Paramesvara-samhita [sanskrit]

67,204 words | ISBN-13: 9788179070383

The Sanskrit text of the Paramesvara-samhita, an ancient Vaishnava Agama, belonging to the Pancaratra tradition. Topics include meditation on mantras, architectural material for buildings, image-worship and philosophy. The rules of Paramesvara-samhita (similar in nature to the Paushkara-samhita) is today followed in the Shrirangam temple. Alternative titles: Parameśvarasaṃhitā (परमेश्वरसंहिता), Parameśvara-saṃhitā (परमेश्वर-संहिता), Parameshvarasamhita, Parameshvara, Paramesvarasamhita.

śrīḥ |
ekādaśo'dhyāyaḥ |
sanakaḥ |
nityotsavavidhau brahman pūjanaṃ samudāhṛtam |
dvārāvaraṇadevānāṃ teṣāṃ dhyānādikaṃ kramāt || 1 ||
[Analyze grammar]

jñātumicchāmi viprendra prabrūhi mama vistarāt |
śāṇḍilayaḥ |
śrūyatāmabhidhāsyāmi yadahaṃ coditastvayā || 2 ||
[Analyze grammar]

prāsādadvāradevebhyaḥ samārabhya yathākramam |
prāsādadvārabāhye tu hyadhasthaudumbarāntime || 3 ||
[Analyze grammar]

vāstvīśakṣetranāthau dvau sthitau dakṣetarakramāt |
śuklavaktraḥ kṛṣṇadeho dvibhujo ratnapātradhṛk || 4 ||
[Analyze grammar]

dakṣiṇena kareṇaiva sarvāmarasamāśrayaḥ |
puṇḍarīkasamānābhavastrasraganulepanaḥ || 5 ||
[Analyze grammar]

gadodyatakaro vipra dhyātavyo vāstupūruṣaḥ |
kṣetreśaṃ dvibhujaṃ dhyāyeddhemābhavasanasrajam || 6 ||
[Analyze grammar]

nīlajīmūtasaṃkāśaṃ daṇḍahastaṃ mahātanum |
muṣṭikṛdvāmahastena yāgakṣetya pālakam || 7 ||
[Analyze grammar]

kuṇḍalādyairalaṅkārairetau śobhitavigrahau |
vīkṣamāṇau vibhorvaktraṃ tejasātīva nirbharau || 8 ||
[Analyze grammar]

taptakāñcanavarṇābhāṃ pravālasadṛśāmbarām |
hāranūpurakeyūrakaraṇḍamakuṭādikaiḥ || 9 ||
[Analyze grammar]

alaṅkṛtāmalaṅkāraiḥ puṇḍarīkanibhekṣaṇām |
akalaṅkasusampūrṇaśaraccandranibhānanām || 10 ||
[Analyze grammar]

pajhakumbhakarāṃ lakṣmīṃ pajhoparigatāṃ smaret |
padmāsanenopaviṣṭāṃ dvārasyordhva udumbare || 11 ||
[Analyze grammar]

taruṇādityasaṃkāśo mahoraskaścaturbhujaḥ |
unnataśconnatāṃsaśca pūrṇāṅgo nātimāṃsalaḥ || 12 ||
[Analyze grammar]

tanūdaro nimnanābho romarājivirājitaḥ |
daṃṣṭrākarālavadanaḥ piṅgaśmaśrujaṭādharaḥ || 13 ||
[Analyze grammar]

madhupiṅgalanetraśca kuṭilabhrūlatāyutaḥ |
pralambalolaśravaṇaḥ pṛthughrāṇaḥ smitānanaḥ || 14 ||
[Analyze grammar]

kuṇḍalālaṅkṛtascaiva hārakeyūrabhūṣitaḥ |
baddhoṣṇīṣalalāṭaśca tilakenāpyalṅakṛtaḥ || 15 ||
[Analyze grammar]

śuklāmbaradharaḥ sragvī bhujayugme'sya dakṣiṇe |
prodyataṃ saṃsmareccakraṃ prajvalantīṃ gadāṃ pare || 16 ||
[Analyze grammar]

śroṇītaṭaniṣaṇṇāṃ ca viśrāntāṃ vasudhātale |
pūrve vāmakare śaṅkhamanyasmiścākṣasūtrakam || 17 ||
[Analyze grammar]

evaṃ gaṇādhipaścaṇḍo vikrameṇāparājitaḥ |
kruddho vighnāyutānāṃ ca kṣaṇāt saṃharaṇakṣamaḥ || 18 ||
[Analyze grammar]

dhyeyo garbhagṛhadvāraśākhāmūle tu dakṣiṇe |
tatraivāparabhāge tu pracaṇḍaṃ tvīdṛśaṃ yajet || 19 ||
[Analyze grammar]

kiṃtu savyāpasavyābhyāṃ bhujābhyāṃ syādviparyayaḥ |
bhujadvaye yaccaṇḍasya vāme saṃparikīrtitam || 20 ||
[Analyze grammar]

dakṣiṇe tat pracaṇḍasya dhyeyaṃ vā parikalapya ca |
dhyāyeddvārāgradeśe tu garuḍaṃ kāñcanaprabham || 21 ||
[Analyze grammar]

kuṭilabhrusuvṛttākṣaṃ pakṣamaṇḍalamaṇḍitam |
lambodaraṃ supīnāṅgaṃ sarvabhūṣaṇabhūṣitam || 22 ||
[Analyze grammar]

makuṭādyairalaṅkārairnūpurādyairvirājitam |
nīlaṃ vasānaṃ vasanaṃ nānāmālyopaśobhitam || 23 ||
[Analyze grammar]

saṃmukhaṃ devadevasya bhūgataṃ vidhṛtāñjalim |
dvibhujaṃ tuhinābhaṃ ca satyākhyaṃ vihagādhipam || 24 ||
[Analyze grammar]

prāṇādhidaivataṃ cakre balimaṇḍalamadhyage |
saṃsthitaṃ saṃsmaret sarvairaṅgaiḥ puruṣarūpiṇam || 25 ||
[Analyze grammar]

pralambamānajaṭharaṃ pakṣarājivirājitam |
dakṣiṇena kareṇaiva dhārayantaṃ gaṇitrakam || 26 ||
[Analyze grammar]

uttānitetarakaraṃ kuṇḍalādyairvibhūṣitam |
nīlakauśeyavasanaṃ nīlamālyānulepanam || 27 ||
[Analyze grammar]

anākulābhyāṃ netrābhyāṃ vīkṣamāṇaṃ sadā vibhum |
athāgramaṇḍapadvāraśākhāyugalasaṃsthitau || 28 ||
[Analyze grammar]

pajhagarbhapratīkāśāvatibhīmaparākramau |
caṇḍapracaṇḍasadṛśau bhujalāñchanabhūṣaṇaiḥ || 29 ||
[Analyze grammar]

raktāmbaradharau caiva raktasraganulepanau |
gaṇau dhātṛvidhātārau dhyātvā sapūjya tatparaḥ || 30 ||
[Analyze grammar]

kumudādigaṇeśānān prathamāvaraṇe yajet |
pūrve ca vahnidigbhāge pūjyau dvau gaṇanāyakau || 31 ||
[Analyze grammar]

kumudaḥ kumudākṣaśca prasannavadanekṣaṇau |
tuhinācalasaṅkāśau prathame vayasi sthitau || 32 ||
[Analyze grammar]

nānābharaṇadigdhāṅgau nānākuṇḍalabhūṣitau |
nānāmālyacitau caiva nānāmaulidharau dvija || 33 ||
[Analyze grammar]

nānāgandhaviliptāṅgau nānāvastravibhūṣitau |
kumudākhyagaṇeśasya dhyātavyo dakṣiṇaḥ karaḥ || 34 ||
[Analyze grammar]

candraraśmipratīkāśacāmareṇa virājitaḥ |
abhigacchābhayaṃ dhyāyeddvitīyaṃ dakṣiṇaṃ karam || 35 ||
[Analyze grammar]

bhavabhaṅgāt prapannānāṃ pareṣāṃ guṇaśāsanam |
tasyaivādyaṃ vāmakaraṃ prabuddhakamalodyatam || 36 ||
[Analyze grammar]

tūṣṇīṃ bhīsūcakaṃ dhyāyedbahiḥsthānāṃ paraṃ karam |
etedvai kumudākṣasya vaiparītyena bhāvayet || 37 ||
[Analyze grammar]

dvābhyāṃ dvābhyāṃ karābhyāṃ vai tvanyeṣāmevameva hi |
puṇḍarīko vāmanaśca dvāvetau hutabhukprabhau || 38 ||
[Analyze grammar]

garuḍadhvajahastau ca śeṣamanyat puroditam |
kṛtvā dhyātvā'thavā nyasya dakṣiṇe nairṛte'pi ca || 39 ||
[Analyze grammar]

