Book 5 - Aparīkṣitakārakaṃ

kudṛṣṭaṃ kuparijñātaṃ kuśrutaṃ kuparīkṣitam |
tan nareṇa na kartavyaṃ nāpitenātra yat kṛtam || 1 ||
[Analyze grammar]

śīlaṃ śaucaṃ kṣāntir dākṣiṇyaṃ madhuratā kule janma |
na virājanti hi sarve vitta-vihīnasya pusuṣasya || 2 ||
[Analyze grammar]

māno vā darpo vā vijñānaṃ vibhramaḥ subuddhir vā |
sarvaṃ praṇaśyati samaṃ vitta-vihīno yadā puruṣaḥ || 3 ||
[Analyze grammar]

pratidivasaṃ yāti layaṃ vasanta-vātāhateva śiśira-śrīḥ |
buddhir buddhimatām api kuṭumba-bhara-cintayā satatam || 4 ||
[Analyze grammar]

naśyati vipulamater api buddhiḥ puruṣasya manda-vibhavasya |
ghṛta-lavaṇa-taila-taṇḍula-vastrendhana-cintayā satatam || 5 ||
[Analyze grammar]

gaṇanam iva naṣṭa-tārakaṃ suṣkam iva saraḥ śmaśānam iva raudram |
priya-darśanam api rūkṣaṃ bhavati gṛhaṃ dhana-vihīnasya || 6 ||
[Analyze grammar]

na vibhāvyante laghavo vitta-vihīnāḥ puro 'pi nivasantaḥ |
satataṃ jāta-vinaṣṭāḥ payasām iva budbudāḥ payasi || 7 ||
[Analyze grammar]

sukulaṃ kuśalaṃ sujanaṃ vihāya kula-kuśala-śīla-vikale'pi |
āḍhye kalpa-tarāv iva nityaṃ rajyanti jana-nivahāḥ || 8 ||
[Analyze grammar]

viphalam iha pūrva-sukṛtaṃ vidyāvanto 'pi kula-samudbhūtāḥ |
yasya yadā vibhavaḥ syāt tasya tadā dāsatāṃ yānti || 9 ||
[Analyze grammar]

laghur ayam āha na lokaḥ kāmaṃ garjantam api patiṃ payasām |
sarvam alajjākaram iha yad yat kurvanti paripūrṇāḥ || 10 ||
[Analyze grammar]

vyādhitena sa-śokena cintā-grastena jantunā |
kāmārtenātha mattena dṛṣṭaḥ svapno nirarthakaḥ || 11 ||
[Analyze grammar]

jayanti te jinā yeṣāṃ kevala-jñāna-śālinām |
ā janmanaḥ smarotpattau mānasenoṣarāyitam || 12 ||
[Analyze grammar]

sā jihvā yā jinaṃ stauti tac-cittaṃ yaj jine ratam |
tau eva tu karau ślāghyau yau tat-pūjā-karau karau || 13 ||
[Analyze grammar]

dhyāna-vyājam upetya cintayasi kām unmīlya cakṣuḥ kṣaṇaṃ paśyānaṅga-śarāturaṃ janam imaṃ trātāpi no rakṣasi |
mithyā-kāruṇiko 'si nirghṛṇataras tvattaḥ kuto 'nyaḥ pumān serṣyaṃ māra-vadhūbhir ity abhihito bauddho jinaḥ pātu vaḥ || 14 ||
[Analyze grammar]

ekākī gṛha-santyaktaḥ pāṇi-pātro digambaraḥ |
so 'pi sambādhyate loke tṛṣṇayā paśya kautukam || 15 ||
[Analyze grammar]

jīryante jīryataḥ keśā dantā jīryanti jīryataḥ |
cakṣuḥ śrotre ca jīryete tṛṣṇaikā taruṇāyate |
kukkuṭaṃ kuparijñātaṃ kuśrutaṃ kuparīkṣitam |
tan nareṇa na kartavyaṃ nāpitenātra yat kṛtam || 16 ||
[Analyze grammar]

aparīkṣya na kartavyaṃ kartavyaṃ suparīkṣitam |
paścād bhavati santāpo brāhmaṇī nakulaṃ yathā || 17 ||
[Analyze grammar]

kuputro 'pi bhavet puṃsāṃ hṛdayānanda-kārakaḥ |
durvinītaḥ kurūpo 'pi mūrkho 'pi vyasanī khalaḥ || 18 ||
[Analyze grammar]

evaṃ ca bhāṣate lokaś candanaṃ kila śītalam |
putra-gātrasya saṃsparśaś candanād atiricyate || 19 ||
[Analyze grammar]

sauhṛdasya na vāñchanti janakasya hitasya ca |
lokāḥ prapālakasyāpi yathā putrasya bandhanam || 20 ||
[Analyze grammar]

atilobho na kartavyaḥ kartavyas tu pramāṇataḥ |
atilobhaja-doṣeṇa jambuko nidhanaṃ gataḥ || 21 ||
[Analyze grammar]

varaṃ vanaṃ vyāghra-gajādi-sevitaṃ janena hīnaṃ bahu-kaṇṭakāvṛtam |
tṛṇāni śayyā paridhāna-valkalaḥ na bandhu-madhye dhana-hīna-jīvitam || 22 ||
[Analyze grammar]

svāmī dveṣṭi susevito 'pi sahasā projjhanti sad-bāndhavāḥ rājante na guṇās tyajanti tanujāḥ sphārībhavanty āpadaḥ |
bhāryā sādhu suvaṃśajāpi bhajate no yānti mitrāṇi ca nyāyāropita-vikramāṇy api nṛṇāṃ yeṣāṃ na hi syād dhanam || 23 ||
[Analyze grammar]

śūraḥ surūpaḥ subhagaś ca vāgmī śastrāṇi śāstrāṇi vidāṃkarotu |
arthaṃ vinā naiva yaśaś ca mānaṃ prāpnoti martyo 'tra manuṣya-loke || 24 ||
[Analyze grammar]

tānīndriyāṇy avikalāni tad eva nāma sā buddhir apratihatā vacanaṃ tad eva |
arthoṣmaṇā virahitaḥ puruṣaḥ sa eva bāhyaḥ kṣaṇena bhavatīti vicitram etat || 25 ||
[Analyze grammar]

satyaṃ parityajati muñcati bandhu-vargaṃ śīghraṃ vihāya jananīm api janma-bhūmim |
santyajya gacchati videśam abhīṣṭa-lokaṃ cintākulīkṛta-matiḥ puruṣo 'tra loke || 26 ||
[Analyze grammar]

duṣprāpyāṇi bahūni ca labhyante vāñchitāni draviṇāni |
avasara-tulitābhir alaṃ tanubhiḥ sāhasika-puruṣāṇām || 27 ||
[Analyze grammar]

patati kadācin nabhasaḥ khāte pātālato 'pi jalam eti |
daivam acintyaṃ balavad balavān nanu puruṣakāro 'pi || 28 ||
[Analyze grammar]

abhimata-siddhir aśeṣā bhavati hi puruṣasya puruṣakāreṇa |
daivam iti yadapi kathayasi puruṣa-guṇaḥ so 'py adṛṣṭākhyaḥ || 29 ||
[Analyze grammar]

bhayam atulaṃ guru-lokāt tṛṇam iva tulayanti sādhu sāhasikāḥ |
prāṇān adbhutam etac cārtiṃ caritaṃ hy udārāṇām || 30 ||
[Analyze grammar]

kleśasyāṅgam adattvā sukham eva sukhāni neha labhyante |
madhubhin mathanāyas tair āśliṣyati bāhubhir lakṣmīm || 31 ||
[Analyze grammar]

duradhigamaḥ para-bhāgo yāvat puruṣeṇa sāhasaṃ na kṛtam |
jayati tulām adhirūḍho bhāsvān iha jalada-paṭalāni || 33 ||
[Analyze grammar]

mahānta eva mahatām arthaṃ sādhayituṃ kṣamāḥ |
ṛte samudrād anyaḥ ko bibharti baḍavānalam || 34 ||
[Analyze grammar]

varaṃ buddhir na sā vidyā vidyāyā buddhir uttamā |
buddhi-hīno vinaśyanti yathā te siṃha-kārakāḥ || 35 ||
[Analyze grammar]

kiṃ tayā kriyate lakṣmyā yā vadhūr iva kevalā |
yā na veśyeva sāmānyā pathikair upabhujyate || 36 ||
[Analyze grammar]

ayaṃ nijaḥ paro veti gaṇanā laghu-cetasām |
udāra-caritānāṃ tu vasudhaiva kuṭumbakam || 37 ||
[Analyze grammar]

api śāstreṣu kuśalā lokācāra-vivarjitāḥ |
sarve te hāsyatāṃ yānti yathā te mūrkha-paṇḍitāḥ || 38 ||
[Analyze grammar]

