Chapter 14

[English text for this chapter is available]

vyāsa uvāca |
mārgaśīrṣe dvijaśreṣṭha mahālakṣmyā samanvitam |
pūjayedavyayaṃ viṣṇuṃ bhaktibhāvena vaiṣṇavaḥ || 1 ||
[Analyze grammar]

mlecchadeśe ca vipreṃdra tathaiva patitālaye |
durgaṃdhaiśca parivyāpte sthāne viṣṇuṃ na pūjyet || 2 ||
[Analyze grammar]

pākhaṃḍānāṃ samīpe ca mahāpātakināṃ tathā |
asatyabhāṣiṇāṃ caiva na kuryādviṣṇupūjanam || 3 ||
[Analyze grammar]

kraṃdatāṃ sannidhau cāpi kalahānapi kurvatām |
tathopahasatāṃ sthāne na kuryātpūjanaṃ hareḥ || 4 ||
[Analyze grammar]

pratigraharatānāṃ ca sthāne viṣṇuṃ na pūjayet |
kṛpaṇānāṃ gṛhe caiva paravittābhilāṣiṇām || 5 ||
[Analyze grammar]

tathā kapaṭavṛttīnāṃ na kuryādviṣṇupūjanam |
nārāyaṇārcane vipra paraṃ bhaktiparāyaṇaḥ || 6 ||
[Analyze grammar]

anyacittaṃ parityajya haridhyānaparo bhavet |
hāhākāraṃ ca niśvāsaṃ vismayaṃ sa dvijottama || 7 ||
[Analyze grammar]

pākhaṃḍajanasaṃbhāṣaṃ na kuryāddharipūjanam |
ananyamānaso bhūtvā devadevaṃ jagadgurum || 8 ||
[Analyze grammar]

bhasmanyapi ca yatpuṣpaṃ dīyate labhate harau |
ciṃtāgamaśataśrāṃtaḥ śilācakreṣvapi dvija || 9 ||
[Analyze grammar]

puṣpaṃ dadāti yanmartyo na labhedatha tatprabhuḥ |
ananyamānaso bhūtvā bhaktyā viṣṇuṃ yajedbudhaḥ || 10 ||
[Analyze grammar]

bhrāṃtacittena yatkarma kriyate tacca niṣphalam |
sarvakarma manodhīnaṃ manodhīnaṃ jagattrayam || 11 ||
[Analyze grammar]

tasmānmano dṛḍhīkṛtya pūjayetkamalāpatim |
pūjānyatra mano'nyatra bhavedyasya dvijottama || 12 ||
[Analyze grammar]

na ca tasya phaletkāryaṃ kalpakoṭiśatairapi |
yatnādvihitaśauco'pi viṣṇupūjāparo'pi ca || 13 ||
[Analyze grammar]

manaḥśuddhivihīnaśceccāṃḍāla iva gamyate |
abhaktyā yattapastaptaṃ suciraṃ vidhinā dvija || 14 ||
[Analyze grammar]

bhavennirarthakaṃ sarvaṃ kevalaṃ kāyaśodhanam |
merupramāṇakaṃ svarṇaṃ brāhmaṇāya kuṭuṃbine || 15 ||
[Analyze grammar]

dattamabhyarthanāśāya abhaktyā śreyase'pi ca |
tasmādekamanā bhūtvā bhaktiśraddhāsamanvitaḥ || 16 ||
[Analyze grammar]

savāstukādi śākaṃ ca dadyātsadasi vaiṣṇave |
nāraṃgasya phalaṃ divyaṃ supakvaṃ yastu yacchati || 17 ||
[Analyze grammar]

keśavāya dvijaśreṣṭha so'smābhirabhipūjyate |
yatnena nūtanaṃ vastu priyaṃ bhagavato hareḥ || 18 ||
[Analyze grammar]

tadevāgrayaṇe māsi bhaktyā dadyānmurāraye |
pauṣe māsi samāyāte śrīkṛṣṇaṃ varadaṃ prabhum || 19 ||
[Analyze grammar]

devamikṣurasairdivyaiḥ snāpayedvaiṣṇavo janaḥ |
yaḥ snāpayati viprendra viṣṇumikṣurasaiḥ prabhum || 20 ||
[Analyze grammar]

iha bhuṃkte sukhaṃ sarvaṃ mṛto yātīkṣusāgaram |
yo dadyādikṣunaivedyaṃ devadevāya viṣṇave || 21 ||
[Analyze grammar]

so'pi tatphalamāpnoti kimanyairbahubhāṣitaiḥ |
sudugdhapṛthukaṃ pauṣe dadhibhirvā samanvitam || 22 ||
[Analyze grammar]

datvā murāraye martyaḥ sarvānkāmānavāpnuyāt |
sarvaiḥ purātanaṃ vastraṃ dūrīkṛtya murāraye || 23 ||
[Analyze grammar]

śītasya vāraṇārthāya dadyādvastraṃ ca nūtanam |
pauṣasaṃkramaṇe vipra salakṣmīkāya viṣṇave || 24 ||
[Analyze grammar]

dadyānmumukṣurmanujo daśavarṇaṃ ca pīṭhakam |
yastu śaṅkhadhvaniṃ kuryātsaṃpūjya kamalāpatim || 25 ||
[Analyze grammar]

tasya puṇyaphalaṃ vacmi śṛṇu vatsa samāhitaḥ |
agamyāgamanādyaiśca vimuktaḥ sarvapātakaiḥ || 26 ||
[Analyze grammar]

aṃte viṣṇupuraṃ gatvā viṣṇunā saha modate |
vainateyāṃkitāṃ ghaṃṇṭāṃ yastu vādayate hareḥ || 27 ||
[Analyze grammar]

pūjākāle dvijaśreṣṭha tasya puṇyaṃ vadāmyaham |
abhakṣyabhakṣaṇādyaiśca vimuktaḥ sarvapātakaiḥ || 28 ||
[Analyze grammar]

prayāti maṃdiraṃ viṣṇo rathamāruhya śobhanam |
tatra bhuktvākhilānkāmānkalpakoṭiśatāvadhi || 29 ||
[Analyze grammar]

punarāgatya dharaṇīṃ caturvedī dvijottamaḥ |
tatra bhuktvākhilānkāmānkalpakoṭiśatāvadhi || 30 ||
[Analyze grammar]

punarviṣṇupuraṃ gatvā mokṣaṃ prāpnotyanuttamam |
vīṇāṃ vādayate yastu pūjākāle jagatpateḥ || 31 ||
[Analyze grammar]

paṃḍitānāmagraṇīḥ syātsa martyaḥ pratijanmani |
mṛdaṃgavādyakṛdyastu pūjāyāṃ kaiṭabhadviṣaḥ || 32 ||
[Analyze grammar]

tasya prasanno bhagavāndadātyabhimataṃ phalam |
ḍamaruṃ ḍiḍimaṃ caiva jharjharīṃ madhurīṃ tathā || 33 ||
[Analyze grammar]

paṭahaṃ duṃdubhiṃ caiva kāhalaṃ siṃdhuvārakam |
kāṃsyaṃ ca karatālaṃ ca veṇuṃ vādayate tu yaḥ || 34 ||
[Analyze grammar]

pūjākāle mahāviṣṇostasya puṇyaṃ niśāmaya |
steyārthaiḥ pātakairmukto maṃdiraṃ yāti cakriṇaḥ || 35 ||
[Analyze grammar]

paramaṃ jñānamāsādya tatraiva parimucyate |
kalaśabdaṃ ca yaḥ kuryātpūjākāle jagadguroḥ || 36 ||
[Analyze grammar]

mukhavādyaṃ ca viprendra tasya puṇyaṃ mayocyate |
koṭikoṭikulairyuktaḥ prayāti mandiraṃ hareḥ || 37 ||
[Analyze grammar]

jñānamāsādya tatraiva mokṣamakṣayyamāpnuyāt |
viṣṇorāyatane yastu bhaktiyuktaḥ pranṛtyati || 38 ||
[Analyze grammar]

sa yāti brāhmaṇaśreṣṭha tadviṣṇoḥ paramaṃ padam |
yastu gāyati gītāni bhaktyā nārāyaṇāgrataḥ || 39 ||
[Analyze grammar]

sa nṛpatvamavāpnoti gandharvāṇāṃ pureṣu ca |
stauti stotrairjagannāthaṃ bhaktyā ca vaiṣṇavo janaḥ || 40 ||
[Analyze grammar]

tasya prasanno bhagavānsarvānkāmānprayacchati |
māsemāse hariṃ yastu vidhinānena pūjayet || 41 ||
[Analyze grammar]

acireṇaiva viprarṣe prasādayati so'cyutaḥ || 42 ||
[Analyze grammar]

jagadudadhimimaṃ ye tartumicchaṃti martyāḥ pracurataragabhīraṃ sarvaduḥkhapradaṃ ca |
paramapuruṣapādāṃbhojayugmaṃ manojñaṃ tridaśanivaha sevyaṃte ca sarve yajaṃtu || 43 ||
[Analyze grammar]

iti śrīpadmapurāṇe kriyāyogasāre bhagavatpūjāmāhātmyaṃnāma caturdaśo'dhyāyaḥ || 14 ||
[Analyze grammar]