śaṅkukarṇābhidhāno yaḥ sarvanetrābhisaṃjñitaḥ |
dvāvetau campakābhau tu mayūravyajanodyatau || 40 ||
[Analyze grammar]

mahāvibhūterdevasya pratyagvāyudigāsthitau |
sumukhaḥ supratiṣṭhaśca vibhoḥ someśadiksthitau || 41 ||
[Analyze grammar]

cintyau mudgaphalaśyāmāvātapatrakarodyatau |
noktaśeṣakarāṇāṃ tu tadviddhi kumudoditam || 42 ||
[Analyze grammar]

mānavaḥ pṛśnigarbhaśca jagatyambarasaṃsthitau |
taptakāñcanavarṇābhau karaṇḍamakuṭojjvalau || 43 ||
[Analyze grammar]

daṃṣṭrākarālavadanau nānāmālyadharau dvija |
tatra mānavasaṃjñasca pakṣanāgavibhūṣitaḥ || 44 ||
[Analyze grammar]

tasya dakṣiṇahastaśca śaṅkharājena śobhitaḥ |
tatpṛṣṭhe kaṭake haste aṅguṣṭhāntaralolagā || 45 ||
[Analyze grammar]

akṣamāleti sā proktā sarvasiddhikarī sadā |
mukhyavāmakare cakraṃ tatpṛṣṭhe cordhvagā gadā || 46 ||
[Analyze grammar]

etaddhi pṛśnigarbhasya vaiparītyena bhāvayet |
kaṭihastādgatāṃ dhyātvā pakṣanāgau vinā dvija || 47 ||
[Analyze grammar]

ete bhagavato vipra tvantarahgā mayoditāḥ |
karmaṇā manasā vācā tadbhāvagatamānasāḥ || 48 ||
[Analyze grammar]

jñānādiṣaḍguṇopetairākīrṇāḥ koṭiśaḥ paraiḥ |
bhūtaiḥ siddhairanantaiśca prārthayānaiḥ paraṃ padam || 49 ||
[Analyze grammar]

vastrabhūṣāṅgarāgādyaiḥ sarve te kumudopamāḥ |
śvetamṛtkalpitenaiva hyūrdhvapuṇḍreṇa bhūṣitāḥ || 50 ||
[Analyze grammar]

lalāṭasthena sarve'pi kumudādigaṇādhipāḥ |
evamanye'pi bhūtādyāḥ sarve pāriṣadā dvija || 51 ||
[Analyze grammar]

evamāvṛtidevāśca dvārasthāśca tathaiva hi |
evaṃ tadīyā viprāśca kṣatraviṭcchūdrajātayaḥ || 52 ||
[Analyze grammar]

mṛdaiva vā candanena kalpitairūrdhvapuṇḍrakaiḥ |
dvādaśaiśca caturbhirvā bhūṣitāḥ syuḥ sadā dvija || 53 ||
[Analyze grammar]

atasīkusumaśyāmau pītamālyāmbarānvitau |
pītoṣṇīṣadharau raudrau prāgvadbhujavibhūṣitau || 54 ||
[Analyze grammar]

gaṇau caṇḍākṛtidharau durdarśau duratikramau |
jayaṃ ca vijayaṃ nāmnā yajettadvārapārśvayoḥ || 55 ||
[Analyze grammar]

taduddeśāt samārabhya bahirdvārāvasānakam |
dvitīyāvaraṇakṣetraṃ ṣoḍhā kṛtvā tu pañcame || 56 ||
[Analyze grammar]

bhāge tu garuḍaṃ kṛtvā vipra dhyātvā'thavā nyaset |
dravaccāmīkarākāraṃ bhīmabhrakuṭilocanam || 57 ||
[Analyze grammar]

pṛthudaṃṣṭraṃ pṛthudhrāṇaṃ pṛthugātraṃ pṛthūdaram |
pakṣāṅkurāñcitoraskaṃ pakṣamaṇḍalamaṇḍitam || 58 ||
[Analyze grammar]

hārakeyūratāṭaṅkamakuṭādyaistu bhūṣaṇaiḥ |
bhūṣitaṃ nīlavasanaṃ nānāmālyavibhūṣitam || 59 ||
[Analyze grammar]

nānāgandhaviliptāṅgaṃ nāgaikādaśabhūṣitam |
puṣpastabakasaṃpūrṇamañjaliṃ dadhataṃ dvija || 60 ||
[Analyze grammar]

unnamya dakṣiṇaṃ jānumāsanīkṛtya cetarat |
sukhāsanasamāsīnaṃ vibhorājñāpratīkṣakam || 61 ||
[Analyze grammar]

tataḥ karmātmatatvānāṃ daśakaṃ siddhatāṃ gatam |
bhagavattulyasāmarthyasārvajñyādiguṇairyutam || 62 ||
[Analyze grammar]

viyuktaṃ prākṛtād duḥkhānniyuktaṃ ceśvareṇa tu |
bhavasantārakatvena hyetadāvṛtikaṃ kramāt || 63 ||
[Analyze grammar]

upendraḥ pūrvadigbhāge saṃsthito dvijasattama |
vahnau tejodharākhyastu dakṣiṇe duratikramaḥ || 64 ||
[Analyze grammar]

nairṛte tu mahākarmā paścime tu mahāhradaḥ |
agrāhyo vāyudigbhāge vasuretāstathottare || 65 ||
[Analyze grammar]

pūrvottare vardhamānaḥ sākṣī gaganagocare |
ādhāranilayaṃ nāmnā sarvasyādhogataṃ smaret || 66 ||
[Analyze grammar]

ete sphaṭikavarṇābhāśvetamālyāmbarānvitāḥ |
gaṇitrakaṃ rathāṅgaṃ ca śaṅkhaṃ caiva gadāṃ tathā || 67 ||
[Analyze grammar]

dadhānā mukhyadakṣādimukhyavāmāntameva hi |
karaiścaturbhiḥ susamā makuṭādivibhūṣitāḥ || 68 ||
[Analyze grammar]

tejasā vighnajālāni prerayanto mahaujasaḥ |
sthānakaiḥ saṃsthitāḥ sarve dhyānonmīlitalocanāḥ || 69 ||
[Analyze grammar]

athavā dvibhujā ete vajrādyaṃ daśakaṃ kramāt |
dakṣeṇa lokapālīyaṃ dhārayantaḥ kareṇa tu || 70 ||
[Analyze grammar]

gaṇitrakaṃ tu vāmena varadābhayadāstu vā |
tadā varṇāṅgarāgādyairindrādisadṛśāstu vā || 71 ||
[Analyze grammar]

dvitīyagopuradvārapārśvayorantarasthayoḥ |
vinyased dvārapālākhyāvetau vāmādito gaṇau || 72 ||
[Analyze grammar]

nidhīśau śaṅkhapajhau tu nidhibhāṇḍoparisthitau |
sthūladantau ca dāntau ca dvibhujau bhagavanmayau || 73 ||
[Analyze grammar]

kuṭilabhrūlatāyuktau kiñcidunnatavakṣasau |
lambodarau supīnāṅgau hrasvapāṇipadau dvija || 74 ||
[Analyze grammar]

śaṅkapajhasamānābhau nīlaśuklāmbarasrajau |
makuṭādyaistu vividhairalaṅkārairalaṃkṛtau || 75 ||
[Analyze grammar]

dakṣiṇena kareṇaiva dhārayantau saroruham |
itareṇa kareṇaiva hyuttānena nidhiṃ svakam || 76 ||
[Analyze grammar]

athavā vāmahastābhyāṃ praveśābhītidānvitau |
kardavayena śaṅkhaṃ vā pajhaṃ vā dadhatau dvija || 77 ||
[Analyze grammar]

vāmeva dhārayet pajhaṃ yadvā śaṅkhaṃ nidhīśvaraḥ |
śaṅkhapajhadharau vāpi śirasā makuṭopari || 78 ||
[Analyze grammar]

śaṅkhacakradharau vāpi sādhakecchāvaśena tu |
unnamya dakṣiṇaṃ jānuṃ hyāsanīkatya cetarat || 79 ||
[Analyze grammar]

evaṃ śaṅkhanidheḥ pajhanidhestu viparītavat |
taddvāraśākhāniṣṭhau tu saṃsmareddakṣiṇāditaḥ || 80 ||
[Analyze grammar]

kṣīrakundāvadātau ca nīlakauśeyavāsasau |
nīlanīrajavarṇābhaiḥ puṣpairbhūṣitavigrahau || 81 ||
[Analyze grammar]

pūrvoktagaṇasādṛśyau nāmnā bhadrasubhadrakau |
taddvārabāhyataḥ paścāt pārśvayorgopurasthitau || 82 ||
[Analyze grammar]

etau gaṇeśvarau nyasyed dhyātvā vā parikalapya ca |
athavā dvibhujāvetau tadā bhadrasya dakṣiṇam || 83 ||
[Analyze grammar]

karaṃ tu tarjanīyuktaṃ vāmamīṣattu kuñcitam |
gadāgropariviśrāntaṃ gadāmūloparisthitam || 84 ||
[Analyze grammar]

vyatyastadakṣiṇaṃ pādaṃ vāmaṃ tu bhuvi saṃsthitam |
bhadrasya vāmayorvipra yaduktaṃ pāṇipādayoḥ || 85 ||
[Analyze grammar]

dakṣayostat subhadrasya dakṣoktaṃ vāmagaṃ bhavet |
kintu tadvāmahastaṃ tu yuktaṃ vismayamudrayā || 86 ||
[Analyze grammar]

caṇḍaprajaṇḍau dhātā ca vidhātā ca jayastathā |
vijayaścāpi bhadraśca subhadraśca gaṇeśvaraḥ || 87 ||
[Analyze grammar]

ete gaṇeśvarā hyaṣṭau prabhāpuṣpāmbarairvinā |
dehavaktrākṛtaistulyāstathaivābharaṇāyudhaiḥ || 88 ||
[Analyze grammar]

bhaktānāṃ vighnajālasya sarvadiksaṃsthitasya ca |
saṃsāraphaladāturvai cchedanārthaṃ samudyatāḥ || 89 ||
[Analyze grammar]

parasparamukhāḥ sarve sthānakaiḥ saṃsthitāḥ samaiḥ |
gaṇeśāyutalakṣaistu nānāvarṇavapūrdharaiḥ || 90 ||
[Analyze grammar]

acyutārādhanaparairekaikaṃ parivāritāḥ |
tṛtīyāvaraṇe paścāt pūrvādikramayogataḥ || 91 ||
[Analyze grammar]

indrādilokapālānāṃ daśakaṃ vinyaseddvija |
śatadhāmanibhaṃ dhyāyeccaturbāhuṃ purandaram || 92 ||
[Analyze grammar]

susitadvipasaṃsthaṃ tu sutīkṣṇakuliśodyatam |
ajārūḍhaṃ smaredraktaṃ śaktipāṇiṃ hutāśanam || 93 ||
[Analyze grammar]

sahasrārcibhirākīrṇaṃ sahasnādityabhāsuram |
mahāmahiṣasaṃsthaṃ tu tvañjanādrisamaprabham || 94 ||
[Analyze grammar]

subhūmadaṇḍahastaṃ tu smareddevaṃ pitrīsvaram |
daṃṣṭrākarālavadanaṃ kṛṣṇameghasamaprabham || 95 ||
[Analyze grammar]

ghoraṃ pretāsanaṃ dhyāyet khaṅgadhṛgrākṣaseśvaram |
muktāphaladyutisamaṃ bhīmaṃ pāśakarodyatam || 96 ||
[Analyze grammar]

nāgakanyāsahasnāḍhcaṃ makarasthamapāṃpatim |
nīlatoyadasaṃkāśaṃ mahādhvajapaṭāṅkitam || 97 ||
[Analyze grammar]