utsave vyasane prāpte durbhikṣe śatru-saṅkaṭe |
rāja-dvāre śmaśāne ca yas tiṣṭhati sa bāndhavaḥ || 39 ||
[Analyze grammar]

sarva-nāśe samutpanne ardhaṃ tyajati paṇḍitaḥ |
ardhena kurute kāryaṃ sarva-nāśo hi duḥsahaḥ || 40 ||
[Analyze grammar]

subuddhayo vinaśyanti duṣṭa-daivena nāśitāḥ |
svalpa-dhīr api tasmiṃs tu kule nandati santatam || 41 ||
[Analyze grammar]

arakṣitaṃ tiṣṭhati daiva-rakṣitaṃ surakṣitaṃ daiva-hataṃ vinaśyati |
jīvaty anātho 'pi vane visarjitaḥ kṛta-prayatno 'pi gṛhe na jīvati || 42 ||
[Analyze grammar]

śatabuddhiḥ śirastho 'yaṃ lambate ca sahasra-dhīḥ |
eka-buddhir ahaṃ bhadre krīḍāmi vimale jale || 43 ||
[Analyze grammar]

sarpāṇāṃ ca khalānāṃ ca sarveṣāṃ duṣṭa-cetasām |
abhiprāyā na sidhyanti tenedaṃ vartate jagat || 44 ||
[Analyze grammar]

buddher buddhimatāṃ loke nāsty agamyaṃ hi kiñcana |
buddhyā yato hatā nandāś cāṇakyenāsi-pāṇayaḥ || 45 ||
[Analyze grammar]

na yatrāsti gatir vāyo raśmīnāṃ ca vivasvataḥ |
tatrāpi praviśaty āśu buddhir buddhimatāṃ sadā || 46 ||
[Analyze grammar]

na yat svarge'pi saukhyaṃ syād divya-sparśena śobhane |
kusthāne'pi bhavet puṃsāṃ janmano yatra sambhavaḥ || 47 ||
[Analyze grammar]

śatabuddhiḥ śiraḥstho 'yaṃ lambate ca sahasradhīḥ |
ekabuddhir ahaṃ bhadre krīḍāmi vimale jale || 48 ||
[Analyze grammar]

sādhu mātula gītena mayā prokto 'pi na sthitaḥ |
apūrvo 'yaṃ maṇir baddhaḥ samprāptaṃ gīta-lakṣaṇam || 49 ||
[Analyze grammar]

kāṃsī vivarjayec cauryaṃ nidrāluś cet sa puṃścalīm |
jihvā-laulyaṃ ca rujākrānto jīvitaṃ yo 'tra vāñchati || 50 ||
[Analyze grammar]

śaraj-jyotsnāhate dūraṃ tamasi priya-sannidhau |
dhanyānāṃ viśati śrotre gīta-jhaṅkāra-jā sudhā || 51 ||
[Analyze grammar]

sapta svarās trayo grāmā mūrcchatāś caikatriṃśatiḥ |
tānās tv ekonapaūcāśat tisro mātrā layās trayaḥ || 52 ||
[Analyze grammar]

sthāna-trayaṃ yatīnāṃ ca ṣaḍ-asyāni rasā nava |
rāgā ṣaṭ-triṃśatir bhāvāś catvāriṃśat tataḥ smṛtāḥ || 53 ||
[Analyze grammar]

pañcāśīty-adhikaṃ hy etad gītāṅgānāṃ śataṃ smṛtam |
svayam eva purā proktaṃ bharatena śruteḥ param || 54 ||
[Analyze grammar]

nānyad gītāt priyaṃ loke devānām api dṛśyate |
śuṣka-snāyu-svarāhlādāt try-akṣaṃ jagrāha rāvaṇaḥ || 55 ||
[Analyze grammar]

sārameyasya cāśvasya rāsabhasya viśeṣataḥ |
muhūrtāt paratau na syāt prahāra-janitā vyathā || 56 ||
[Analyze grammar]

sādhu mātula gītena mayā prokto 'pi na sthitaḥ |
apūrvo 'pi maṇir baddhaḥ sāmprataṃ gīta-lakṣaṇam || 57 ||
[Analyze grammar]

yasya nāsti svayaṃ prajñā mitroktaṃ na karoti yaḥ |
sa eva nidhanaṃ yāti yathā manthara-kolikaḥ || 58 ||
[Analyze grammar]

rājā dāna-paro nityam iha kīrtim avāpya ca |
tat prabhāvāt punaḥ svargaṃ spardhate tridaśaiḥ saha || 59 ||
[Analyze grammar]

bhojanācchādane dadyād ṛtu-kāle ca saṅgamam |
bhūṣaṇādyaṃ ca nārīṇāṃ na tābhir mantrayet sudhīḥ || 60 ||
[Analyze grammar]

yatra strī yatra kitavo bālo yatra praśāsitā |
tad gṛhaṃ kṣayam āyāti bhārgavo hīdam abravīt || 61 ||
[Analyze grammar]

tāvat syāt suprasannāsyas tāvad guru-jane rataḥ |
puruṣo yoṣitāṃ yāvan na śṛṇoti vaco rahaḥ || 62 ||
[Analyze grammar]

etāḥ svārtha-parā nāryaḥ kevalaṃ sva-sukhe ratāḥ |
na tāsāṃ vallabhaḥ ko 'pi suto 'pi sva-sukhaṃ vinā || 63 ||
[Analyze grammar]

cāraṇair vandibhir nīcair nāpitair bālakair api |
na mantraṃ maitmān kuryāt sārdhaṃ bhikṣubhir eva ca || 64 ||
[Analyze grammar]

yadaiva rājye kriyate'bhiṣekas tadaiva yāti vyasaneṣu buddhiḥ |
ghaṭā nṛpāṇām abhiṣeka-kāle sahāmbhasaivāpadam udgiranti || 65 ||
[Analyze grammar]

rāmasya vrajanaṃ vane nivasanaṃ pāṇḍoḥ sutānāṃ vane vṛṣṇīnāṃ nidhanaṃ nalasya nṛpate rājyāt paribhraṃśanam |
saudāsaṃ tad-avastham arjuna-vadhaṃ sañcintya laṅkeśvaraṃ dṛṣṭvā rājya-kṛte viḍambana-gataṃ tasmān na tad vāñchayet || 66 ||
[Analyze grammar]

yad-arthaṃ bhrātaraḥ putrā api vāñchanti ye nijāḥ |
vadhaḥ rājya-kṛtāṃ rājñāṃ tad rājyaṃ dūratas tyajet || 67 ||
[Analyze grammar]

anāgatavatīṃ cintām asambhāvyāṃ karoti yaḥ |
sa eva pāṇḍuraḥ śete soma-śarma-pitā yathā || 68 ||
[Analyze grammar]

yo laulyāt kurute naivodarkam avekṣate |
viḍambanām avāpnoti sa yathā candra-bhūpatiḥ || 69 ||
[Analyze grammar]

meṣeṇa sūpakārāṇāṃ kalaho yatra jāyate |
sa bhaviṣyaty asandigdhaṃ vānarāṇāṃ kṣayāvahaḥ || 70 ||
[Analyze grammar]

tasmāt syāt kalaho yatra gṛhe nityam akāraṇaḥ |
tad-gṛhaṃ jīvitaṃ vāñchan dūrataḥ parivarjayet || 71 ||
[Analyze grammar]

kalahāntāni harmyāṇi kuvākyāntaṃ ca sauhṛdam |
kurājāntāni rāṣṭrāṇi kukarmāntaṃ yaśo nṛṇām || 72 ||
[Analyze grammar]

vadanaṃ daśanair hīnaṃ lālā sravati nityaśaḥ |
na matiḥ sphurati kvāpi bāle vṛddhe viśeṣataḥ || 73 ||
[Analyze grammar]

mitraṃ vyasana-samprāptaṃ sva-sthānaṃ para-pīḍanam |
dhanyās te ye na paśyanti deśa-bhaṅgaṃ kula-kṣayam || 74 ||
[Analyze grammar]

kapīnāṃ medasā doṣo vahni-dāha-samudbhavā |
aśvānāṃ nāśam abhyeti tamaḥ sūryodaye yathā || 75 ||
[Analyze grammar]

marṣayed dharṣaṇāṃ yo 'tra vaṃśajāṃ para-nirmitām |
bhayād vā yadi vā kāmāt sa jñeyaḥ puruṣādhamaḥ || 76 ||
[Analyze grammar]

tṛṣṇe devi namas tubhyaṃ yayā vittānvitā api |
akṛtyeṣu niyojyante bhrāmante durgameṣv api || 77 ||
[Analyze grammar]

icchati śatī sahasraṃ sahasrī lakṣam īhate |
lakṣādhipas tathā rājyaṃ rājyasthaḥ svargam īhate || 78 ||
[Analyze grammar]

jīryante jīryataḥ keśāḥ dantā jīryanti jīryataḥ |
jīryataś cakṣuṣī śrotre tṛṣṇaikā taruṇāyate || 79 ||
[Analyze grammar]

kṛte pratikṛtaṃ kuryād dhiṃsite pratihiṃsitam |
na tatra doṣaṃ paśyāmi yo duṣṭe duṣṭam ācaret || 80 ||
[Analyze grammar]

hataḥ śatruḥ kṛtaṃ mitraṃ ratna-mālā na hāritā |
nālena pibatā toyaṃ bhavatā sādhu vānara || 81 ||
[Analyze grammar]

yas tyaktvā sāpadaṃ mitraṃ yāti niṣṭhuratāṃ vahan |
kṛtaghnas tena pāpena narake yāty asaṃśayam || 82 ||
[Analyze grammar]

yādṛśī vadana-cchāyā dṛśyate tava vānara |
vikālena gṛhīto 'si yaḥ paraiti sa jīvati || 83 ||
[Analyze grammar]

yādṛśī vacana-cchāyā dṛśyate tava vānara |
vikālena gṛhīto 'si yaḥ paraiti sa jīvati || 84 ||
[Analyze grammar]

durgas trikūṭaḥ parikhā samudro rakṣāṃsi yodhā dhanadāc ca vittam |
śāstraṃ ca yasyośanasā praṇītaṃ sa rāvaṇo daiva-vaśād vipannaḥ || 85 ||
[Analyze grammar]

andhakaḥ kubjakaś caiva tristanī rāja-kanyakā |
trayo 'py anyāyataḥ siddhāḥ saṃmukhe karmaṇi sthite || 86 ||
[Analyze grammar]

yaḥ satataṃ paripṛcchati śṛṇoti sandhārayaty aniśam |
tasya divākara-kiraṇair nalinīva vivardhate buddhiḥ || 87 ||
[Analyze grammar]

pṛcchakena sadā bhāvyaṃ puruṣeṇa vijānatā |
rākṣasendra-gṛhīto 'pi praśnān mukto dvijaḥ purā || 88 ||
[Analyze grammar]

hīnāṅgī vādhikāṅgī vā yā bhavet kanyakā nṛṇām |
bhartuḥ syāt sā vināśāya sva-śīla-nidhanāya ca || 89 ||
[Analyze grammar]

yā punas tristanī kanyā yāti locana-gocaram |
pitaraṃ nāśaty eva sā drutaṃ nātra saṃśayaḥ || 90 ||
[Analyze grammar]

lajjā snehaḥ svara-madhuratā buddhayo yauvana-śrīḥ kāntāsaṅgaḥ svajana-mamatā duḥkha-hānir vilāsaḥ |
dharmaḥ śāstraṃ sura-guru-matiḥ śaucam ācāra-cintā pūrṇe sarve jaṭhara-piṭhare prāṇināṃ sambhavanti || 91 ||
[Analyze grammar]

andho vā vadhiro vātha kuṣṭī vāpy antyajo 'pi vā |
parigṛhṇātu tāṃ kanyāṃ sa-lakṣāṃ syād videśagaḥ || 92 ||
[Analyze grammar]

yadi syāc chrī-talo vahniś candramā dahanātmakaḥ |
susvādaḥ sāgaraḥ strīṇāṃ tat-satīs tvaṃ prajāyate || 93 ||
[Analyze grammar]

ekodarāḥ pṛthag grīvā anyānya-phala-bhakṣiṇaḥ |
asaṃhatā vinaśyanti bhāruṇḍā iva pakṣiṇaḥ || 94 ||
[Analyze grammar]

ekaḥ svādu na bhuñjīta ekaś cārthān na cintayet |
eko na gacched adhvānaṃ naikaḥ supteṣu jāgṛyāt || 95 ||
[Analyze grammar]

api kāpuruṣo mārge dvitīyaḥ kṣema-kārakaḥ |
karkaṭena dvitīyena jīvitaṃ parirakṣitam || 96 ||
[Analyze grammar]

kṣīṇaḥ śrayati śaśī ravim ṛddho vardhayati payasāṃ nātham |
anye vipadi sahāyā dhanināṃ śriyam anubhavanty anye || 97 ||
[Analyze grammar]

mantre tīrthe dvije deve daivajñe bheṣaje gurau |
yādṛśī bhāvanā yasya siddhir bhavati tādṛśī || 98 ||
[Analyze grammar]