Paramesvara-samhita [sanskrit]

67,204 words | ISBN-13: 9788179070383

The Sanskrit text of the Paramesvara-samhita, an ancient Vaishnava Agama, belonging to the Pancaratra tradition. Topics include meditation on mantras, architectural material for buildings, image-worship and philosophy. The rules of Paramesvara-samhita (similar in nature to the Paushkara-samhita) is today followed in the Shrirangam temple. Alternative titles: Parameśvarasaṃhitā (परमेश्वरसंहिता), Parameśvara-saṃhitā (परमेश्वर-संहिता), Parameshvarasamhita, Parameshvara, Paramesvarasamhita.

śrīḥ |
trayoviṃśo'yāyaḥ |
sanakaḥ |
praśaṃsitaṃ purā brahnan sudarśananṛsiṃhayoḥ |
ekarūpaṃ mahāyantrasthāpanaṃ sthiralakṣaṇam || 1 ||
[Analyze grammar]

vistareṇa samācakṣva mayi sānugraho yadi |
śāṇḍilyaḥ |
purā nārāyaṇenoktaṃ puṇye badarikāśrame || 2 ||
[Analyze grammar]

brahnaṇaḥ śīrṣavicchedamahāpātakaśāntaye |
pṛcchataḥ śaṅkarasyātha sarvapāpāpanodanam || 3 ||
[Analyze grammar]

so'pi taṃ vistarācchrutvā kailāsaśikharopari |
pratiṣṭhāpya vidhānena yantre viṣṭarasaṃsthite || 4 ||
[Analyze grammar]

kalpāntānalasūryābhamubhayānanamavyayam |
sarvalokamayaṃ sarvadevatāmayamadbhutam || 5 ||
[Analyze grammar]

sarvādhāramanādhāraṃ sarvaśaktikriyātmakam |
duṣṭadoṣagaṇaṃ sarvaṃ nirdahantaṃ svatejasā || 6 ||
[Analyze grammar]

samārādhyā'cireṇaiva pūtabhāvo'bhavadbhavaḥ |
tathānye purūhūtādyā vidyāmenāmavāpya ca || 7 ||
[Analyze grammar]

śaṅkarāt pūrṇasaṃjñānāt svadigbhāgānapālayan |
prajāpālanaśīlānāṃ bhūpānāmetadarcanam || 8 ||
[Analyze grammar]

nairantaryeṇa kartavyamanyathā jāyate'dhṛtiḥ |
jāyate kathameteṣāmupapātakināmapi || 9 ||
[Analyze grammar]

akurvatāṃ jagatsthityai maryādāyā vilokanam |
kurvatāṃ svasvaduṣprāpaṃ bhūpatīnāṃ tu kiṃ punaḥ || 10 ||
[Analyze grammar]

tathānyeṣāṃ dvijātīnāṃ sarvapāpapraṇāśanam |
pratiṣṭhāpyārcanīyaṃ tat sarvakāmasamṛddhidam || 11 ||
[Analyze grammar]

tadvidhānaṃ viśeṣeṇa śrṛṇu guhyatamaṃ param |
divyādyāyatane citre prāṅkaṇādau tu kutracit || 12 ||
[Analyze grammar]

grāmādau tu nadītīre vipine parvatopari |
prāsādaṃ maṇḍapaṃ vā'tha sacitraṃ sarvatomukham || 13 ||
[Analyze grammar]

prākpaścimānanaṃ vā'tha sagavākṣakavāṭakam |
ekāditalasaṃyuktaṃ cakralāñchanalāñchitam || 14 ||
[Analyze grammar]

mukhabhadrasamopetamārohaṇasamanvitam |
saprākāraṃ samāpādya prāsādābhyantare tate || 15 ||
[Analyze grammar]

bhadraviṣṭaramadyasthabhūpure vajralāñchite |
śeṣādibhirdikṣu madhye ṣaṭkoṇapurabhūṣite || 16 ||
[Analyze grammar]

savāyubījavāyavyamaṇḍalena virājitam |
daśāracakramadhyasthadaḷāṣṭakakajāntare || 17 ||
[Analyze grammar]

sthāpayettaṃ mahāyantraṃ lakṣaṇenopalakṣitam |
ādvādaśāṅgulānmānādekaikāṅgulavardhitāt || 18 ||
[Analyze grammar]

