Samarangana-sutradhara [sanskrit]

61,230 words | ISBN-10: 8171103022

The Sanskrit edition of the Samarangana Sutradhara including grammatical analysis. The Samarangana Sutradhara is an encyclopedic work on classical Indian architecture (Vastu Shastra). Alternative titles: Samaranganasutradhara, Samarāṅgaṇa Sūtradhāra (समराङ्गण सूत्रधार), Samarāṅgaṇasūtradhāra (समराङ्गणसूत्रधार).

Chapter 10: puraniveśa

samarāṅgaṇasūtradhāra adhyāyasūcī |
atha puraniveśo daśamo'dhyāyaḥ |
purasya trividhasyāpi pramāṇamatha kathyate |
prākāraparikhāṭṭāladvārarathyādhvabhiḥ saha || 1 ||
[Analyze grammar]

jyeṣṭhaṃ tatra catuścāpasahasraṃ puramiṣyate |
madhyaṃ dvābhyāṃ sahasrābhyāmekena vyāsato'dhamam || 2 ||
[Analyze grammar]

sāṣṭamāṃśaṃ sapādaṃ vā sārdhaṃ vā vyāsamāyatam |
kuryādekaikamāyāmaṃ caturāsrīkṛtaṃ śubham || 3 ||
[Analyze grammar]

catuḥṣaṣṭipadākhyena puraṃ sarvaṃ prakalpayet |
dviraṣṭakoṣṭhaṃ tatkuryātṣaṭpathaṃ navacatvaram || 4 ||
[Analyze grammar]

caturaśrīkṛte kṣetre prāgudīcyantamāgatāḥ |
caturbhāgāntarā vaṃśāḥ kāryāstasya trayastrayaḥ || 5 ||
[Analyze grammar]

vaṃśaṣaṭkavibhakte'smin padaṣoḍaśakānvite |
rājamārgaḥ śubhaḥ kāryo madhyamaṃ vaṃśamāśritaḥ || 6 ||
[Analyze grammar]

kāryo jyāyasi ca jyāyāṃścaturviṃśatikaḥ karaiḥ |
viṃśatyā madhyame madhyo'dhame ṣoḍaśako'dhamaḥ || 7 ||
[Analyze grammar]

balasya caturaṅgasya paurāṇāṃ pārthivasya ca |
asambādhasamaścaiṣa kāryo'yaṃ kāśmaśarkaraḥ || 8 ||
[Analyze grammar]

mahārathyādvayaṃ kāryaṃ tadupāntasthavaṃśayoḥ |
taddvādaśa daśāṣṭau syātkarān jyeṣṭhādikaṃ triṣu || 9 ||
[Analyze grammar]

padamadhyagataṃ kāryaṃ yānamārgacatuṣṭayam |
jyeṣṭhādiṣu pureṣveṣu tatpadyaṃ ca catuḥkaram || 10 ||
[Analyze grammar]

uparathyā mahāmārgasyārdhaṃ vā dviśayādhikam |
śeṣā rathyāstadardhena vidhātavyāḥ pramānataḥ || 11 ||
[Analyze grammar]

yānamārgacatuṣkasya kāryau pārśvadvayāśritau |
padāṣṭakapadāntasthau dvau dvau jaṅghāpathāvapi || 12 ||
[Analyze grammar]

pure jyeṣṭhe trihastau tau madhyame'rdhakarojjhitau |
madhyamādardhahastena hīnau syātāṃ kanīyasi || 13 ||
[Analyze grammar]

purasyāntargatau kāryau ghaṇṭāmārgau tathāparau |
rājamārgaguṇopetau pramāṇena ca tadvidhau || 14 ||
[Analyze grammar]

prākpratyagāyatāḥ saptadaśa mārgā itīritāḥ |
yāmyottarāyatāstadvadanye syustatpramāṇataḥ || 15 ||
[Analyze grammar]

ghaṇṭāmārgapramāṇena ghaṇṭāmārgasya bāhyataḥ |
samantato vaprabhuvaṃ sthāpayet tadvidhānavit || 16 ||
[Analyze grammar]

