsu śaivīśaktiḥ parāsmṛtā |
tathā sarveṣu liṃgeṣu pārthivaṃ śreṣṭhamucyate || 15 ||
[Analyze grammar]

prakṛtyapārthivaṃ liṃgaṃ yonyadevaṃ prapūjayet |
vṛthā bhavati sā pūjā snānadānādikaṃ vṛthā || 16 ||
[Analyze grammar]

pārthivārādhanaṃ puṇyaṃ dhanyamāyurvivardhanam |
tuṣṭidaṃ puṣṭidaṃśrīdaṃ kāryaṃ sādhakasattamaiḥ || 17 ||
[Analyze grammar]

yathā labdhopacāraiśca bhaktyā śraddhāsamanvitaḥ |
pūjayetpārthivaṃ liṃgaṃ sarvakāmārthasiddhidam || 18 ||
[Analyze grammar]

yaḥ kṛtvā pārthivaṃ liṃge pūjayecchubhavedikam |
ihaiva dhanavāñchrīmānaṃte rudro bhijāyate || 19 ||
[Analyze grammar]

trisaṃdhyaṃ yorcayaṃlliṃgaṃ kṛtvā bilvena pārthivam |
daśaikādaśakaṃyāvattasya puṇyaphalaṃ śṛṇu || 20 ||
[Analyze grammar]

anenaiva svadehena rudra loke mahīyate |
pāpahaṃ sarvamartyānāṃ darśanātsparśanādapi || 21 ||
[Analyze grammar]

jīvanmuktaḥ sa vaijñānī śiva eva na saṃśayaḥ |
tasya darśanamātreṇa bhuktirmuktiśca jāyate || 22 ||
[Analyze grammar]

śivaṃ yaḥ pūjayennityaṃ kṛtvā liṃgaṃ tu pārthivam |
yāvajjīvanaparyaṃtaṃ sa yāti śivamandiram || 23 ||
[Analyze grammar]

mṛḍenāpramitānvarṣāñchivalokehi tiṣṭhati |
sakāmaḥ punarāgatya rājendro bhārate bhavet || 24 ||
[Analyze grammar]

niṣkāmaḥ pūjayennityaṃ pārthivaṃliṃgamuttamam |
śivaloke sadā tiṣṭhettataḥ sāyujyamāpnuyāt || 25 ||
[Analyze grammar]

pārthivaṃ śivaliṃgaṃ ca vipro yadi na pūjayet |
sa yāti narakaṃ ghoraṃ śūlaprotaṃ sudāruṇam || 26 ||
[Analyze grammar]

yathākathaṃcidvidhinā ramyaṃ liṃgaṃ prakārayet |
paṃcasūtravidhānāṃ ca pārthivena vicārayet || 27 ||
[Analyze grammar]

akhaṇḍaṃ taddhi kartavyaṃ na vikhaṇḍaṃ prakārayet |
dvikhaṇḍaṃ tu prakurvāṇo naiva pūjāphalaṃ labhet || 28 ||
[Analyze grammar]

ratnajaṃ hemajaṃ liṃgaṃ pāradaṃ sphāṭikaṃ tathā |
pārthivaṃ puṣparāgotthamakhaṃḍaṃ tu prakārayet || 29 ||
[Analyze grammar]

akhaṃḍaṃ tu caraṃ liṃgaṃ dvikhaṃḍamacaraṃ smṛtam |
khaṃḍākhaṃḍavicāroyaṃ sacarācarayoḥ smṛtaḥ || 30 ||
[Analyze grammar]

vedikā tu mahāvidyā liṃgaṃ devo maheśvaraḥ |
ato hi sthāvare liṃge smṛtā śreṣṭhādikhaṃḍitā || 31 ||
[Analyze grammar]

dvikhaṃḍaṃ sthāvaraṃ liṃgaṃ kartavyaṃ hi vidhānataḥ |
akhaṃḍaṃ jaṃgamaṃ proktaṃś aivasiddhāntavedibhiḥ || 32 ||
[Analyze grammar]

dvikhaṃḍaṃ tu carāṃ liṃgaṃ kurvantyajñānamohitāḥ |
naiva siddhāntavettāro munayaḥ śāstrakovidāḥ || 33 ||
[Analyze grammar]

akhaṃḍaṃ sthāvaraṃ liṃgaṃ dvikhaṃḍaṃ carameva ca |
yekurvantinarāmūḍhānapūjāphalabhāginaḥ || 34 ||
[Analyze grammar]

tasmācchāstroktavidhinā akhaṃḍaṃ carasaṃjñakam |
dvikhaṃḍaṃ sthāvaraṃ liṃgaṃ kartavyaṃ parayā mudā || 35 ||
[Analyze grammar]

akhaṃḍe tu care pūjā sampūrṇaphaladāyinī |
dvikhaṃḍe tu care pūjāmahāhānipradā smṛtā || 36 ||
[Analyze grammar]

akhaṃḍe sthāvare pūjā na kāmaphaladāyinī |
pratyavāyakarī nityamityuktaṃ śāstravedibhiḥ || 37 ||
[Analyze grammar]

iti śrīśivamahāpurāṇe vidyeśvarasaṃhitāyāṃ sādhyasādhanakhaṃḍe pārthivaśivaliṃgapūjanamāhātmyavarṇanaṃ nāmaikonaviṃśo'dhyāyaḥ || 19 ||
[Analyze grammar]