ādvādaśāṅgulāntāni mānāni syustrayodaśa |
teṣvekaṃ niścayīkṛtya karturicchāvaśena tu || 19 ||
[Analyze grammar]

pādādyuṣṇīṣaryantaṃ dviṣoḍhā vāṣṭadhā bhavet |
berārdhamānamādāya svabāgārthaṃ samantataḥ || 20 ||
[Analyze grammar]

sūtreṇa karṇikāvṛttaṃ madhyasthena tato bahiḥ |
ekaikāṃśāni pajhāni ṣaṭ bhavanti yathākramam || 21 ||
[Analyze grammar]

catuṣpatraṃ bhavedādyamaṣṭapatramanantaram |
dviraṣṭakesaraṃ vidyāt tṛtīyaṃ ṣoḍaśacchadam || 22 ||
[Analyze grammar]

dvātriṃśatkesaraṃ turyaṃ dvātriṃśaddaḷabhūṣitam |
aṣṭāṣṭakesaropetaṃ tathāsaṅkhyadaḷaṃ bahiḥ || 23 ||
[Analyze grammar]

tat kesaravinirmuktaṃ aṣṭapatraṃ tathā bahiḥ |
bhūpurādīni sārdhena saṃpuṭāntāni bāhyataḥ || 24 ||
[Analyze grammar]

dvābhyāṃ dvābyāṃ tathāśābyāṃ bahirāvaraṇadvayam |
pūrvasmin keśavādyāṃśca viṣṇvādyāṃśca tato bahiḥ || 25 ||
[Analyze grammar]

jagatsthitau samudyuktānṛṣīkeśajanārdanāt |
bahiścakragadādīnāmaṃśaṃ teṣāmadhordhvataḥ || 26 ||
[Analyze grammar]

bhāgadvayaṃ tatastyaktvā vārāhanarasiṃhayoḥ |
samantādbhūpurasyā'tha bhogārthaṃ yantrakalpane || 27 ||
[Analyze grammar]

mahāyantrasya vistāre vibhakte pañcadhā'thavā |
saptadhā madhyabāhyasthairnālāṃstryaṃśaiḥ prakalpayet || 28 ||
[Analyze grammar]

kiñcidviṣṭarapīṭhoccān nāḷānāmadhikāyatiḥ |
varāhavadanākārā pārśvayormūlavistṛte || 29 ||
[Analyze grammar]

dakṣiṇādyanupātena tvāmūlādagrapaścimam |
pramāṇamevaṃ buddhvā'tra lohadāruśilādikam || 30 ||
[Analyze grammar]

samāharedyathāśāstraṃ pramāṇena yathāvidhi |
saṃpādyā phalakākārā bhāgaikena ghanā dṛḍhā || 31 ||
[Analyze grammar]

syāt ṣaḍaṃśaghanā śailī caturaṃghaśanā'thavā |
ākarṇikāvanerbāhyacaturaśrapurākṛtiḥ || 32 ||
[Analyze grammar]

pramāṇāduttamādasmānmadhyamādhamavāñchayā |
tryaṃśenārdhena vā kuryānmukhyakalpamudīritam || 33 ||
[Analyze grammar]

beroṣṭhaṃ dviguṇīkṛtya tatpramāṇena kalpayet |
phalakāmadyatastyaktvā lambamānaṃ yathāpurā || 34 ||
[Analyze grammar]

śeṣaṃ dviraṣṭadhā bhaṅkhtvā karṇikārdhena tadbahiḥ |
prāgvadāvṛtipajhāni bhūpurādīnyatha tribhiḥ || 35 ||
[Analyze grammar]

tatastribhistribhiḥ kāryaṃ mūrtīnāmāvṛtidvayam |
ardhena caturaśraṃ tu mūrtīnāmāvṛtidvayam || 36 ||
[Analyze grammar]

ekaikaṃ tryaṃśasambhūtaṃ pramāṇena yathā bhṛśam |
kalpayet keśavādyāṃśca viṣṇvādyāṃśca dviraṣṭadhā || 37 ||
[Analyze grammar]

