Chapter 17

[English text for this chapter is available]

ṛṣaya ūcuḥ |
praṇavasya ca māhātmyaṃ ṣaḍliṃgasya mahāmune |
śivabhaktasya pūjāṃ ca kramaśo brūhi naḥprabho || 1 ||
[Analyze grammar]

sūta uvāca |
tapodhanairbhavadbhiśca samyakpraśnastvayaṃ kṛtaḥ |
asyottaraṃ mahādevo jānāti sma na cāparaḥ || 2 ||
[Analyze grammar]

athāpi vakṣye tamahaṃ śivasya kṛpayaiva hi |
śivo'smākaṃ ca yuṣmākaṃ rakṣāṃ gṛhṇātu bhūriśaḥ || 3 ||
[Analyze grammar]

pro hi prakṛtijātasya saṃsārasya mahodadheḥ |
navaṃ nāvāṃtaramiti praṇavaṃ vai vidurbudhāḥ || 4 ||
[Analyze grammar]

praḥ prapaṃco na nāstivo yuṣmākaṃ praṇavaṃ viduḥ |
prakarṣeṇa nayedyasmānmokṣaṃ vaḥ praṇavaṃ viduḥ || 5 ||
[Analyze grammar]

svajāpakānāṃ yogināṃ svamaṃtrapūjakasya ca |
sarvakarmakṣayaṃ kṛtvā divyajñānaṃ tu nūtanam || 6 ||
[Analyze grammar]

tameva māyārahitaṃ nūtanaṃ paricakṣate |
prakarṣeṇa mahātmānaṃ navaṃ śuddhasvarūpakam || 7 ||
[Analyze grammar]

nūtanaṃ vai karotīti praṇavaṃ taṃ vidurbudhāḥ |
praṇavaṃ dvividhaṃ proktaṃ sūkṣmasthūlavibhedataḥ || 8 ||
[Analyze grammar]

sūkṣmamekākṣaraṃ vidyātsthūlaṃ paṃcākṣaraṃ viduḥ |
sūkṣmamavyaktapaṃcārṇaṃ suvyaktārṇaṃ tathetarat || 9 ||
[Analyze grammar]

jīvanmuktasya sūkṣmaṃ hi sarvasāraṃ hi tasya hi |
maṃtreṇārthānusaṃdhānaṃ svadehavilayāvadhi || 10 ||
[Analyze grammar]

svadehegalite pūrṇaṃ śivaṃ prāpnoti niścayaḥ |
kevalaṃ maṃtrajāpī tu yogaṃ prāpnoti niścayaḥ || 11 ||
[Analyze grammar]

ṣaṭtriṃśatkoṭijāpī tu niścayaṃ yogamāpnuyāt |
sūkṣmaṃ ca dvividhaṃ jñeyaṃ hrasvadīrghavibhedataḥ || 12 ||
[Analyze grammar]

akāraśca ukāraśca makāraśca tataḥ param |
biṃdunādayutaṃ taddhi śabdakālakalānvitam || 13 ||
[Analyze grammar]

dīrghapraṇavamevaṃ hi yogināmeva hṛdgatam |
makāraṃ taṃtritattvaṃ hi hrasvapraṇava ucyate || 14 ||
[Analyze grammar]

śivaḥ śaktistayoraikyaṃ makāraṃ tu trikātmakam |
hrasvamevaṃ hi jāpyaṃ syātsarvapāpakṣayaiṣiṇām || 15 ||
[Analyze grammar]

bhūvāyukanakārṇodyoḥśabdādyāśca tathā daśa |
āśānvayedaśapunaḥ pravṛttā iti kathyate || 16 ||
[Analyze grammar]

hrasvameva pravṛttānāṃ nivṛttānāṃ tu dīrghakam |
vyāhṛtyādau ca maṃtrādau kāmaṃ śabdakalāyutam || 17 ||
[Analyze grammar]

vedādau ca prayojyaṃ syādvaṃdane saṃdhyayorapi |
navakauṭijapāñjaptvā saṃśuddhaḥ puruṣo bhavet || 18 ||
[Analyze grammar]

punaśca navakoṭyā tu pṛthivījayamāpnuyāt |
punaśca navakoṭyā tu hyapāṃjayamavāpnuyāt || 19 ||
[Analyze grammar]

punaśca navakoṭyā tu tejasāṃjayamāpnuyāt |
punaśca navakoṭyā tu vāyorjayamavāpnuyāt |
ākāśajayamāpnoti navakoṭijapena vai || 20 ||
[Analyze grammar]

gaṃdhādīnāṃkrameṇaivanavakoṭijapeṇavai |
ahaṃkārasya ca punarnava koṭijapena vai || 21 ||
[Analyze grammar]

sahasramaṃtrajaptena nityaśuddho bhavetpumān |
tataḥ paraṃ svasiddhyarthaṃ japo bhavati hi dvijāḥ || 22 ||
[Analyze grammar]

evamaṣṭottaraśatakoṭijaptena vai punaḥ |
praṇavena prabuddhastu śuddhayogamavāpnuyāt || 23 ||
[Analyze grammar]

śuddhayogena saṃyukto jīvanmukto na saṃśayaḥ |
sadā japansadādhyāyañchivaṃ praṇavarūpiṇam || 24 ||
[Analyze grammar]

samādhistho mahāyogīśiva eva na saṃśayaḥ |
ṛṣicchaṃdodevatādi nyasya dehepunarjapet || 25 ||
[Analyze grammar]

praṇavaṃ mātṛkāyuktaṃ dehe nyasya ṛṣirbhavet |
daśamātṛṣaḍadhvādi sarvaṃ nyāsaphalaṃ labhet || 26 ||
[Analyze grammar]

pravṛttānāṃ ca miśrāṇāṃ sthūlapraṇavamiṣyate |
kriyātapojapairyuktāstrividhāḥ śivayoginaḥ || 27 ||
[Analyze grammar]

dhanādivibhavaiścaiva karādyaṃgairnamādibhiḥ |
kriyayā pūjayā yuktaḥ kriyāyogīti kathyate || 28 ||
[Analyze grammar]

pūjāyuktaśca mitabhugbāhyeṃdri yajayānvitaḥ |
paradro hādirahitastapoyogīti kathyate || 29 ||
[Analyze grammar]

etairyuktaḥ sadā kruddhaḥ sarvakāmādivarjitaḥ |
sadā japaparaḥ śāṃtojapayogīti taṃ viduḥ || 30 ||
[Analyze grammar]

upacāraiḥ ṣoḍaśabhiḥ pūjayā śivayoginām |
sālokyādikrameṇaiva śuddho muktiṃ labhennaraḥ || 31 ||
[Analyze grammar]

japayogamatho vakṣye gadataḥ śṛṇuta dvijāḥ |
tapaḥkarturjapaḥ prokto yajjapanparimārjate || 32 ||
[Analyze grammar]

śivanāma namaḥpūrvaṃ caturthyāṃ paṃcatattvakam |
sthūlapraṇavarūpaṃ hi śivapaṃcākṣaraṃ dvijāḥ || 33 ||
[Analyze grammar]

paṃcākṣarajapenaiva sarvasiddhiṃ labhennaraḥ |
praṇavenādisaṃyuktaṃ sadā paṃcākṣaraṃ japet || 34 ||
[Analyze grammar]

gurūpadeśaṃ saṃgamya sukhavāse subhūtale |
pūrvapakṣe samārabhya kṛṣṇabhūtāvadhi dvijāḥ || 35 ||
[Analyze grammar]

māghaṃ bhādraṃ viśiṣṭaṃ tu sarvakālottamottamam |
ekavāraṃ mitāśītu vāgyato niyateṃdri yaḥ || 36 ||
[Analyze grammar]

svasya rājapitṛṇāṃ ca śuśrūṣaṇaṃ ca nityaśaḥ |
sahasrajapamātreṇa bhavecchuddho'nyathā ṛṇī || 37 ||
[Analyze grammar]

paṃcākṣaraṃ paṃcalakṣaṃ japecchivamanusmaran |
padmāsanasthaṃ śivadaṃ gaṃgācaṃdra kalānvitam || 38 ||
[Analyze grammar]

