Chapter 10

[English text for this chapter is available]

jaiminiruvāca |
māhātmyametadgaṅgāyāstvatprasādācchrutaṃ mayā |
idānīṃ śrotumicchāmi viṣṇupūjāphalaṃ guro || 1 ||
[Analyze grammar]

vyāsa uvāca |
śṛṇu lakṣmīpatervatsa saparyā phalamuttamam |
yacchrutvā mānavāḥ sarve labhaṃte jñānamuttamam || 2 ||
[Analyze grammar]

vipra dvādaśamāseṣu māghādiṣu sanātanaḥ |
pūjitavyo vidhānairyaiḥ śṛṇu tāni vadāmyaham || 3 ||
[Analyze grammar]

māghemāsi samāyāte sarvamāsottame śubhe |
āmiṣaṃ maithunaṃ caiva tyājayedvaiṣṇavottamaḥ || 4 ||
[Analyze grammar]

prātaḥsnāyī bhavennityaṃ tailānyapi ca varjayet |
dvirbhojanaṃ parānnaṃ ca māghemāsi parityajet || 5 ||
[Analyze grammar]

prātaḥ śuklāṃbaradharaḥ kṛtapaṃca mahādhvaraḥ |
saparyāmārabhedviṣṇoḥ sthiracitto hi mānavaḥ || 6 ||
[Analyze grammar]

īṣaduṣṇajalaiḥ śuddhaiḥ snāpayedviṣṇumavyayam |
atiślathaiścaṃdanaiśca viṣṇoraṅgāni lepayet || 7 ||
[Analyze grammar]

pūjayejjagadīśasya devadevasya cakriṇaḥ |
prakṣālitāni pātrāṇi jalahīnāni kārayet || 8 ||
[Analyze grammar]

snāpayitvā jagannāthamīṣaduṣṇena vāriṇā |
prokṣitavyaṃ taccharīraṃ divyavastreṇa yatnataḥ || 9 ||
[Analyze grammar]

salilairīṣaduṣṇaiśca prasnāpayati keśavam |
māghemāsi dvijaśreṣṭha phalaṃ tasya mayocyate || 10 ||
[Analyze grammar]

vimuktaḥ pātakaiḥ sarvairjanmajanmāṃtarārjitaiḥ |
iha bhuṃkte sukhaṃ sarvaṃ śeṣe yāti harergṛham || 11 ||
[Analyze grammar]

yatnātprakṣālya pātrāṇi kṛtvāśuddhānivāribhiḥ |
yaḥ pūjayejjagannāthaṃ tasya puṇyaṃ niśāmaya || 12 ||
[Analyze grammar]

iha bhuktvākhilānkāmānsarvavyādhivivarjitaḥ |
aṃte yugasahasrāṇi tiṣṭhetkeśavamaṃdiram || 13 ||
[Analyze grammar]

prabhāte viśvasaṃdhyāyāṃ purataścakrapāṇinaḥ |
jvalaṃtaṃ sthāpayedvahniṃ nirddhūmaṃ vaiṣṇavo janaḥ || 14 ||
[Analyze grammar]

śītasya vāraṇārthāya sāyaṃprātaśca vaiṣṇavaḥ |
māghe viṣṇvagrato vahniṃ jvālayettatphalaṃśṛṇu || 15 ||
[Analyze grammar]

iha bhuktvākhilānkāmānputrapautrasamanvitaḥ |
aṃte viṣṇupuraṃ yāti daivatairapi durllabham || 16 ||
[Analyze grammar]

yathaivātmā tathā viṣṇuḥ saṃdehonātra vidyate |
svapaṃtaṃ devadeveśaṃ paryaṃkopari keśavam || 17 ||
[Analyze grammar]