dhyāyet samīraṇaṃ devaṃ saṃsthitaṃ hariṇopari |
somaṃ tārāgaṇopetaṃ śaṅkhagokṣīrapāṇḍaram || 98 ||
[Analyze grammar]

bṛhacchaśakapṛṣṭhasthaṃ śiśirāstrakaraṃ smaret |
sitabhūtiviliptāṅgaṃ trinetraṃ vṛṣavāhanam || 99 ||
[Analyze grammar]

triśūlāyudhahastaṃ ca tvīśānaṃ jñāninaṃ smaret |
pātāladiggataṃ dhyāyet kūrmārūḍhaṃ halāyudham || 100 ||
[Analyze grammar]

sitaṃ sahasraphaṇabhṛdyonanto nāma nāgarāṭ |
bhacakraṃ bhrāmyamāṇaṃ tu daṇḍahastaṃ prajāpatim || 101 ||
[Analyze grammar]

haṃsārūḍhaṃ khasaṃsthaṃ tu dhyāyeddhruvamajaṃ vibhum |
ete caturbhujāḥ sarve akṣasūtravibhūṣitāḥ || 102 ||
[Analyze grammar]

cintayantaḥ paraṃ tattvaṃ varābhayakarodyatāḥ |
divyābharaṇadigdhāṅgā divyamālyāmbarānvitāḥ || 103 ||
[Analyze grammar]

divyarūpadharāścaiva divyagandhavahā dvija |
raktaśuklaniśāpītanīlacampakasaprabhaiḥ || 104 ||
[Analyze grammar]

vyomasphaṭikamārtaṇḍarājopalanibhaistathā |
mālyāṅgarāgavasanaiḥ mahārghaiḥ samalaṃkṛtāḥ || 105 ||
[Analyze grammar]

bhūṣitā bhūṣaṇaiścitraiḥ karaṇḍamakuṭādibhaḥ |
ebhyaścaturbhujo brahman vijñeyo vṛṣabhadhvajaḥ || 106 ||
[Analyze grammar]

dvibhujāstvamarāścānye varadābhayadāstu vā |
iti lokeśvereṣūktaṃ tato vai dvijasattama || 107 ||
[Analyze grammar]

tṛtīyāvaraṇadvāre śākhāmūle tu dakṣiṇe |
sudarśanaṃ caturhastaṃ hrasvakāyaṃ jvalatprabham || 108 ||
[Analyze grammar]

kraudharaktekṣaṇaṃ daityadānavāsṛgvilepanam |
nṛtyantaṃ madamattaṃ ca sahasrārāntarasthitam || 109 ||
[Analyze grammar]

daṃṣṭrākarālavadanaṃ kuṭilabhrūlatāyutam |
kalpāntapāvakākāraṃ svaraśmipariveṣṭitam || 110 ||
[Analyze grammar]

dakṣiṇe bhujayugme tu pūrveṇa ca sudarśanam |
dhārayantaṃ tato'nyena viśrāntāṃ bhūtale gadām || 111 ||
[Analyze grammar]

śaṅkhaṃ mukhyena vāmena hyapareṇa gaṇitrakam |
hārakeyūratāṭaṅkamakuṭādivibhūṣaṇaiḥ || 112 ||
[Analyze grammar]

vibhūṣitaṃ vicitraistu śvetamālyāmbarādikaiḥ |
vighnānutpāṭayantaṃ ca dīptena svena tejasā || 113 ||
[Analyze grammar]

saṃsmarettu tato'nyasmin śākhāmūle mahāmate |
susthitaṃ garuḍhaṃ vipra taptakāñcanasannibham || 114 ||
[Analyze grammar]

saumyavaktraṃ vivṛttākṣaṃ raktatuṇḍaṃ subhīṣaṇam |
pṛthūdaraṃ dīrghapucchapakṣamaṇḍalamaṇḍitam || 115 ||
[Analyze grammar]

raktāmbaradharaṃ caiva raktasraganulepanam |
daṃṣṭrākarālavadanaṃ bhrukuṭīkuṭilekṣaṇam || 116 ||
[Analyze grammar]

vicitrakañcukadharaṃ bhujagendrairalaṃkṛtam |
makuṭādyairalaṃkārairvividhaistu vibhūṣitam || 117 ||
[Analyze grammar]

bhujadvaye yaccakrasya vāme saṃparikīrtitam |
dakṣiṇe tadbhavedasya dakṣoktaṃ vāmagaṃ bhavet || 118 ||
[Analyze grammar]

vajraṃ śaktistathā daṇḍaḥkhaṅgaḥ pāśo dhvajastathā |
śiśirākhyaṃ triśūlaṃ ca lāṅgalaṃ musalaṃ tathā || 119 ||
[Analyze grammar]

pūrvādikramayogena caturthāvaraṇe sthitāḥ |
eteṣāṃ kramaśo dhyānaṃ samākarṇaya sāmpratam || 120 ||
[Analyze grammar]

vajraṃ vajropalābhaṃ tu sitadīrghanakhāṅkitam |
daṃṣṭrākarālavadanaṃ jvalatkanakalocanam || 121 ||
[Analyze grammar]

saudāminīprabhāṃ śaktiṃ śāntāgnivadanekṣaṇām |
ghanaghargharanirghoṣamudgirantīṃ muhurmuṅuḥ || 122 ||
[Analyze grammar]

baddhamuṣṭiṃ smareddaṇḍaṃ raktāṅgaṃ raktalocanam |
krodhamūrtiṃ svadaśanairdaśantamadhara svakam || 123 ||
[Analyze grammar]

sva raśmikhacitaṃ dhyāyennṛtyamānaṃ ca nandakam |
śaradākāśasaṃkāśaṃ daśantaṃ daśanāvalīm || 124 ||
[Analyze grammar]

pāśaṃ guṇagaṇākīrṇaṃ vidyujjihvaṃ bhayānakam |
hemālipāṇḍarābhaṃ ca ghorāsyaṃ raktalocanam || 125 ||
[Analyze grammar]

śarajjaladasaṃkāśaṃ dhvajaṃ kuṭilalocanam |
svatejasā jagat sarvaṃ dyotayantaṃ balotkaṭam || 126 ||
[Analyze grammar]

śiśiraṃ śītadhāmābhaṃ pīnāṅgaṃ pṛthuvigraham |
jaṭākalāpadhṛksaumyaṃ puṇḍarīkanibhekṣaṇam || 127 ||
[Analyze grammar]

udayārkasahasrābhaṃ triśūlaṃ bhīṣaṇākṛtim |
kalpāntapāvakākārasvaraśmipariveṣṭitam || 128 ||
[Analyze grammar]

sandhyājaladasaṃkāśaṃ lāṅgalaṃ bhīmalocanam |
kṣāmāṅgamunnatāṃsaṃ ca vajrakāyaṃ balotkaṭam || 129 ||
[Analyze grammar]

kundāvadātaṃ musalaṃ saumyamīṣatsmitānanam |
ravaṃ ravantaṃ madhuraṃ śrotrendriyasukhāvaham || 130 ||
[Analyze grammar]

nīlaraktasitāpītapāvakāñjanasannibhaiḥ |
hemacandrahimākāśasamānābhaiḥ krameṇa tu || 131 ||
[Analyze grammar]

mālyāṅgarāgavasanai ruciraiḥ samalaṃkṛtāḥ |
divyairābharaṇairyuktāḥ svaciṅnāṅkitamastakāḥ || 132 ||
[Analyze grammar]

tarjayantaśca duṣṭaughaṃ dakṣiṇena kareṇa tu |
vāmena kaṭimālambya susamaiḥ sthānakaiḥ sthitāḥ || 133 ||
[Analyze grammar]

caturthāvaraṇadvāradakṣiṇottaraśākhayoḥ |
gaṅgāṃ ca yamunāṃ caiva dhyātvā saṃpūjayet kramāt || 134 ||
[Analyze grammar]

bhagavatpādasaṃbhūtāṃ gaṅgāṃ kumudasannibhām |
navayauvanalāvaṇyasaukumāryaguṇairvṛtām || 135 ||
[Analyze grammar]

nīlāṅgarāgavasanāṃ nīlamālyairalaṃkṛtām |
dvibhujāṃ saumyavadanāṃ puṇḍarīkanibhekṣaṇām || 136 ||
[Analyze grammar]

hāranū purakeyūrakuṇḍalādyupaśobhitām |
saṃsāratāpasantaptānārurukṣūn paṃra padam || 137 ||
[Analyze grammar]

vāsanākarmapaṅkāni kṣālayantīṃ svatejasā |
vahantīṃ dakṣiṇenaiva kalaśaṃ vāripūritam || 138 ||
[Analyze grammar]

vāmena tarjayantīṃ ca kareṇa prākṛtān janān |
yamunāṃ nīlaratnā bhāṃ nīlakuñcitamūrdhajām || 139 ||
[Analyze grammar]

sitāṅgarāgavasanāṃ sitamālyopaśobhitām |
dakṣiṇe tarjanī mudrā vāme tu kalaśaḥ smṛtaḥ || 140 ||
[Analyze grammar]

anyat sarvaṃ tu gaṅgoktamatrāpi syānmahāmate |
lohitākṣo mahāvīryastvaprameyaḥ suśobhanaḥ || 141 ||
[Analyze grammar]

vīrahā vikramo bhīmaḥ śatāvartastu cāṣṭamaḥ |
aiśvarīdikkrameṇaiva pañcamāvaraṇe sthitāḥ || 142 ||
[Analyze grammar]

dhyāyeccandrapratīkāśaṃ lohitākṣaṃ balotkaṭam |
nīlāmbaradharaṃ nīlamālyaṃ nīlānulepanam || 143 ||
[Analyze grammar]

mahāvīryaṃ mahākāyaṃ pītavarṇaṃ mahābhujam |
pravālābhāmbaradharaṃ raktasnaganulepanam || 144 ||
[Analyze grammar]

saṃsmaredaprameyākyamaprameyabalotkaṭam |
haritākṛtimāpītavasanasragvilepanam || 145 ||
[Analyze grammar]

suśobhanaṃ śobhanāṅgaṃ muktāphalanibhaṃ smaret |
atasīpuṣpasaṃkāśavāsomālyānulepanam || 146 ||
[Analyze grammar]

vīraghnaṃ vīrahākhyaṃ ca dhyāyeccampakasaprabham |
bāhlīkarañjitaṃ raktavasanasragvimaṇḍitam || 147 ||
[Analyze grammar]