mahārathyāpramāṇena tadbhūmerbāhyatastataḥ |
vyāsakhātāntaraiḥ sārdhaṃ vidheyaṃ parikhātrayam || 17 ||
[Analyze grammar]

khātotpādojjhitaṃ kāryaṃ satryaṃśenārdhato'pi vā |
vyāsataḥ syādaśeṣeṇa mūlatastadvadeva tat || 18 ||
[Analyze grammar]

kuryādvapraṃ svabhūbhāge parikhotkhātayā mṛdā |
sotsaṅgaṃ gajapṛṣṭhaṃ vā gotrīyapadatāḍitam || 19 ||
[Analyze grammar]

khātodvṛttamṛdā vapranirmāṇādhikayā tataḥ |
bhūpradeśānpurā nimnānāpūrya samatāṃ nayet || 20 ||
[Analyze grammar]

evaṃ saṃśodhya parikhātritayaṃ parito'śmabhiḥ |
vidheyamiṣṭakābhirvā samyagbaddhatalam sthiram || 21 ||
[Analyze grammar]

sirāvāribhirāpūrṇaṃ pūrṇaṃ vāgāgināmbhasā |
vicitrābjamanohāri sasaṃgrāhāmbunirgamam || 22 ||
[Analyze grammar]

sarvapāśveṣvathaitasya gandhāndhamadhupāṅganān |
sumanoviṭapārāmān kuryād vāsān samutsakān || 23 ||
[Analyze grammar]

bāhyabhāgaṃ punastasya vidadhyātsarvatodiśam |
drumamūlairlatājālaiḥ kaṇṭakairapi saṃvṛtam || 24 ||
[Analyze grammar]

vaprordhvabhāgagaṃ madhyaṃ sthūlopalaśilācitam |
kuryātprākāramuddāmaṃ yadvā pakveṣṭakāmayam || 25 ||
[Analyze grammar]

jyāyānkarairdvādaśabhirdaśabhirmadhyamaḥ sthitaḥ |
kanīyānaṣṭabhirhastairvistāraḥ syāt tridhetyasau || 26 ||
[Analyze grammar]

ucchrāyaḥ saptadaśabhiḥ karairjyāyān praśasyate |
madhyamaḥ pañcadaśabhistrayodaśabhirantimaḥ || 27 ||
[Analyze grammar]

ūrdhvaṃ na saptadaśakānna trayodaśakādadhaḥ |
prākārocchrayamicchanti nāpi yugmakaronmitam || 28 ||
[Analyze grammar]

haste haste'ṅguladvandvamāyataḥ samyagucchrayāt |
yasya vā dvādaśakarā mūle bhavati vistṛtiḥ || 29 ||
[Analyze grammar]

caturasro cchritistasya śiraḥ syāddaśavistṛtam |
hastoccaṃ kapiśīrṣaṃ syāddvihastā kāṇḍavāriṇī || 30 ||
[Analyze grammar]

kāryāḥ karṇāśritairdvārakarṇāntasthaiśca saṃyutāḥ |
prākāre'ṭṭālakāstasmin dikṣu dikṣu caturdiśam || 31 ||
[Analyze grammar]

dvibhaumāṃścarikordhvaṃ ca prākārocchrāyavistṛtān |
tadardhaṃ nirgamān kuryātsasālāṭṭālakānatha || 32 ||
[Analyze grammar]