ātmanaḥ kurute martyo yathā śītanivāraṇam |
kṣīreṇa snāpayedyastu māghe māsi janārdanam |
tasmai devottamo viṣṇuḥ saṃtuṣṭo na dadāti kim || 18 ||
[Analyze grammar]

tathā śītakṣayaṃ kuryāddivyavastreṇa cakriṇaḥ || 19 ||
[Analyze grammar]

yaḥ pūjayetsakṛnmāghe snāpayitvā caturbhujam |
nālikerodakairdugdhaiḥ phalaṃ tasya vadāmyaham || 20 ||
[Analyze grammar]

narakābdhau majjamānāndustare svena karmaṇā |
uddhṛtya koṭipuruṣānsa yāti cakriṇaḥ padam || 21 ||
[Analyze grammar]

māghe māse ca śuklāyāṃ paṃcamyāṃ dvijasattama |
ekādaśyāṃ ca paṃcamyāṃ haripūjā viśeṣataḥ || 22 ||
[Analyze grammar]

dātavyo devadevāya sapadmāya murāraye |
pāyaso dhūpasahito māghemāsi dine dine || 23 ||
[Analyze grammar]

sadhūpapāyasaṃ yastu māghe yacchati cakriṇe |
tasya puṇyaphalaṃ vacmi śṛṇu vaiṣṇava jaimine || 24 ||
[Analyze grammar]

aṃte viṣṇupuraṃ gatvā manvaṃtaracatuṣṭayam |
bhuṃkte manoramānbhogānprasādāccakrapāṇinaḥ || 25 ||
[Analyze grammar]

punarāgatya dharaṇīṃ cakravartī nṛpo bhavet |
bhuṃkte ca bhogaṃ suciraṃ mṛto yāti harergṛham || 26 ||
[Analyze grammar]

paṃcamyāṃ vāpi saptamyāmekādaśyāṃ ca jaimine |
aśakto vaiṣṇavo dadyātparamānnaṃ murāraye || 27 ||
[Analyze grammar]

kṛṣṇapakṣāddivajaśreṣṭha śuklapakṣe viśeṣataḥ |
śuklapakṣe tithiṣveṣu dadyādannaṃ murāraye || 28 ||
[Analyze grammar]

ekāhamapi yo māghe viṣṇave daityajiṣṇave |
sapūpaṃpāyasaṃ dadyānna tasya durllabho hariḥ || 29 ||
[Analyze grammar]

yatkicciddivajatuṣṭyarthaṃ māghemāsi pradīyate |
tadakṣayaṃ bhavetpuṃsaḥ ko'pi nāstyatra saṃśayaḥ || 30 ||
[Analyze grammar]

māghe māsi kṛtaṃ karma śubhaṃ vāśubhameva vā |
tasya nāsti kṣayaṃ vipra manvaṃtaraśatairapi || 31 ||
[Analyze grammar]

māghe caṃpakapuṣpeṇa yo'rcayetkamalāpatim |
sa gacchetparamaṃ dhāma vimuktaḥ sarvapātakaiḥ || 32 ||
[Analyze grammar]

yāvaṃti svarṇapuṣpāṇi dīyaṃte cakrapāṇaye |
tāvadyugasahasrāṇi sthīyate viṣṇumaṃdiram || 33 ||
[Analyze grammar]

merutulyasuvarṇāni datvā bhavati yatphalam |
ekena svarṇapuṣpeṇa hariṃ saṃpūjya tatphalam || 34 ||
[Analyze grammar]

suvarṇapuṣpaṃ viprendra sarvadā keśavapriyam |
māghemāsi viśeṣeṇa pavitraṃ keśavapriyam || 35 ||
[Analyze grammar]

suvarṇakusumairdivyairyena nārādhito hariḥ |
ratnairhīnaḥ suvarṇādyaiḥ sa bhavejjanmajanmani || 36 ||
[Analyze grammar]

phalaṃ caṃpakapuṣpasya bravīmyahaṃ viśeṣataḥ |
ākarṇaya dvijaśreṣṭha setihāsamanuttamam || 37 ||
[Analyze grammar]

suvarṇo nāma bhūpālo balavānsarvaśāstravit |
āryāvarteṣu sarveṣu babhūva vipravarcasā || 38 ||
[Analyze grammar]

rājaśriyā vidyayā ca vayasā ca sa bhūpatiḥ |
atipramatto viprarṣe sadā pāparato'bhavat || 39 ||
[Analyze grammar]

