Chapter 16

[English text for this chapter is available]

vyāsa uvāca |
bhūya eva dvijaśreṣṭha mahāviṣṇoḥ parātmanaḥ |
bravīmi śṛṇu māhātmyaṃ sarvaduḥkhavināśanam || 1 ||
[Analyze grammar]

brāhmaṇāḥ kṣattriyā vaiśyāḥ śūdrāścānyentyajāstathā |
haribhaktiṃ prapannā ye te kṛtārthā na saṃśayaḥ || 2 ||
[Analyze grammar]

harerabhakto vipro'pi vijñeyaḥ śvapacādhikaḥ |
haribhaktaḥ śvapāko'pi vijñeyo brāhmaṇādhikaḥ || 3 ||
[Analyze grammar]

sa kathaṃ brāhmaṇo yastu haribhaktivivarjitaḥ |
sa kathaṃ śvapaco yastu bhagavadbhaktimānasaḥ || 4 ||
[Analyze grammar]

avyājena yadā viṣṇuḥ śvapākenāpi pūjyate |
tadā paśyettamapyevaṃ caturvedadvijādhikam || 5 ||
[Analyze grammar]

purāsīccakriko nāma śabaro lokakarṣakṛt |
sujātivṛttihīnaśca yuge dvāparasaṃjñake || 6 ||
[Analyze grammar]

vipravādī jitakrodhaḥ parahiṃsāvivarjitaḥ |
dayālurddambhahīnaśca pitṛmātṛparāyaṇaḥ || 7 ||
[Analyze grammar]

na kṛto vaiṣṇavolāpo mokṣaśāstraṃ na ca śrutam |
tathāpi jātā taccitte haribhaktiracañcalā || 8 ||
[Analyze grammar]

hare keśava govinda vāsudeva janārdana |
ityādīni smarannityaṃ sa ca nāmānicakriṇaḥ || 9 ||
[Analyze grammar]

vanyaṃ phalaṃ ca yatkiñcitprāpnoti dvijasattama |
ādau dadāti tadvaktre nije śabaravaṃśajaḥ || 10 ||
[Analyze grammar]

tanmādhuryaṃ tato jñātvā vaktrānniṣkāsya tatpunaḥ |
dadāti haraye bhaktyā suprītaḥ prativāsaram || 11 ||
[Analyze grammar]

ucchiṣṭaṃ vāpyanucchiṣṭaṃ dvayameva na vetti saḥ |
nijajātisvabhāvo hi satataṃ mūrghni vartate || 12 ||
[Analyze grammar]

kadācitsa dvijaśreṣṭha kānanābhyaṃtare bhraman |
phalamekaṃ prāpya pakvaṃ priyālasyeti śākhinaḥ || 13 ||
[Analyze grammar]

athāsau harṣitastasya phalamaprāpya cakrikaḥ |
sa saṃraṃbheṇa jñātvā vai nijavaktrāṃtare dadau || 14 ||
[Analyze grammar]

sa dadau tatphalaṃ yāvannijavaktrāṃtare dvija |
praviveśa galaṃ tāvattatphalaṃ śṛṇu jaimine || 15 ||
[Analyze grammar]

tāvatsavyena hastena galarandhraṃ babaṃdha saḥ |
yatnādvidhṛtya savyena pāṇinā sakalaṃ dvija || 16 ||
[Analyze grammar]

cakrikaścintayāmāsa haribhaktiparāyaṇaḥ |
phalametadyadā tasmai na dadāmi murāraye || 17 ||
[Analyze grammar]

na jātaḥ ko'pi saṃsāre tadāhamiva pātakī |
hariṃ saṃciṃtya bahudhā sa cakāra matiṃ tataḥ || 18 ||
[Analyze grammar]

tathāpi tatphalaṃ tasya na niṣkrāṃtaṃ galāddvija |
harerekāṃtabhakto'sau chittvā paraśunā galam || 19 ||
[Analyze grammar]

ānīya tatphalaṃ pakvaṃ dadau devāya viṣṇave |
tatsannidhiṃ samāyātastameva hṛdi ciṃtayan || 20 ||
[Analyze grammar]

rudhirokṣitasarvāṅgaḥ patitaḥ kṣitimaṇḍale |
taṃ dṛṣṭvā bhagavānviṣṇurgatāsuṃ vyathito'bhavat || 21 ||
[Analyze grammar]

etasya sadṛśo bhakto mama ko'pi na vidyate |
yato nijagalaṃ chittvā mama saṃtoṣaṇaṃ kṛtam || 22 ||
[Analyze grammar]

yathā bhaktimatā'nena sātvikaṃ karma vai kṛtam |
yaddatvānṛṇyamāpnoti tathā vastukimasti me || 23 ||
[Analyze grammar]

dhanyo'yamatidhanyo'yaṃ dhanyo'yaṃ nātra saṃśayaḥ |
prāṇānapi parityajya mamasaṃtoṣaṇaṃ kṛtam || 24 ||
[Analyze grammar]

brahmatvaṃ vā śivatvaṃ vā cakritvaṃ vāpi dīyate |
tadāpyānṛṇyametasya bhaktasya na hi gamyate || 25 ||
[Analyze grammar]

ityuktvātyaṃta saṃtuṣṭo bhagavāngaruḍadhvajaḥ |
svahastakamalenāsya tato mastakamaspṛśat || 26 ||
[Analyze grammar]

taddhastakamalasparśācchabaro'sau gatavyathaḥ |
samuttasthau mahāsatvo nārāyaṇaparāyaṇaḥ || 27 ||
[Analyze grammar]

vyāsa uvāca |
tato'sya bhaktaśreṣṭhasya nijavastreṇa keśavaḥ |
putrasyeva pitā gātrarajaḥ prokṣitavāndvija || 28 ||
[Analyze grammar]

cakrikastaṃ samālokya mūrtimaṃtaṃ janārdanam |
vācā madhurayā'stauṣītprahvamastaḥ kṛtāñjaliḥ || 29 ||
[Analyze grammar]

cakrika uvāca |
govinda keśava hare jagadīśa viṣṇo jānāmi yadyapi na te stutiyogavākyam |
stotuṃ tathāpi rasanā mama vāṃchati tvāṃ svāminprasīda hara doṣamimaṃ pravṛddham || 30 ||
[Analyze grammar]

tyaktvā bhavaṃtamakhileśvaracakrapāṇe anyaṃ yajaṃti manujā jagatīha ye vai |
mūḍhāsta eva duritaprakaraikadhāma sānugrahastvamasi mayyapi deva yasmāt || 31 ||
[Analyze grammar]

jānāti deva bhavato bhavanaikanātha bhaktyaiva yadyapi nṛṇāṃbhavabaṃdhahartrīm |
ekāṃtapāpaśabarānvayalabdhajanmā viṣṇostathāpi bhagavānmayi suprasannaḥ || 32 ||
[Analyze grammar]

yasya prabho tava manojña karāraviṃdaṃ sparśaṃ caturmukhamukhā api devavṛndāḥ |
na prāpnuvaṃti viditasya mayādya labdhaṃ tvatto na ko'pi sadayo nijasevakeṣu || 33 ||
[Analyze grammar]

yena tvayā bhagavatā tridaśādyavairī kaṃsāsuro nimisutaḥ kṛtasarvapāpaḥ |
sendrāmaraprakaramartyahitāya pūrvaṃ tasmai namaḥ paramamaṃgaladāya tubhyam || 34 ||
[Analyze grammar]

yena tvayātibalinā yamalārjunau tau devottamena nihatau vasudevajena |
duṣṭaśca kālayavano yudhi dhenukaśca tasmai namo'stu navameghanibhāya tubhyam || 35 ||
[Analyze grammar]

śrīkṛṣṇadāmodarabho hyanaṃta yena tvayāmarapateracalā vibhūtiḥ |
pūrvaṃ kṛtā bhagavatā parameśvareṇa tasmai namo'stu yaduvaṃśaparāya tubhyam || 36 ||
[Analyze grammar]

pārijāto hṛto yena vijito'khaṃḍalastvayā |
līlājita maheśāya tasmai tubhyaṃ namonamaḥ || 37 ||
[Analyze grammar]

kṛtvā vṛkodaraṃ hetuṃ jarāsaṃdho nipātitaḥ |
bāṇāsurasya nihatā bāhavo ye tvayā hatāḥ || 38 ||
[Analyze grammar]

śiśupālo hato yena tasmai nityaṃ namonamaḥ |
bhūmerapahṛto bhārastvayā yena mahātmanā || 39 ||
[Analyze grammar]

kṣattriyānmāyayā hatvā tasmai nityaṃ namonamaḥ |
vyāsa uvāca |
iti tena stuto viṣṇuścakrikena mahātmanā || 40 ||
[Analyze grammar]

uvāca paramaprīto varaṃ vṛṇviti jaimine |
cakrika uvāca |
paraṃ brahma paraṃ dhāma paramātmankṛpāmaya || 41 ||
[Analyze grammar]

paśyāmi tvāmahaṃ sākṣādvaraiḥ kimaparairdvija |
na dhyātā bhavato mūrtiḥ pūjā ca na kṛtā tava || 42 ||
[Analyze grammar]

naivedyairdivyapuṣpaiśca divyadhūpaiḥ pradīpakaiḥ |
na te smṛtāni nāmāni kadācidbhavato mayā || 43 ||
[Analyze grammar]

tvatpādasalilaṃ svāminvidhṛtaṃ na hi mūrddhani |
na bhuktaṃ tava naivedyaṃ tvadvrataṃ na mayā kṛtam || 44 ||
[Analyze grammar]

tathāpyahamapaśyaṃ tvāṃ kiṃ karomyaparairvaraiḥ |
śabarānvayajanmāsmi sarvadharmabahiṣkṛtaḥ || 45 ||
[Analyze grammar]

tathāpi pādapadmaṃ te daivatairapi durllabham |
tadevādya mayā prāptaṃ varaiḥ kimaparairmama || 46 ||
[Analyze grammar]

tathāpi kamalākāṃta varaditsuryadā bhavān |
tvayi tiṣṭhatu me cittaṃ na majjettvadanugrahāt || 47 ||
[Analyze grammar]

śrībhagavānuvāca |
vacanā'mṛtavarṣeṇa tvadīyena mahāśaya |
saṃprāpya mahatīṃ tuṣṭiṃ mayā sevakapāpinā || 48 ||
[Analyze grammar]

yadidaṃ vatsa me dattaṃ tvayā kamalamuttamam |
anenātyaṃtatuṣṭo'smi bhaktiṃ gṛhṇāmi harṣitaḥ || 49 ||
[Analyze grammar]

vyāsa uvāca |
ityuktvā bhagavānviṣṇurbhaktigrāhī dayāmayaḥ |
tamāliṃgitavānbhaktaṃ caturbhirdīrghabāhubhiḥ || 50 ||
[Analyze grammar]

śrībhagavānuvāca |
tuṣṭo'smi bhavato bhaktyā vatsa cakrikasattama |
yadidaṃ vatsa me dattaṃ kṣipraṃ bhavati niścitam || 51 ||
[Analyze grammar]

bhūyo'pi taṃ mahābhaktamāliṅgya parameśvaraḥ |
tatraivāṃtarddadhe vipra viśvātmā viśvapālakaḥ || 52 ||
[Analyze grammar]

sa cakriko'tisaṃtuṣṭo haribhaktiparāyaṇaḥ |
putradārādikaṃ tyaktvā jagāma dvārakāṃ purīm || 53 ||
[Analyze grammar]

tatra caivaṃ samāsādya kṛpayā kamalāpateḥ |
āyuṣo'nte yayau mokṣaṃ devānāmapi durllabham || 54 ||
[Analyze grammar]

tasmādbhaktavaśo devo bhaktimātreṇa tuṣyati |
na ca stotrairna vittaiśca na tapobhirjapena ca || 55 ||
[Analyze grammar]

phalaṃ yadyapi cocchiṣṭaṃ dattaṃ tena dvijottama |
tathāpi tuṣṭavānviṣṇurjñātvā bhaktimacañcalām || 56 ||
[Analyze grammar]

tasmānnārāyaṇo devaḥ saṃsāre'sminmumukṣubhiḥ || 57 ||
[Analyze grammar]

ye yajaṃti dṛḍhayā kila bhaktyā vāsudevacaraṇāṃbujayugmam |
vāsavādivibudhapravarejyaṃ te vrajanti manujāḥ kila mokṣam || 58 ||
[Analyze grammar]

iti śrīpadmapurāṇe kriyāyogasāre ṣoḍaśo'dhyāyaḥ || 16 ||
[Analyze grammar]