śataṃ śataṃ syāddhastānāṃ mithaścāṭṭālakāntaram |
itthaṃ puramagamyaṃ syātpattyaśvarathadantinām || 33 ||
[Analyze grammar]

carikāṃ saṃcaradvārāṃ sukhārohāṃ savedikām |
sasopānāṃ saniryūhāṃ kuryātsakapiśīrṣakām || 34 ||
[Analyze grammar]

rājamārgamahārathyāsaṃśritāni caturdiśam |
trīṇi trīṇi vidheyāni pure dvārāṇi tadvidā || 35 ||
[Analyze grammar]

rājamārgamahādvāracatuṣkaṃ vistarānnava |
aṣṭau sapta karā norvyā dviguṇaṃ trikarojjhitam || 36 ||
[Analyze grammar]

mahārathyāśrayaṃ dvāraṃ tatṣaṭpañcacatuṣkaram |
ucchrayātsārdhasārdhaikahastonaṃ vistareṇa tat || 37 ||
[Analyze grammar]

kuryātpratolīḥ sarveṣu mahādvāreṣvatho dṛḍhāḥ |
dṛḍhārgalāścendra kīlāḥ kapāṭaparighānvitāḥ || 38 ||
[Analyze grammar]

rājamārgasamā śālā syātpratolīvinirgamā |
tadardhaṃ koṣṭhakāntaḥ syādvyāso'dhardhaṃ tayoḥ smṛtaḥ || 39 ||
[Analyze grammar]

caturaśrāmiti nyasya pratolīṃ vadanāyatām |
vyāsatastryaṃśavinyastamārgāṃ mūṣādvayānvitām || 40 ||
[Analyze grammar]

antarbhittau caturdvāraṃ mahādvāreṇa sammitam |
vikalpakoṣṭhakānteṣu dārubhistadvibhūṣayet || 41 ||
[Analyze grammar]

dvāre cobhayataḥśāle dve dve dvāre ca mūṣayoḥ |
te kārye sammukhe vyāsāddvikare dviguṇocchrite || 42 ||
[Analyze grammar]

taddārumūṣayoḥ paṭṭamadhyaṃ pañcakarocchritam |
tadvatkāryā dvitīyā bhūrdvāraśeṣodayocchritā || 43 ||
[Analyze grammar]

bahirdvāravinirmuktāṃ pūrvavattāṃ prakalpayet |
puraḥsaṃrodhanasahairgavākṣairagrato yutām || 44 ||
[Analyze grammar]

talaṃ tato mahādvārasyordhve baddhvā tṛtīyakam |
rodhanadvārayugharmyasaṃyuktaṃ saparikramam || 45 ||
[Analyze grammar]

sannyastastambhavedyanyadūrdhvaṃ tasyopakalpayet |
vyālajālaśataghnyastraśastrayastrādibhiryutam || 46 ||
[Analyze grammar]

vṛddhiśobhābhiguptyarthaṃ purasya pravikalpayet |
bṛhaddvārāṇi paritastritalābhiḥ pratolibhiḥ || 47 ||
[Analyze grammar]

pratolyā dakṣiṇādbhāgāducchrito vāmato gataḥ |
yāvaddvitīyaṃ tatpārśvamekaḥ kāryo bahiḥ sthitaḥ || 48 ||
[Analyze grammar]

dvitīyo vāmabhāgāttu nirgatyāsyaiva veṣṭakaḥ |
kāryaḥ syādā tadutthānātprākārastasya bāhyataḥ || 49 ||
[Analyze grammar]

etayorantarālaṃ ca rājamārgeṇa sammitam |
kartavyaṃ syādihaivaṃ tu vaktradvārakamuttamam || 50 ||
[Analyze grammar]

dṛṣṭvā dṛṣṭvopabhogārhānsaridgirijalāśayān |
pakṣadvārāṇi kurvīta svecchayā tatra tatra ca || 51 ||
[Analyze grammar]

jalabhramānpure kuryācchilādārutirohitān |
dvikarānkaramātrānvā sāmbhaso'smin pradakṣiṇān || 52 ||
[Analyze grammar]

chinnakarṇaṃ vikarṇaṃ ca vajraṃ sūcīmukhaṃ tathā |
vartula vyajanākāraṃ cāpākṛtidharaṃ ca yat || 53 ||
[Analyze grammar]