pākhaṃḍamaṃtriṇāṃ vākyairvinādoṣairapi dvija |
dhanalobhāttena rājñā daṃḍyaṃte sādhavo janāḥ || 40 ||
[Analyze grammar]

anyāyopārjitaṃ vittaṃ gītavādyādibhirvṛtaḥ |
samastaṃ nāśayāmāsa yajñadānavivarjitaḥ || 41 ||
[Analyze grammar]

na jñātipoṣaṇaṃ cakre na devadvijabhojanam |
na ca yācakasaṃtuṣṭiṃ sarvadā pāpamohitaḥ || 42 ||
[Analyze grammar]

na cakārātitheḥ pūjāṃ sadā pāpaparāyaṇaḥ |
yayau ca maṃdirānnityaṃ sa bhūpaḥ pāpamaṃdiraḥ || 43 ||
[Analyze grammar]

kṛtāni tena pāpāni yānyanyānyavivekinām |
api varṣaśataiḥ śaktaḥ saṃkhyātuṃ janitāni kim || 44 ||
[Analyze grammar]

ekadā sa mahīpālaḥ kāmena parimohitaḥ |
jagāma veśyānilayaṃ niśīthe duritāśayaḥ || 45 ||
[Analyze grammar]

tamāyāṃtaṃ tato dṛṣṭvā bhūpālamujjvalāhvayā |
sahasotthāya paryaṃke cakre tatpādavaṃdanam || 46 ||
[Analyze grammar]

prakṣālya tatpādayugaṃ bhṛṃgārasalilaiśca sā |
maṃce niveśayāmāsa dorbhyāmāliṅgya taṃ nṛpam || 47 ||
[Analyze grammar]

tatpremāmṛtadhārābhiḥ sikto'sau pṛthivīpatiḥ |
tasminnuvāsa paryaṃke tayā saha kutūhalī || 48 ||
[Analyze grammar]

tataḥ sā gaṇikā prītyā hasaṃtī navayauvanā |
dadau caṃpakapuṣpāṇāṃ tasmai bhūmibhuje svayam || 49 ||
[Analyze grammar]

puṣpamālā puṣpamekaṃ tasmādbhūpati hastataḥ |
papāta dharaṇīpṛṣṭhe gandhavyāptadigaṃtaram || 50 ||
[Analyze grammar]

taccyutaṃ kusumaṃ dṛṣṭvā sa rājā'tyatasaṃbhramāt |
namonārāyaṇāyeti jagādoṅkārapūrvakam || 51 ||
[Analyze grammar]

nārāyaṇāyeti vākyātsarvāṇi pātakāni ca |
svarṇapuṣpapradānena tasya naṣṭāni bhūbhujaḥ || 52 ||
[Analyze grammar]

grāmīṇā atha sarve'pi samāgatyātidurjaye |
tasyāmeva niśāyāṃ taṃ jaghnurveśyāgṛhe sthitam || 53 ||
[Analyze grammar]

netuṃ tamatha bhūpālaṃ sarvapātakināṃ varam |
kiṃkarānpreṣayāmāsa kruddho vaivasvato bhṛśam || 54 ||
[Analyze grammar]

tenājñaptāstato dūtāḥ pāśamudgarapāṇayaḥ |
ativegātsamāyātāḥ krodhasaṃraktalocanāḥ || 55 ||
[Analyze grammar]

udyamaṃ cakrire netuṃ yamadūtāḥ svamālayam |
tato nārāyaṇapreṣyāḥ śaṅkhacakragadādharāḥ || 56 ||
[Analyze grammar]

āyātā garuḍārūḍhāstaṃ netuṃ pṛthivīpatim |
pāśe niyaṃtritaṃ dṛṣṭvā taṃ bhūpaṃ viṣṇukiṃkarāḥ || 57 ||
[Analyze grammar]

jaghnuścakrairgadābhiśca yamadūtānmahābalāḥ |
samāropya rathe divye śaṃkhāndadhmuranuttamān || 58 ||
[Analyze grammar]

tathā rājā rathārūḍhastulasīmālyabhūṣitaḥ |
pītakauśeyavāsāśca svarṇālaṃkārabhūṣitaḥ || 59 ||
[Analyze grammar]

stūyamāno munigarṇairvedavedāṅgapāragaiḥ |
viṣṇudūtaiḥ parivṛto hareḥ sālokyamāyayau || 60 ||
[Analyze grammar]

athotthāya svayaṃ viṣṇuścaturbhirdīrghabāhubhiḥ |
tamāliṃgitavānbhūpaṃ proktavāṃśca dvijottama || 61 ||
[Analyze grammar]

śrībhagavānuvāca |
nṛpate kuśalaṃ brūhi sarvapuṇyātmanāṃ vara |
kimasti sādhyaṃ bhavatastadājñāpaya saṃprati || 62 ||
[Analyze grammar]

namonārāyaṇāyeti vāraikamapi yo vadet |
nityaṃ tasyānupālyo'haṃ sa me bhrātā sa me pitā || 63 ||
[Analyze grammar]

nārāyaṇeti mannāma kadācidyaḥ smerannaraḥ |
sādhayāmyakhilaṃ tasya pituḥ putra ivepsitam || 64 ||
[Analyze grammar]

bhakto'si nṛpatiśreṣṭha tasmānnijamanoratham |
prakāśayādbhutaṃ tāta kiṃ te dāsyāmi cādhunā || 65 ||
[Analyze grammar]

rājovāca |
sarvameva dayāsindho tvayā dattaṃ na saṃśayaḥ |
pāpināpi mayā prāptaṃ tava sthānaṃ sudurllabham || 66 ||
[Analyze grammar]

tasyānena tu vākyena prasannaḥ kamalāpatiḥ |
snehānniveśayāmāsa bhūpālaṃ tanniśāmaya || 67 ||
[Analyze grammar]

tataḥ suvarṇālaṃkārairviśvakarmavinirmitaiḥ |
cakāra maṇḍalaṃ tasya svayameva dayāmayā || 68 ||
[Analyze grammar]

atha nānāvidhairbhakṣyairdivyairapi sudurllabhaiḥ |
toṣitaḥ sa mahīpālo viṣṇunāti sahiṣṇunā || 69 ||
[Analyze grammar]

evaṃ pratidinaṃ tasthau sa rājā viṣṇumaṃdiram |
manvantarasahasrāṇi nava varṣa śatāni ca || 70 ||
[Analyze grammar]

prajānāṃ pālanaṃ cakre sa rājā dharmatatparaḥ |
pūjayāmāsa satataṃ bhaktyā paramayā hariḥ || 71 ||
[Analyze grammar]

cāru caṃpakapuṣpaiśca naivedyairvividhaiśca saḥ |
āyuḥśeṣe sa bhūpālo maraṇaṃ jāhnavī jale || 72 ||
[Analyze grammar]

samāsādya yayau mokṣaṃ prasādāccakrapāṇinaḥ |
vyāsa uvāca |
vipra caṃpakapuṣpasya prabhāvo'yaṃ prakīrtitaḥ || 73 ||
[Analyze grammar]

capaṃkairharimabhyarcya muktāḥ syuḥ pāpino janāḥ |
sphuṭacaṃpakapuṣpeṇa pūjito bhagavānhariḥ || 74 ||
[Analyze grammar]

acireṇaiva viprarṣe dadāti paramaṃ padam |
ye yajaṃti parātmānamicchayā vāpyanicchayā || 75 ||
[Analyze grammar]

te'pi yāṃti paraṃ dhāma vimuktāḥ sarvapātakaiḥ || 76 ||
[Analyze grammar]

harau prasanne duritāniko'pi yataḥ sa rājā kṛtapātako'pi |
jagāma mokṣaṃ kṛpayāmurārerviśvārṇavaṃ nimnamimaṃ vitīrya || 77 ||
[Analyze grammar]

divyaiḥ sugandhaiḥ kanakaprasūnairnārāyaṇaṃ padmadalāyatākṣam |
bhaktyā yajedyaḥ paramādareṇa martyo vrajettattu vihāya pāpam || 78 ||
[Analyze grammar]