Chapter 14

[English text for this chapter is available]

ṛṣaya ūcuḥ |
agniyajñaṃ devayajktaṃ brahmayajktaṃ tathaiva ca |
gurupūjāṃ brahmatṛptiṃ krameṇa brūhi naḥ prabho || 1 ||
[Analyze grammar]

sūta uvāca |
agnau juhoti yaddravyamagniyajñaḥ sa ucyate |
brahmacaryāśramasthānāṃ samidādhānameva hi || 2 ||
[Analyze grammar]

samidagrau vratādyaṃ ca viśeṣayajanādikam |
prathamāśramiṇāmevaṃ yāvadaupāsanaṃ dvijāḥ || 3 ||
[Analyze grammar]

ātmanyāropitāgnīnāṃ vanināṃ yatināṃ dvijāḥ |
hitaṃ ca mitamedhyānnaṃ svakāle bhojanaṃ hutiḥ || 4 ||
[Analyze grammar]

aupāsanāgnisaṃdhānaṃ samārabhya surakṣitam |
kuṃḍe vāpyatha bhāṃḍe vā tadajasraṃ samīritam || 5 ||
[Analyze grammar]

agnimātmanyaraṇyāṃ vā rājadaivavaśāddhruvam |
agnityāgabhayāduktaṃ samāropitamucyate || 6 ||
[Analyze grammar]

saṃpatkarī tathā jñeyā sāyamagnyāhutirdvijāḥ |
āyuṣkarīti vijñeyā prātaḥ sūryāhutistathā || 7 ||
[Analyze grammar]

agniyajño hyayaṃ prokto divā sūryaniveśanāt |
iṃdrā dīnsakalāndevānuddiśyāgnau juhotiyat || 8 ||
[Analyze grammar]

devayajñaṃ hi taṃ vidyātsthālīpākādikānkratūn |
caulādikaṃ tathā jñeyaṃ laukikāgnau pratiṣṭhitam || 9 ||
[Analyze grammar]

brahmayajñaṃ dvijaḥ kuryāddevānāṃ tṛptaye sakṛt |
brahmayajña iti prokto vedasyā'dhyayanaṃ bhavet || 10 ||
[Analyze grammar]

nityānaṃtaramāsoyaṃ tatastu na vidhīyate |
anagnau devayajanaṃ śṛṇuta śraddhayādarāt || 11 ||
[Analyze grammar]

ādisṛṣṭau mahādevaḥ sarvajñaḥ karuṇākaraḥ |
sarvalokopakārārthaṃ vārānkalpitavānprabhuḥ || 12 ||
[Analyze grammar]

saṃsāravaidyaḥ sarvajñaḥ sarvabheṣajabheṣajam |
ādāvārogyadaṃ vāraṃ svavāraṃ kṛtavānprabhuḥ || 13 ||
[Analyze grammar]

saṃpatkāraṃ svamāyāyā varaṃ ca kṛtavāṃstataḥ |
janane durgatikrāṃte kumārasya tataḥ param || 14 ||
[Analyze grammar]

ālasyaduritakrāṃtyai vāraṃ kalpitavānprabhuḥ |
rakṣakasya tathā viṣṇorlokānāṃ hitakāmyayā || 15 ||
[Analyze grammar]

puṣṭyarthaṃ caiva rakṣārthaṃ vāraṃ kalpitavānprabhuḥ |
āyuṣkaraṃ tato vāramāyuṣāṃ kartureva hi || 16 ||
[Analyze grammar]

trailokyasṛṣṭikartturhi brahmaṇaḥ parameṣṭhinaḥ |
jagadāyuṣyasiddhyarthaṃ vāraṃ kalpitavānprabhuḥ || 17 ||
[Analyze grammar]

ādau trailokyavṛddhyarthaṃ puṇyapāpe prakalpite |
tayoḥ kartrostato vāramiṃdra sya ca yamasya ca || 18 ||
[Analyze grammar]

bhogapradaṃ mṛtyuharaṃ lokānāṃ ca prakalpitam |
ādityādīnsvasvarūpānsukhaduḥkhasya sūcakān || 19 ||
[Analyze grammar]

vāreśānkalpayitvādau jyotiścakrepratiṣṭhitān |
svasvavāre tu teṣāṃ tu pūjā svasvaphalapradā || 20 ||
[Analyze grammar]

ārogyaṃ saṃpadaścaiva vyādhīnāṃ śāṃtireva ca |
puṣṭirāyustathā bhogo mṛterhāniryathākramam || 21 ||
[Analyze grammar]

vārakramaphalaṃ prāhurdevaprītipuraḥsaram |
anyeṣāmapi devānāṃ pūjāyāḥ phaladaḥ śivaḥ || 22 ||
[Analyze grammar]

devānāṃ prītaye pūjāpaṃcadhaiva prakalpitā |
tattanmaṃtrajapo homo dānaṃ caiva tapastathā || 23 ||
[Analyze grammar]

sthaṃḍile pratimāyāṃ ca hyagnau brāhmaṇavigrahe |
samārādhanamityevaṃ ṣoḍaśairupacārakaiḥ || 24 ||
[Analyze grammar]

uttarottaravaiśiṣṭyātpūrvābhāve tathottaram |
netrayoḥ śiraso roge tathā kuṣṭhasya śāṃtaye || 25 ||
[Analyze grammar]

ādityaṃ pūjayitvā tu brāhmaṇānbhojayettataḥ |
dinaṃ māsaṃ tathā varṣaṃ varṣatrayamathavāpi vā || 26 ||
[Analyze grammar]

prārabdhaṃ prabalaṃ cetsyānnaśyedro gajarādikam |
japādyamiṣṭadevasya vārādīnāṃ phalaṃ viduḥ || 27 ||
[Analyze grammar]

pāpaśāṃtirviśeṣeṇa hyādivāre nivedayet |
ādityasyaiva devānāṃ brāhmaṇānāṃ viśiṣṭadam || 28 ||
[Analyze grammar]

somavāre ca lakṣmyādīnsaṃpadarthaṃ yajedbudhaḥ |
ājyānnena tathā viprānsapatnīkāṃśca bhojayet || 29 ||
[Analyze grammar]

kālyādīnbhauma vāre tu yajedro gapraśāṃtaye |
māṣamudgāḍhakānnena brahmaṇāṃścaiva bhojayet || 30 ||
[Analyze grammar]

saumyavāre tathā viṣṇuṃ dadhyannena yajedbudhaḥ |
putramitrakalatrādipuṣṭirbhavati sarvadā || 31 ||
[Analyze grammar]

āyuṣkāmo gurorvāre devānāṃ puṣṭisiddhaye |
upavītena vastreṇa kṣīrājyena yajedbudhaḥ || 32 ||
[Analyze grammar]

bhogārthaṃ bhṛgavāre tu yajeddevānsamāhitaḥ |
ṣaḍrasopetamannaṃ ca dadyādbrāhmaṇatṛptaye || 33 ||
[Analyze grammar]

strīṇāṃ ca tṛptaye tadvaddeyaṃ vastrādikaṃ śubham |
apamṛtyuhare maṃde rudrā drī ścaṃ yajedbudhaḥ || 34 ||
[Analyze grammar]

tilahomena dānena tilānnena ca bhojayet |
itthaṃ yajecca vibudhānārogyādiphalaṃ labhet || 35 ||
[Analyze grammar]

devānāṃ nityayajane viśeṣayajanepi ca |
snāne dāne jape home brāhmaṇānāṃ ca tarpaṇe || 36 ||
[Analyze grammar]

tithinakṣatrayoge ca tattaddevaprapūjane |
ādivārādivāreṣu sarvajño jagadīśvaraḥ || 37 ||
[Analyze grammar]

tattadrū peṇa sarveṣāmārogyādiphalapradaḥ |
deśakālānusāreṇa tathā pātrānusārataḥ || 38 ||
[Analyze grammar]

dra vyaśraddhānusāreṇa tathā lokānusārataḥ |
tāratamyakramāddevastvārogyādīnprayacchati || 39 ||
[Analyze grammar]

śubhādāvaśubhāṃte ca janmarkṣeṣu gṛhe gṛhī |
ārogyādisamṛddhyarthamādityādīngrahānyajet || 40 ||
[Analyze grammar]

tasmādvai devayajanaṃ sarvābhīṣṭaphalapradam |
samaṃtrakaṃ brāhmaṇānāmanyeṣāṃ caiva tāṃtrikam || 41 ||
[Analyze grammar]

yathāśaktyānurūpeṇa kartavyaṃ sarvadā naraiḥ |
saptasvapi ca vāreṣu naraiḥ śubhaphalepsubhiḥ || 42 ||
[Analyze grammar]

daridra stapasā devānyajedāḍhyo dhanena hi |
punaścaivaṃvidhaṃ dharmaṃ kurute śraddhayā saha || 43 ||
[Analyze grammar]

punaśca bhogānvividhānbhuktvā bhūmau prajāyate |
chāyāṃ jalāśayaṃ brahmapratiṣṭhāṃ dharmasaṃcayam || 44 ||
[Analyze grammar]

sarvaṃ ca vittavānkuryātsadā bhogaprasiddhaye |
kālācca puṇyapākena jñānasiddhiḥ prajāyate || 45 ||
[Analyze grammar]

ya imaṃ śṛṇute'dhyāyaṃ paṭhate vā naro dvijāḥ |
śravaṇasyopakarttā ca devayajñaphalaṃ labhet || 46 ||
[Analyze grammar]

iti śrīśivamahāpurāṇe vidyeśvarasaṃhitāyāṃ caturdaśo'dhyāyaḥ || 14 ||
[Analyze grammar]