vikramaṃ vikramāvāsaṃ cāṣodaranibhaṃ smaret |
kundendukāntivasanaṃ sitamālyānulepanam || 148 ||
[Analyze grammar]

bhīmaṃ bhīmākṛtiṃ dhyāyettaptakāñcanasannibham |
pāṇḍarāruṇakauśeyaṃ tadvadgandhasraganvitam || 149 ||
[Analyze grammar]

atasīkusumaśyāmaṃ śatāvartaṃ tu bhāvayet |
pītāmbaradharaṃ pītamālyagandhavibhūṣitam || 150 ||
[Analyze grammar]

bhujadvayānvitā hyete cāntarmuditamānasāḥ |
dakṣiṇaiḥ pāṇibhisarverjvalantaṃ paraśuṃ tathā || 151 ||
[Analyze grammar]

vāmaiḥ śaṅkhavaraṃ dīptaṃ dadhānāścārukuṇḍalāḥ |
samāḥ samavibhaktāṅgāḥ praśāntākṛtayastathā || 152 ||
[Analyze grammar]

sthānakaiḥ saṃsthitāḥ sarve svaprabhābhirvirājitāḥ |
prasannavadanāḥ saumyāstrailokyoddharaṇakṣamāḥ || 153 ||
[Analyze grammar]

hāranūpurakeyūrapūrvabhūṣāvibhūṣitāḥ |
tadājñāprekṣakāścaiva duṣṭadoṣopaśāntidāḥ || 154 ||
[Analyze grammar]

balena mahatā kṣiptadevāsuramahoragāḥ |
ekavīrā'sahāyāśca tvaprayatnena līlayā || 155 ||
[Analyze grammar]

ābrahnabhavanaṃ śaśvat parivartayituṃ kṣamāḥ |
etadāvaraṇadvāracatuṣke dvāradevatāḥ || 156 ||
[Analyze grammar]

nyasedyugmaprayogeṇa pūrvadvārāditaḥ kramāt |
vajranābhaṃ harīśaṃ ca pūrvasyāṃ dakṣiṇottare || 157 ||
[Analyze grammar]

dhyāyettu vajranābhākhyaṃ śatadhāmasamaprabham |
mukhyadakṣiṇahastena niṣedhābhinayānvitam || 158 ||
[Analyze grammar]

vetralatāṃ dvitīyena cakrarājaṃ tṛtīyataḥ |
mukhyavāmakareṇaiva śroṇītaṭakṛtārpaṇam || 159 ||
[Analyze grammar]

śaṅkharājaṃ dvitīyena tathā vajraṃ tṛtīyataḥ |
dhārayantaṃ tathā rukmabhūṣaṇairvividhairapi || 160 ||
[Analyze grammar]

raktamālyāmbaradharaṃ raktasraganulepanam |
evameva harīśaṃ ca niṣedhābhinayojjhitam || 161 ||
[Analyze grammar]

praveśābhinayākhyena pāṇinā kintu cihnitam |
eko hyatra niṣedhaṃ ca tvabhaktānāṃ karoti vai || 162 ||
[Analyze grammar]

bhaktānāmaparaścaiva praveśaṃ saṃprayacchati |
dvāre dvāre pratīhāradvayasyaivaṃ prayojanam || 163 ||
[Analyze grammar]

dakṣoktaṃ vajranābhasya taddharīśasya vāmagam |
ādyavāmagataṃ sarvamanyaddakṣiṇapāṇigam || 164 ||
[Analyze grammar]

dharmādhyakṣaniyantrīśau dakṣiṇe dakṣiṇottare |
kuryādantakasādṛśyau pūrvavadbhujabhūṣitau || 165 ||
[Analyze grammar]

pītakauśeyavasanau pītamālyavilepanau |
kintu daṇḍagadāhastau vajracakravivarjitau || 166 ||
[Analyze grammar]

śuddhākṣamamṛtānandaṃ pratīcyāṃ dakṣiṇāditaḥ |
vāṇakārmukamekasmin pāṇau pāśamathāpare || 167 ||
[Analyze grammar]

ādyaṃ karacatuṣkaṃ yattadvyagraṃ pūrvavadbhavet |
ākṛtau jalanāthasya sadṛśau sarvadaiva hi || 168 ||
[Analyze grammar]

nīlakauśeyavasanau nīlasraganulepanau |
vasunāthaṃ sudhānandamudagdigdakṣiṇottare || 169 ||
[Analyze grammar]

khaḍgamudgarahastau ca prāgvaccheṣaṃ catuṣṭayam |
karāṇāmanayoḥ kāryaṃ rūpeṇoḍupateḥ samam || 170 ||
[Analyze grammar]

atasīkusumaśyāmakauśeyasragvilepanau |
bhūṣaṇairbhūṣitā hyete vividhairvajranābhavat || 171 ||
[Analyze grammar]

ṣaṣṭhāvaraṇadevānāṃ taddvārsthānāṃ viśeṣataḥ |
dhyānaṃ śrṛṇu krameṇaiva tattvato munipuṅgava || 172 ||
[Analyze grammar]

pūrvādīśānaparyantaṃ ṣaṣṭhāvaraṇasaṃsthitāḥ |
etāśca devatā vipra tejorūpaṃ samāśritāḥ || 173 ||
[Analyze grammar]

kālo viyanniyantā ca śāstraṃ nānāṅgalakṣaṇam |
vidyādhipatayaścaiva sarudrāḥ sagaṇaḥ śivaḥ || 174 ||
[Analyze grammar]

prajāpatisamūhastu indraḥ saparivārakaḥ |
tanmukhyadvāścatuṣke tu pūrvavat saṃsthitāḥ kramāt || 175 ||
[Analyze grammar]

cakraśaṅkhau padmagade lāṅgalaṃ musalaṃ śarāḥ |
śārṅgaṃ caite kramāddhyeyā vidyuttuhinakundabhāḥ || 176 ||
[Analyze grammar]

pītanīlasitāraktasitagokṣīrasannibhaiḥ |
haritālāruṇābhaistu vastramālyānulepanaiḥ || 177 ||
[Analyze grammar]

sarvaratnamayairyuktairbhūṣaṇairapyalaṅkṛtāḥ |
mahābalā mahāvīryāstvekavaktrā dvibāhavaḥ || 178 ||
[Analyze grammar]

ete tu nāyakāḥ sarve svacinhāṅkitamastakāḥ |
duṣṭaughaṃ tarjayantaśca dakṣiṇena kareṇa tu || 179 ||
[Analyze grammar]

kaṭimālambya vāmena sthānakaiḥ susamaiḥ sthitāḥ |
dṛḍhavrato bahuśirā mahākāyo mahābalaḥ || 180 ||
[Analyze grammar]

jitakrodho durādharṣo mahotsāhastrivikramaḥ |
atulo duṣṭahā'rciṣmān sarvadṛg duratikramaḥ || 181 ||
[Analyze grammar]

viṣamo gahano'moghaḥ ṣoḍaśopapraveśakāḥ |
śakrāgnimadhyamārabhya śakreśānāntarāvadhi || 182 ||
[Analyze grammar]

śuklaśoṇasuvarṇālipiṅgaraktasitāsitāḥ |
raktapītātasīhemāḥ śoṇaśubhrasitāsitāḥ || 183 ||
[Analyze grammar]

varṇānurūpasadvastramālyālepanabhūṣaṇāḥ |
nāmānurūpacāritrāḥ śaṅkhamudgaradhāriṇaḥ || 184 ||
[Analyze grammar]

savyetarakrameṇaiva praveśakaniṣedhakāḥ |
kṣaṇādbhuvanasaṃhārasṛṣṭisthitikṛtikṣaṇāḥ || 185 ||
[Analyze grammar]

uktānetān krameṇaiva pūrvavat saṃprapūjayet |
munayaḥ sapta pūrve'nye grahāstārādikairvṛtāḥ || 186 ||
[Analyze grammar]

jīmūtāścākhilā nāgāstvapsarogaṇa uttamaḥ |
oṣadhyaścaiva paśavo yajñāḥ sāṅgakhilāstu ye || 187 ||
[Analyze grammar]

sūkṣmarūpeṇa tiṣṭhanti pūrvavat saptamāvṛtau |
saṃbhavaḥ prabhavaścaiva pūrṇaḥ puṣkara eva ca || 188 ||
[Analyze grammar]

ānando nandanaścaiva vīrasenasuṣeṇakau |
tanmukhyadvāraśākhāsthau dvau dvau dakṣiṇavāmayoḥ || 189 ||
[Analyze grammar]

saṃbhavaḥ śvetavarṇastu prabhavaḥ kundasannibhaḥ |
pūrṇastu raktavarṇābhastvatiraktastu puṣkaraḥ || 190 ||
[Analyze grammar]