kuryādvaikāvṛtau buddhyā saṃmantrya dhyānayogataḥ |
madhyataḥ karṇikāyāṃ tu paridhau candramaṇḍalam || 38 ||
[Analyze grammar]

tanmadhye tārakaṃ kuryāt tanmadhyena sudarśanam |
bhujaiḥ ṣoḍaśabhiryuktamaṣṭābhirvā'nalaprabham || 39 ||
[Analyze grammar]

piṅgalocanakeśāḍhcaṃ raktāmbaradharaṃ vibhum |
daṃṣṭrākarāḷavadanavivarodbhūtapāvakam || 40 ||
[Analyze grammar]

kuṭilabhrukuṭībhaṅgabhaṃgurāḷakaṣaṭpadam |
lalāṭalocanodgīrṇajvālājvalitadiṅmukham || 41 ||
[Analyze grammar]

ūrdhvajvālāgaṇālīḍhakirīṭataṭaśobhitam |
śrīvatsakaustubhoraskaṃ graiveyakavirājitam || 42 ||
[Analyze grammar]

pādāvalambinīṃ divyāṃ dadhānamupavītavat |
pratyālīḍhena tiṣṭhantaṃ cakrākramaṇarūpiṇā || 43 ||
[Analyze grammar]

pādayordakṣiṇāṃguṣṭhaprāntarekhāt tathetarāt |
pārṣṇeḥ svamadhyato mānaṃ dehalabdhāṃgulena ca || 44 ||
[Analyze grammar]

catvāriṃśat sāṣṭakaṃ syāt pratyālīḍhaṃ cirānvitam |
mukhyadakṣiṇahastādimukhyavāmakarāvadhi || 45 ||
[Analyze grammar]

dviraṣṭabāhubhirdhatte prādakṣiṇyakrameṇa tu |
śaktiṃ khaṅgaṃ tathā cāgni maṅkuśaṃ daṇḍakuntake || 46 ||
[Analyze grammar]

paraśuṃ ca sahasrāraṃ daraṃ ca saśaraṃ dhanuḥ |
pāśaṃ halaṃ tato vajraṃ gadāṃ ca musalaṃ tathā || 47 ||
[Analyze grammar]

triśūlametānyastrāṇi pratyekaṃ vīryavanti ca |
duṣpradharṣaṃ bhayaghnāni vahantamarisūdanam || 48 ||
[Analyze grammar]

anyathāṣṭabhujo dhatte mukhyadakṣakarādikaiḥ |
pajhāṃ kuśau ca musalaṃ cakra matyugratejasam || 49 ||
[Analyze grammar]

śaṅkhaṃ ca saśaraṃ cāpaṃ pāśaṃ kaumodakīṃ kramāt |
kṛtvaivamardhacitraṃ tu navatālena śilpinā || 50 ||
[Analyze grammar]

pādayorantare tasya tiṣṭhataḥ karṇikāvanau |
śāntipuṣṭivaśīkāravidveṣākarṣamāraṇān || 51 ||
[Analyze grammar]

ucchāṭanaṃ vā yaḥ kartumicchet sādhakasattamaḥ |
tasya sādhyaṃ likhenmantrī śaktyā saṃpuṭitaṃ vibhoḥ || 52 ||
[Analyze grammar]

indubimbasya paryante ṣaṭkoṇaṃ kramaśo likhet |
prāgādikoṇaṣaṭke tu pravartakanivartake || 53 ||
[Analyze grammar]

mantrākṣarāṇi sādīni sabindūni ca vai purā |
upakramya ca varmāstre likhedantarmukhānamūn || 54 ||
[Analyze grammar]

bahiḥ koṇāntarāḷeṣu prokto'yaṃ dakṣiṇāditaḥ |
ācakrādīnyathāṅgāni jvālācakrāntimāni ca || 55 ||
[Analyze grammar]

caturdaḷāgre prāgādau varmāstre ca sabinduke |
tadantarāḷeṣvantasthā bindunā cāntarānanāḥ || 56 ||
[Analyze grammar]

kesareṣvaṣṭapatrasya svarānanyāṃśca bindubhiḥ |
daḷeṣvaṣṭākṣarārṇaāṃni tathā bhūtāni tadbahiḥ || 57 ||
[Analyze grammar]

dviraṣṭapatrakiñjalkanicaye prākprayogataḥ |
kādisāntāni varṇāni sabindūni yathāpurā || 58 ||
[Analyze grammar]

taddaḷeṣu dviṣaṭkārṇaḥ varmāstre śirasā saha |
ṣoḍaśākṣara ityukto dvātriṃśatkesarādike || 59 ||
[Analyze grammar]

ānuṣṭubhaṃ mahāmantraṃ nṛvarāhanṛsiṃhayoḥ |
bahiraṣṭāṣṭapatreṣu pātāḷanṛharermanum || 60 ||
[Analyze grammar]

prāgvaladakṣaraśo nyasya tato'ṣṭadaḷapaṅkaje |
nārasiṃhaṃ tathāṣṭārṇaṃ tadbāhyasthe tu bhūpure || 61 ||
[Analyze grammar]

saptadvīpasamudrāḍhye vajraiḥ koṇeṣu lāñchite |
prāgādyāsu mahādikṣu pārthivaṃ bījamuttamam || 62 ||
[Analyze grammar]

tannāmamantrasaṃyuktaṃ antasthāḥ koṇabhūmiṣu |
tataḥ sapārthivaṃ bījaṃ koṇābhyantarabāhyayoḥ || 63 ||
[Analyze grammar]

tadbahiḥ prātilomyena svaraṣoḍaśakaṃ nyaset |
sakārādīni kāntāni tathābhūtāni tadbahiḥ || 64 ||
[Analyze grammar]

paritontyayugenaiva sādhyanāmavidarbhaṇam |
kṛtvā prati prayogeṇa bahirbhūpurasaṃpuṭāt || 65 ||
[Analyze grammar]

pāśāṃkuśābyāmāveṣṭya dvābyāṃ vā bahubhistu vā |
puroditakrameṇaiva svasthāne keśavādayaḥ || 66 ||
[Analyze grammar]

bāhyāvaraṇa bhūmiṣṭhāḥ prāgādyāsu ca viṣṇavaḥ |
tatkoṇeṣu hṛṣīkeśaḥ tacchidreṣu janārdanāḥ || 67 ||
[Analyze grammar]

kalpanīyāśca tanmantrāḥ praṇavādyā yathākramam |
sajīvāḥ saṃjñayopetā namaskārasamanvitāḥ || 68 ||
[Analyze grammar]

amukaṃ rakṣa rakṣeti tadante sādhyabhūṣitāḥ |
prāgādidikṣu tadbāhye tvantasthāścāṣṭabhiḥ saha || 69 ||
[Analyze grammar]

yaśau raṣau lasau cātha vahāvapi sabindukau |
vilikhet punarapyetānaiśānyā'nala paścimam || 70 ||
[Analyze grammar]

pāśāṅkuśābyāmāveṣṭya dvābhyāṃ vā bahubhistathā |
adhastānnṛvarāhaṃ ca sarvordhve nṛharermanum || 71 ||
[Analyze grammar]

kramaśaḥ keśavādīnāṃ dhyānaṃ cākarṇayāmalam |
keśavaḥ svarṇavarṇo'bjaśahkhacakragādādharaḥ || 72 ||
[Analyze grammar]

nārāyaṇo nīradābhaḥ śaṅkhacakragadābjadhṛk |
mādhavo'vjagadāśaṅkhacakrī nīlābjasannibhaḥ || 73 ||
[Analyze grammar]

govindo dhavalaścakragadāśahkhapayojadhṛk |
viṣṇurgadāmbujadaracakrī bandhūkasaprabhaḥ || 74 ||
[Analyze grammar]

raktascakradarāmbhojaśaṅkha dhṛṅnadhusūdanaḥ |
trivikramaścakragadāpajhaśaṅkhī japāruṇaḥ || 75 ||
[Analyze grammar]

śahkhacakragadāpajhadharaḥ syādvāmano'ruṇaḥ |
pajhacakragadāśaṅkhī śrīdharaścandrasaprabhaḥ || 76 ||
[Analyze grammar]

vidyutprabho hṛṣīkeśo gadācakradarābjadhṛk |
gadābjacakravidyābhṛtpajhanābho'ruṇaprabhaḥ || 77 ||
[Analyze grammar]

dāmodaraḥ pajhaśaṅkhagadācakradharo'ruṇaḥ |
mukhyadakṣakarāmbhojāt mukhyavāmakarāvadhi || 78 ||
[Analyze grammar]

pajhādikaṃ dhārayanta āyudhānāṃ catuṣṭayam |
kirīṭakaustubhadharā vanamālāvibhūṣitāḥ || 79 ||
[Analyze grammar]

pītāmbaradharāḥ sarve prasannavadanekṣaṇāḥ |
karuṇāpūrṇahṛdayā jagaduddharaṇodyatāḥ || 80 ||
[Analyze grammar]

yantratejo'sahiṣṇūnāṃ narāṇāṃ tāpaśantaye |
āsārairamṛternityaṃ secyantaḥ samantataḥ || 81 ||
[Analyze grammar]

viṣṇuḥ prācyādidigbhāge hṛṣīkeśā vidiksthitāḥ |
janārdanāśchidragatāścāṣṭapāde caturbhujāḥ || 82 ||
[Analyze grammar]

pṛṣṭadakṣiṇavāmābhyāṃ cakraśahkhadharāstathā |
mukhyavāmakareṇaiva varadā vā'bhayapradāḥ || 83 ||
[Analyze grammar]

viṣṇavo dakṣiṇairmukhyairjvalatpāvakabhīṣaṇāḥ |
cakrakaumodakīśārhgān dhārayantaḥ sakhaḍgakān || 84 ||
[Analyze grammar]

vahnyādikoṇadeśasthā hṛṣīkeśāḥ suvarṇabhāḥ |
śaṅkhaṃ halaṃ ca musalaṃ vahantaḥ śūlapaścimam || 85 ||
[Analyze grammar]

prāgāgneyādikacchidradeśasthāśca janārdanāḥ |
jvalanmaratakābhāśca vīkṣamāṇāśca diksthitān || 86 ||
[Analyze grammar]

daṇḍaṃ kuntaṃ ca śaktiṃ ca pāśaṃ cāṅkuśameva ca |
vajraṃ paraśusaṃjñaṃ ca tathā śatamukhānalam || 87 ||
[Analyze grammar]

dadhānāḥ susamaiḥ sthānairutthitāḥ svastikādinā |
sukhāsīnāstu vā sarve kevalā vā saśaktikāḥ || 88 ||
[Analyze grammar]

saṃkalpyāḥ tadadhaḥ sarvayajñāṅgaḥ sūkarānanaḥ |
kṛṣṇapiṅgaḷavarṇaābhaḥ puṇḍarīkanibhekṣaṇaḥ || 89 ||
[Analyze grammar]

paścimābyāṃ ca pāṇibhyāṃ pūrvavaccakraśaṅkhabhṛt |
mukhyena dakṣiṇenaiva bhītānāmabhayapradaḥ || 90 ||
[Analyze grammar]

bhūmyāḥ svāṅke niṣaṇṇāyā vāmenāsleṣatatparaḥ |
parastānnaharirdevastuhinācalasannibhaḥ || 91 ||
[Analyze grammar]

karairaṣṭabhiratyugraḥ pṛṣṭhato dakṣiṇāditaḥ |
śaṅkhacakrāmbujagadāḥ khaḍgaṃ ca saśaraṃ dhanuḥ || 92 ||
[Analyze grammar]

dhatte ṣaḍbhistu mukhyābhyāṃ hiraṇyakaśipuṃ ruṣā |
vidārayaṃśca svāṅkasthaṃ nakharaiḥ krakacopamaiḥ || 93 ||
[Analyze grammar]

uddhṛtya sāmbujaṃ pāṇi kevalaṃ vā'bhayapradaḥ |
hiraṇyarudhirasrotaḥ paṅkitorasthalaḥ śubhaḥ || 94 ||
[Analyze grammar]

sarvānetān sajīvena śaktibījena veṣṭayet |
bahiḥ prācyādidigdeśe sākārānastravigrahān || 95 ||
[Analyze grammar]

cakrakaumodakīśārhganandakān vilikhedimān |
keśavādyāstathāstrāntāścatustriṃśattu mūrtayaḥ || 96 ||
[Analyze grammar]

svatantraṃ kalpayenmantrī yadvā cāvaraṇakṣitau |
kṛtvaivaṃ prāhmukhaṃ yantramaparāṅgaṃ prakalpayet || 97 ||
[Analyze grammar]

karṇikāvalayaṃ kuryāt prākpramāṇena madhyataḥ |
tadantare koṇaṣaṭkaṃ prakāśāhlādasaṃpuṭam || 98 ||
[Analyze grammar]

tridhā vibhajya tadbāhyaṃ kṣetrārdhaṃ ca tadantare |
triraṣṭayedumbarāhye kamalaṃ dvādaśacchadam || 99 ||
[Analyze grammar]

caturviṃśaddalaṃ cakraṃ nābhinemitrayānvitam |
prathibhiścāvṛtaṃ bāhye nemisthaistasya bāhyataḥ || 100 ||
[Analyze grammar]

śaktibhiśca jayādyābiraṣṭābhiḥ parivāritam |
pūrvaṃ dvādaśapatrābjakarṇikāmadhyakalpite || 101 ||
[Analyze grammar]

trikoṇasaṃpuṭākāre prakāśāhlādalakṣaṇe |
ṣaṭkoṇe lakṣayeddevaṃ kalpāntahutabhukprabham || 102 ||
[Analyze grammar]

nṛpañacavastraṃ jñānādigumapūrṇamahārṇavam |
trilocanaṃ caturbāṃhuṃ catuścakradharaṃ param || 103 ||
[Analyze grammar]

yogapaṭṭapinaddhāṅgaṃ jānvārūḍhabhujadvayam |
śrīvatsakaustubhoraskaṃ bhūṣitaṃ makuṭādibhiḥ || 104 ||
[Analyze grammar]

hāraśekharakeyūrakaṭakairnūpurāntimaiḥ |
bhaktānāṃ svānuraktānāṃ siddhāntaniratātmanām || 105 ||
[Analyze grammar]

aśokaviṭapicchāyānyājenārtivināśanam |
sādhusaṃrakṣaṇodyuktaceṣṭitaṃ hṛṣṛmānasam || 106 ||
[Analyze grammar]

adhastāccaraṇāmbhojāt sādhyaṃ bījapuṭīkṛtam |
vilikhya koṇaṣaṭkeṣu prāgādyeṣu trikaṃ trikam || 107 ||
[Analyze grammar]

sudarśananṛsiṃhasya mantrārṇāni yathākramam |
tadaṅgāni ca tadbāhye koṇābhyantarabhūmiṣu || 108 ||
[Analyze grammar]

likhedāvṛttiyogena kṣārṇaṃ prathijaṇeṣu ca |
prāgādi cakrabāhye tu jayā candraprabhāvinī || 109 ||
[Analyze grammar]

navadūrvāṅkuraśyāmā mohinī vijayā tataḥ |
rājopalaprabhā kāntā hlādinī pāṭalaprabhā || 110 ||
[Analyze grammar]

ajitā kanakaprakhyā māyā nīlotpalaprabhā |
raktā' parājitā siddhirdhūmravarṇā svakaṃ patim || 111 ||
[Analyze grammar]

vīkṣamāṇāśca satataṃ nīlotpalavilocanāḥ |
navayauvanalāvaṇyavibhavenopabṛṃhitāḥ || 112 ||
[Analyze grammar]

karaṇḍamakuṭopetāḥ sarvābharaṇabhūṣitāḥ |
vicitrakṣaumavasanāḥ sarvartukusumānvitāḥ || 113 ||
[Analyze grammar]

dvibhujā dakṣahastasthapuṣpamālābhyalaṃkṛtāḥ |
vāme candrāṃśusahkāśa cāmaravyajanodyatāḥ || 114 ||
[Analyze grammar]

bhūpaccarau nṛsiṃhasya bhīmograu bhīṣaṇadyutī |
daṃṣṭrākarāḷavadanau jvalatpāvakalocanau || 115 ||
[Analyze grammar]

nīlanīradasaṃkāśau dvibhujau daṇḍacakriṇau |
udagrakāyāvatyugrau vīkṣayantau parasparam || 116 ||
[Analyze grammar]

raktāmbaradharau raktakusumasragvimaṇḍitau |
saṃpādyaivaṃ mahāyantraṃ sudarśananṛsiṃhayoḥ || 117 ||
[Analyze grammar]

sthāpayedvidhivanmantrī madhye prāsādamaṇṭape |
kṣmāparigrahamārabhya saṃpanne sarvakarmaṇi || 118 ||
[Analyze grammar]

vinyaste viṣṭare yantre pratiṣṭhāpya vidhānataḥ |
traikālyamarcanaṃ kāryaṃ tallakṣaṇamathocyate || 119 ||
[Analyze grammar]

taddairghyaṃ yantravistārādadhikaṃ dvādaśāhgulam |
vibhakte yantravistāre saptadhā vā'tha pañcadhā || 120 ||
[Analyze grammar]

ekaikamantayostyaktvā bhāgairmadhyagatairataḥ |
pañcabhirvā tribhiḥ kāryā viṣṭarasya tu vistṛtiḥ || 121 ||
[Analyze grammar]

ekaikaṃ madhyataḥ sthāpya pārśvayoḥ saṣaḍaṅgulam |
yantrapārśvasthanāḷābhyāṃ suṣiradbayamācaret || 122 ||
[Analyze grammar]

śiṣṭāni mārjayenmantrī caturaśraprasiddhaye |
tricatuḥpañcadhā vā'tha yantrocchrāye vibhājite || 123 ||
[Analyze grammar]

tattadekāṃśamānena kāryaḥsyādviṣṭarocchrayaḥ |
pīṭhavattadalaṃkṛtya pañcāhgaiḥ parito bahiḥ || 124 ||
[Analyze grammar]

tadūrdhve viṣṭaraṃ yantraṃ kalpayettadvidhiṃ śrṛṇu |
pīḍamadhyagataṃ bhāgaṃ madhyasthena tu tantunā || 125 ||
[Analyze grammar]

karṇikārthaṃ paribhrāmya śeṣe ṣoḍhā vibājite |
dviraṣṭakesaropetamaṣṭapatrābjamastake || 126 ||
[Analyze grammar]

bhāgena tadbahistadvada daśāraṃ cakramujjvalam |
vāyumaṇḍalamadhyena ṣaṭkoṇaṃ tu bahistribhiḥ || 127 ||
[Analyze grammar]

vajrāṅkitaṃ koṇabhūṣu bhāgārdhena tu bhūpuram |
yantramadyamanāḷasya niveśārthaṃ tu madhyataḥ || 128 ||
[Analyze grammar]

vedhayet tatpramāṇena sādhyanāma samantataḥ |
vilikhya tadbahirveṣṭya kesarāṇāṃ dviraṣṭake || 129 ||
[Analyze grammar]

ṣoḍaśārṇaṃ nṛsiṃhasya taddviṣaṭkākṣarāvadhau |
huṃphaṭsvāhā samopeto nṛhareḥ ṣoḍaśākṣaraḥ || 130 ||
[Analyze grammar]

prāgādyaṣṭadaleṣvasya mantramānuṣṭubhaṃ param |
catuṣṭayakrameṇaiva pratyekasmin daḷe nyaset || 131 ||
[Analyze grammar]

bahirdaśāracakrasya prāgarādyeṣu mantrapam |
saudarśananṛsiṃhasya hanaśabdasamanbitam || 132 ||
[Analyze grammar]

vilikheddvandvayogena bāhye vāyavyamaṇḍale |
vilikhedvartuḷākāre vāyavyaṃ bījamuttamam || 133 ||
[Analyze grammar]

varma cāstrasametaṃ ca vilikhedantarāntarā |
bāhyasthe koṇaṣaṭke tu likhedāgneyamakṣaram || 134 ||
[Analyze grammar]

kalpayet pratikoṇaṃ tu vahnijvālāsamanvitam |
koṇeṣu bhūpurasyāntaḥ pārthivaṃ bījamullikhet || 135 ||
[Analyze grammar]

aṅkāro'tha vidigbhāge parito bhadrapīṭhavat |
kaṇṭhadeśaṃ samāśritya dvau dvau prācyāṃ diśi kramāt || 136 ||
[Analyze grammar]

anyonyamabhivīkṣantau kalpayeduttamottame |
yantrasandhāraṇodyuktau vyāttāsyāvugralocanau || 137 ||
[Analyze grammar]

anantaguḷikau prācyāṃ yāmyāyāṃ śaṅkhavāsukī |
satakṣako mahāpajhaḥ pratīcyāṃ uttare tathā || 138 ||
[Analyze grammar]

kārkoṭakastathāpajho viśeṣastatra kathyate |
vibhajya karṇikābhūmerbhūpurāntaṃ vidhāntare || 139 ||
[Analyze grammar]

nṛsiṃhayantraṃ kurvīta bāhyato yantraviṣṭaram |
dikṣu nārāyaṇāstrāṇi tatra kūrcamayāni ca || 140 ||
[Analyze grammar]

sitādidhātujairvarṇaiḥ kuṅkumādyairvimiśritaiḥ |
vilikhenmukhyamūrtyādi yathāśobhaṃ mukhadvaye || 141 ||
[Analyze grammar]

sudarśananṛsiṃhābhyāṃ varṇaśobhā samīritā |
karṇikā kanakaprakyā kesarāṇyaruṇāni tu || 142 ||
[Analyze grammar]

pāṇḍuraktāni patrāṇi bhūpurāṇi samantataḥ |
kanakābhāni kāryāṇi mūrtīnāṃ prāgudīritam || 143 ||
[Analyze grammar]

cakranābidvayaṃ kuryāddhemapūrvāruṇaprabham |
śaradākāśasaṃkāśānyarāṇi aruṇamantaram || 144 ||
[Analyze grammar]

hemakundasitaṃ kuryāt kramānnemitrayaṃ śubham |
pītena vā vaḷarkṣeṇa likhenmantrākṣarāṇi vai || 145 ||
[Analyze grammar]

pajhakesarapatreṣu bhūpureṣu samantataḥ |
ṣaṭkoṇāntarabāhyeṣu cakranābhyaranemiṣu || 146 ||
[Analyze grammar]

pṛthak kṛtāni varṇāni māntrāṇyantarmukhāni ca |
tāradvayāntarasthāni binduyuktāni cāntataḥ || 147 ||
[Analyze grammar]

lekhyānyetāni sarvatra mukhyapraṇavasaṃpuṭam |
prākārasamupetāni namaskārānvitāni ca || 148 ||
[Analyze grammar]

kuryānnārāyaṇāstrāṇi kūrcāni haritāṇi ca |
baddhāni pajhapāśena tato hayamukhāni ca || 149 ||
[Analyze grammar]

bhūrjapatre vilikhyeta kuṃkumāgarujai rasaiḥ |
haricandanakarpūragavyapañcakasādhubhiḥ || 150 ||
[Analyze grammar]

suvarṇasūcyā vidhivat samāpya guḷikākṛtim |
suvarṇapaṭṭenāvṛtya pratiṣṭhāpya vidhānataḥ || 151 ||
[Analyze grammar]

rakṣyāṇāmāyurārogyadhanadhānyādivṛddhaye |
putrapautrādisantānavijayeṣṭādisiddhaye || 152 ||
[Analyze grammar]

dhārayecchirasā mantrī sādhusaṃrakṣaṇe rataḥ |
yantrametat samākhyātaṃ sudarśananṛsiṃhayoḥ || 153 ||
[Analyze grammar]

sthāpanaṃ sarvamūrtīnāṃ yathāvat prāgudīritam |
tathaivaitat pratiṣṭhāpya trikālaṃ vaikakālikam || 154 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Parameshara-samhita Chapter 23

Cover of edition (2002)

The Pancaratra Agamas (an Introduction)
by Swami Harshananda (2002)

[Publisher: Ramakrishna Math, Bangalore]

Buy now!
Like what you read? Consider supporting this website: