Chapter 2

[English text for this chapter is available]

vyāsa uvāca |
sṛṣṭerādau mahāviṣṇuḥ sisṛkṣuḥ sakalaṃ jagat |
sraṣṭā pātā ca saṃhartā trimūrtirabhavatsvayam || 1 ||
[Analyze grammar]

sṛṣṭyarthamasya jagataḥ sasarja brahmasaṃjñakam |
dakṣiṇāṃ gataātmānamātmanā śreṣṭhapūruṣaḥ || 2 ||
[Analyze grammar]

tatastu pālanārthāya jagato jagatīpatiḥ |
viṣṇuṃ sasarja vāmāṃśānnijāṃśaṃ keśavaṃ mune || 3 ||
[Analyze grammar]

atha saṃharaṇārthāya jagato rudramavyayam |
mune sasarja madhyāṃgātkṛtapadmālayaḥ prabhuḥ || 4 ||
[Analyze grammar]

rajaḥ satvaṃ tamaśceti puruṣaṃ triguṇātmakam |
vadaṃti kecidbrahmāṇaṃ viṣṇuṃ kecicca śaṃkaram || 5 ||
[Analyze grammar]

eko viṣṇustridhā bhūtvā sṛjatyatti ca pāti ca |
tasmādbhedo na karttavyastriṣu lokeṣu sattamaiḥ || 6 ||
[Analyze grammar]

ādyā prakṛtiretasya mahāviṣṇoḥ parātmanaḥ |
nidānaṃbhūtaviśvasya vidyā vidyeti gīyate || 7 ||
[Analyze grammar]

bhāvābhāvasvarūpā sā jagaddhetuḥ sanātanī |
brāhmī lakṣmīrambiketi trimūrtiḥ sahasā'bhavat || 8 ||
[Analyze grammar]

sṛṣṭisthitivināśeṣu yāṃ niyojya tato mune |
ādyāṃ caivādyapuruṣastatraivāṃtaradhīyata || 9 ||
[Analyze grammar]

yasyājñayā tato brahmā mahābhūtānsasarja ha |
pṛthivyākāśavāyvaṃbu vahnīnpañcasamādhinā || 10 ||
[Analyze grammar]

bhūrbhuvaḥ svastathā caiva mahaścaiva janastathā |
tapaśca satyamityādīnsṛṣṭavānkamalāsanaḥ || 11 ||
[Analyze grammar]

atalaṃ sṛṣṭavānbrahmā tato'dhovitalaṃ dvija |
tato'dhaḥsutalaṃ caiva tato'dhaśca talātalam || 12 ||
[Analyze grammar]

mahātalamadhastasmāttato'dhaśca rasātalam |
tasmādadhaśca pātālaṃ lokānevaṃ yathākramam || 13 ||
[Analyze grammar]

devatānāṃnivāsārthaṃ ratnasānuṃ mahāgirim |
sṛṣṭavānpṛthivīmadhye jāmbūnadasamujjvalam || 14 ||
[Analyze grammar]

maṃdaraṃ caramaṃ caiva trikūṭamudayācalam |
anyāṃśca parvatāṃścaiva sṛṣṭavānvividhānapi || 15 ||
[Analyze grammar]

lokālokastataścaiva tanmadhye saptasāgarāḥ |
saptadvīpāśca viprendra parameśa svayaṃbhuvā || 16 ||
[Analyze grammar]

jambudvīpo dvijaśreṣṭha dvīpaśca plakṣasaṃjñitaḥ |
vijñeyo dviguṇastasmācchālmalo dviguṇastataḥ || 17 ||
[Analyze grammar]

te ca plakṣādayo dvīpāḥ sarvabhāga samanvitāḥ |
samastaguṇasaṃyuktā devadevarṣimūrtayaḥ || 18 ||
[Analyze grammar]

saptadvīpā ime vipra saptasāgaraveṣṭitāḥ |
teṣāṃ nāmāni vakṣyāmi sāgarāṇāṃ niśāmaya || 19 ||
[Analyze grammar]

lavaṇekṣu surā sarpirdadhidugdhajalāṃtakāḥ |
ete samudrā devarṣe pūrvasmācca paraḥ parāḥ || 20 ||
[Analyze grammar]

vijñeyā dviguṇāḥ sarva ālokālokaparvatāḥ |
dvīpedvīpe tato brahmā vṛkṣagulmalatādikān || 21 ||
[Analyze grammar]

tiryagyonigatāñjantūnsṛṣṭavāndvijasattama |
atha devānmanuṣyāṃśca nāgānvidyādharāṃstathā || 22 ||
[Analyze grammar]

kramātsasarja putrāṃśca tato dakṣādikānmunīn |
brahmakṣattriyaviṭśūdrānanyāṃścaivāṃtyajāṃstathā || 23 ||
[Analyze grammar]

teṣāṃ ca vartanādīni sṛṣṭavānsa prajāpatiḥ |
hemādri dakṣiṇaṃ yadvai viṃdhyādreruttaraṃ tathā || 24 ||
[Analyze grammar]

āhustadbhārataṃ varṣaṃ śubhāśubhaphalapradam |
āsādya bhārate varṣe ye janmani narottamāḥ || 25 ||
[Analyze grammar]

dharmakarmāṇi kurvaṃti te sarve keśavopamāḥ |
karmabhūmau kṛtaṃ karma śubhaṃ vāśubhameva vā || 26 ||
[Analyze grammar]

tatphalaṃ bhuṃjate loko bhogabhūmiṣu sattama |
karmabhūmiṃ samāgatya yo dharmakarmasūdyataḥ || 27 ||
[Analyze grammar]

na ca tena samaḥ ko'pi triṣulokeṣu vidyate |
tasya syātsaphalaṃ janma jīvitaṃ ca sujīvitam || 28 ||
[Analyze grammar]

śrīnārāyaṇasevāyāṃ matiryasya na vidyate |
janmakoṭyarjitaiḥ puṇyaiḥ saṃsāraikādhināyake || 29 ||
[Analyze grammar]

nārāyaṇe devadeve bhaktiḥ syātsudṛḍhā nṛṇām |
samastasukhadaścāpi sa ślāghyo nirbhayo'pi ca || 30 ||
[Analyze grammar]

tyājyaḥ sa deśaḥ sahasā nātiṣṭhedyatra vaiṣṇavaḥ |
janmāṃtarārjitaṃ pāpaṃ svalpaṃ vā yadi vā bahu || 31 ||
[Analyze grammar]

tatkṣaṇātkṣayamāpnoti bhagavadbhaktadarśanāt |
vaiṣṇavāṃghrijalaṃ yastu samastapātakāpaham || 32 ||
[Analyze grammar]

vahetsvaśirasā bhaktyā gaṅgāsnānena tasya kim |
muhūrtamapi yaḥ kuryātsaḍgaṃ bhāgavataiḥ saha || 33 ||
[Analyze grammar]

sa mucyate sarvapāpairbrahmahatyāmukhairapi |
dharmakarmāṇi viprendra kriyaṃte yāni kāni ca || 34 ||
[Analyze grammar]

bhagavadbhaktapuratastāni syurakṣayāṇi ca |
muhūrttaṃ vā muhūrtārddhaṃ yatra tiṣṭhaṃti vaiṣṇavāḥ || 35 ||
[Analyze grammar]

satyaṃ satyaṃ punaḥ satyaṃ tattīrthaṃ tattapovanam |
annaṃ vā salilaṃ vāpi phalaṃ vā vaiṣṇavāya ca || 36 ||
[Analyze grammar]

yatkiṃciddīyate vipra taddānamakṣayaṃ bhavet |
samastadevatārūpo vaiṣṇavaḥ parikīrtitaḥ || 37 ||
[Analyze grammar]

sa cetsaṃtoṣito yena toṣitāḥ sarvadevatāḥ |
saṃsāre'sminmahāghore nānāduḥkhasamanvite || 38 ||
[Analyze grammar]

bhagavadbhaktapuruṣaḥ kadācinnāvasīdati |
tasmāttvamapi viprendra kriyāyogena keśavam || 39 ||
[Analyze grammar]

samārādhya sadā bhaktyā vraja viṣṇoḥ padaṃ param |
sūta uvāca |
tadetadvacanaṃ śrutvā kānīnasya mahātmanaḥ || 40 ||
[Analyze grammar]

śirasāṃjalimādāya jaiminiḥ paryapṛcchata |
jaiminiruvāca |
bhagavadbhaktamāhātmyaṃ tvayā proktaṃ punaḥ punaḥ || 41 ||
[Analyze grammar]

guro kiṃ lakṣaṇaṃ teṣāṃ tatsarvaṃ brūhi sāṃpratam |
kathaṃ vā vaiṣṇavā lokā jñātavyā munisattama || 42 ||
[Analyze grammar]

ādito brūhi tatsarvaṃ yadi te mayyanugrahaḥ |
vyāsa uvāca |
madhukaiṭabhayoḥ pūrvaṃ hatayorvedhasā svayam || 43 ||
[Analyze grammar]

pṛṣṭo yadāha bhagavāṃstanniśāmaya vedmyaham |
kalpāṃte rudrarūpeṇa saṃhārya sakalaṃ jagat || 44 ||
[Analyze grammar]

svayamekaśca bhagavānsuṣvāpa yogamāyayā |
supte tasminbhagavati yoganidrā vimohite |
abhavatpṛthivī sarvā salilaugha pariplutā || 45 ||
[Analyze grammar]

ato brahmā jagatsraṣṭā tannābhikamalopari |
tamādipuruṣaṃ dhyātvā tasthau tadgatamānasaḥ || 46 ||
[Analyze grammar]

tasminkāle mahāghore viṣṇoḥ karṇamalāddvija |
jātau mahāsurau ghorau madhukaiṭabhasaṃjñitau || 47 ||
[Analyze grammar]

aṃtarikṣe bhramaṃtau tau dānavāvatidāruṇau |
śrīviṣṇornābhikamale brahmāṇaṃ tāvapaśyatām || 48 ||
[Analyze grammar]

taṃ haṃtumatha daityau tau mahābalaparākramau |
udyamaṃ cakraturvipra krodhasaṃraktalocanau || 49 ||
[Analyze grammar]

tato brahmā jagatsraṣṭā viciṃtya tadvadhaṃ hṛdā |
yoganidrāṃ bhagavatīṃ tuṣṭāva ślakṣṇayā girā || 50 ||
[Analyze grammar]

tasya stavaṃ samākarṇya brahmaṇaḥ parameṣṭhinaḥ |
uvāceti vacaḥ prītyā kiṃ te'bhimatamucyatām || 51 ||
[Analyze grammar]

brahmovāca |
atyugradānavāvetau haṃtuṃ māṃ kṛtaniścayau |
māyayā mohaya kṣipraṃ trātāramacyutaṃ tyaja || 52 ||
[Analyze grammar]

tato bhāgavatī nidrā mahāviṣṇuṃ tamatyajat |
dānavābhyāṃ tatastābhyāmaṃtarikṣe kṛpāmayaḥ || 53 ||
[Analyze grammar]

yuyudhe bāhuyuddhena śaraṇāgatavatsalaḥ |
pañcavarṣasahasrāṇi kṛtvā yuddhaṃ sudāruṇam || 54 ||
[Analyze grammar]

vijayaṃ nāgamatko'pi na ca ko'pi parābhavam |
atha tau dānavau tatra mahāmāyāvimohitau || 55 ||
[Analyze grammar]

varaṃ vṛṇviti cāsmatto'gadatāṃ keśavaṃ prati |
tataḥ prahasya deveśa uvāceti vaco dvija || 56 ||
[Analyze grammar]

yadi tuṣṭau ca vāṃ daityau madvadhyau bhavataṃ drutau |
tatastau dānavau ghorau bhagavaṃtaṃ janārdanam || 57 ||
[Analyze grammar]

ityūcaturmahāmāyau mahāmāyāvimohitau |
ayameva varo datto bhavate nātra saṃśayaḥ || 58 ||
[Analyze grammar]

mārayāvāṃ vinā vāri mahī yatra janārddana |
mahāsurau tatastau tu ānīya jaghanaṃ prati || 59 ||
[Analyze grammar]

nihatau sahasā vipra citrayā cakradhārayā |
cakriṇā nihatau dṛṣṭvā dānavau madhukaiṭabhau |
tuṣṭāva devadeveśaṃ brahmā vigatasādhvasaḥ || 60 ||
[Analyze grammar]

brahmovāca |
namo namaste parameśvarāya prapannasarvārtivināśanāya |
namo namaste triguṇātmakāya nārāyaṇāyāmitavikramāya || 61 ||
[Analyze grammar]

tvatpādapāthojayugaṃ prapannā janāḥ kvacinno vipadaṃ manuṣyāḥ |
etanmayā jñātamanaṃtakīrte sadyo hṛteyaṃ mahatī mamāpat || 62 ||
[Analyze grammar]

yogeśvaro'si sadayo'si jagattrayeśa tvaṃ devadevaśaraṇāgatapālakeśa |
tvaṃ nirddayo'rinikarasya vināśaneṣu yadrakṣito'hamasurau nihatau tvayaitau || 63 ||
[Analyze grammar]

yadyapyatyaṃtakaṭhinau madhukaiṭabhau tau manye tathāpi svajanāviha cetasāham |
yasmātsvajīvanavināśa varapradānaiḥ saṃtoṣito'khilaśubhaprada īśvarastvam || 64 ||
[Analyze grammar]

ramyaṃ jagattrayamidaṃ puruṣasya tasya naśyaṃti sarvaripavaḥ svakulaiḥ sametāḥ |
vṛddhiṃ vrajaṃti suhṛdo'khilabāṃdhavāśca yaṃ paśyasi tvamamareśa dayābhiratra || 65 ||
[Analyze grammar]

lakṣmīmukhāṃbuja madhuvrata devadeva saṃsāralokabhayaśokavināśakārin |
tvaccārupādakamaladvayamāśrayaṃtaṃ māṃ pāhi nātha kṛpayā satataṃ namaste || 66 ||
[Analyze grammar]

prasīda puṇḍarīkākṣa prasīda kamaleśvara |
prasīda sarvabhūteśa viśvaṃbhara namostu te || 67 ||
[Analyze grammar]

namaste bhaktatuṣṭāya namaste bhaktidāyine |
namaste jñānarūpāya śaraṇaṃ me bhavānagha || 68 ||
[Analyze grammar]

namastubhyaṃ namastubhyaṃ namastubhyaṃ namonamaḥ |
paritrāhi paritrāhi paritrāhi jaganmaya || 69 ||
[Analyze grammar]

vyāsa uvāca |
etairanyairapi stotrairbrahmaṇā lokakāriṇā |
stutaḥ sa devo bhagavānparamāṃ prītimāyayau || 70 ||
[Analyze grammar]

śrībhagavānuvāca |
stotreṇānena te bhaktyā tuṣṭo'smi kamalāsana |
kimastyabhimataṃ brūhi tatte dāsyāmyahaṃ bhuvi || 71 ||
[Analyze grammar]

brahmovāca |
yadi tuṣṭo'si deveśa karuṇābdhe jaganmaya |
nāpadastava bhaktānāṃ bhavaṃtviti varo mama || 72 ||
[Analyze grammar]

śrībhagavānuvāca |
evamastu suraśreṣṭha datto'yaṃ te mayā varaḥ |
madbhaktasya kadāpyāpanna bhavetkṣitimaṇḍale || 73 ||
[Analyze grammar]

vaiṣṇavānāṃ śarīreṣu satataṃ nivasāmyaham |
labhaṃte nāpadastasmātkadācidvaiṣṇavā narāḥ || 74 ||
[Analyze grammar]

brahmovāca |
sarvameva jagannātha tvayā dattaṃ na saṃśayaḥ |
yadyetau ca mahādaityau saṃgrāme vinipātitau || 75 ||
[Analyze grammar]

kiyatkālaṃ samāsādya stotreṇānena vai prabho |
stauti tvāṃ parayā bhaktyā tasya trātā bhaviṣyasi || 76 ||
[Analyze grammar]

aho dhyānairapi dhyātuṃ devaistvaṃ na hi śakyase |
sa tvaṃ vaiṣṇavadeheṣu bhramasītyadbhutaṃ mahat || 77 ||
[Analyze grammar]

kṣaṇamātramapi svāmiṃstvayi tuṣṭena kiṃ bhavet |
sa tvaṃ vaiṣṇavasaṃgena bhramasītyadbhutaṃ mahat || 78 ||
[Analyze grammar]

ke vaiṣṇavāḥ kaiṭabhāre kiṃ vā teṣāṃ ca lakṣaṇam |
kathaṃ jñeyāstu te sarve tanme kathaya keśava || 79 ||
[Analyze grammar]

śrībhagavānuvāca |
vaiṣṇavānāṃ lakṣaṇāni kalpakoṭiśatairapi |
samyagvaktuṃ na śakto'smi saṃkṣepācchṛṇu sattama || 80 ||
[Analyze grammar]

saṃsāro vaiṣṇavādhīno devā vaiṣṇavapālitāḥ |
ahaṃ ca vaiṣṇavādhīnastasmācchreṣṭhāśca vaiṣṇavāḥ || 81 ||
[Analyze grammar]

kṣaṇamātramapi brahmanvihāya vaiṣṇavaṃ janam |
tiṣṭhāmi nāhamanyatra vaiṣṇavā mama bāṃdhavāḥ || 82 ||
[Analyze grammar]

kāmakrodhavihīnā ye hiṃsādaṃbhavivarjitāḥ |
lobhamohavihīnāśca jñeyāste vaiṣṇavā janāḥ || 83 ||
[Analyze grammar]

amatsarā dayāyuktāḥ sarvabhūtahitaiṣiṇaḥ |
satyoktibhāṣiṇaścaiva vijñeyāste ca vaiṣṇavāḥ || 84 ||
[Analyze grammar]

dharmopadeśinaścaiva dharmācāradharāstathā |
guruśuśrūṣiṇaścaiva vijñeyāste ca vaiṣṇavāḥ || 85 ||
[Analyze grammar]

samānaṃ ye ca paśyanti tvāṃ ca māṃ ca maheśvaram |
kurvanti pūjāmatitherjñeyāste vaiṣṇavā janāḥ || 86 ||
[Analyze grammar]

vedavidyāniruktā ye vipra bhaktiratāḥ sadā |
napuṃsakāḥ parastrīṣu jñeyāste vaiṣṇavā janāḥ || 87 ||
[Analyze grammar]

ekādaśīvrataṃ ye ca bhaktibhāvena kurvate |
gāyaṃti mama nāmāni jñeyāste vaiṣṇavā janāḥ || 88 ||
[Analyze grammar]

devāyatanakartārastulasīmālyadhārakāḥ |
padmākṣadhāriṇo ye ca jñeyāste vaiṣṇavā janāḥ || 89 ||
[Analyze grammar]

śaṅkhacakragadāpadmairaṅkitāni mamāyudhaiḥ |
brahmanyeṣāṃ śarīrāṇi jñeyāste vaiṣṇavā janāḥ || 90 ||
[Analyze grammar]

dhātrīphalasrajo yeṣāṃ galeṣu kamalāsana |
māṃ pūjayaṃti tatpatrairjñeyāste vaiṣṇavā janāḥ || 91 ||
[Analyze grammar]

tulasīmūlamṛdbhiśca tilakāni nayaṃti ye |
tulasīkāṣṭhapaṃkaiśca jñeyāste vaiṣṇavā janāḥ || 92 ||
[Analyze grammar]

gaṅgāsnānaratā ye ca gaṅgānāmaparāyaṇāḥ |
gaṅgāmāhātmyavaktāro jñeyāste vaiṣṇavā janāḥ || 93 ||
[Analyze grammar]

śālagrāmaśilā yeṣāṃ gṛhe vasati sarvadā |
śāstraṃ bhāgavataṃ caiva jñeyāste vaiṣṇavā janāḥ || 94 ||
[Analyze grammar]

saṃmārjayaṃti ye nityaṃ mama sthānāni sattama |
dīpaṃ yacchaṃti tatraiva jñeyāste vaiṣṇavā janāḥ || 95 ||
[Analyze grammar]

śīrṇaṃ manmaṃdiraṃ ye ca kurvanti nūtanaṃ punaḥ |
tatrāyatanaśobhāṃ ca jñeyāste vaiṣṇavā janāḥ || 96 ||
[Analyze grammar]

abhayaṃ ye ca yacchanti bhīrubhyaścaturānana |
vidyādānaṃ ca viprebhyo jñeyāste vaiṣṇavā janāḥ || 97 ||
[Analyze grammar]

matpādasalilairyeṣāṃ siktāni mastakāni ca |
mama naivedyamaśnanti jñeyāste vaiṣṇavā janāḥ || 98 ||
[Analyze grammar]

kṣuttṛṭprapīḍitebhyaśca ye yacchaṃtyannamaṃbu ca |
kuryurye yogaśuśrūṣāṃ jñeyāste vaiṣṇavā janāḥ || 99 ||
[Analyze grammar]

ārāmakāriṇo ye ca pippalārohiṇo'pi ca |
gosevāṃ ye ca kurvanti jñeyāste vaiṣṇavā janāḥ || 100 ||
[Analyze grammar]

atyantabhaktā ye brahmanpitṛyajñaṃ prakurvate |
kurvanti dīnaśuśrūṣāṃ jñaiyāste vaiṣṇavā janāḥ || 101 ||
[Analyze grammar]

taḍāgagrāmakartāraḥ kanyādānaratāśca ye |
sevaṃte śvaśurau ye ca jñeyāste vaiṣṇavā janāḥ || 102 ||
[Analyze grammar]

sevaṃte jyeṣṭhabhaginīṃ jyeṣṭhabhrātarameva ca |
paraniṃdāṃ na kurvaṃti jñeyāste vaiṣṇavā janāḥ || 103 ||
[Analyze grammar]

vaiṣṇaveṣu guṇāḥ sarve doṣaleśo na vidyate |
tasmāccaturmukha tvaṃ ca vaiṣṇavo bhava sāṃpratam || 104 ||
[Analyze grammar]

samārādhaya māṃ nityaṃ kriyāyogaiḥ prajāpate |
sarvamevāśu bhadraṃ te bhaviṣyati na saṃśayaḥ || 105 ||
[Analyze grammar]

devasvaṃ brāhmaṇadravyaṃ parasvaṃ ca caturmukha |
paśyanti viṣavadye ca jñeyāste vaiṣṇavā janāḥ || 106 ||
[Analyze grammar]

pākhaṃḍabhaktirahitāḥ śivabhaktiparāyaṇāḥ |
caturddaśīvrataratā jñeyāste vaiṣṇavā janāḥ || 107 ||
[Analyze grammar]

bahunātra kimuktena bhāṣitena punaḥ punaḥ |
mamārcāṃ ye ca kurvaṃti vijñeyāste ca vaiṣṇavāḥ || 108 ||
[Analyze grammar]

bhūyaḥ pūrvasthitamiva sṛjyatāṃ sakalaṃ jagat |
ityuktvāṃtarddadhe devastatraiva parameśvaraḥ || 109 ||
[Analyze grammar]

tatastu pūrvavadbrahmā sṛṣṭavānsakalaṃ jagat |
kriyāyogairhariṃ ceṣṭvā jagāma paramaṃ padam || 110 ||
[Analyze grammar]

ye paṭhaṃtī mamadhyāyaṃ bhaktyā nārāyaṇāgrataḥ |
sarvapāpavinirmuktā ante yānti harergṛham || 111 ||
[Analyze grammar]

iti śrīpādme mahāpurāṇe kriyāyogasāre dvitīyo'dhyāyaḥ || 2 ||
[Analyze grammar]