ānandaḥ pītavarṇastu hemābho nanda ucyate |
kṛṣṇābho vīrasenastu suṣeṇo'ñjanasannibhaḥ || 191 ||
[Analyze grammar]

makuṭāṅgadacitrāṅgā gadāhastā dvibāhavaḥ |
caturbhujā vā viprendra śaṅkhacakragadādharāḥ || 192 ||
[Analyze grammar]

pūrvavat pāṇinānyena prevaśakaniṣedhakāḥ |
daṃṣṭrākarālavadanā nigrahānugrahakṣamāḥ || 193 ||
[Analyze grammar]

kṣemakṛcchivakṛt prājño homakṛdbhūtabhāvanaḥ |
yugāntāgnyaśanaścaiva saṃvarto bhīṣaṇastathā || 194 ||
[Analyze grammar]

saṃkrandanaścānimiṣaḥ śataparvā śatānanaḥ |
audumbaraḥ prākṛtiko dvi rāmaścāṃśumālyapi || 195 ||
[Analyze grammar]

aupadauvārikaṃ tvetadgaṇaṣoḍaśakaṃ kramāt |
dṛḍhavratādisadṛśaṃ varṇataḥ ṣaḍbhūjānvitam || 196 ||
[Analyze grammar]

vāmadakṣiṇayogena pṛṣṭhataḥ pūrvapaścimam |
śaṅkhamudgarapajhākṣavarābhayasamanvitam || 197 ||
[Analyze grammar]

nānāvarṇasraguṣṇīṣavastrālepanabhūṣaṇam |
prāguktagaṇaśauryāḍhyaṃ sarvakarmakṛtikṣamam || 198 ||
[Analyze grammar]

tacchobhāṣṭakarakṣārthaṃ śatamanyurvirocanaḥ |
apratarkyastvanullaṅghyastvaprameyābhidhānakaḥ || 199 ||
[Analyze grammar]

amarṣī ca mahadbhūtaḥ ke'rākṣastathāṣṭamaḥ |
indrāgnimadhyopadvārapārśvaśobhāsvanukramāt || 200 ||
[Analyze grammar]

ekākaśaḥ sthitāḥ śūrāḥ praveśakaniṣedhakāḥ |
nīlapītajapāśyāmasitahiṅgulakendubhāḥ || 201 ||
[Analyze grammar]

mahābalā mahāvīryāḥ sudurlaṅghyapārakramāḥ |
nānāvidhāmbaraiḥ sragbhirbhūṣaṇairanulepanaiḥ || 202 ||
[Analyze grammar]

anyairanupadiṣṭaiśca yathāśobhamalaṃkṛtāḥ |
ṣāḍguṇyamahimāyuktāścaturhastāḥ krameṇa tu || 203 ||
[Analyze grammar]

pṛṣṭhadakṣiṇavāmābhyāṃ cakraśaṅkhasamanvitāḥ |
gadāgropariviśrāntamukyahastadvayānvitāḥ || 204 ||
[Analyze grammar]

dvāropadvāraśobheśānetān saṃpūjayet kramāt |
vidyā caivāparā vidyā pāvakaścaiva mārutaḥ || 205 ||
[Analyze grammar]

candgārkau vāri vasudhetyetāḥ saṃsāradevatāḥ |
sūkṣmarūpeṇa tiṣṭhanti bāhyāvaraṇabhūtale || 206 ||
[Analyze grammar]

amareśo virūpākṣaḥ sudharmiṣṭho niyāmakaḥ |
sarvasattvāśrayaścātigahanastadanantaram || 207 ||
[Analyze grammar]

mahārājeśvaraścāpi dhanādhyakṣeśvarastathā |
et gaṇeśvarāstvaṣṭau tanmukhyadvārapālakāḥ || 208 ||
[Analyze grammar]

dhyeyāścaturbhujāḥ sarve mukhyapāṇidvayena tu |
amareśavirūpākṣau vajravetralatākarau || 209 ||
[Analyze grammar]

pṛṣṭhakābhyāṃ tu pāṇibyāṃ cakraśaṅkhasamujjvalau |
kuṅkumāñjanasaṃkāśau daṃṣṭrayā vikṛtānanau || 210 ||
[Analyze grammar]

dakṣiṇottarayogena lāñchanavyatyayānvitau |
dvāradakṣiṇavāmasthau praveśakaniṣedhakau || 211 ||
[Analyze grammar]

sudharmiṣṭho niyantā ca susitaśyāmalaprabhau |
subhīmadaṇḍahastau ca vajrāyudhavivarjitau || 212 ||
[Analyze grammar]

yathākramoditānanyān dhārayantau yathāvidhi |
sarvasatvāśrayaścātigahanaḥ śyāmalaḥ sitaḥ || 213 ||
[Analyze grammar]

kintu pāśakarāvetau pūrvavadbhujabhūṣitau |
mahārājeśvaro rakto dhanādhyakṣeśvaro'sitaḥ || 214 ||
[Analyze grammar]

śiśirāyudhasaṃyuktau trikamanyadyathā purā |
mahābalā mahāvīryā duṣṭadoṣabhayaṅkarāḥ || 215 ||
[Analyze grammar]

durnirīkṣāśca durdhārṣā daityadānavahiṃsakāḥ |
nānāmahārghavāsobhiḥ bhūṣālepairalaṃkṛtāḥ || 216 ||
[Analyze grammar]

maharṣabhaṃ prabhūtaṃ ca gambhīraṃ prāṇagocaram |
yogāṅgaṃ yoganilayaṃ sanātanamaśrṛṅkhalam || 217 ||
[Analyze grammar]

tārakāntaritaṃ tāraṃ virāmaṃ viṣamaṃ tathā |
duratikramaṃ durgrahaṃ ca sudhūmramanilāśanam || 218 ||
[Analyze grammar]

tatsālakopadvāreṣu vinyaset pūrvavartmanā |
uktopadvārapālānāṃ varṇataḥ samamujjvalam || 219 ||
[Analyze grammar]

gaṇaṣoḍaśakaṃ tvetaccatuṣpāṇisamanvitam |
gauṇavāmakarādyaṃ tu mukhyavāmakarāvadhi || 220 ||
[Analyze grammar]

śaṅkhapaṭṭasahastaṃ ca niṣedhābinayodyatam |
praveśābhinayāṅkaṃ ca nānāvarṇāmbarasrajam || 221 ||
[Analyze grammar]

nānāsthānakasaṃyuktaṃ nānābhūṣaṇabhūṣitam |
akṣasūtradharaṃ vā'tha prapannānāṃ praveśakṛt || 222 ||
[Analyze grammar]

niṣedhakṛttathānyeṣāṃ nyastavyaṃ munisattama |
devavrataṃ nirātaṅkaṃ bhīmaṃ ca puruṣaṃ tathā || 223 ||
[Analyze grammar]

ugraṃ vīreśvaraṃ ramyamariṣṭaṃ munisattama |
anirviṇṇaṃ yugāntāṃśaṃ śatānandaṃ śatānanam || 224 ||
[Analyze grammar]

tejodharaṃ viśālākṣaṃ yugāṃśaṃ devanandanam |
etaddviraṣṭaśobhāsu gaṇamekaikaśo nyaset || 225 ||
[Analyze grammar]

upadvāreśasadṛśaṃ varṇato lāñchanairvinā |
caturbhiḥ pāṇibhiścaiva pṛṣṭhadakṣiṇapūrvakam || 226 ||
[Analyze grammar]

mukhyadakṣiṇahastāntaṃ śahkhacakragadādharam |
niṣedhakṛcca pāpānāmapāpānāṃ praveśakṛt || 227 ||
[Analyze grammar]

nānāsragambaroṣṇīṣabhūṣālepādyalaṃkṛtāḥ |
anantācintyavibhavāḥ sarvabhūtasamāśrayāḥ || 228 ||
[Analyze grammar]

nānāśastrāstrakuśalā nānājñānasamanvitāḥ |
nirastānekadaityeśāḥ sādhūnāṃ pālanaudyatāḥ || 229 ||
[Analyze grammar]

dvāradvayānvite sāle mukhyadvāragatāvubhau |
tiṣṭhataḥ sūkṣmarūpeṇa tadanyadvārapārśvayoḥ || 230 ||
[Analyze grammar]

prākārasarvakoṇeṣu vahnikoṇādito nyaset |
prabhavāpyayarūpāṇāṃ mūrtīnāṃ caturātmanām || 231 ||
[Analyze grammar]

tathā mūrtyantarāṇāṃ ca tatkāntānāmanukramāt |
mantrāṇāmastrasahghādi teṣāṃ rūpamanusmaran || 232 ||
[Analyze grammar]

caturṇāmapi koṇānāmavyaktaṃ bhavanādbahiḥ |
saṃyajedbhavanāmnāvai yasmānnānyo bhavaḥ smṛtaḥ || 233 ||
[Analyze grammar]

teṣāṃ bahiḥ svamantreṇa dikkrameṇa tu hetirāṭ |
svamarīcigaṇenaiva bhāsayantaṃ niveśay ca || 234 ||
[Analyze grammar]

nyasyaivamarcanaṃ kuryānmantramudrānvitena tu |
nirīkṣaṇādiśuddhena arghyasrakcandanādinā || 235 ||
[Analyze grammar]

vāsudevābhidhānastu devaḥ ṣāḍguṇyavigrahaḥ |
karmiṇāmupakārārthaṃ prāsādaṃ sthūlavigraham || 236 ||
[Analyze grammar]

sarvajñānakriyāḍhyaṃ ca sarvatatvasamāśrayam |
samāsādyānugṛhṇāti sadārcāntargataḥ prabhuḥ || 237 ||
[Analyze grammar]

tasmāttadaṅgabhūteṣu prākāreṣvaṣṭasu kramāt |
pṛṣvyādibuddhiniṣṭhaṃ tu bāhyaṃ tatvāṣṭakaṃ nyaset || 238 ||
[Analyze grammar]

prāsādaścāhgasaṃyuktaḥ prakṛtistriguṇātmikā |
tadgatā pratimā jīvastadgataḥ paramaḥ pumān || 239 ||
[Analyze grammar]

ato'dhidaivatānyatra tatvānyetānyanukramāt |
sarvatra vyāpakatvena dhyātvā saṃpūjayettataḥ || 240 ||
[Analyze grammar]

sarvādhāramayenaiva sarvatatvāśrayeṇa ca |
sarvadoṣaviṣaghnena kālacakrāmbujena tu || 241 ||
[Analyze grammar]

sampuṭīkṛtya bhavanaṃ saprākāramadhordhvataḥ |
saṃpūjya hnādayīṃ mudrāṃ cakramudrāsamanvitām || 242 ||
[Analyze grammar]

pradarśya sarvatodikkaṃ kavacenāvakuṇṭhayet |
ekamūrtividhāne ca tathaikadvārabhūṣite || 243 ||
[Analyze grammar]

bhavane'yaṃ vidhānaḥ syāddigvyūhapariniṣṭhite |
caturdvārānvite gehe digdvārāgrasthamaṇḍape || 244 ||
[Analyze grammar]

sarvatobhadrasāle ca aghanirmocane'pi ca |
sadadhvākhye'tha dharmākhye dvāradvidvitayānvite || 245 ||
[Analyze grammar]

dvārapālagaṇanyāse viśeṣo'yaṃ pradarśyate |
caṇḍādyāśca subhadrāntāḥ prāsādadvāścatuṣṭaye || 246 ||
[Analyze grammar]

nyasanīyāḥ krameṇaiva pūrvavad dvandvayogataḥ |
dvārordhvodumbaradvandvadvitayasthā yathākramam || 247 ||
[Analyze grammar]

lakṣmī kīrtirjayā māyā devyaḥ prāguktalakṣaṇāḥ |
satyaḥ suparṇo garuḍaḥ tārkṣyastvagreṣu saṃsthitāḥ || 248 ||
[Analyze grammar]

anirvartī mahāvartī darpahā sarvajit sthiraḥ |
jayanto bhayakṛnmānī tvaṣṭamo dvijasattama || 249 ||
[Analyze grammar]

digagramaṇḍapadvāraśākhāpārśvaṃ samāsthitāḥ |
anirvartī mahāvartī kṛṣṇābhaḥ śukasannibhaḥ || 250 ||
[Analyze grammar]

darpahā sarvajiccaiva pāṇḍuraktasuvarṇabhau |
sthiro jayantaḥ satataṃ śyāmāñjanasamadyutī || 251 ||
[Analyze grammar]

bhayakṛccaiva mānī ca piṅgalaḥ pāṇḍurojjvalaḥ |
dvibhujāḥ sarva evaite dakṣiṇena kareṇa tu || 252 ||
[Analyze grammar]

nandakaṃ śaṅkhamanyena dadhānāḥ krūravikramāḥ |
yadā caturbhujā dhyeyāḥ tadā caite gaṇeśvarāḥ || 253 ||
[Analyze grammar]

mukhyadakṣiṇahastena khaḍgavetralatānvitāḥ |
tathā vāmakare śaṅkhaṃ pṛṣṭhage dakṣiṇāditaḥ || 254 ||
[Analyze grammar]

pāṇidvaye cakrapajhau bibhrato jvalanaprabhau |
nānāvastrasraguṣṇīṣabhūṣaṇālepanānvitāḥ || 255 ||
[Analyze grammar]

vyatyastahastacaraṇā lāñjhanavyatyayānvitāḥ |
ūrjitaścāmṛtāṅgastu sarvāṅgaḥ sarvatomukhaḥ || 256 ||
[Analyze grammar]

śubhrāṅgo varadaścaiva vāgīśaḥ śabdavikramaḥ |
pāñcajanyaviśeṣā hi dvau dvau caiva kramāt sthitau || 257 ||
[Analyze grammar]

sarvatobhadrasālasthacaturdvāreṣu pūrvavat |
dvibāhavastu saṃsmāryā dakṣiṇena kareṇa tu || 258 ||
[Analyze grammar]

gṛhītamusalāḥ sarve śaṅkhamanyena pāṇinā |
dadhānāścaiva catvāraḥ pūrve bandhūkasannibhāḥ || 259 ||
[Analyze grammar]

anye parabhṛtābhāstu sarvabhūṣaṇabhūṣitāḥ |
balena mahatā kṣiptadevāsuramahoragāḥ || 260 ||
[Analyze grammar]

ekavīrā'sahāyāśca aprayatnena līlayā |
ābrahnabhavanaṃ śaśvat parivartanakṛtkṣamāḥ || 261 ||
[Analyze grammar]

viśveśo viśvabhugviśvo viśvātmā viśvalocanaḥ |
viśvapādo viśvabhujaḥ tathā vai viśvakarmakṛt || 262 ||
[Analyze grammar]

ete dvitīyasālasya digdvāreṣu niyāmakāḥ |
dvibāhavaḥ parijñeyā vāmadakṣiṇayogataḥ || 263 ||
[Analyze grammar]

gadākhaḍgāstrasaṃyuktāḥ karaṇḍamakuṭānvitāḥ |
śoṇapiṅgasitaśyāmaraktapītasitāsitāḥ || 264 ||
[Analyze grammar]

sarvarṇāmbarālepasragbhūṣābhirvirājitāḥ |
ekavīrā'sahāyāśca sarvadoṣanivārakāḥ || 265 ||
[Analyze grammar]

taddvārāntarabhāgeṣu vāmadakṣiṇayogataḥ |
prāsādābhimukhān nyasyennidhinātheśvarān kramāt || 266 ||
[Analyze grammar]

śaṅkhapajhau mahāpajhaśatadhāmābhidhau tataḥ |
akhaṇḍitaḥ santataścānantadhāra iti śrutaḥ || 267 ||
[Analyze grammar]

sarvadvāra iti khyātaḥ prathamau pūrvamīritau |
anyeṣāṃ vakṣyate ṣaṇṇāṃ varṇarūpādikaṃ kramāt || 268 ||
[Analyze grammar]

raktaḥ kṛṣṇaḥ suvarṇābhaḥ sitāruṇatamālabhāḥ |
śaṅkhapajhanidhīśoktasarvalakṣaṇalakṣitāḥ || 269 ||
[Analyze grammar]

vasuratnasuvarṇāṣṭalohadhānyadhanādhipāḥ |
sarvauṣadhinidhīśānāsteṣāmūrdhve sukhāsanāḥ || 270 ||
[Analyze grammar]

sarvālaṅkārasaṃyuktāḥ svāśritābhimatapradāḥ |
tatastṛtīyāvaraṇadvāreṣu dvandvayogataḥ || 271 ||
[Analyze grammar]

taddakṣiṇottarābhyāṃ tu śākhābhyāṃ vinyaset kramāt |
purataścakragaruḍau halatālau tu dakṣiṇe || 272 ||
[Analyze grammar]

paścime śārṅgamakarau saumye nandakaṛśyakau |
cakrapakṣīśatārāṇāṃ śārṅganandakayorapi || 273 ||
[Analyze grammar]

sveṣu sthāneṣu pūrvoktaṃ varṇarūpādikaṃ dvija |
anyeṣāṃ tālapūrvāṇāṃ trayāṇāmatha vakṣyate || 274 ||
[Analyze grammar]

tālo dhvajaḥ syādbhūtādikālarūpābhimānakaḥ |
jhaṣaḥ sarvāṅganibhṛto jagadbīja udāhṛtaḥ || 275 ||
[Analyze grammar]

sa sarvopadravo ṛśyaḥ saṃsāraścapalātmakaḥ |
etān sūkṣmasvarūpeṇa dhyātvā saṃpūjayet kramāt || 276 ||
[Analyze grammar]

gaṅgā ca yamunā godā nadī ca mahatī tathā |
vitastā narmadā caiva jambvākhyā ca sarasvatī || 277 ||
[Analyze grammar]

nadyaścaturthasālasya digdvāreṣu kramāt sthitāḥ |
gaṅgāyamunāyoruktaṃ varṇarūpādikaṃ purā || 278 ||
[Analyze grammar]

tābhyāmanyāḥ samānāstu varṇaśobhāṃ vinaiva tu |
sitāruṇāsitasvarṇasitakundasamaprabhāḥ || 279 ||
[Analyze grammar]

pramattaprauḍhaveṣāśca nānābharaṇabhūṣitāḥ |
sarvadhātuvicitrāṅgāḥ sarvaratnavirājitāḥ || 280 ||
[Analyze grammar]

sudhākumbhadharā dvābhyāṃ karābhyāṃ pūrvavacca tāḥ |
evaṃ digdvārabhavanadvārsthasthitirudāhṛtā || 281 ||
[Analyze grammar]

ekamūrteṣu diṅmūrteḥ prākāreṣūrdhvageṣu ca |
dvārādayastadīyāśca sāmānyāḥ samudāhṛtāḥ || 282 ||
[Analyze grammar]

sarvasālapratīhāraśākhāpārśvagatāvubhau |
dhyeyau vā sthāpanīyau vā bāhyahāragatau yadi || 283 ||
[Analyze grammar]

yathoktalakṣaṇopetau sthāpanīyau yathākramam |
evamāvaraṇeśānān dhyātvā saṃsthāpya vārcayet || 284 ||
[Analyze grammar]

dhyānotthāḥ pīṭhadeśeṣu svākārāḥ svāsu sajhasu |
tadarthamaṅkaṇakṣetraṃ tridhā vā pañcadhā bhavet || 285 ||
[Analyze grammar]

tribhāgamekabhāgaṃ vā tyaktvā tanmadhyato bahiḥ |
pīṭhaṃ vāyatanaṃ kuryāt sarvadikṣvanatre'thavā || 286 ||
[Analyze grammar]

adharottaraniṣṭhābhyāṃ prāgukte pūrvavat sthite |
śileṣṭakādibhiḥ klṛptāḥ pīṭhikā hastavistṛtāḥ || 287 ||
[Analyze grammar]

tadardhenochritāḥ sarvāḥ sarvālaṅkāraśobhitāḥ |
catuśrāḥ suvṛttā vā saṃpūjyā vā'tha kevalāḥ || 288 ||
[Analyze grammar]

prāmādivāstudevānāṃ svadigbhāgagateṣu ca |
gomayādivilipteṣu maṇḍaleṣu baliṃ haret || 289 ||
[Analyze grammar]

vistārocchrāyamānādvai pīṭhāḥ prāguktalakṣaṇāḥ |
ardhamānena vā kāryā rathayātrā'virodhakam || 290 ||
[Analyze grammar]

evamāvaraṇeśānāḥ pīṭheṣu svāsu dikṣu ca |
duṣṭadoṣanirāsārthaṃ prāsādābhimu khāḥ sthitāḥ || 291 ||
[Analyze grammar]

catuḥ sthānāvatīrṇasya dvāre ca yajanālaye |
sthāpanaṃ gaṇanāthānāṃ śrṛṇu tvaṃ munipuṅgava || 292 ||
[Analyze grammar]

vāstukṣetreśasaṃjñau dvau prāgdvāre pūrvavat sthitau |
lakṣmīḥ kīrtirjayā māyā dvāreṣūrdhvasthitāḥ kramāt || 293 ||
[Analyze grammar]

vajranābhādayo devā dvau dvau digdvāraśākhayoḥ |
prāgādidvārakumbheṣu saṃbhavaprabhavādayaḥ || 294 ||
[Analyze grammar]

kumudādyantaraṅgaṃ ca bhūtānāmaṣṭakaṃ param |
dvārāntaryugmayuktyā tu bhramaṇīdeśamāśritam || 295 ||
[Analyze grammar]

suparṇaścakrasaṃjñaśca satyaḥ kaumodakī dvija |
yojanīyāḥ krameṇaiva dvārāṇāmagrabhūtale || 296 ||
[Analyze grammar]

hemadaṇḍagataḥ satyaḥ kintu paścimadiggataḥ |
caṇḍādyāśca subhadrāntā dvau dvau prāgādiṣu dvija || 297 ||
[Analyze grammar]

dakṣiṇottarayogena toraṇastambhamūlagāḥ |
cakradvitayamadhyasthaḥ pakṣīśastoraṇopari || 298 ||
[Analyze grammar]

susitāsu patākāsu satyākhyo vihagādhipaḥ |
suparṇaḥ śoṇavarṇāsu garujaḥ piṅgalāsu ca || 299 ||
[Analyze grammar]

rājapāṣāṇavarṇāsu tārkṣyasaṃjñaḥ pratiṣṭhitaḥ |
nānāvarṇapatākāyāṃ saṃpūjyo vihageśvaraḥ || 300 ||
[Analyze grammar]

indrādilokapālāste siddhasaṅghapurassarāḥ |
vajrādayastadastrāśca svāsu dikṣu bahiḥ sthitāḥ || 301 ||
[Analyze grammar]

mukhyakalpe'thavānyeṣu nimitteṣvevamācaret |
anukalpe'tha caṇḍādīn vāstunāthādipūrvakam || 302 ||
[Analyze grammar]

dvāreṣu kevalān nyasya garuḍāntaṃ prapūjayet |
sarvadvāreṣu vā pūjyaḥ sahetīśaḥ patatripaḥ || 303 ||
[Analyze grammar]

vividhāsu pratiṣṭhāsu jīrṇoddhāravidhāvapi |
mahotsaveṣu sarveṣu dhvajārohaṇakarmaṇi || 304 ||
[Analyze grammar]

maṅgalāṅkurarope ca pavitrārohaṇādiṣu |
tathā cānantakalaśādyabhiṣekavidhāvapi || 305 ||
[Analyze grammar]

prāyaścitteṣvanityeṣu tulārohādiṣu dvija |
śāntikādiṣu mukhyeṣu kāmyeṣvanyeṣu nityaśaḥ || 306 ||
[Analyze grammar]

mukhyakalpoktavidhinā kuryādanyatra cānyathā |
siddhasaṅghāstathendrādyāstadastrāśca yathākramam || 307 ||
[Analyze grammar]

lokadikpālakāstvete svasenābhiḥ samāvṛtāḥ |
prasiddhaprāgvaśenaiva nityaṃ svasthānamāśritāḥ || 308 ||
[Analyze grammar]

dikapālakatvādāsṛṣṭeryatasteṣāṃ sthitiḥ sthirā |
bhagavanmantramūrtīnāmanantānāṃ mahāmate || 309 ||
[Analyze grammar]

svasthānasthā namasyanti pūjayanti japanti ca |
dhvajādyairupacāraiśca samyak paricaranti ca || 310 ||
[Analyze grammar]

kaivalyasiddhaye śaśvadbahubhiḥ svānugaiḥ saha |
pālayanti ca bhaktānāṃ balamojo dadanti ca || 311 ||
[Analyze grammar]

dhvaṃsayanti ca vighnaughamaniśaṃ mantrayājinām |
saṃrakṣanti phalaṃ māntraṃ vardhamānaṃ dvilakṣaṇam || 312 ||
[Analyze grammar]

adhikāramanādīyaṃ śaktibījaṃ jagatprabhoḥ |
diksiddhaye daśātmatvaṃ tadavyattyaṣṭadiśātmikā || 313 ||
[Analyze grammar]

bāhyatrisālabhūmiṣṭhāḥ kālādyā bhavadevatāḥ |
tatsādhakatvāt pūrvoktadigbhāganiyatāḥ sadā || 314 ||
[Analyze grammar]

vajranābhādayo devā lokadigdvārapālakāḥ |
tathāmareśapūrvāśca saṃbhavaprabhavādayaḥ || 315 ||
[Analyze grammar]

prasiddhaprākkrameṇaiva digdvāreṣu sthitāḥ kramāt |
kālādyamaṣṭakaṃ nityamindrādyaṃ rudrapaścimam || 316 ||
[Analyze grammar]

niyantā kālatatvānte tadante susthitaṃ viyat |
kramāt pūrvottare koṇe nyaseddakṣiṇapaścime || 317 ||
[Analyze grammar]

vidyā'vidyādvayaṃ yadvai svapadasthe'gnimārute |
candrādityāvudagyāmyasthānayorviniveśya ca || 318 ||
[Analyze grammar]

pratyagbhāgagataṃ toyaṃ prāgbhāge vinyaseddharām |
kumudādyāvṛtīśānā lohitākṣādayastathā || 319 ||
[Analyze grammar]

vajranābhādikaṃ muktvā dvārapālatriraṣṭakam |
dvārapālagaṇāstvanye sālakoṇagaṇāstathā || 320 ||
[Analyze grammar]

proktakrameṇa tiṣṭhanti bhagavatprāgapekṣayā |
kumudādigaṇeśānāḥ puragrāmādivāstuni || 321 ||
[Analyze grammar]

pālikāvasathe caiva dikpāloktavaśāt sthitāḥ |
trisandhyamevaṃ devānāṃ balidānaṃ samācaret || 322 ||
[Analyze grammar]

saṃkalpiteṣu sāleṣu dvārāvaraṇavāsinām |
asaṃkalpitasāloktadevānāṃ nācaredbalim || 323 ||
[Analyze grammar]

tattannirmāṇakāle tān pratiṣṭhāpya yathāvidhi |
devayātrā sametaṃ tu balidānaṃ samācaret || 324 ||
[Analyze grammar]

evaṃ sarvaṃ samapādya mahāpīṭhordhvabhūtalam |
prakṣālitaṃ samāruhya prāṅmukho vāpyudaṅmukhaḥ || 325 ||
[Analyze grammar]

tadūrdhvāmbujadikpatre kumudādīnathāntare |
sarvabhūtān pāriṣadānāhūya grahasaṃjñitān || 326 ||
[Analyze grammar]

saṃpūjya sodakaṃ tatta baliśeṣaṃ samutkiret |
paścādācamya vidhivat snātvā vā saṃviśedgṛham || 327 ||
[Analyze grammar]

sarvadvārāvṛtīśānāṃ soṇasthānāṃ samarcane |
natipraṇavasaṃyuktasvanāma mantra īritaḥ || 328 ||
[Analyze grammar]

mahāpīṭhasthabhūtānāṃ pārṣadānāṃ gṛhātmanām |
tārānte viṣṇuśabdaṃ ca niyuñjyāduditakramāt || 329 ||
[Analyze grammar]

sarvakoṇagatā mantrāḥ phaḍantāḥ samudīritāḥ |
sarve samuditā mantrāḥ svāhāntā homakarmaṇi || 330 ||
[Analyze grammar]

dhyātvaivamarcya tanmantrairarghyādyairupacārakaiḥ |
darśayedāvṛtīśānāṃ mudrāṃ tarjanisaṃjñitām || 331 ||
[Analyze grammar]

dvārapālagaṇānāṃ tu caṇḍādyuktamanantaram |
dharmādyāvaraṇādūrdhbaṃ hetunā yena kenacit || 332 ||
[Analyze grammar]

balidānamaśakyaṃ cettatratyānāṃ yathākramam |
sarvatobhadrapūrveṣu dviguṇīkṛtya cācaret || 333 ||
[Analyze grammar]

mukhyakalpe tathānyatra yathāśaktyāvṛtikṣitau |
tadbāhyāvṛtidevānāmāvṛtyāvṛtya tarpayet || 334 ||
[Analyze grammar]

dvāropadvārapālānāṃ tasmin dvāre samarpayet |
mahāpīṭhoditānāṃ ca taddvārāgragamaṇḍale || 335 ||
[Analyze grammar]

dhyānotthānāṃ tu sañcāre na doṣaḥ kena hetunā |
tattadāvaraṇadvāradeśeṣūktakrameṇa tu || 336 ||
[Analyze grammar]

dravyamūrtigatānāṃ ca saṃcāraḥ syādaniṣṭadaḥ |
evamāvṛtidevānāṃ trisandhyaṃ balimācaret || 337 ||
[Analyze grammar]

nityotsavārthabimbasya sannidhau tat samācaret |
nṛttageyādisaṃyuktaṃ vedaghoṣasamanvitam || 338 ||
[Analyze grammar]

nityotsavārthabimbe tu yānānnipatite bhuvi |
uttamaṃ snapanaṃ kṛtvā śāntihomaṃ samācaret || 339 ||
[Analyze grammar]

yānamāropya tadbimbaṃ punarnityotsavaṃ caret |
dvādaśāhaṃ vrataṃ kuryāt sādhakaḥ khinnamānasaḥ || 340 ||
[Analyze grammar]

japet svamantrāyutakaṃ yadi bhedādidūṣite |
vidhivat tat samādhāya kṛtvā saṃprokṣaṇaṃ tataḥ || 341 ||
[Analyze grammar]

utsavaṃ śeṣaṇāpādya khinnacittastu sādhakaḥ |
tadārabhya nirāhāro brahnacaryavrate sthitaḥ || 342 ||
[Analyze grammar]

catuṣkamayutānāṃ tu svamantrasya tadā japet |
tatra trirātraṃ ṣaḍahaṃ dvādaśāhaṃ dvipakṣakam || 343 ||
[Analyze grammar]

vratamācarya yatnena pātrebhyo dānamācaret |
gobhūhemādikānāṃ tu yathāśakti dvijottama || 344 ||
[Analyze grammar]

daivādbṛhati bhaṅge vā tadā bimbāntareṇa tu |
snapanādiniyuktena balidānaistu kaivalaiḥ || 345 ||
[Analyze grammar]

karmaśeṣaṃ samāpādya kṛtvā mantravisarjanam |
jīrṇoddhārakrameṇaiva vratācaraṇamābhet || 346 ||
[Analyze grammar]

japāyutacatuṣka ca trirātrādyaṃ catuṣṭayam |
yāvadbimbasamāpattirbhūyaḥ kṛchrādikaṃ caret || 347 ||
[Analyze grammar]

bimbārambhadināt pūrvaṃ tatastvekādaśāhnikam |
vrataṃ kṛtvā tu deve tu vimbārambhadine dvija || 348 ||
[Analyze grammar]

saṃpūjya dvādaśācāryān samamūlyaṃ pṛthak pṛthak |
tebyo dvādaśadānāni datbā gobhūtilāni vā || 349 ||
[Analyze grammar]

eteṣāṃ sannidhau bhūyo bimbāpādanamārabhet |
yadvābimbaṃ samādadhyāt pratiṣṭhādikramāccaret || 350 ||
[Analyze grammar]

gobhūhemādikānāṃ tu dānaṃ cāpi samācaret |
jātalokāpavādastu bhūyaśca vratamācaret || 351 ||
[Analyze grammar]

yāvallokāpavādastu śāntaḥ syātāvadācaret |
manaḥprasādaparyantakālaṃ ca vratamācaret || 352 ||
[Analyze grammar]

anyeṣāmapi bimbānāṃ jāte bhedādike sati |
evameva bhevadvipra prāyascittavidhikramaḥ || 353 ||
[Analyze grammar]

śūdrasyārādhakasyaivaṃ prāyaścittaṃ samīritam |
vaiśyasya dviguṇaṃ tvetat triguṇaṃ kṣatriyasya tu || 354 ||
[Analyze grammar]

caturguṇaṃ brāhnaṇasya prāyaścittaṃ samīritam |
manuṣyasthāpitānāṃ tu bimbānāṃ bhedanādike || 355 ||
[Analyze grammar]

sañjāte sādhakasyaivaṃ prāyaścittaṃ samīritam |
ārṣe tu bhagavadbimbe tadeva dviguṇaṃ bhavet || 356 ||
[Analyze grammar]

devaiḥ pratiṣṭhite bimbe tadeva triguṇaṃ bhavet |
siddhapratiṣṭhite bimbe tadetat syāccaturguṇam || 357 ||
[Analyze grammar]

svayaṃvyakteṣu bimbeṣu jāte bhedādike sati |
prāyaścittaṃ yathoktaṃ tu bhavet pañcaguṇaṃ dvija || 358 ||
[Analyze grammar]

dvividhaṃ syāt svayaṃvyaktaṃ bimbaṃ bhagavato vibhoḥ |
sālagrāmaśilārūpairitaraistu śilādibhiḥ || 359 ||
[Analyze grammar]

ubhayatra samānaṃ syāt prāyaścittaṃ samīritam |
tatrāyaṃ hiviśeṣaḥ syāt svayaṃvyaktādiṣu dvija || 360 ||
[Analyze grammar]

pūjāyāṃ vartamānāyāṃ samādhānādikaṃ caret |
prāyaścittādikaṃ sarvaṃ saviśeṣaṃ samācaret || 361 ||
[Analyze grammar]

svayaṃvyaktādikānāṃ tu vinā martyapratiṣṭhitam |
sarveṣāmapi vimbānāṃ prāptamekatamaṃ tu yat || 362 ||
[Analyze grammar]

khīkārasamaye vipra lakṣaṇādivivarjitam |
khaṇḍitaṃ sphuṭitaṃ vāpi yathāvasthitameva hi || 363 ||
[Analyze grammar]

svīkṛtyārādhayennityaṃ na doṣastasya vidyate |
sālagrāmaśilābimbe tattanmūrtivinirṇayam || 364 ||
[Analyze grammar]

tattadvyavasthitaiścihnairjñātvā samyak samarcayet |
paścādbhadādike jāte prāyaścittaṃ samācaret || 365 ||
[Analyze grammar]

pūrvoditaṃ prayatnena sādhakaḥ kṣīṇamānasaḥ |
corabhūvārivanhyādyairjāte bhedādike'pi ca || 366 ||
[Analyze grammar]

bimbe cāpahṛte vāpi mārjārādyaiśca jantubhiḥ |
bhedādike'pi saṃjāte prāguktaṃ sādhakaścaret || 367 ||
[Analyze grammar]

tasmāddināt samārabhya prāyaścittaṃ tu yatnataḥ |
yasmāt prāgārjitaṃ pāpaṃ karma tatrāpi kāraṇam || 368 ||
[Analyze grammar]

tasmāttacchāntaye vāpi hyapavādasya śāntaye |
prāyaścittaṃ tu kartavyaṃ vihitaṃ prāk prayatnataḥ || 369 ||
[Analyze grammar]

anyathā pātakī sa syādetasmāt pātakāddvija |
pramādataḥ kṛtepyevaṃ prāyaścittaṃ samācaret || 370 ||
[Analyze grammar]

buddhipūrvakṛte mede prāyaścittairna niṣkṛtiḥ |
avaśyaṃ daṇḍya eva syāt sa pāpiṣṭho'tidurmatiḥ || 371 ||
[Analyze grammar]

svapramādakṛte bhede jantvantarakṛtepi vā |
sādhako hyanutāpārto nācaredyadi kīrtitam || 372 ||
[Analyze grammar]

prāyaścittaṃ tathā sopi daḍyaḥ syāt prathamaṃ tataḥ |
prāyaścittaṃ ca vai kuryādayogyastvanyathā bhavet || 373 ||
[Analyze grammar]

gopannapi ca doṣasya tasya bhedādikasya ca |
daṇḍaśca prāyaścittaṃ ca vidheyamubhayaṃ bhavet || 374 ||
[Analyze grammar]

evaṃ bhedādike jāte bhayaṃ syādrājarāṣṭrayoḥ |
tacchāntyai saptadivasaṃ yajet kumbhasthalādikam || 375 ||
[Analyze grammar]

ekasmin vā trisaptāhaṃ bimbasaṃsthaṃ ca mantanapam |
doṣe prasiddhe bhedādau prāyaścittaṃ samīritam || 376 ||
[Analyze grammar]

aprakāśe yathoktāttu caturthāṃśaṃ samācaret |
pūrvaṃ tvapahṛtaṃ bimbaṃ bhūyaḥ prāptaṃ yadi dvija || 377 ||
[Analyze grammar]

prāyaścittādyathoktāttu yatnenārthaṃ samācaret |
bimbānāṃ tu kṣate jāte śrṛṇu doṣān viśeṣataḥ || 378 ||
[Analyze grammar]

kṣatamindriyacakrasthaṃ karturbhavati doṣadam |
ākaṇṭhānnābhipajhāntaṃ mantrasthaṃ putramṛtyukṛt || 379 ||
[Analyze grammar]

pārśvadvaye tu jāyāyāḥ pṛṣṭhasthaṃ bhrātṛhānidam |
nābheryanmeḍhraprayantaṃ sthānamāsādya tiṣṭhati || 380 ||
[Analyze grammar]

kṣataṃ sutaśiśūnāṃ ca nāśakṛdbhavati dvija |
ākaṭeḥ pāyuparyantaṃ bhaginīnāṃ kṣayāvaham || 381 ||
[Analyze grammar]

ūrumūlācca jānvantaṃ yatra yatra bhavet kṣatam |
dhanadhānyapaśūnāṃ ca kṣayo bhavati sarvadā || 382 ||
[Analyze grammar]

jānvoḥ pādatalāntaṃ ca bhṛtyavargasya dobadam |
sarveṣāmanukampārthamātmanaścāpi tṛptaye || 383 ||
[Analyze grammar]

kartā kamalasaṃbhūta kṣatamakṣatatāṃ nayet |
alpakṣate samādhānaṃ vihitaṃ tu nibodha me || 384 ||
[Analyze grammar]

yojayeccitrabimbasya galitaṃ gandhabhāvitaiḥ |
sitaraktādikai rāgaiḥ pāvanairastramantritaiḥ || 385 ||
[Analyze grammar]

mṛṇmayānāṃ tu bimbānāṃ madhvājyakṣīramiśrayā |
mṛdā kauśeyasaṃpūrṇayuktyā hemodasiktayā || 386 ||
[Analyze grammar]

sandhānaṃ kārayedvipra dārujasya nibodhatu |
bhede bhaṅge ca sandadhyādastraśastradvayena tu || 387 ||
[Analyze grammar]

aśmajānāṃ kṣate jāte sati ratnaśalākayā |
sahemayā ca vihitaṃ ghṛṣṭaśāṇasya gharṣaṇam || 388 ||
[Analyze grammar]

manuṣyanirmitānāṃ tu hyaśmajānāṃ bṛhatkṣate |
sarvathā vihitastyāgaḥ svayaṃvyaktādikeṣu tu || 389 ||
[Analyze grammar]

śilāmayeṣu bimbeṣu bhinnaṃ bhagnaṃ ca yojayet |
suvarṇanirmitaiḥ paṭṭairyathā dṛḍhataraṃ bhavet || 390 ||
[Analyze grammar]

yadvā tadaṅgairhaimena kṛtvā samyaṅniyojayet |
dāruje lohajeṣvevaṃ svayaṃ vyaktādikeṣvapi || 391 ||
[Analyze grammar]

bhede bhaṅge samādhissyāt svayaṃ vyaktāśmabimbavat |
ratnaje'pi samādhānamevameva samācaret || 392 ||
[Analyze grammar]

sālagrāmaśilāvimbaṃ bhinnaṃ bhagnaṃ bṛhat kṣatam |
alpakṣataṃ ca sauvarṇaiḥ paṭṭairdṛḍhataraṃ yathā || 393 ||
[Analyze grammar]

bandhayellohaje bimbe śrṛṇu martyapratiṣṭhite |
kevalasya hi haimasya yathālābhaṃ kṣete kṣipet || 394 ||
[Analyze grammar]

svarṇaratnamayaṃ cūrṇaṃ dvādaśākṣaramantritam |
anyadhā tūtthite bimbe kṣataṃ samyaṅmahāmate || 395 ||
[Analyze grammar]

īṣatsuvarṇamiśreṇa pūrayet svena dhātunā |
svayaṃ vyaktādike'pyevaṃ mukhyakalpe samācaret || 396 ||
[Analyze grammar]

prāsāde maṇḍape vāpi gopurādiṣu vā dvija |
śobhārthaṃ saṃsthitānāṃ ca bimbānāṃ pararūpiṇām || 397 ||
[Analyze grammar]

vyūhānāṃ vibhavānāṃ ca sadā bhagavato vibhoḥ |
 bhedādike tu sañjāte samādadhyāt tathaiva tu || 398 ||
[Analyze grammar]

tattatsannidhyanuguṇaṃ pratiṣṭhādikamācaret |
prāyaścittaṃ samabhyūhya sādhakastu samācaret || 399 ||
[Analyze grammar]

Other editions:

Also see the following editions of the Sanskrit text or (alternative) English translations of the Parameshara-samhita Chapter 11

Cover of edition (2002)

The Pancaratra Agamas (an Introduction)
by Swami Harshananda (2002)

[Publisher: Ramakrishna Math, Bangalore]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: