Padma Purana [sanskrit]

462,305 words | ISBN-13: 9789385005305

The Padma-purana Book 7 Chapter 9 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

jaiminiruvāca |
bhūya eva guro brūhi gaṅgāmāhātmyamuttamam |
gaṅgākathāmṛtaṃ pātuṃ mādhuryātpunariṣyate || 1 ||
[Analyze grammar]

vyāsa uvāca |
tadapyahaṃ bravīmi tvāṃ gaṅgābhakto yato bhavān |
tau pādau saphalau nṝṇāṃ jāhnavītaṭagāminau || 2 ||
[Analyze grammar]

gaṅgākallolaninadaśrāviṇau śravaṇau ca tau |
sā jihvā yā ca jānāti svādubhedaṃ tadaṃbhasaḥ || 3 ||
[Analyze grammar]

te netre jāhnavī cārutaraṃgadarśane ca te |
tallalāṭamiti proktaṃ gaṅgāmṛtpuṇḍradhāri yat || 4 ||
[Analyze grammar]

tau hastau jāhnavī tīre hari pūjāparāyaṇau |
śarīraṃ saphalaṃ tacca vimale jāhnavī jale || 5 ||
[Analyze grammar]

patitaṃ taddvijaśreṣṭha caturvargaphalapradam |
svargasthāḥ pitaraḥ sarve gacchaṃto jāhnavītaṭe || 6 ||
[Analyze grammar]

saṃdṛśya hṛṣṭāḥ śaṃsaṃti vadaṃta iti jaimine |
tatpuṇyaṃ kṛtamasmābhiḥ sadgatiprāptaye purā || 7 ||
[Analyze grammar]

bhaviṣyatyakṣayaṃ tacca yataḥ putro'yamīdṛśaḥ |
anena gāṅgaiḥ salilairvayaṃ saṃprati tarpitāḥ || 8 ||
[Analyze grammar]

yāsyāmaḥ paramaṃ dhāma durllabhaṃ yatsurairapi |
gaṅgāyāṃ yāni dravyāṇi dāsyatyasmākamātmajaḥ || 9 ||
[Analyze grammar]

asmabhyaṃ tāni sarvāṇi bhaviṣyaṃtyakṣayāṇi vai |
narakasthāśca pitaraḥ sarvaduḥkhasamanvitāḥ || 10 ||
[Analyze grammar]

vadaṃtīti sutaṃ dṛṣṭvā gacchaṃtaṃ jāhnavītaṭam |
kṛtāni yāni pāpāni narakakleśadāni vai || 11 ||
[Analyze grammar]

yāsyaṃti saṃkṣayaṃ tāni putrasyāpi prasādataḥ |
vimuktā narakakleśairvayaṃ sarve suduḥsahaiḥ || 12 ||
[Analyze grammar]

atha putraprasādena yāsyāmaḥ paramāṃ gatim |
yātrāṃ vidhāya yo martyo gṛhaṃ mohānnivartate || 13 ||
[Analyze grammar]

nirāśāḥ pitarastasya yāṃti sarve yathā gatāḥ |
āmiṣaṃ maithunaṃ caiva dolāmaśvaṃ gajaṃ tathā || 14 ||
[Analyze grammar]

upānahaṃ cātapatraṃ gaṃgāyātrāsu varjayet |
adhvaśramodbhavaṃ duḥkhaṃ duṣkaraṃ na hi manyate || 15 ||
[Analyze grammar]

gṛhe padmasukhaṃ tatra gaṅgāsnāne smarenna ca |
asatyabhāṣaṇaṃ caiva pākhaṃḍasaṃgameva ca || 16 ||
[Analyze grammar]

dvirbhojanaṃ ca kalahaṃ gaṃgāyātrāsu varjayet |
paraniṃdāṃ ca lobhaṃ ca garvaṃ ca krodhamatsarau || 17 ||
[Analyze grammar]

atyaṃtahāsyaśokaṃ ca gaṃgāyātrāsu varjayet |
maṃcasuptamivātmānaṃ ciṃtayedbhūmiśāyinam || 18 ||
[Analyze grammar]

gaṃgānāma sunāmāni vadedgacchañjanaḥ pathi |
māhātmyaṃ jāhnavī devyāḥ sarvapāpapraṇāśanam || 19 ||
[Analyze grammar]

sukhadaṃ mokṣadaṃ caiva kathayanpathi gacchati |
gaṅge devi jaganmātardehi saṃdarśanaṃ mama || 20 ||
[Analyze grammar]

vacobhiḥ komalairebhiḥ kuryācchramanivāraṇam |
hā kathaṃ sadanaṃ tyaktamāgataṃ vā kathaṃ mayā || 21 ||
[Analyze grammar]

