Chapter 16

[English text for this chapter is available]

ṛṣaya ūcuḥ |
pārthivapratimāpūjāvidhānaṃ brūhi sattama |
yena pūjāvidhānena sarvābhiṣṭamavāpyate || 1 ||
[Analyze grammar]

sūta uvāca |
susādhupṛṣṭaṃ yuṣmābhiḥ sadā sarvārthadāyakam |
sadyo duḥkhasya śamanaṃ śṛṇuta prabravīmi vaḥ || 2 ||
[Analyze grammar]

apamṛtyuharaṃ kālamṛtyoścāpi vināśanam |
sadyaḥ kalatraputrādidhanadhānyapradaṃ dvijāḥ || 3 ||
[Analyze grammar]

annādibhojyaṃ vastrādisarvamutpadyate yataḥ |
tato mṛdādipratimāpūjābhīṣṭapradā bhuvi || 4 ||
[Analyze grammar]

puruṣāṇāṃ ca nārīṇāmadhikārotra niścitam |
nadyāṃ taḍāge kūpe vā jalāṃtarmṛdamāharet || 5 ||
[Analyze grammar]

saṃśodhya gaṃdhacūrṇena peṣayitvā sumaṃḍape |
hastena pratimāṃ kuryātkṣīreṇa ca susaṃskṛtām || 6 ||
[Analyze grammar]

aṃgapratyaṃgakopetāmāyudhaiśca samanvitām |
padmāsanasthitāṃ kṛtvā pūjayedādareṇa hi || 7 ||
[Analyze grammar]

vighneśādityaviṣṇūnāmaṃbāyāśca śivasya ca |
śivasyaśivaliṃgaṃ ca sarvadā pūjayeddvija || 8 ||
[Analyze grammar]

ṣoḍaśairupacāraiśca kuryāttatphalasiddhaye |
puṣpeṇa prokṣaṇaṃ kuryādabhiṣekaṃ samaṃtrakam || 9 ||
[Analyze grammar]

śālyannenaiva naivedyaṃ sarvaṃ kuḍavamānataḥ |
gṛhe tu kuḍavaṃ jñeyaṃ mānuṣe prasthamiṣyate || 10 ||
[Analyze grammar]

daive prasthatrayaṃ yogyaṃ svayaṃbhoḥ prasthapaṃcakam |
evaṃ pūrṇaphalaṃ vidyādadhikaṃ vai dvayaṃ trayam || 11 ||
[Analyze grammar]

sahasrapūjayā satyaṃ satyalokaṃ labheddvijaḥ |
dvādaśāṃgulamāyāmaṃ dviguṇaṃ ca tato'dhikam || 12 ||
[Analyze grammar]

pramāṇamaṃgulasyaikaṃ tadūrdhvaṃ paṃcakatrayam |
ayodārukṛtaṃ pātraṃ śivamityucyate budhaiḥ || 13 ||
[Analyze grammar]

tadaṣṭabhāgaḥ prasthaḥ syāttaccatuḥkuḍavaṃ matam |
daśaprasthaṃ śataprasthaṃ sahasraprasthameva ca || 14 ||
[Analyze grammar]

jalatailādigaṃdhānāṃ yathāyogyaṃ ca mānataḥ |
mānuṣārṣasvayaṃbhūnāṃ mahāpūjeti kathyate || 15 ||
[Analyze grammar]

abhiṣekādātmaśuddhirgaṃdhātpuṇyamavāpyate |
āyustṛptiśca naivedyāddhūpādarthamavāpyate || 16 ||
[Analyze grammar]

dīpājjñānamavāpnoti tāṃbūlādbhogamāpnuyāt |
tasmātsnānādikaṃ ṣaṭkaṃ prayatnena prasādhayet || 17 ||
[Analyze grammar]

namaskāro japaścaiva sarvābhīṣṭapradāvubhau |
pūjānte ca sadākāryau bhogamokṣārthibhirnaraiḥ || 18 ||
[Analyze grammar]

saṃpūjya manasā pūrvaṃ kuryāttattatsadā naraḥ |
devānāṃ pūjayā caiva tattallokamavāpnuyāt || 19 ||
[Analyze grammar]