śakaṭadvisamaṃ yacca vistārāddviguṇāyatam |
vidiksthaṃ sarpacakraṃ ca tat puraṃ ninditaṃ bhavet || 54 ||
[Analyze grammar]

chinnakarṇe vasaṃllokaḥ pure taskarato bhayam |
vyādhibhyo vāparebhyo vā prāpnotīti vinirdiśet || 55 ||
[Analyze grammar]

vidviṣṭasvāmitā sarvalokagarhānapatyatā |
jāyate svalpamāyuṣyaṃ vikarṇapuravāsinām || 56 ||
[Analyze grammar]

strījayaṃ viṣarogāṃśca bhedāṃśca vividhāṃstathā |
jano vasannavāpnoti vajrākṛtidhare pure || 57 ||
[Analyze grammar]

vrajanti prāṇino nāśaṃ kṣudvyādhiparipīḍitāḥ |
nivasantaḥ sadā sūcīmukhākāradhare pure || 58 ||
[Analyze grammar]

svāminā saha hīyante sarvataḥ sañcayojjhitāḥ |
svalpāyuṣaśca jāyante janā vṛttapurāśrayāḥ || 59 ||
[Analyze grammar]

asatyavādinaḥ svalpāyuṣaḥ pavanapīḍitāḥ |
janāḥ syuścalacittāśca nagare vyajanākṛtau || 60 ||
[Analyze grammar]

duścaritrāṅganāyuktastathā bahunapuṃsakaḥ |
cāpākāre pure loko nivasan bhavati dhruvam || 61 ||
[Analyze grammar]

rogaśokānalastenabhayaṃ tatra prajāyate |
śakaṭadvisamākāraṃ puraṃ yadviniveśyate || 62 ||
[Analyze grammar]

ārambhāsiddhidaṃ viprabhayadaṃ jñātibhedakṛt |
paurāṇāṃ svāminaśca syādgajavājikṣayāvaham || 63 ||
[Analyze grammar]

parairākramya bhujyeta tatpuraṃ balaśālibhiḥ |
dviguṇāyatasaṃsthānaṃ yatkvacidviniveśyate || 64 ||
[Analyze grammar]

janakṣayo'gnidāhaśca strīkṛtāni bhayāni ca |
pure bhavati diṅmūḍhe na ca niryogameti tat || 65 ||
[Analyze grammar]

śastrānilapiśācāgnibhūtayakṣabhayārditāḥ |
rukpīḍitāśca naśyanti bhujaṅgakuṭile janāḥ || 66 ||
[Analyze grammar]

purāṇāmapraśastāni saṃsthānānīdṛśāni yat |
ekasminnapi tenaiṣāṃ na puraṃ viniveśayet || 67 ||
[Analyze grammar]

saṃsthānamekamapyeṣāṃ pramādātkriyate yadi |
tadā rāṣṭraṃ nipīḍyeta kṣuddviṣadbhītimṛtyubhiḥ || 68 ||
[Analyze grammar]

śāstrajñaḥ sthapatistasmātprayatnaparayā dhiyā |
yathāvatkathitaṃ cāru nagaraṃ viniveśayet || 69 ||
[Analyze grammar]

vedīniveśayātrāyāṃ devāgārābhicārayoḥ |
nadīkarmaṇi maitre ca śāntiṃ kuryācchrameṣu ca || 70 ||
[Analyze grammar]

yajñe puraniveśe ca sthāpane prayataḥ sudhīḥ |
kuryāttathābhyudayikaṃ yadvānyadapi kiñcana || 71 ||
[Analyze grammar]

pure bhītikaraṃ śaśvadanāyuṣyamapauṣṭikam |
kṛtamaprayataiḥ karma nṛpatighnaṃ ca jāyate || 72 ||
[Analyze grammar]

vihitaṃ yadaśāstrajñairyacca nirlakṣaṇaiḥ kṛtam |
kṛtamaprayatairyacca tadaśastaṃ phalojjhitam || 73 ||
[Analyze grammar]

śāstrajñaḥ sthapatirjyotirvidā tadvatpurodhasā |
adhiṣṭhitaḥ pure karma vidadhyācchāntikeṣu ca || 74 ||
[Analyze grammar]

purohito'gniṃ juhuyāddadyānmauhūrttikaḥ sthiram |
sthapatiśca baliṃ dadyādyojayediti śāntikam || 75 ||
[Analyze grammar]

tadā tasmin pure śāntiryatra marmasthitāḥ surāḥ |
pūjyante satataṃ pauraiścatvarasthāyinastathā || 76 ||
[Analyze grammar]

catuḥprakāraṃ sthāpatyamaṣṭadhā ca cikitsitam |
dhanurvedaśca saptāṅgo jyotiṣaṃ kamalālayāt || 77 ||
[Analyze grammar]

sāmānyalakṣaṇotpātanimittāni ca sarvaśaḥ |
brahmā viṣṇuśca rudra śca tyajantyete na tat puram || 78 ||
[Analyze grammar]

nagarasya vibhāgo'yaṃ yathāvatsamudīritaḥ |
kheṭaṃ tadardhaviṣkambhamāhurgrāmaṃ tadardhataḥ || 79 ||
[Analyze grammar]

yojanena purātkheṭaṃ kheṭādgrāmaṃ pracakṣate |
gavyūtiparimāṇena grāmādgrāmaṃ pracakṣate || 80 ||
[Analyze grammar]

dvikrośādviṣaye sīmā tadardhena purasya sā |
kheṭake purasīmādhaṃ grāme kheṭārdhataḥ smṛtā || 81 ||
[Analyze grammar]

triṃśadghanūṃṣi viṣkambhaḥ pure digvartmasu smṛtaḥ |
viṃśatiḥ kheṭake mārgo grāme daśa ca darśitaḥ || 82 ||
[Analyze grammar]

nava grāmasahasrāṇi navatiśca pracakṣate |
catuḥṣaṣṭimapi grāmān jyāyo rāṣṭraṃ vidurbudhāḥ || 83 ||
[Analyze grammar]

daśārdhaṃ ca sahasrāṇi grāmāṇāṃ triśatī tathā |
grāmāścaturaśītiśca madhyamaṃ rāṣṭramīritam || 84 ||
[Analyze grammar]

sahasramekaṃ grāmāṇāṃ tadvacca śatapañcakam |
dvyūnā ca grāmapañcāśat kanīyo rāṣṭramucyate || 85 ||
[Analyze grammar]

adhyardhasaṅkhyayaiteṣāṃ jyeṣṭhamadhyakanīyasām |
vidhāya navadhaikaikaṃ vibhajedvidhivatsudhīḥ || 86 ||
[Analyze grammar]

rāṣṭreṣvevaṃ vibhakteṣu yathābhāgaṃ vidhānavit |
niveśayetpurāṇyeṣu sapta sapta yathāgamam || 87 ||
[Analyze grammar]

vibhāgaśca pramāṇaṃ ca lakṣaṇaṃ cādimasya yat |
jātivarṇādhivāsaśca yathāvattadihocyate || 88 ||
[Analyze grammar]

suvarṇakārānāgneyyāṃ tathā vahnyupajīvinaḥ |
niveśayet karmakarānanyānapi vidhānavit || 89 ||
[Analyze grammar]

vaiśyānāmakṣadhūrtānāṃ cakrikāṇāṃ ca dakṣiṇe |
naṭānāṃ narttakānāṃ ca gṛhāṇi viniveśayet || 90 ||
[Analyze grammar]

niveśayet saukarikān meyīkārān mṛgacchidaḥ |
kaivartān nairṛtāśāyāṃ damanādhikṛtāṃstathā || 91 ||
[Analyze grammar]

ratheṣu kauśalaṃ yeṣāṃ yeṣāṃ syādāyudheṣu ca |
vāruṇyāṃ diśi tān sarvān purasya viniveśayet || 92 ||
[Analyze grammar]

karmasvadhikṛtā ye ca ye cāpi parikarmiṇaḥ |
śauṇḍikā ye ca tān sarvān vāyordiśi niveśayet || 93 ||
[Analyze grammar]