śramairiti vadedyastu saṃpūrṇaṃ tatphalaṃ nahi |
kva paryaṃṅkaḥ kva me patnī kva ca me ca suhṛdgṛham || 22 ||
[Analyze grammar]

svapāmi prāṃtare bhūmau kathaṃ vāhaṃ samāgataḥ |
dhanadhānyādivastūnāṃ kā gatirvā gṛhe mama || 23 ||
[Analyze grammar]

kiyadbhirdivasairbhūyo gamiṣyāmyahamālayam |
iti ciṃtākulā ye ca pathi gacchaṃti mānavāḥ || 24 ||
[Analyze grammar]

gaṃgāsnānaphalaṃ teṣāṃ saṃpūrṇaṃ na bhaveddvija |
gaṅge gaṃtuṃ pratītīre yātreyaṃ vihitā tava || 25 ||
[Analyze grammar]

nirvighnāṃ siddhimāpnomi tvatprasādātsaridvare |
imaṃ maṃtraṃ samuccārya yātrākāle viśeṣataḥ || 26 ||
[Analyze grammar]

harṣito nilayādgacchedvaiṣṇavaiḥ saha jaimine |
nātivegena gaṃtavyaṃ na tathā ca śanaiḥ śanaiḥ || 27 ||
[Analyze grammar]

gaṅgāyātrāsu karttavyaṃ nānyatkarma vicakṣaṇaiḥ |
gaṃgātīre prayāge tu vāṇijyapramukhāni ca || 28 ||
[Analyze grammar]

kāryāṇi kurute yastu tatpuṇyārddhaṃ vinaśyati |
janmajanmārjitaṃ pāpaṃ svalpaṃ vā yadi vā bahu || 29 ||
[Analyze grammar]

gaṃgādevīprasādena sarvaṃ me yāsyati kṣayam |
ityuktvā paramaprītaḥ prājño gaṅgātaṭaṃ vrajet || 30 ||
[Analyze grammar]

dṛṣṭvā ca mātaraṃ gaṅgāmimaṃ maṃtramudīrayet |
adya me saphalaṃ janma jīvitaṃ ca sujīvitam || 31 ||
[Analyze grammar]

sākṣādbrahmasvarūpāṃ tvāmapaśyamiti cakṣuṣā |
devi tvaddarśanādeva mahāpātakino mama || 32 ||
[Analyze grammar]

vinaṣṭamabhavatpāpaṃ janmakoṭisamudbhavam |
ityuktvā sakalaṃ dehaṃ nipātya pṛthivītale || 33 ||
[Analyze grammar]

praṇamejjāhnavīṃ devīṃ bhaktibhāvasamanvitaḥ |
tataḥ srotaḥsamīpe ca baddhāñjalirimaṃ punaḥ || 34 ||
[Analyze grammar]

paṭhenmaṃtraṃ bhaktibhāvaiḥ suprīto dvijasattama |
gaṃge devi jagaddhātri pādābhyāṃ salilaṃ tava || 35 ||
[Analyze grammar]

spṛśāmītyaparādhaṃ me prasannā kṣaṃtumarhasi |
svargārohaṇasopānaṃ tvadīyamudakaṃ śubhe || 36 ||
[Analyze grammar]

ataḥ spṛśāmi pādābhyāṃ gaṃge devi namo namaḥ |
tatastu mastake dhṛtvā gāṃgeyaṃ vāri bhaktitaḥ || 37 ||
[Analyze grammar]

snānārthaṃ praviśetsrotaḥ prājño gaṃgeti kīrtayan |
tvatkardamairatisnigdhaiḥ sarvapāpapraṇāśanaiḥ || 38 ||
[Analyze grammar]

mayā saṃlipyate gātraṃ mātarme hara pātakam |
gaṅgākardamaliptāṅgo gaṅgāgaṅgeti kīrtayan || 39 ||
[Analyze grammar]

sarvakalmaṣanāśinyāṃ gaṅgāyāṃ snānamācaret |
bhūyaḥ pūrvoktamantreṇa gṛhītvā mṛttikāṃ tataḥ || 40 ||
[Analyze grammar]