tadavāṃtaraloke ca yatheṣṭaṃ bhogyamāpyate |
tadviśeṣānpravakṣyāmi śṛṇuta śraddhayā dvijāḥ || 20 ||
[Analyze grammar]

vighneśapūjayā samyagbhūrloke'bhīṣṭamāpnuyāt |
śukravāre caturthyāṃ ca site śrāvaṇabhādra ke || 21 ||
[Analyze grammar]

bhiṣagṛkṣe dhanurmāse vighneśaṃ vidhivadyajet |
śataṃ pūjāsahasraṃ vā tatsaṃkhyākadinairvrajet || 22 ||
[Analyze grammar]

devāgniśraddhayā nityaṃ putradaṃ ceṣṭadaṃ nṛṇām |
sarvapāpapraśamanaṃ tattadduritanāśanam || 23 ||
[Analyze grammar]

vārapūjāṃśivādīnāmātmaśuddhipradāṃ viduḥ |
tithinakṣatrayogānāmādhāraṃ sārvakāmikam || 24 ||
[Analyze grammar]

tathā bṛddhikṣayābhāvātpūrṇabrahmātmakaṃ viduḥ |
udayādudayaṃ vāro brahmaprabhṛti karmaṇām || 25 ||
[Analyze grammar]

tithyādau devapūjā hi pūrṇabhogapradā nṛṇām |
pūrvabhāgaḥ pitṛṇāṃ tu niśi yuktaḥ praśasyate || 26 ||
[Analyze grammar]

parabhāgastu devānāṃ divā yuktaḥ praśasyate |
udayavyāpinī grāhyā madhyāhne yadi sā tithiḥ || 27 ||
[Analyze grammar]

devakārye tathā grāhyāsthiti ṛkṣādikāḥ śubhāḥ |
samyagvicārya vārādīnkuryātpūjājapādikam || 28 ||
[Analyze grammar]

pūjāryate hyaneneti vedeṣvarthasya yojanā |
pūrṇabhogaphalasiddhiśca jāyate tena karmaṇā || 29 ||
[Analyze grammar]

manobhāvāṃstathā jñānamiṣṭabhogārthayojanāt |
pūjāśabdartha evaṃ hi viśruto lokavedayoḥ || 30 ||
[Analyze grammar]

nityanaimittikaṃ kālātsadyaḥ kāmye svanuṣṭhite |
nityaṃ māsaṃ ca pakṣaṃ ca varṣaṃ caiva yathākramam || 31 ||
[Analyze grammar]

tattatkarmaphalaprāptistādṛkpāpakṣayaḥ kramāt |
mahāgaṇapateḥ pūjā caturthyāṃ kṛṣṇapakṣake || 32 ||
[Analyze grammar]

pakṣapāpakṣayakarī pakṣabhogaphalapradā |
caitre caturthyāṃ pūjā ca kṛtā māsaphalapradā || 33 ||
[Analyze grammar]

varṣabhogapradā jñeyā kṛtā vai siṃhabhādra ke |
śravaṇyādityavāre ca saptamyāṃ hastabhe dine || 34 ||
[Analyze grammar]

māghaśukle ca saptamyāmādityayajanaṃ caret |
jyeṣṭhabhādra kasaumye ca dvādaśyāṃ śravarṇakṣake || 35 ||
[Analyze grammar]

dvādaśyāṃ viṣṇuyajanamiṣṭaṃsaṃpatkaraṃ viduḥ |
śrāvaṇe viṣṇuyajanamiṣṭārogyapradaṃ bhavet || 36 ||
[Analyze grammar]

gavādīndvādaśānarthānsāṃgāndatvā tu yatphalam |
tatphalaṃ samavāpnoti dvādaśyāṃ viṣṇutarpaṇāt || 37 ||
[Analyze grammar]

dvādaśyāṃ dvādaśānviprānviṣṇordvādaśanāmataḥ |
ṣoḍaśairupacāraiśca yajettatprītimāpnuyāt || 38 ||
[Analyze grammar]

evaṃ ca sarvadevānāṃ tattaddvādaśanāmakaiḥ |
dvādaśabrahmayajanaṃ tattatprītikaraṃ bhavet || 39 ||
[Analyze grammar]

karkaṭe somavāre ca navamyāṃ mṛgaśīrṣake |
aṃbāṃ yajedbhūtikāmaḥ sarvabhogaphalapradām || 40 ||
[Analyze grammar]

āśvayukchuklanavamī sarvābhīṣṭaphalapradā |
ādivāre caturdaśyāṃ kṛṣṇapakṣe viśeṣataḥ || 41 ||
[Analyze grammar]

ārdrāyāṃ ca mahārdrāyāṃ śivapūjā viśiṣyate |
māghakṛṣṇacaturdaśyāṃ sarvābhīṣṭaphalapradā || 42 ||
[Analyze grammar]

āyuṣkarī mṛtyuharā sarvasiddhikarī nṛṇām |
jyeṣṭhamāse mahārdrāyāṃ caturdaśīdinepi ca || 43 ||
[Analyze grammar]

mārgaśīrṣārdrakāyāṃ vā ṣoḍaśairupacārakaiḥ |
tattanmūrtiśivaṃ pūjya tasya vai pādadarśanam || 44 ||
[Analyze grammar]

śivasya yajanaṃ jñeyaṃ bhogamokṣapradaṃ nṛṇām |
vārādidevayajanaṃ kārtike hi viśiṣyate || 45 ||
[Analyze grammar]

kārtike māsi saṃprāpte sarvāndevānyajedbudhaḥ |
dānena tapasā homairjapena niyamena ca || 46 ||
[Analyze grammar]

ṣoḍaśairupacāraiśca pratimā vipramaṃtrakaiḥ |
brāhmaṇānāṃ bhojanena niṣkāmārtikaro bhavet || 47 ||
[Analyze grammar]

kārtike devayajanaṃ sarvabhogapradaṃ bhavet |
vyādhīnāṃ haraṇaṃ caiva bhavedbhūtagrahakṣayaḥ || 48 ||
[Analyze grammar]

kārtikādityavāreṣu nṛṇāmādityapūjanāt |
tailakārpāsadānāttu bhavetkuṣṭhādisaṃkṣayaḥ || 49 ||
[Analyze grammar]

harītakīmarīcīnāṃ vastrakṣīrādidānataḥ |
brahmapratiṣṭhayā caiva kṣayarogakṣayo bhavet || 50 ||
[Analyze grammar]

dīpasarṣapadānācca apasmārakṣayo bhavet |
kṛttikāsomavāreṣu śivasya yajanaṃ nṛṇām || 51 ||
[Analyze grammar]

mahādāridrya śamanaṃ sarvasaṃpatkaraṃ bhavet |
gṛhakṣetrādidānācca gṛhopakaraṇādinā || 52 ||
[Analyze grammar]

kṛttikābhaumavāreṣu skaṃdasya yajanānnṛṇām |
dīpaghaṃṭādidānādvai vāksiddhiracirādbhavet || 53 ||
[Analyze grammar]

kṛttikāsaumyavāreṣu viṣṇorvai yajanaṃ nṛṇām |
dadhyodanasya dānaṃ ca satsaṃtānakaraṃ bhavet || 54 ||
[Analyze grammar]

kṛtikāguruvāreṣu brahmaṇo yajanāddhanaiḥ |
madhusvarṇājyadānena bhogavṛddhirbhavennṛṇām || 55 ||
[Analyze grammar]

kṛttikāśukravāreṣu gajakomeḍayājanāt || 1 ||
[Analyze grammar]

gaṃdhapuṣpānnadānena bhogyavṛddhirbhavennṛṇām || 56 ||
[Analyze grammar]

vaṃdhyā suputraṃ labhate svarṇaraupyādidānataḥ |
kṛttikāśanivāreṣu dikpālānāṃ ca vaṃdanam || 57 ||
[Analyze grammar]

diggajānāṃ ca nāgānāṃ setupānāṃ ca pūjanam |
tryaṃbakasya ca rudrasya viṣṇoḥ pāpaharasya ca || 58 ||
[Analyze grammar]

jñānadaṃ brahmaṇaścaiva dhanvaṃtaryaśvinostathā |
rogāpamṛtyuharaṇaṃ tatkālavyādhiśāṃtidam || 59 ||
[Analyze grammar]

lavaṇāyasatailānāṃ māṣādīnāṃ ca dānataḥ |
trikaṭuphalagaṃdhānāṃ jalādīnāṃ ca dānataḥ || 60 ||
[Analyze grammar]

dravāṇāṃ kaṭhinānāṃ ca prasthena palamānataḥ |
svargaprāptirdhanurmāse hyuṣaḥkāle ca pūjanam || 61 ||
[Analyze grammar]

śivādīnāṃ ca sarveṣāṃ kramādvai sarvasiddhaye |
śālyannasya haviṣyasya naivedyaṃ śastamucyate || 62 ||
[Analyze grammar]

vividhānnasya naivedyaṃ dhanurmāse viśiṣyate |
mārgaśīrṣe'nnadasyaiva sarvamiṣṭaphalaṃ bhavet || 63 ||
[Analyze grammar]

pāpakṣayaṃ ceṣṭasiddhiṃ cārogyaṃ dharmameva ca |
samyagvedaparijñānaṃ sadanuṣṭhānameva ca || 64 ||
[Analyze grammar]

ihāmutra mahābhogānaṃte yogaṃ ca śāśvatam |
vedāṃtajñānasiddhiṃ ca mārgaśīrṣānnado labhet || 65 ||
[Analyze grammar]

mārgaśīrṣe hyuṣaḥkāle dinatrayamathāpi vā |
yajeddevānbhogakāmo nādhanurmāsiko bhavet || 66 ||
[Analyze grammar]

yāvatsaṃgavakālaṃ tu dhanurmāso vidhīyate |
dhanurmāse nirāhāro māsamātraṃ jiteṃdriyaḥ || 67 ||
[Analyze grammar]

āmadhyāhnajapedvipro gāyatrīṃ vedamātaram |
paṃcākṣarādikānmaṃtrānpaścādāsaptikaṃ japet || 68 ||
[Analyze grammar]

jñānaṃ labdhvā ca dehāṃte vipro muktimavāpnuyāt |
anyeṣāṃ naranārīṇāṃ triḥsnānena japena ca || 69 ||
[Analyze grammar]

sadā paṃcākṣarasyaiva viśuddhaṃ jñānamāpyate |
iṣṭamantrānsadā japtvā mahāpāpakṣayaṃ labhet || 70 ||
[Analyze grammar]

dhanurmāse viśeṣeṇa mahānaivedyamācaret |
śālitaṃḍulabhāreṇa marīcaprasthakena ca || 71 ||
[Analyze grammar]

gaṇanāddvādaśaṃ sarvaṃ madhvājyakuḍavena hi |
droṇayuktena mudgena dvādaśavyaṃjanena ca || 72 ||
[Analyze grammar]

ghṛtapakvairapūpaiśca modakaiḥ śālikādibhiḥ |
dvādaśaiśca dadhikṣīrairdvādaśaprasthakena ca || 73 ||
[Analyze grammar]

nārikelaphalādīnāṃ tathā gaṇanayā saha |
dvādaśakramukairyuktaṃ ṣaṭtriṃśatpatrakairyutam || 74 ||
[Analyze grammar]

karpūrakhuracūrṇena paṃcasaugaṃdhikairyutam |
tāṃbūlayuktaṃ tu yadā mahānaivedyalakṣaṇam || 75 ||
[Analyze grammar]

mahānaivedyametadvai devatārpaṇapūrvakam |
varṇānukramapūrveṇa tadbhaktebhyaḥ pradāpayet || 76 ||
[Analyze grammar]

evaṃ caudananaivedyādbhūmau rāṣṭrapatirbhavet |
mahānaivedyadānena naraḥ svargamavāpnuyāt || 77 ||
[Analyze grammar]

mahānaivedyadānena sahasreṇa dvijarṣabhāḥ |
satyaloke ca talloke pūrṇamāyuravāpnuyāt || 78 ||
[Analyze grammar]

sahasrāṇāṃ ca triṃśatyā mahānaivedyadānataḥ |
tadūrdhvalokamāpyaiva na punarjanmabhāgbhavet || 79 ||
[Analyze grammar]

sahasrāṇāṃ ca ṣaṭtriṃśajjanma naivedyamīritam |
tāvannaivedyadānaṃ tu mahāpūrṇaṃ taducyate || 80 ||
[Analyze grammar]

mahāpūrṇasya naivedyaṃ janmanaivedyamiṣyate |
janmanaivedyadānena punarjanma na vidyate || 81 ||
[Analyze grammar]

ūrje māsi dine puṇye janma naivedyamācaret |
saṃkrāṃtipātajanmarkṣapaurṇamāsyādisaṃyute || 82 ||
[Analyze grammar]

abdajanmadine kuryājjanmanaivedyamuttamam |
māsāṃtareṣu janmarkṣapūrṇayogadinepi ca || 83 ||
[Analyze grammar]

melane ca śanairvāpi tāvatsāhasramācaret |
janmanaivedyadānena janmārpaṇaphalaṃ labhet || 84 ||
[Analyze grammar]

janmārpaṇācchivaḥ prītiḥ svasāyujyaṃ dadāti hi |
idaṃ tajjanmanaivedyaṃ śivasyaiva pradāpayet || 85 ||
[Analyze grammar]

yoniliṃgasvarūpeṇa śivo janmanirūpakaḥ |
tasmājjanmanivṛttyarthaṃ janma pūjā śivasya hi || 86 ||
[Analyze grammar]

biṃdunādātmakaṃ sarvaṃ jagatsthāvarajaṃgamam |
biṃduḥ śaktiḥ śivo nādaḥ śivaśaktyātmakaṃ jagat || 87 ||
[Analyze grammar]

nādādhāramidaṃ biṃdurbiṃdvādhāramidaṃ jagat |
jagadādhārabhūtau hi biṃdunādau vyavasthitau || 88 ||
[Analyze grammar]

bindunādayutaṃ sarvaṃ sakalīkaraṇaṃ bhavet |
sakalīkaraṇājjanmajagatprāpnotyasaṃśayaḥ || 89 ||
[Analyze grammar]

biṃdunādātmakaṃ liṃgaṃ jagatkāraṇamucyate |
biṃdurdevīśivo nādaḥ śivaliṃgaṃ tu kathyate || 90 ||
[Analyze grammar]

tasmājjanmanivṛttyarthaṃ śivaliṃgaṃ prapūjayet |
mātā devī biṃdurūpā nādarūpaḥ śivaḥ pitā || 91 ||
[Analyze grammar]

pūjitābhyāṃ pitṛbhyāṃ tu paramānaṃda eva hi |
paramānaṃdalābhārthaṃ śivaliṃgaṃ prapūjayet || 92 ||
[Analyze grammar]

sā devī jagatāṃ mātā sa śivo jagataḥ pitā |
pitroḥ śuśrūṣake nityaṃ kṛpādhikyaṃ hi vardhate || 93 ||
[Analyze grammar]

kṛpayāṃtargataiśvaryaṃ pūjakasya dadāti hi |
tasmādaṃtargatānaṃdalābhārthaṃ munipuṃgavāḥ || 94 ||
[Analyze grammar]

pitṛmātṛsvarūpeṇa śivaliṃgaṃ prapūjayet |
bhargaḥ puruṣarūpo hi bhargā prakṛtirucyate || 95 ||
[Analyze grammar]

avyaktāṃtaradhiṣṭhānaṃ garbhaḥ puruṣa ucyate |
suvyaktāṃtaradhiṣṭhānaṃ garbhaḥ prakṛtirucyate || 96 ||
[Analyze grammar]

puruṣatvādigarbho hi garbhavāñjanako yataḥ |
puruṣātprakṛto yuktaṃ prathamaṃ janma kathyate || 97 ||
[Analyze grammar]

prakṛtervyaktatāṃ yātaṃ dvitīyaṃ janma kathyate |
janma jaṃturmṛtyujanma puruṣātpratipadyate || 98 ||
[Analyze grammar]

anyato bhāvyate'vaśyaṃ māyayā janma kathyate |
jīryate janmakālādyattasmājjīva iti smṛtaḥ || 99 ||
[Analyze grammar]

janyate tanyate pāśairjīvaśabdārtha eva hi |
janmapāśanivṛttyarthaṃ janmaliṃgaṃ prapūjayet || 100 ||
[Analyze grammar]

bhaṃ vṛddhiṃ gacchatītyarthādbhagaḥ prakṛtirucyate |
prākṛtaiḥ śabdamātrādyaiḥ prākṛteṃdriyabhojanāt || 101 ||
[Analyze grammar]

bhagasyedaṃ bhogamiti śabdārtho mukhyataḥ śrutaḥ |
mukhyo bhagastu prakṛtirbhagavāñchiva ucyate || 102 ||
[Analyze grammar]

bhagavānbhogadātā hi nā'nyo bhogapradāyakaḥ |
bhagasvāmī ca bhagavānbharga ityucyate budhaiḥ || 103 ||
[Analyze grammar]

bhagena sahitaṃ liṃgaṃ bhagaṃliṃgena saṃyutam |
ihāmutra ca bhogārthaṃ nityabhogārthameva ca || 104 ||
[Analyze grammar]

bhagavaṃtaṃ mahādevaṃ śivaliṃgaṃ prapūjayet |
lokaprasavitā sūryastaccihnaṃ prasavādbhavet || 105 ||
[Analyze grammar]

liṃgeprasūtikartāraṃ liṃginaṃ puruṣo yajet |
liṃgārthagamakaṃ cihnaṃ liṃgamityabhidhīyate || 106 ||
[Analyze grammar]

liṃgamarthaṃ hi puruṣaṃ śivaṃ gamayatītyadaḥ |
śivaśaktyośca cihnasya melanaṃ liṃgamucyate || 107 ||
[Analyze grammar]

svacihnapūjanātprītaścihnakāryaṃ na vīyate |
cihnakāryaṃ tu janmādijanmādyaṃ vinivartate || 108 ||
[Analyze grammar]

prākṛtaiḥ puruṣaiścāpi bāhyābhyaṃtarasaṃbhavaiḥ |
ṣoḍaśairupacāraiśca śivaliṃgaṃ prapūjayet || 109 ||
[Analyze grammar]

evamādityavāre hi pūjā janmanivartikā |
ādivāre mahāliṃgaṃ praṇavenaiva pūjayet || 110 ||
[Analyze grammar]

ādivāre paṃcagavyairabhiṣeko viśiṣyate |
gomayaṃ gojalaṃ kṣīraṃ dadhyājyaṃ paṃcagavyakam || 111 ||
[Analyze grammar]

kṣīrādyaṃ ca pṛthakccaiva madhunā cekṣusārakaiḥ |
gavyakṣīrānnanaivedyaṃ praṇavenaiva kārayet || 112 ||
[Analyze grammar]

praṇavaṃ dhvaniliṃgaṃ tu nādaliṃgaṃ svayaṃbhuvaḥ |
biṃduliṃgaṃ tu yaṃtraṃ syānmakāraṃ tu pratiṣṭhitam || 113 ||
[Analyze grammar]

ukāraṃ caraliṃgaṃ syādakāraṃ guruvigraham |
ṣaḍliṃgaṃ pūjayā nityaṃ jīvanmukto na saṃśayaḥ || 114 ||
[Analyze grammar]

śivasya bhaktyā pūjā hi janmamuktikarī nṛṇām |
rudrā kṣadhāraṇātpādamardhaṃ vaibhūtidhāraṇāt || 115 ||
[Analyze grammar]

tripādaṃ maṃtrajāpyācca pūjayā pūrṇabhaktimān |
śivaliṃgaṃ ca bhaktaṃ ca pūjya mokṣaṃ labhennaraḥ || 116 ||
[Analyze grammar]

ya imaṃ paṭhate'dhyāyaṃ śṛṇuyādvā samāhitaḥ |
tasyaiva śivabhaktiśca vardhate sudṛḍhā dvijāḥ || 117 ||
[Analyze grammar]

iti śrīśivamahāpurāṇe vidyeśvarasaṃhitāyāṃ ṣoḍaśo'dhyāyaḥ || 16 ||
[Analyze grammar]