vāmorusthitaśaktyā ca virājaṃ taṃ mahāgaṇaiḥ |
mṛgaṭaṃkadharaṃ devaṃ varadābhayapāṇikam || 39 ||
[Analyze grammar]

sadānugrahakarttāraṃ sadā śivamanusmaran |
saṃpūjya manasā pūrvaṃ hṛdivāsūryamaṃḍale || 40 ||
[Analyze grammar]

japetpaṃcākṣarīṃ vidyāṃ prāṇmukhaḥ śuddhakarmakṛt |
prātaḥ kṛṣṇacaturdaśyāṃ nityakarmasamāpya ca || 41 ||
[Analyze grammar]

manorame śucau deśe niyataḥ śuddhamānasaḥ |
paṃcākṣarasya maṃtrasya sahasraṃ dvādaśaṃ japet || 42 ||
[Analyze grammar]

varayecca sapatnīkāñchaivānvai brāhmaṇottamān |
ekaṃ guruvaraṃ śiṣṭaṃ varayetsāṃbamūrtikam || 43 ||
[Analyze grammar]

īśānaṃ cātha puruṣamaghoraṃ vāmameva ca |
sadyojātaṃ ca paṃcaiva śivabhaktāndvijottamān || 44 ||
[Analyze grammar]

pūjādra vyāṇi saṃpādya śivapūjāṃ samārabhet |
śivapūjāṃ ca vidhivatkṛtvā homaṃ samārabhet || 45 ||
[Analyze grammar]

mukhāṃtaṃ ca svasūtreṇa kṛtvā homaṃ samārabhet |
daśaikaṃ vā śataikaṃ vā sahasraikamathāpi vā || 46 ||
[Analyze grammar]

kāpilena ghṛtenaiva juhuyātsvayameva hi |
kārayecchivabhaktairvāpyaṣṭottaraśataṃ budhaḥ || 47 ||
[Analyze grammar]

homānte dakṣiṇā deyā gurorgomithunaṃ tathā |
īśānādisvarūpāṃstānguruṃ sāṃbaṃ vibhāvya ca || 48 ||
[Analyze grammar]

teṣāṃ patsiktatoyena svaśiraḥ snānamācaret |
ṣaṭtriṃśatkoṭitīrtheṣu sadyaḥ snānaphalaṃ labhet || 49 ||
[Analyze grammar]

daśāṃgamannaṃ teṣāṃ vai dadyādvaibhaktipūrvakam |
parābuddhyā guroḥ patnīmīśānādikrameṇa tu || 50 ||
[Analyze grammar]

paramānnena saṃpūjya yathāvibhavavistaram |
rudrā kṣavastrapūrvaṃ ca vaṭakāpūpakairyutam || 51 ||
[Analyze grammar]

balidānaṃ tataḥ kṛtvā bhūribhojanamācaret |
tataḥ saṃprārthya deveśaṃ japaṃ tāvatsamāpayet || 52 ||
[Analyze grammar]

puraścaraṇamevaṃ tu kṛtvā mantrībhavennaraḥ |
punaśca paṃcalakṣeṇa sarvapāpakṣayo bhavet || 53 ||
[Analyze grammar]

atalādi samārabhya satyalokāvadhikramāt |
paṃcalakṣajapāttattallokaiśvaryamavāpnuyāt || 54 ||
[Analyze grammar]

madhye mṛtaścedbhogāṃte bhūmau tajjāpako bhavet |
punaśca paṃcalakṣeṇa brahmasāmīpyamāpnuyāt || 55 ||
[Analyze grammar]

punaśca paṃcalakṣeṇa sārūpyaiśvaryamāpnuyāt |
āhatya śatalakṣeṇa sākṣādbrahmasamo bhavet || 56 ||
[Analyze grammar]

kāryabrahmaṇa evaṃ hi sāyujyaṃ pratipadya vai |
yatheṣṭaṃ bhogamāpnoti tadbrahmapralayāvadhi || 57 ||
[Analyze grammar]

punaḥ kalpāṃtare vṛtte brahmaputraḥ sajāyate |
punaśca tapasā dīptaḥ kramānmukto bhaviṣyati || 58 ||
[Analyze grammar]

pṛthvyādikāryabhūtebhyo lokā vai nirmitāḥ kramāt |
pātālādi ca satyāṃtaṃ brahmalokāścaturdaśa || 59 ||
[Analyze grammar]

satyādūrdhvaṃ kṣamāṃtaṃ vaiviṣṇulokāścaturdaśa |
kṣamaloke kāryaviṣṇurvaikuṃṭhe varapattane || 60 ||
[Analyze grammar]

kāryalakṣmyā mahābhogirakṣāṃ kṛtvā'dhitiṣṭhati |
tadūrdhvagāśca śucyaṃtāṃ lokāṣṭāviṃśatiḥ sthitāḥ || 61 ||
[Analyze grammar]

śucau loke tu kailāse rudro vai bhūtahṛtsthitaḥ |
ṣaḍuttarāśca paṃcāśadahiṃsāṃtāstadūrdhvagāḥ || 62 ||
[Analyze grammar]

ahiṃsālokamāsthāya jñānakailāsake pure |
kāryeśvarastirobhāvaṃ sarvānkṛtvādhitiṣṭhati || 63 ||
[Analyze grammar]

tadaṃte kālacakraṃ hi kālātītastataḥ param |
śivenādhiṣṭhitastatra kālaścakreśvarāhvayaḥ || 64 ||
[Analyze grammar]

māhiṣaṃ dharmamāsthāya sarvānkālena yuṃjati |
asatyaścāśuciścaiva hiṃsā caivātha nirghṛṇā || 65 ||
[Analyze grammar]

asatyādicatuṣpādaḥ sarvāṃśaḥ kāmarūpadhṛk |
nāstikyalakṣmīrduḥsaṃgo vedabāhyadhvaniḥ sadā || 66 ||
[Analyze grammar]

krodhasaṃgaḥ kṛṣṇavarṇo mahāmahiṣaveṣavān |
tāvanmaheśvaraḥ proktastirodhāstāvadeva hi || 67 ||
[Analyze grammar]

tadarvākkarmabhogo hi tadūrdhvaṃ jñānabhogakam |
tadarvākkarmamāyā hi jñānamāyā tadūrdhvakam || 68 ||
[Analyze grammar]

mā lakṣmīḥ karmabhogo vai yāti māyeti kathyate |
mā lakṣmīrjñānabhogo vai yāti māyeti kathyate || 69 ||
[Analyze grammar]

tadūrdhvaṃ nityabhogo hi tadarvāṇnaśvaraṃ viduḥ |
tadarvākca tirodhānaṃ tadūrdhvaṃ na tirodhanam || 70 ||
[Analyze grammar]

tadarvākpāśabaṃdho hi tadūrdhvaṃ na hi baṃdhanam |
tadarvākparivartaṃte kāmyakarmānusāriṇaḥ || 71 ||
[Analyze grammar]

niṣkāmakarmabhogastu tadūrdhvaṃ parikīrtitaḥ |
tadarvākparivartaṃte biṃdupūjāparāyaṇāḥ || 72 ||
[Analyze grammar]

tadūrdhvaṃ hi vrajaṃtyeva niṣkāmā liṃgapūjakāḥ |
tadarvākparivartaṃte śivānyasurapūjakāḥ || 73 ||
[Analyze grammar]

śivaikaniratā ye ca tadūrdhvaṃ saṃprayāṃti te |
tadarvāgjīvakoṭiḥ syāttadūrdhvaṃ parakoṭikāḥ || 74 ||
[Analyze grammar]

sāṃsārikāstadarvākca muktāḥ khalu tadūrdhvagāḥ |
tadarvākparivartaṃte prākṛtadra vyapūjakāḥ || 75 ||
[Analyze grammar]

tadūrdhvaṃ hi vrajaṃtyete pauruṣadra vyapūjakāḥ |
tadarvākchaktiliṃgaṃ tu śivaliṃgaṃ tadūrdhvakam || 76 ||
[Analyze grammar]

tadarvāgāvṛtaṃ liṃgaṃ tadūrdhvaṃ hi nirāvṛti |
tadarvākkalpitaṃ liṃgaṃ tadūrdhvaṃ vai na kalpitam || 77 ||
[Analyze grammar]

tadarvāgbāhyaliṃgaṃ syādaṃtaraṃgaṃ tadūrdhvakam |
tadarvākchaktilokā hi śataṃ vai dvādaśādhikam || 78 ||
[Analyze grammar]

tadarvāgbiṃdurūpaṃ hi nādarūpaṃ taduttaram |
tadarvākkarmalokastu tadūrdhvaṃ jñānalokakaḥ || 79 ||
[Analyze grammar]

namaskārastadūrdhvaṃ hi madāhaṃkāranāśanaḥ |
janijaṃ vai tirodhānaṃ nāniṣiddhyātate iti || 80 ||
[Analyze grammar]

jñānaśabdārtha evaṃ hi tirodhānanivāraṇāt |
tadarvākparivartaṃte hyādhibhautikapūjakāḥ || 81 ||
[Analyze grammar]

ādhyātmikārcakā eva tadūrdhvaṃ saṃprayāṃtivai |
tāvadvai vedibhāgaṃ tanmahālokātmaliṃgake || 82 ||
[Analyze grammar]

prakṛtyādyaṣṭabaṃdhopi vedyaṃte saṃpratiṣṭhataḥ |
evametādṛśaṃ jñeyaṃ sarvaṃ laukikavaidikam || 83 ||
[Analyze grammar]

adharmamahiṣārūḍhaṃ kālacakraṃ taraṃti te |
satyādidharmayuktā ye śivapūjāparāśca ye || 84 ||
[Analyze grammar]

tadūrdhvaṃ vṛṣabho dharmo brahmacaryasvarūpadhṛk |
satyādipādayuktastu śivalokāgrataḥ sthitaḥ || 85 ||
[Analyze grammar]

kṣamāśṛṅgaḥ śamaśrotro vedadhvanivibhūṣitaḥ |
āstikyacakṣurniśvāsagurubuddhimanā vṛṣaḥ || 86 ||
[Analyze grammar]

kriyādivṛṣabhā jñeyāḥ kāraṇādiṣu sarvadā |
taṃ kriyāvṛṣabhaṃ dharmaṃ kālātītodhitiṣṭhati || 87 ||
[Analyze grammar]

brahmaviṣṇumaheśānāṃ svasvāyurdinamucyate |
tadūrdhvaṃ na dinaṃ rātrirna janmamaraṇādikam || 88 ||
[Analyze grammar]

punaḥ kāraṇasatyāṃtāḥ kāraṇabrahmaṇastathā |
gaṃdhādibhyastu bhūtebhyastadūrdhvaṃ nirmitāḥ sadā || 89 ||
[Analyze grammar]

sūkṣmagaṃdhasvarūpā hi sthitā lokāścaturdaśa |
punaḥ kāraṇaviṣṇorvai sthitā lokāścaturdaśa || 90 ||
[Analyze grammar]

punaḥkāraṇarudra sya lokāṣṭāviṃśakā matāḥ |
punaśca kāraṇeśasya ṣaṭpaṃcāśattadūrdhvagāḥ || 91 ||
[Analyze grammar]

tataḥ paraṃ brahmacaryalokākhyaṃ śivasaṃmatam |
tatraiva jñānakailāse paṃcāvaraṇasaṃyute || 92 ||
[Analyze grammar]

paṃcamaṃḍalasaṃyuktaṃ paṃcabrahmakalānvitam |
ādiśaktisamāyuktamādiliṃgaṃ tu tatra vai || 93 ||
[Analyze grammar]

śivālayamidaṃ proktaṃ śivasya paramātmanaḥ |
paraśaktyāsamāyuktastatraiva parameśvaraḥ || 94 ||
[Analyze grammar]

sṛṣṭiḥ sthitiśca saṃhārastirobhāvopyanugrahaḥ |
paṃcakṛtyapravīṇo'sau saccidānaṃdavigrahaḥ || 95 ||
[Analyze grammar]

dhyānadharmaḥ sadā yasya sadānugrahatatparaḥ |
samādhyāsanamāsīnaḥ svātmārāmo virājate || 96 ||
[Analyze grammar]

tasya saṃdarśanaṃ sāṃdhyaṃ karmadhyānādibhiḥ kramāt |
nityādikarmayajanācchivakarmamatirbhavet || 97 ||
[Analyze grammar]

kriyādiśivakarmabhyaḥ śivajñānaṃ prasādhayet |
taddarśanagatāḥ sarve muktā eva na saṃśayaḥ || 98 ||
[Analyze grammar]

muktirātmasvarūpeṇa svātmārāmatvameva hi |
kriyātapojapajñānadhyānadharmeṣu susthitaḥ || 99 ||
[Analyze grammar]

śivasya darśanaṃ labdhā svātmārāmatvameva hi |
yathā raviḥ svakiraṇādaśuddhimapaneṣyati || 100 ||
[Analyze grammar]

kṛpāvicakṣaṇaḥ śaṃbhurajñānamapaneṣyati |
ajñānavinivṛttau tu śivajñānaṃ pravartate || 101 ||
[Analyze grammar]

śivajñānātsvasvarūpamātmārāmatvameṣyati |
ātmārāmatvasaṃsiddhau kṛtakṛtyo bhavennaraḥ || 102 ||
[Analyze grammar]

punaśca śatalakṣeṇa brahmaṇaḥ padamāpnuyāt |
punaśca śatalakṣeṇa viṣṇoḥ padamavāpnuyāt || 103 ||
[Analyze grammar]

punaśca śatalakṣeṇa rudra sya padamāpnuyāt |
punaśca śatalakṣeṇa aiśvaryaṃ padamāpnuyāt || 104 ||
[Analyze grammar]

punaścaivaṃvidhenaiva japena susamāhitaḥ |
śivalokādibhūtaṃ hi kālacakramavāpnuyāt || 105 ||
[Analyze grammar]

kālacakraṃ paṃcacakramekaikena kramottare |
sṛṣṭimohau brahmacakraṃ bhogamohau tu vaiṣṇavam || 106 ||
[Analyze grammar]

kopamohau raudra cakraṃ bhramaṇaṃ caiśvaraṃ viduḥ |
śivacakraṃ jñānamohau paṃcacakraṃ vidurbudhāḥ || 107 ||
[Analyze grammar]

punaśca daśakoṭyā hi kāraṇabrahmaṇaḥ padam |
punaśca daśakoṭyā hi tatpadaiśvaryamāpnuyāt || 108 ||
[Analyze grammar]

evaṃ krameṇa viṣṇvādeḥ padaṃ labdhvā mahaujasaḥ |
krameṇa tatpadaiśvaryaṃ labdhvā caiva mahātmanaḥ || 109 ||
[Analyze grammar]

śatakoṭimanuṃ japtvā paṃcottaramataṃdri taḥ |
śivalokamavāpnoti paṃcamāvaraṇādbahiḥ || 110 ||
[Analyze grammar]

rājasaṃ maṃḍapaṃ tatra naṃdīsaṃsthānamuttamam |
taporūpaśca vṛṣabhastatraiva paridṛśyate || 111 ||
[Analyze grammar]

sadyojātasya tatsthānaṃ paṃcamāvaraṇaṃ param |
vāmadevasya ca sthānaṃ caturthāvaraṇaṃ punaḥ || 112 ||
[Analyze grammar]

aghoranilayaṃ paścāttṛtīyāvaraṇaṃ param |
puruṣasyaiva sāṃbasya dvitīyāvaraṇaṃ śubham || 113 ||
[Analyze grammar]

īśānasya parasyaiva prathamāvaraṇaṃ tataḥ |
dhyānadharmasya ca sthānaṃ paṃcamaṃ maṃḍapaṃ tataḥ || 114 ||
[Analyze grammar]

balināthasya saṃsthānaṃ tatra pūrṇāmṛtapradam |
caturthaṃ maṃḍapaṃ paścāccaṃdra śekharamūrtimat || 115 ||
[Analyze grammar]

somaskaṃdasya ca sthānaṃ tṛtīyaṃ maṃḍapaṃ param |
dvitīyaṃ maṃḍapaṃ nṛtyamaṃḍapaṃ prāhurāstikāḥ || 116 ||
[Analyze grammar]

prathamaṃ mūlamāyāyāḥ sthānaṃ tatraiva śobhanam |
tataḥ paraṃ garbhagṛhaṃ liṃgasthānaṃ paraṃ śubham || 117 ||
[Analyze grammar]

naṃdisaṃsthānataḥ paścānna viduḥ śivavaibhavam |
naṃdīśvaro bahistiṣṭhanpaṃcākṣaramupāsate || 118 ||
[Analyze grammar]

evaṃ gurukramāllabdhaṃ naṃdīśācca mayā punaḥ |
tataḥ paraṃ svasaṃvedyaṃ śive naivānubhāvitam || 119 ||
[Analyze grammar]

śivasya kṛpayā sākṣācchiva lokasya vaibhavam |
vijñātuṃ śakyate sarvairnānyathetyāhurāstikāḥ || 120 ||
[Analyze grammar]

evaṃkrameṇamuktāḥ syurbrāhmaṇā vai jiteṃdri yaḥ |
anyeṣāṃ ca kramaṃ vakṣye gadataḥ śṛṇutādarāt || 121 ||
[Analyze grammar]

gurūpadeśājjāpyaṃ vai brāhmaṇānāṃ namo'takam |
paṃcākṣaraṃ paṃcalakṣamāyuṣyaṃ prajapedvidhiḥ || 122 ||
[Analyze grammar]

strītvāpanayanārthaṃ tu paṃcalakṣaṃ japetpunaḥ |
maṃtreṇa puruṣo bhūtvā kramānmukto bhavedbudhaḥ || 123 ||
[Analyze grammar]

kṣatriyaḥ paṃcalakṣeṇa kṣattratvamapaneṣyati |
punaśca paṃcalakṣeṇa kṣattriyo brāhmaṇo bhavet || 124 ||
[Analyze grammar]

maṃtrasiddhirjapāccaiva kramānmukto bhavainnaraḥ |
vaiśyastu paṃcalakṣeṇa vaiśyatvamapaneṣyati || 125 ||
[Analyze grammar]

punaśca paṃcalakṣeṇa maṃtrakṣattriya ucyate |
punaśca paṃcalakṣeṇa kṣattratvamapaneṣyati || 126 ||
[Analyze grammar]

punaśca paṃcalakṣeṇa maṃtrabrāhmaṇa ucyate |
śūdra ścaiva namaoṃtena paṃcaviṃśatilakṣataḥ || 127 ||
[Analyze grammar]

maṃtravipratvamāpadya paścācchuddho bhaveddvijaḥ |
nārīvātha naro vātha brāhmaṇo vānya eva vā || 128 ||
[Analyze grammar]

namontaṃ vā namaḥpūrvamāturaḥ sarvadā japet |
tataḥ strīṇāṃ tathaivohyagururnirdarśayetkramāt || 129 ||
[Analyze grammar]

sādhakaḥ paṃcalakṣānte śivaprītyarthameva hi |
mahābhiṣeka naivedyaṃ kṛtvā bhaktāṃśca pūjayet || 130 ||
[Analyze grammar]

pūjayā śivabhaktasya śivaḥ prītataro bhavet |
śivasya śivabhaktasya bhedo nāsti śivo hi saḥ || 131 ||
[Analyze grammar]

śivasvarūpamaṃtrasya dhāraṇācchiva eva hi |
śivabhaktaśarīre hi śive tatparamo bhavet || 132 ||
[Analyze grammar]

śivabhaktāḥ kriyāḥ sarvā vedasarvakriyāṃ viduḥ |
yāvadyāvacchivaṃ maṃtraṃ yena japtaṃ bhavetkramāt || 133 ||
[Analyze grammar]

tāvadvai śivasānnidhyaṃ tasmindehe na saṃśayaḥ |
devīliṃgaṃ bhavedrū paṃ śivabhaktastriyāstathā || 134 ||
[Analyze grammar]

yāvanmaṃtraṃ japeddevyāstāvatsānnidhyamasti hi |
śivaṃ saṃpūjayeddhīmānsvayaṃ vai śabdarūpabhāk || 135 ||
[Analyze grammar]

svayaṃ caiva śivo bhūtvā parāṃ śaktiṃ prapūjayet |
śaktiṃ beraṃ ca liṃgaṃ ca hyālekhyā māyayā yajet || 136 ||
[Analyze grammar]

śivaliṃgaṃ śivaṃ matvā svātmānaṃ śaktirūpakam |
śaktiliṃgaṃ ca devīṃ ca matvā svaṃ śivarūpakam || 137 ||
[Analyze grammar]

śivaliṃgaṃ nādarūpaṃ biṃdurūpaṃ tu śaktikam |
upapradhānabhāvena anyonyāsaktaliṃgakam || 138 ||
[Analyze grammar]

pūjayecca śivaṃ śaktiṃ sa śivo mūlabhāvanāt |
śivabhaktāñchivamaṃtrarūpakāñchivarūpakān || 139 ||
[Analyze grammar]

ṣoḍaśairupacāraiśca pūjayediṣṭamāpnuyāt |
yena śuśrūṣaṇādyaiśca śivabhaktasya liṃginaḥ || 140 ||
[Analyze grammar]

ānaṃdaṃ janayedvidvāñchivaḥ prītataro bhavet |
śivabhaktānsapatnīkānpatnyā saha sadaiva tat || 141 ||
[Analyze grammar]

pūjayedbhojanādyaiśca paṃca vā daśa vā śatam |
dhane dehe ca maṃtre ca bhāvanāyāmavaṃcakaḥ || 142 ||
[Analyze grammar]

śivaśaktisvarūpeṇa na punarjāyate bhuvi |
nābheradho brahmabhāgamākaṃṭhaṃ viṣṇubhāgakam || 143 ||
[Analyze grammar]

mukhaṃ liṃgamiti proktaṃ śivabhaktaśarīrakam |
mṛtāndāhādiyuktānvā dāhādirahitānmṛtān || 144 ||
[Analyze grammar]

uddiśya pūjayedādipitaraṃ śivameva hi |
pūjāṃ kṛtvādimātuśca śivabhaktāṃśca pūjayet || 145 ||
[Analyze grammar]

pitṛlokaṃ samāsādyakramānmukto bhavenmṛtaḥ |
kriyāyuktadaśabhyaśca tapoyukto viśiṣyate || 146 ||
[Analyze grammar]

tapoyuktaśatebhyaśca japayukto viśiṣyate |
japayuktasahasrebhyaḥ śivajñānī viśiṣyate || 147 ||
[Analyze grammar]

śivajñāniṣu lakṣeṣu dhyānayukto viśiṣyate |
dhyānayukteṣu koṭibhyaḥ samādhistho viśiṣyate || 148 ||
[Analyze grammar]

uttarottara vai śiṣṭyātpūjāyāmuttarottaram |
phalaṃ vaiśiṣṭyarūpaṃ ca durvijñeyaṃ manīṣibhiḥ || 149 ||
[Analyze grammar]

tasmādvai śivabhaktasya māhātmyaṃ vetti ko naraḥ |
śivaśaktyoḥ pūjanaṃ ca śivabhaktasya pūjanam || 150 ||
[Analyze grammar]

kurute yo naro bhaktyā sa śivaḥ śivamedhate |
ya imaṃ paṭhate'dhyāyamarthavadvedasaṃmatam || 151 ||
[Analyze grammar]

śivajñānī bhavedvipraḥ śivena saha modate |
śrāvayecchivabhaktāṃśca viśeṣajño manīśvarāḥ || 152 ||
[Analyze grammar]

śivaprasādaśiddhiḥ syācchivasya kṛpayā budhāḥ || 153 ||
[Analyze grammar]

iti śrīśivamahāpurāṇe vidyeśvarasaṃhitāyāṃ saptadaśo'dhyāyaḥ || 17 ||
[Analyze grammar]