vakṣyamāṇena mantreṇa gṛhītvā mṛttikāṃ punaḥ |
vakṣyamāṇena maṃtreṇa bhaktitaḥ snānamācaret || 41 ||
[Analyze grammar]

brahmasvarūpe he gaṅge snānamācaryate mayā |
tvadīye nirmale toye yathoktaphaladā bhava || 42 ||
[Analyze grammar]

tato nijecchayā vipra gaṅgāyāṃ lokamātari |
snānaṃ samācaretprājño gaṅgānārāyaṇaṃ smaran || 43 ||
[Analyze grammar]

evaṃ snātvā tu gaṅgāyāṃ gātraṃ vastreṇa mārjayet |
paridheyāṃbarāṃbūni gaṅgāsrotasi na tyajet || 44 ||
[Analyze grammar]

na daṃtadhāvanaṃ kuryādgaṅgāgarbhe vicakṣaṇaḥ |
kuryāccenmohataḥ puṇyaṃ na gaṅgāsnānajaṃ labhet || 45 ||
[Analyze grammar]

prabhāte'nyatra tāṃ kṛtvā daṃtakāṣṭhādikakriyām |
rātrivāsaṃ parityajya gaṅgāyāṃ snānamācaret || 46 ||
[Analyze grammar]

bāhyabhūmimagatvā yo gaṅgāyāṃ snānamācaret |
gaṅgāsnānaphalaṃ so'pi saṃpūrṇaṃ ca labhennahi || 47 ||
[Analyze grammar]

snātvā ca gaṅgāmṛtpuṃḍraṃ sthāne sthāne nayedbudhaḥ |
tataḥ sthiramanāḥ kuryādvidhinā tarpaṇādikam || 48 ||
[Analyze grammar]

gāṅgeyairudakairyastu kurute pitṛtarpaṇam |
pitarastasya tṛpyaṃti varṣakoṭiśatāvadhi || 49 ||
[Analyze grammar]

gaṅgāyāṃ kurute yastu pitṛśrāddhaṃ dvijottama |
pitarastasya tiṣṭhaṃti saṃtuṣṭāstridaśālayam || 50 ||
[Analyze grammar]

samāpya snānakarmāṇi gaṅgāyāṃ samupoṣitaḥ |
dānaṃ devārcanaṃ caiva jayo'nyāśca kriyāstathā |
kṛtāstu yāstu gaṅgāyāṃ kṣayastāsāṃ na vidyate || 51 ||
[Analyze grammar]

samāpya snānakarmāṇi gaṃgāyāṃ samupoṣitaḥ |
kṛtapaṃcamahāyajño gaṃgāpūjāṃ samācaret || 52 ||
[Analyze grammar]

gaṃgāyāḥ pratimāṃ devyāḥ śrīviṣṇoḥ pratimāṃ tathā |
nālikerodakairdivyaiḥ snāpayedbhaktito budhaḥ || 53 ||
[Analyze grammar]

jāhnavīpratimābhāvānnālikerodakāni vai |
nikṣipejjāhnavītoye jāhnavīṃ hṛdi saṃsmaran || 54 ||
[Analyze grammar]

divyairgaṃdhaiśca dīpaiśca ghṛtapūrṇasamujjvalaiḥ |
dhūpaiḥ suvāsitaiścaiva nānāpuṣpamanoharaiḥ || 55 ||
[Analyze grammar]

nānāphalaiḥ supakvaiśca naivedyairuttamāstathā |
pādyārghācamanīyaiśca tāṃbūlaiḥ khādirānvitaiḥ || 56 ||
[Analyze grammar]

anyairapyupahāraiśca viśiṣṭairnijabhaktitaḥ |
stavairnānā ca naivedyairgaṅgāṃ viṣṇuṃ ca pūjayet || 57 ||
[Analyze grammar]

tataḥ saṃpūjitāṃ devīṃ viṣṇuṃ ca parameśvaram |
aṃgapradakṣiṇāṃ kuryādbhaktyā vāratrayaṃ budhaḥ || 58 ||
[Analyze grammar]

atha sthitvā nirāhāro'parehani saridvare |
bhokṣyāmi jahnutanaye śaraṇaṃ me bhavānaghe || 59 ||
[Analyze grammar]

evaṃ saṃkalpya matimānkarmaṇā manasā girā |
rātrau jāgaraṇaṃ kuryājjitanidro 'tiharṣitaḥ || 60 ||
[Analyze grammar]

aśaktyā ca dvijaśreṣṭha phalāhāro bhavedadhaḥ |
annamātraṃ na bhuṃjīta na ca kuryāddhi bhojanam || 61 ||
[Analyze grammar]

prātargaṅgāṃ ca viṣṇuṃ ca punarabhyarcya jaimine |
viprāya dakṣiṇāṃ dadyādvibhavasyānurūpataḥ || 62 ||
[Analyze grammar]

arcanaṃ jāgaraṃ caiva yatkṛtaṃ puratastava |
acchidramastu tatsarvaṃ tvatprasādātsaridvare || 63 ||
[Analyze grammar]

ityuktvā tāṃ namaskṛtya kṛtanityakriyo dvijaḥ |
tataḥ sabaṃdhubhiḥ sārddhaṃ pāraṇaṃ svayamācaret || 64 ||
[Analyze grammar]

tīrthopavāsamevaṃ yaḥ kurute jāhnavītaṭe |
tasya puṇyaphalaṃ vatsa vadato me niśāmaya || 65 ||
[Analyze grammar]

janmāṃtarārjitaiḥ pāpairvimukto viṣṇurūpadhṛk |
viṣṇoḥ puraṃ samāsādya viṣṇunā saha modate || 66 ||
[Analyze grammar]

kalpakoṭisahasrāṇi kalpakoṭiśatāni ca |
sthitvā viṣṇupuraṃ sarvaṃ sukhaṃ bhuṃkte sudurllabham || 67 ||
[Analyze grammar]

tato nārāyaṇādeśādbrahmalokaṃ sa gacchati |
brahmaloke sukhaṃ bhuṃkte durllabhaṃ yatsurairapi || 68 ||
[Analyze grammar]

tāvatkālaṃ brahmaloke sthitvā brahmakṣayāttataḥ |
mahādevaṃ tato gacchedrathamāruhya śobhanam || 69 ||
[Analyze grammar]

sukhaṃ nānāvidhaṃ tatra bhuṅkte'tyantasudurllabham |
gāṇapatyamavāpnoti kimanyairbahubhāṣitaiḥ || 70 ||
[Analyze grammar]

tāvatkālaṃ śivapure sthitvā vai puṇyavānnaraḥ |
indralokaṃ tato gaccheddvitīya iva vāsavaḥ || 71 ||
[Analyze grammar]

tena puṇyātmanā sārddhaṃ vasedekāsane tataḥ |
tatra bhuktvākhilānkāmānkalpakoṭiśatāvadhi || 72 ||
[Analyze grammar]

sūryalokaṃ tato gaccheddvitīya iva candramāḥ |
tatrāmṛtāni bhuktvā vai ciraṃ candrasya sannidhau || 73 ||
[Analyze grammar]

punarāgatya pṛthivīṃ cakravartī nṛpo bhavet |
pālayitvā ciraṃ pṛthvīṃ jitvā vai sakalānripūn || 74 ||
[Analyze grammar]

āyuṣoṃ'te ca gaṅgāyāṃ sukhaṃ mṛtyumavāpnuyāt |
bhūyaḥ sa evamāruhya vimānaṃ sumahāyaśāḥ || 75 ||
[Analyze grammar]

puraṃ bhagavato yāti daivatairapi durllabham |
tatra bhuktvākhilānbhogānmanvaṃtaracatuṣṭayam || 76 ||
[Analyze grammar]

paramaṃ jñānamāsādya durllabhaṃ mokṣamāpnuyāt |
jāhnavītīrayātrāyāṃ daivādyasya bhavetpathi || 77 ||
[Analyze grammar]

paṃcatā so'pi paramaṃ dhāma gacchenna saṃśayaḥ |
satyadharmo nāma rājā dhārmikaśca priyaṃvadaḥ || 78 ||
[Analyze grammar]

tretādvāparasaṃdhau ca babhūva kṣitimaṇḍale |
vijayā nāma mahiṣī tasya bhūmipaterabhūt || 79 ||
[Analyze grammar]

suṃdarī śīlayuktā sā patisevāparāyaṇā |
saptavarṣasahasrāṇi bhuktvā vasumatīmimām || 80 ||
[Analyze grammar]

kadācitprāptakālo'sau sadāraḥ paṃcatāṃ gataḥ |
tato yamabhaṭairbaddhau daṃpatī tau bhayaṃkarau || 81 ||
[Analyze grammar]

duḥkhapradena mārgeṇa jagmaturyamamaṃdiram |
tau dṛṣṭvā dharmarājo'pi citraguptamuvāca ha || 82 ||
[Analyze grammar]

etayoḥ sarvakarmāṇi citragupta vicāraya |
tenājñaptaścitraguptastayoḥ karmāṇi jaimine || 83 ||
[Analyze grammar]

mūlādvicārayāmāsa prāha ceti kṛtāñjali |
citragupta uvāca |
etayoḥ sakalaṃ karma śṛṇu rājanvadāmyaham || 84 ||
[Analyze grammar]

śubhaṃ vāpyaśubhaṃ karma yadetābhyāṃ kṛtaṃ bhuvi |
kiṃcidasyā nayopāyaṃ vadāmi tadahaṃ śṛṇu || 85 ||
[Analyze grammar]

ekādā trāsito vyāghraiḥ kaścideko mṛgaḥ prabho |
vanājjīvanarakṣārthamāgato'sya sabhāṃ prati || 86 ||
[Analyze grammar]

tamāyāṃtaṃ samālokya bhūyo'yaṃ prāptakautukaḥ |
jaghane svayamutthāya khaḍgena tarasā mṛgam || 87 ||
[Analyze grammar]

jaghāna ha mṛgaṃ rājā śaraṇāgatamapyamum |
tasmātsadārobhūpo'yaṃ daṃḍanīyastvayā prabho || 88 ||
[Analyze grammar]

yāvaṃti tasya romāṇi saṃsthitāni kalevare |
manvaṃtarasahasrāṇi manvaṃtaraśatāni ca || 89 ||
[Analyze grammar]

koṭikoṭikulairyuktā nārakī syānna saṃśayaḥ |
śaraṇāgatarakṣāṃ yaḥ prāṇairapi dhanairapi || 90 ||
[Analyze grammar]

kurute yo naro jñānī tasya puṇyaṃ niśāmaya |
sarvapāpairvinirmukto brahmahatyāmukhairapi || 91 ||
[Analyze grammar]

āyuṣo'nte vrajenmokṣaṃ yogināmapi durllabham |
yamājñayā tato dūtaiḥ sadāro'sau mahīpatiḥ || 92 ||
[Analyze grammar]

asipatravane ghore sthāpito'tyaṃtaduḥkhade |
asitulyāni patrāṇi yatasteṣāṃ ca śākhinām || 93 ||
[Analyze grammar]

asipatravanaṃ prāhuratastadvai manīṣiṇaḥ |
sthitvāsipatravipine yugakoṭiśatāni ca || 94 ||
[Analyze grammar]

sadāro narakaṃ bheje vyāghrabhakṣyāhvayaṃ tataḥ |
nirayaṃ taṃ praviśati sarvopadravasaṃyutam || 95 ||
[Analyze grammar]

bhavecca bhakṣyo vyāghreṇa vyāghrabhakṣyastataḥ smṛtaḥ |
yugakoṭisahasrāṇi sthitvā tatra sa bhūpatiḥ || 96 ||
[Analyze grammar]

sadāro'jani pāpāṃte bhekayoniṃ gataḥ kṣitau |
jātismarau tatastau tu bhekībhekau suduḥkhitau || 97 ||
[Analyze grammar]

tīre tasthaturekasminsatataṃ kīṭabhojinau |
athaikadā tena pathā puṇyāhaṃ prāpya mānavāḥ || 98 ||
[Analyze grammar]

gacchaṃti jāhnavītīraṃ tāṃstau dadṛśaturdvija |
bheka uvāca |
varṣābhvi mohādyatsarvaṃ pāpaṃ karma kṛtaṃ mayā || 99 ||
[Analyze grammar]

adyāpi karmaṇā tena duḥkhamāvāṃ na muṃcati |
tyaktvā śarīraṃ gaṃgāyāṃ muktāḥ syuḥ pāpino'pi ca || 100 ||
[Analyze grammar]

tathāpyevaṃ vidhaṃ duḥkhamanubhūyāvahe katham |
gaṃgāyāṃ tyaktumicchāmi saṃpratyetatkalevaram || 101 ||
[Analyze grammar]

kā yuktirbrūhi tāṃ kāṃte titīrṣurduḥkhasāgaram |
varṣābhvī tadvacaḥ śrutvā prāheti vinayānvitā || 102 ||
[Analyze grammar]

varṣābhvyuvāca |
duḥkhaṃ na śakyate soḍhuṃ svāminnetad drutaṃ kuru |
tatastau daṃpatī vipra smṛtvā gaṃgāṃ śubhapradām || 103 ||
[Analyze grammar]

sahasā cakraturyātrāṃ maraṇāyopaharṣitau |
athaitau pathi gacchaṃtau cirakālaṃ bubhukṣitau || 104 ||
[Analyze grammar]

apaśyatpāpakṛtkṣveḍaḥ kālasarpo bhayaṃkaraḥ |
kālasarppa uvāca |
dardurau pāpinau yethāḥ prāptakālau yuvāṃ tataḥ || 105 ||
[Analyze grammar]

atha nūnaṃ bhakṣitavyau kṣudhitena mayā yuvām |
tatastāvatisaṃtrastau daṃpatī duḥkhabhāginau || 106 ||
[Analyze grammar]

ityūcaturvaco bhaktyā kālasarpaṃ purogatam |
nāsti mṛtyubhayaṃ sarpa svalpamapyāvayorhṛdi || 107 ||
[Analyze grammar]

ahamāsaṃ purā rājā satyadharmāhvayaḥ kṣitau |
iyaṃ ca vijayā nāma mahiṣī saṃsthitā mama || 108 ||
[Analyze grammar]

mayā durātmanā mohānnitaḥ śaraṇaṃ gataḥ |
tenaiva karmaṇā bhuktaṃ ciraṃ duḥkhaṃ yamālaye || 109 ||
[Analyze grammar]

bhoktuṃ svakarmaṇaḥ śeṣaṃ bhekayonau striyā saha |
so'haṃ yāto'smi pāpena kṛtaṃ karma na muṃcati || 110 ||
[Analyze grammar]

satyamāvāṃ jigamiṣū paramaṃ dhāma pannaga |
vrajāvo jāhnavītīraṃ śarīratyāgahetave || 111 ||
[Analyze grammar]

tyajāvivekatāṃ sarpa narakakleśadāyinīm |
āvāṃ saṃkhādya bhavato bhaviṣyati sukhaṃ kiyat || 112 ||
[Analyze grammar]

āvayorhṛdaye viṣṇustavāpi hṛdaye hariḥ |
ataeva tvayā sārddhaṃ śatrutā kā bhujaṃgama || 113 ||
[Analyze grammar]

prāṇihiṃsā na kartavyā kadāpi ca vicakṣaṇaiḥ |
kriyate'pi ca taddhiṃsāṃ vidadhāti svayaṃ vidhiḥ || 114 ||
[Analyze grammar]

āyuḥ putrāśca dārāśca saṃpadaśca yaśāṃsi ca |
hiṃsāṃ datvā manuṣyāṇāṃ haredduṣṭo vidhiḥ svayam || 115 ||
[Analyze grammar]

kiṃ japaiḥ kiṃ tapobhirvā kiṃ dānaiḥ kimu cādhvaraiḥ |
hiṃseti varṇadvitayaṃ yasyāsti hṛdaye sadā || 116 ||
[Analyze grammar]

yaḥ prāṇihiṃsako martyaḥ sa eva harihiṃsakaḥ |
sarvaprāṇiśarīrastho bhagavānkamalāpatiḥ || 117 ||
[Analyze grammar]

ātmānaṃ bahudhā sṛṣṭvā bhagavānbhūtabhāvanaḥ |
saṃsārakautukāgāre krīḍecchiśuriva svayam || 118 ||
[Analyze grammar]

śarīriṇaḥ śarīraṃ hi nilayaḥ paramātmanaḥ |
paramātmā svayaṃ viṣṇurato hiṃsāṃ vivarjayet || 119 ||
[Analyze grammar]

paraprāṇavināśena cātmatuṣṭirvidhīyate || 120 ||
[Analyze grammar]

kṣaṇaṃ syādātmanastuṣṭiranyasya prāṇasaṃkṣayaḥ |
caritrametallokānāmatyadbhutamiva kṣitau || 121 ||
[Analyze grammar]

ātmatṛptiṃ prakurvaṃti paraṃ hatvātiyatnataḥ |
dhīmānnātmaparijñānaṃ kadācitkurute nahi || 122 ||
[Analyze grammar]

ahaṃ viṣṇurasauviṣṇuriti cetasi bhāvayet |
paraduḥkhena yo duḥkhī sukhī yaśca paraśriyā || 123 ||
[Analyze grammar]

saṃsāre'sminsa vijñeyaḥ sākṣādeva hariḥ svayam |
dhigastu tatsukhaṃ nṝṇāṃ mohavaṃcitacetasām || 124 ||
[Analyze grammar]

parahiṃsāvidhānena sukhaṃ yatsyādbhujaṃgama |
sukhāni vāpi duḥkhāni dīyaṃte yāni jaṃtave || 125 ||
[Analyze grammar]

acireṇaiva tāni sma labhaṃte bhuvi mānavāḥ |
tasmāddhiṃsāṃ parityajya bhujaṃgama sukhī bhava || 126 ||
[Analyze grammar]

tvayi prasanne gacchāvaḥ pāraṃ duḥkhamahodadheḥ |
sarpa uvāca |
yadā syātparahiṃsāyāṃ nūnaṃ me nātipātakam || 127 ||
[Analyze grammar]

tadā kathamaho sṛṣṭai vedhasā bhakṣyabhakṣakau |
parahiṃsā na kartavyā satyametattvayoditam || 128 ||
[Analyze grammar]

kiṃtu sarveṣu bhakṣyeṣu hiṃsā saṃbhāvyate nahi |
nārāyaṇo viśvarūpaḥ satyametanna saṃśayaḥ || 129 ||
[Analyze grammar]

bhakṣyabhakṣakasaṃyuktaṃ svayameva sasarja ha |
sṛjati svayamātmānamātmānaṃ rakṣati svayam || 130 ||
[Analyze grammar]

ātmānaṃ svayamevātti sṛṣṭirevaṃvidhā hareḥ |
śakto'haṃ kiṃ yuvāṃ haṃtuṃ kālarūpī svayaṃ vidhiḥ || 131 ||
[Analyze grammar]

saṃprati preṣayāmāsa kāryesminmāṃ svayaṃ hariḥ |
yuvāṃ sasarja yo devo yaśca rakṣati vāṃ sadā || 132 ||
[Analyze grammar]

kālarūpī sa evādya haṃti hetuṃ vidhāya mām |
vyāsa uvāca |
tatastena bhujaṃgena bhakṣitau tau ca daṃpatī || 133 ||
[Analyze grammar]

gaṅgā gaṃgeti jalpaṃtau mahatyā kṣudhayā pathi |
jāhnavītīrayātrāyāṃ pādepāde janāvimau || 134 ||
[Analyze grammar]

aśvamedhākhya yajñānāṃ prāptavaṃtau mahāphalam |
tasmādenau mahātmānau bahvaśvamedhadhāriṇau || 135 ||
[Analyze grammar]

etayoḥ sadṛśo nāsti śatakraturahaṃ yataḥ |
nijādhikāreṇaivānyamavalaṃbya puraṃdaraḥ || 136 ||
[Analyze grammar]

arghyahastaḥ pādacārī vṛto devaiḥ samāyayau |
atha rambhorvaśī caiva suṃdaryo'nyāśca harṣitāḥ || 137 ||
[Analyze grammar]

anyonyaṃ kathayāmāsurnijayauvanagarvitāḥ |
ayaṃ puṇyātmanāṃ śreṣṭho rasajño'tyaṃtasundaraḥ || 138 ||
[Analyze grammar]

āyāto'muṃ kariṣyāmi svavaśaṃ sevitaiḥ svakaiḥ |
kācitkāṃcidvadatyetajjānāmi sakalāṃ kalām || 139 ||
[Analyze grammar]

ataeva bhaviṣyāmi kāṃtāhamasya bhūpateḥ |
kācitkāṃciditi brūyātte śakropi vaśo mama || 140 ||
[Analyze grammar]

kimatra citraṃ vaśago bhūpālo'yaṃ bhaviṣyati || 141 ||
[Analyze grammar]

bharttā mamāyaṃ ca patirmamāyaṃ svāmī mamāyaṃ mama nātha eṣaḥ |
itīva sarvāḥ paramapramodairvadaṃti nāryokhilasadguṇajñāḥ || 142 ||
[Analyze grammar]

uccāvacaṃ vipra niśamya tāsāṃ jagāda kācidguṇinī rasajñā |
saudāsyakāṃtāṃ nṛpatiḥ svayaṃ yāṃ bhajatyayaṃ kiṃ kalahena nāryaḥ || 143 ||
[Analyze grammar]

sundaryyastāstataḥ sarvāḥ saṃtyajya kalahaṃ dvija |
ājagmurhṛdayotsāhaiḥ sarvābharaṇabhūṣitāḥ || 144 ||
[Analyze grammar]

atha taṃ nṛpatiśreṣṭha sadāraṃ gatakalmaṣam |
pādyādyaiḥ pūjayāmāsuḥ prāheti ca puraṃdaraḥ || 145 ||
[Analyze grammar]

rathe niveśayāmāsa puṣpake strīsamanvitam |
bherīmṛdaṃgamadhurī ḍiṃḍimānakaniḥsvanaiḥ || 146 ||
[Analyze grammar]

karakaṃ kaṇanādaiśca karatālasvanaistathā |
jayaśabdaiśca devānāṃ nākaḥ śabdamayo'bhavat || 147 ||
[Analyze grammar]

devāṅganā cāruhasta śvetacāmaramārutaiḥ |
vījitaḥ sarathārūḍhaḥ sadārastridivaṃ yayau || 148 ||
[Analyze grammar]

tataḥ śakraḥ svayaṃ tasmai satyadharmāya bhūbhuje |
dattavānnijāsanārddhaṃ śubho vai kṣayaśaṃkayā || 149 ||
[Analyze grammar]

śakreṇa saha bhūpo'sau vasannekāsane sadā |
śakratvamakarotsvarge keśavasyānukaṃpayā || 150 ||
[Analyze grammar]

yugakoṭisahasrāṇi divi bhuktvākhilaṃ sukham |
rathamāruhyavaikuṃṭhaṃ yayau bhagavadājñayā || 151 ||
[Analyze grammar]

tatra manvaṃtaraṃ bhuktvā sarvabhogamanoramam |
paramaṃ jñānamāsādyā sadāro mokṣamāptavān || 152 ||
[Analyze grammar]

jāhnavītīrayātrāyāṃ śarīraṃ tyajataḥ pathi |
phalamevaṃvidhaṃ vipra mayā sarvaṃ prakīrtitam || 153 ||
[Analyze grammar]

jāhnavītīragamane munibhistatvadarśibhiḥ |
na kālaniyamaḥ prokto nāradādyairmaharṣibhiḥ || 154 ||
[Analyze grammar]

yadāyadā dvijaśreṣṭha gaṅgāyāṃ snānamācaret |
tadātadā'kṣayaṃ puṇyaṃ labhate mānavo dhruvam || 155 ||
[Analyze grammar]

gaṃgā sarvāṇi pāpāni nāśayaṃtīti niścayaḥ |
kuryātpunaḥpunaḥ pāpaṃ na ca gaṃgā punāti tam || 156 ||
[Analyze grammar]

pāpabuddhiṃ parityajya gaṃgāyāṃ lokamātari |
snānaṃ kuruta he lokā yadi sadgatimicchatha || 157 ||
[Analyze grammar]

yatpuṇyaṃ gaṃgāsnānāttu mānavānāṃ bhaveddivaja |
tatpuṇyaṃ prāpyate vipra karmabhiḥ kaiḥ sudustaraiḥ || 158 ||
[Analyze grammar]

āsārāṇāṃ bhūmireṇoḥ saṃkhyāṃ kartuṃ tu śakyate |
bhāgīrathīguṇāste na śakyā vaktuṃ na ca dvija || 159 ||
[Analyze grammar]

vicārya sarvaśāstrāṇi tvadīyāni mayocyate |
gaṃgāṃbhasi sakṛtsnātvā mokṣamāpnoti mānavaḥ || 160 ||
[Analyze grammar]

snānaṃ kūpajale'pi yastu kurute gaṃgāṃ viciṃtya prabhuṃ devānāṃ sakalārttaśokaduritatrāsaughavidhvaṃsinīm |
muktaḥ so'pi samastapātakacayairgoviprahatyādibhirgacchedviṣṇupuraṃ samastasukhadaṃ |
gaṃgāprasādāddivaja || 161 ||
[Analyze grammar]

iti śrīpadmapurāṇe kriyāyogasāre gaṃgāmāhātmye navamo'dhyāyaḥ || 9 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 9

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: