Chapter 32

|| dvātriṃśo'dhyāyaḥ ||

tataḥ parasmin divase nityakarma samāpya ca|
ṛtvigbhiḥ sādhakācāryairbodhakaiśca samanvitaḥ|| 32.1 ||
praviśedālayaṃ śrīmaddevaṃ saṃpūjayettataḥ|
garutntaṃ senapaṃ ca dvāḥsthānapyālayāśritān|| 32.2 ||
pālikādvārapūjāṃ ca pālikādisamarcanam|
ṛtvigbhiḥ sādhayet sarvaṃ tato gururatandritaḥ|| 32.3 ||
dukūlaṃ paṭṭajaṃ vāpi kārpāsajamathāpi vā|
dhvajārohāya sudṛḍhaṃ snigdhaṃ lakṣaṇasaṃyutam|| 32.4 ||
nīlaromādirahitaṃ śvetaṃ vastramathāpi vā|
(1)āyataṃ pañcadaśabhirdaśabhiḥ saptamistu vā|| 32.5 ||
(1.pā. āyataṃ daśabhirahastaiḥ)(1.[ī.a.10] āyataṃ navabhirhastaiḥ saptabhiḥ pañcabhistu vā|)
(2)mūlaberasamaṃ vāpi garbhadvārāyataṃ tu vā|
(3)vistāraṃ pañcabhirhastaistribhirvāpi varānane|| 32.6 ||
(2.pā. mūlaberasamāyāmaṃ dvārāyāmamathāpi vā|)(2.[ī.a.10] mūlaberasamāyāmaṃ dvārāyāmamathāpi vā|)
(3.pā. vistīrṇaṃ pañcabhirdṛḍhaṃ)
pakṣirāṭ-lekhayogyasya paṭasya parimāṇakam|
ādāya pūrvaṃ tanmadhyāccandanakṣodavāriṇā|| 32.7 ||
sūtreṇa madhyarekhāyāḥ koṇātkoṇaṃ ca madhyame|
āsphālayenmadhyadeśādyāvanmastakapādayoḥ|| 32.8 ||
pakṣayoravaśiṣṭaṃ yat parihāryaṃ tu śilpinā|
garuḍaṃ gamanodyaktaṃ hemāṅgaṃ kuṭilekṣaṇam|| 32.9 ||
nīlanāsāgrasaṃyuktaṃ sarvāvayavasundaram|
baddhāñjalipuṭaṃ saumyaṃ śaṅkhacakradharaṃ vibhum|| 32.10 ||
(4)lalāṭe nyastatilakaṃ pakṣavikṣapaṇānvitam|
sarvābharaṇasaṃyuktaṃ śvetavarṇaṃ caturbhujam|| 32.11 ||
(4. pā. lalāṭe racitālakam)
karaṇḍikāmakuṭinaṃ śvetavastropaśobhitam|
ākuñcitaṃ savyapādamaparaṃ pṛṣṭhataḥ sthitam|| 32.12 ||
maulau mālāyitaṃ nāgaṃ śaṅkhaṃ tu tuhinaprabham|
padmaṃ ca dakṣiṇe karṇe śoṇābhaṃ kuṇḍalākṛtim|| 32.13 ||
mahāpadmaṃ piṅgalābhaṃ vāmakarṇasya kuṇḍalam|
meghābhaṃ gulikaṃ kaṇṭhe kaṇṭhābharaṇarūpiṇam|| 32.14 ||
(5)raktābhaṃ vāsukaṃ bhīmaṃ brahmasūtropaśobhitam|
(6)kārkoṭakaṃ dhūmranibhaṃ hārarūpiṇamabjaje|| 32.15 ||
(5.pā. ananto vā kaṭako yajñasūtraṃ tu vāsukiḥ|)
(6.pā. urasi nyastakārkoṭaṃ kaṭisūtritatakṣakam|)
takṣakaṃ pītavarṇābhaṃ kaṭisūtropaśobhitam|
anantaṃ (7)kṣaumasadṛśaṃ kaṭakaṃ dakṣiṇe kare|| 32.16 ||
(7.gra. kṣomavarṇābhaṃ)
vāme kare mahāśvetaṃ vilikhet kaṭakāyitam|
(8)paritaḥ śaṅkhacakraṃ ca gadākhaḍgau tathā dhanuḥ|| 32.17 ||
(8.[ī.a.10] cakraṃ khaḍgaṃ śaraṃ caiva śaṃkhaṃ śārṅgagadāṃ tathā| paṭordhve hyubhaye pāśrve)
(9)tārkṣyasya sirasi chatraṃ pārśvayoścāmarāvapi|
(10)dīpastambhau pādapārśve pālikāḥ sāṅkurāstathā|| 32.18 ||
(9.pā. upariṣṭācca karttavyaṃ pārśvayoścāmaradvayam|)
(10.[ī.a.10] dīpau suśobhanau kuryātpālikānāṃ tu pārśvayoḥ|)
(11)evaṃ likhet pañcavarṇairdeśikaḥ śilpino'pi vā|
śilpinaṃ toṣa(12)yettasmāt paṭamādāya deśikaḥ|| 32.19 ||
(11.[ī.a.10] pañcavarṇairlikhadevaṃ pañcāyudhaṃ tathā|)
(12.gra. toṣayitvātha)
śibikāyāṃ samāropya vādyaghoṣapuraḥsaram|
(13)dhāma pradakṣiṇīkṛtya pratiṣṭhāmaṇḍapaṃ nayet|| 32.20 ||
(13.pā. prādakṣiṇyena dhāmādīnnītvā tūryanināditam|)
vāstuśāntiṃ tataḥ kuryāt grāmādīnāṃ viśuddhaye|
dhānyādikalpite pīṭhe paṭaṃ tatra prasārayet|| 32.21 ||
paṭaṃ puṇyāhasalilaiḥ prokṣayenmaṇḍapādikān‌|
dvārādi(14)devān saṃpūjya kuṇḍe vā sthaṇḍile'pi vā|| 32.22 ||
(14.gra. sarvadoṣasya śāntaye|)
bhadrāsanaṃ kalpayitvā lakṣmīnārāyaṇaṃ vibhum|
saṃpūjya vidhivaddevaṃ prārthajjalajodbhave|| 32.23 ||
lakṣmīpate jagannātha mahotsavasamṛddhaye|
dhvajārohaṇakāryāya paṭe'smin pañcavarṇakaiḥ|| 32.24 ||
likhitaṃ garuḍaṃ deva (15)sarvadoṣapraśāntaye|
śīlatābhyāṃ (16)ca netrābhyāṃ paśya tvaṃ parameśvara|| 32.25 ||
(15.gra. devatāḥ pūjya)
(16.[ī.a.10] samālokya netrābhyāṃ śītalābhyāṃ paṭasthitam|)
tārkṣyapratiṣṭhākarmāṅgamagni (18)mutpādayāmi bhoḥ|
iti vijñāpya vai kuṇḍaṃ tayoḥ saṅgaṃ vicintayet|| 32.26 ||
(18.gra. mutpādaya prabho)
tajjātaṃ vaiṣṇavāgniṃ taṃ dhyāyeddeśikasattamaḥ|
vāsudevājñāpya vai guṇḍaṃ tayoḥ saṅgaṃ vicintayet|| 32.27 ||
tārkṣyasya kautukaṃ caiva chāyāyāmadhivāsanam|
(19)pañcabhiḥ kalaśaiścaiva snapanaṃ darpaṇe bhavet|| 32.28 ||
(19.pā. kumbhaiḥ ṣoḍaśabhiḥ chāyāsnapanaṃ darpaṇe bhavet|)
tārkṣyasya pannagānāṃ ca nayanonmīlanaṃ caret|
dhānyādīn darśayitvātha śayyāyāṃ śāyayet paṭam|| 32.29 ||
svadehe tārkṣyamantreṇa nyāsaṃ kuryādvicakṣaṇaḥ|
kṣipedaṣṭottaraśataṃ praṇavādyantasaṃyutam|| 32.30 ||
japtvā gandhajalaiḥ pañca kalaśān pūrayedrame|
dānyapīṭhe sthāpayitvā svalaṃkṛtya yathāvidhi|| 32.31 ||
pīṭhamākalpya kumbheṣu vihagāṃsteṣu pūjayet|
puṣpāñjalidharo bhūtvā prārthayedvihagādhipam|| 32.32 ||
vāsudevātsamutpanna pakṣīndra kanakaprabha|
utsavārthaṃ bhagavataḥ kumbhe'smin saṃnidhiṃ kuru|| 32.33 ||
iti saṃprārthya hṛdayāt kumbhe tārkṣyaṃ vicintayet|
āvāhanādiṣaṇamudrāṃ pradarśyārdhyādibhiryajet|| 32.34 ||
vāsudevāṃśasaṃbhūta satsamūrte taṭitprabha|
apamṛtyujayāya tvaṃ kumbhe'smin saṃnidhiṃ kuru|| 32.35 ||
saṃkarṣaṇāṃśaja svāmin dvijānāṃ jñānavṛddhaye|
suparṇāgaccha kumbhe'smin saṃnidhiṃ sphaṭikaprabha|| 32.36 ||
pradyumnasyāṃśasaṃbhūta nṛpāṇāṃ balavṛddhaye|
kumbhe'smin kuru sānidhyaṃ garuḍa tvaṃ taṭitprabha|| 32.37 ||
aniruddhāt samutpanna vaiśyānāmarthasiddhaye|
tārkṣya tārānibha svāmin kumbhe'smin saṃnidhiṃ kuru|| 32.38 ||
āgneyādiṣu koṇeṣu kumbheṣvāvāhya yatnataḥ|
āvāhanādiṣaṇmudrāḥ saparyāṃ ca tataścaret|| 32.39 ||
bhojyāsanaṃ tato datvā modakādīn nivedayet|
agniṃ saṃtarpya vidhivat tattvahomaṃ samācaret|| 32.40 ||
saṃpātājyaṃ samādāya paṭe kūrcena vinyaset|
vahnimadhye yogapīṭhaṃ saṃkalpya vidhivad guruḥ|| 32.41 ||
vihagendrasya mantreṇa hṛdayādavatārayet|
āvāhanādiṣaṇmudrāṃ darśayet kamalāsane|| 32.42 ||
mantrāsanādibhojyāntamājyena juhuyāttataḥ|
caruṃ puruṣasūktena juhuyāt ṣoḍaśāhutīḥ|| 32.43 ||
vihagādhipagāyatryā ghṛtenāṣṭottaraṃ śatam|
tatsaṃkhyayā samidbhiśca palāśāśvatthakhādiraiḥ|| 32.44 ||
bilvaiśca juhuyādājyaiḥ punaraṣṭottaraṃ śatam|
saṃpātājyaṃ gṛhītvā tu tārkṣyagāyatriyā tataḥ|| 32.45 ||
nyaset sarveṣu kumbheṣu paṭe ca gurusattamaḥ|
tataḥ pūrṇāhutiṃ hutvā kuṇḍāt viṣṇurathaṃ rame|| 32.46 ||
udvāsya kumbhāttadanu satyādīn visṛjettataḥ|
nyūnādhikyopaśāntyarthaṃ śāntihomaṃ samācaret|| 32.47 ||
kuṇḍādagniṃ samudvāsya śarkarānnaṃ nivedayet|
kumudādibaliṃ dadyāt vainateyasya vai manum|
(20)japan rātriṃ jāgareṇa nayenniyamamāsthitaḥ|| 32.48 ||
(20.pā. tūryaghoṣairvedaghoṣairjāgareṇa nayonniśam|)
|| iti śrīśrīpraśnasaṃhitāyāṃ[utsavakarmaṇi](21)dvātriṃśo'dhyāyaḥ ||
(21.mahotsave trayastriṃśo'dhyāyaḥ iti gra. pustake|)