yatīnāmāśrayān brahmavatsānāṃ ca tathā sabhām |
prapāśca puṇyaśālāśca kuryāddiśi dhaneśituḥ || 94 ||
[Analyze grammar]

ghṛtavikrayiṇo ye ca phalavikrayiṇaśca ye |
niveśitāḥ praśasyante purasyeśānadiggatāḥ || 95 ||
[Analyze grammar]

pūrvabhāge balādhyakṣān rājño mukhyāṃstathā bale |
niveśayettathāgneyyāṃ balaṃ nānāvidhaṃ sudhīḥ || 96 ||
[Analyze grammar]

śreṣṭhino dakṣiṇāśāyāṃ tathā deśamahattarān |
yāmyekahārān kurvīta tathā kakubhi nirṛteḥ || 97 ||
[Analyze grammar]

kośapālamahāmātrādeśikān kārukānapi |
niryāmakāṃśca kurvīta salilādhipaterdiśi || 98 ||
[Analyze grammar]

vāyoḥ kakubhi kurvīta daṇḍanāthān sanāyakān |
purohitajyotiṣikānuttarasyāṃ niveśayet || 99 ||
[Analyze grammar]

viprāḥ saumya diśo bhāge kṣatriyāḥ śakradiggatāḥ |
vaiśyaśūdrā stu kartavyā dakṣiṇāparayoḥ kramāt || 100 ||
[Analyze grammar]

nigheyā vaṇijo vaidyā mukhyāścāpi caturdiśam |
caturdiśaṃ viśeṣeṇa sthāpayīta balāni ca || 101 ||
[Analyze grammar]

nagarasya bahiḥ prācyāṃ liṅgasthān viniveśayet |
śmaśānāni tathā tatsthān yāmyāyāṃ sthapatiḥ sudhīḥ || 102 ||
[Analyze grammar]

sarvatodiśamuddiṣṭo vibhāgo nagare yathā |
tathā grāmeṣu kheṭeṣu senāyāśca niveśane || 103 ||
[Analyze grammar]

nagarābhimukhau kāryau saṃpūrṇāṅgamahodayau |
dvāre dvāre saumyamukhau lakṣmīvaiśravaṇau śubhau || 104 ||
[Analyze grammar]

rāṣṭraṃ kheṭamatha grāmaṃ paśyantetapuraṃ mahat |
tatrārogyārthasaṃsiddhī prajāvijayamādiśet || 105 ||
[Analyze grammar]

kleśabandhavadhairlokāḥ syurmithaḥ sūtrahiṃsakāḥ |
grāmaṃ kheṭaṃ puraṃ rāṣṭraṃ yadetau naiva paśyataḥ || 106 ||
[Analyze grammar]

sthāpyante ye yathā devā nagare sarvatodiśam |
bāhyāntarāsu bhūmīṣu brūmahe tānataḥparam || 107 ||
[Analyze grammar]

caturdiśaṃ samārabhya prākāraparikhāntataḥ |
bahiḥ śate śate sārdhe dhanuṣāṃ dviśate'pi ca || 108 ||
[Analyze grammar]

dhanuḥśatamitaiḥ śuddhairanindyairdharaṇītalaiḥ |
svasvaprāsādayuktāni svasvānugagṛhaiḥ saha || 109 ||
[Analyze grammar]

niveśanāni kurvīta tridaśānāṃ yathākramam |
nagarābhimukhaṃ citravanabhāñji śubhāni ca || 110 ||
[Analyze grammar]

yāmyottarāyataṃ vaṃśaṃ vikalpapuramadhyagam |
bahirantaśca kurvīta devānāṃ viniveśanam || 111 ||
[Analyze grammar]

prācyāṃ pratyaṅmukhānkuryātprāṅmukhāṃścāmbubhṛddiśi |
yāmyodakapārśvayostasya prādakṣiṇyena vaṃśagān || 112 ||
[Analyze grammar]

dakṣiṇasyāṃ na kurvīta tridaśānapyudaṅmukhān |
caityaśānitsabhāyakṣamātṛprathamayānvitāḥ || 113 ||
[Analyze grammar]

ityamī kathitāḥ samyagye yathādiṅmukhāḥ surāḥ |
dikṣu dikṣu bahirye syustānidānīṃ pracakṣmahe || 114 ||
[Analyze grammar]

viṣṇordinādhināthasya sahasranayanasya ca |
dharmasya ca vidhātavyaṃ diśi prācyāṃ niketanam || 115 ||
[Analyze grammar]

sanatkumārasāvitryormarutāṃ mārutasya ca |
pūrvadakṣiṇadigbhāge vidadhīta niketanam || 116 ||
[Analyze grammar]

gaṇeśamātṛbhūtānāṃ yāmye pretapatergṛham |
bhadra kālyāḥ pitṝṇāṃ syādveśma caityaṃ ca nairṛte || 117 ||
[Analyze grammar]

sāgarasya nadīnāṃ ca śilpibhartuḥ prajāpateḥ |
nilayaṃ paścimāśāyāṃ vidadhyādvaruṇasya ca || 118 ||
[Analyze grammar]

phaṇināṃ bhavanaṃ kāryamaparottaradiggatam |
śanaiścarasya cātraiva kātyāyanyāśca mandiram || 119 ||
[Analyze grammar]

viśākhaskandasomānāṃ tathā yakṣādhipasya ca |
pṛthakpṛthagvidhātavyāḥ prāsādāḥ saumyadiggatāḥ || 120 ||
[Analyze grammar]

jagadgurormaheśasya śriyo vahneśca mandiram |
pūrvottarasyāṃ kakubhi pravidheyaṃ manoramam || 121 ||
[Analyze grammar]

nadīnāmambudhīnāṃ ca samantānnagarasya ca |
kāntāreṣvadri ṣu sthānaṃ sarvatreṣṭamumāpateḥ || 122 ||
[Analyze grammar]

niveśyante svadigbhāgeṣvevaṃ yasmin surottamāḥ |
samyaksamṛddhimāsādya ciraṃ nandati tatpuram || 123 ||
[Analyze grammar]

nagarasya vidūre'pi kakupsu nikhilākhapi |
bāhyato'bhimukhā devāḥ śasyante na parāṅmukhāḥ || 124 ||
[Analyze grammar]

kriyate yadi bhūbhāge vaṃśena sa parāṅmukhaḥ |
vidhimenaṃ tadā tasmiṃstajjñaḥ śāstroktamācaret || 125 ||
[Analyze grammar]

tadveṣavarṇabhūṣāstravāhanairanvitaṃ suram |
tadbhittau prakaṭākāraṃ nagarābhimukhaṃ likhet || 126 ||
[Analyze grammar]

vaikaṅkataśamībilvaiḥ kṣīrakaṇṭakibhirdrumaiḥ |
udapānāgnyagāreṣu syānna doṣo'ntarasthitaiḥ || 127 ||
[Analyze grammar]

arcāśriteṣvayaṃ prokto vidhirnālegvyavartiṣu |
kartavyāḥ sarvatovaktrāstasmāccitragatāḥ surāḥ || 128 ||
[Analyze grammar]

vidhānaṃ yadyathā proktaṃ suradhāmnāṃ purādbahiḥ |
tattathābhyantare'pi syātkāryaṃ svasvadigāśrayam || 129 ||
[Analyze grammar]

madhye purasya kartavyaṃ gṛhamambhojajanmanaḥ |
niveśanaṃ tathendra sya tathaiva halikṛṣṇayoḥ || 130 ||
[Analyze grammar]

mātṛyakṣagaṇādhīśān śivakān bhūtasaṅghakān |
vināpi veśmabhiḥ kuryātpure catvaramārgagān || 131 ||
[Analyze grammar]

rājñā varṇāśramakalāpaṇyaśilpopajīvinaḥ |
svadikpadasthāḥ kartavyāste devāścecchatā śriyam || 132 ||
[Analyze grammar]

prāsāde sati bhaktīcchāśaktiyukto yadāparam |
prāsādaṃ kārayetpūrvaṃ na tadā pīḍayet sudhīḥ || 133 ||
[Analyze grammar]

prativeśma pratigrāmaṃ pratidevakulaṃ tathā |
kuryātpratipuraṃ cāpi na prāṅmānaguṇādhikam || 134 ||
[Analyze grammar]

pūrvaprāsādato rudra somayorbrahmaṇo'thavā |
prāsāde vihite'nyasmin bhavet pīḍāgrajanmanām || 135 ||
[Analyze grammar]

kṛte dhāmnyadhike'nyasmin vahnervācaspateruta |
purodhasāṃ bhayaṃ vidyāddhruvaṃ jyotirvidāṃ tathā || 136 ||
[Analyze grammar]

dhanādhipāmarādhīśayamānāṃ varuṇasya vā |
adhikevihite dhāmni bhayaṃ vidyānmahīpateḥ || 137 ||
[Analyze grammar]

skandadhāmno'dhike'nyasmin vihite tasya veśmani |
senāpaterbalānāṃ ca pīḍā sañjāyate dhruvam || 138 ||
[Analyze grammar]

prajāpaterabhyadhikaṃ harervānyat kṛtaṃ gṛham |
kartuḥ kārayituśca syādbandhāya ca vinaṣṭaye || 139 ||
[Analyze grammar]

gaṇeśayakṣaphaṇināmadhiko'nyaḥ kṛto yadi |
prāsādaḥ syāttadā nityaṃ senāṅgānāṃ mahadbhayam || 140 ||
[Analyze grammar]

strīnāmnyo devatāstāsāṃ pīḍyante yadi veśmabhiḥ |
mukhyānāṃ puranārīṇāṃ tadā kurvantyupadra vam || 141 ||
[Analyze grammar]

pūrvāmareṣu sarveṣu pīḍiteṣvamarālayaiḥ |
anyaistalliṅgināṃ pīḍā caityairvā caityapīḍitaiḥ || 142 ||
[Analyze grammar]

hīnādhikapramāṇeṣu durniviṣṭeṣu dhāmasu |
kartuḥ kārayituḥ pīḍā syānna pūjā tathāsya ca || 143 ||
[Analyze grammar]

naivātisaṃbhṛtaṃ kuryātsvalpamalpāmarālayam |
puraṃ cānāśritaṃ kuryād vedhabhāgāśritaṃ na ca || 144 ||
[Analyze grammar]

jyeṣṭhamadhyakaniṣṭhāni navaṣaṭtripadāntare |
suraveśmāni kurvīta doṣāyāparathā punaḥ || 145 ||
[Analyze grammar]

kathito'yaṃ vidhiḥ svaiḥ svaistridaśānāṃ niveśane |
bahirniveśanātsvecchaṃ vidadhyādamarālayam || 146 ||
[Analyze grammar]

nagareṣu samagreṣu grāmeṣu nikhileṣu ca |
kheṭakeṣu ca sarveṣu sāmānyo'yaṃ vidhiḥ smṛtaḥ || 147 ||
[Analyze grammar]

ityukta eṣa nagaropagataḥ surāṇāṃ |
svasvaprabhāgavihitaḥ padasanniveśaḥ |
brūmo vibhāgamadhunāṃ gṛhadevatānāṃ |
samyakśubhāśubhaphalapravibhāgayuktam || 148 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 10: puraniveśa

Cover of edition (2007)

Samarangana Sutradhara of Bhojadeva
by Sudarshan Kumar Sharma (2007)

An Ancient Treatise on Architecture (In Two Volumes); With An Introduction, Sanskrit Text, Verse by Verse English Translation and Notes.

Buy now!
Cover of edition (2011)

Samrangana Sutradhara: Treatise of Housing Architecture, Machines, Inconography and Dance
by Maharajdhiraj Shri Bhoj Dev (2011)

Sanskrit text with Hindi Transalation; Set of two volumes.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: