Padma Purana [sanskrit]

462,305 words | ISBN-13: 9789385005305

The Padma-purana Book 7 Chapter 1 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

lakṣmīnāthapadāraviṃdayugalaṃ |
brahmeśvarādyāmaraśreṇīnamraśirolirolimā amalaṃ |
vaṃdāmahe saṃtatam |
bhaktyā yogimanastaḍāgasuṣamāsaṃdohapuṣyattamaṃ gaṅgāmbhomakaraṃ davindunikaraṃ saṃsāraduḥkhāpaham || 1 ||
[Analyze grammar]

yo mūrtīrbahudhā vidhāya bhagavānrakṣannaśeṣaṃ jagadyatpādārcanatatparā na hi punarmajjaṃti viśvārṇave |
sarvaprāṇihṛdaṃbujeṣu vasatiryasya prabhoḥ saṃtataṃ ramyakroḍavapurdharāya haraye devāya tasmai namaḥ || 2 ||
[Analyze grammar]

vedebhya uddhṛtya samastadharmānyo'yaṃ purāṇeṣu jagāda devaḥ |
vyāsasvarūpeṇa jagaddhitāya vaṃdetametaṃ kamalā sametam || 3 ||
[Analyze grammar]

ekadā munayaḥ sarve sarvalokahitaiṣiṇaḥ |
suramye naimiṣāraṇye goṣṭhīṃcakrurmanoramām || 4 ||
[Analyze grammar]

tatrāṃtare mahātejā vyāsaśiṣyo mahāyaśāḥ |
sūtaḥ śiṣyagaṇairyuktaḥ samāyāto hariṃ smaran || 5 ||
[Analyze grammar]

tamāyāṃtaṃ samālokya sūtaṃ śāstrārthapāragam |
nemuḥ sarve samutthāya śaunakādyāstapodhanāḥ || 6 ||
[Analyze grammar]

so'pi tānsahasā bhaktyā munīnparamavaiṣṇavān |
nanāma daṃḍavadbhūmau sarvadharmavidāṃvaraḥ || 7 ||
[Analyze grammar]

varāsane mahābuddhistairddatte munisattamaiḥ |
uvāsa ha munirmadhye sarvaiḥ śiṣyagaṇairvṛtaḥ || 8 ||
[Analyze grammar]

tatropaviṣṭaṃ taṃ sūtaṃ śaunako munisattamaḥ |
baddhāñjalirimāṃ vācamuvāca vinayānvitaḥ || 9 ||
[Analyze grammar]

śaunaka uvāca |
maharṣe sūta sarvajña kalikāle samāgate |
kenopāyena bhagavanbhūribhaktirbhavennṛṇām || 10 ||
[Analyze grammar]

kalau sarve bhaviṣyaṃti pāpakarmaratā janāḥ |
vedavidyāvihīnāśca teṣāṃ śreyaḥ kathaṃ bhavet || 11 ||
[Analyze grammar]

kalāvannagatāḥ prāṇā lokāḥ svalpāyuṣastathā |
nirdhanāśca bhaviṣyaṃti nānāduḥkhaprapīḍitāḥ || 12 ||
[Analyze grammar]

prayāsasādhyaṃ sukṛtaṃ śāstreṣu kriyate dvija |
tasmātke'pi kariṣyaṃti kalau na sukṛtaṃ janāḥ || 13 ||
[Analyze grammar]

sukṛteṣu vinaṣṭeṣu pravṛtte pāpakarmaṇi |
savaṃśāḥ pralayaṃ sarve gamiṣyaṃti durāśayāḥ || 14 ||
[Analyze grammar]

svalpaśramairalpavittairalpakālaiśca sattama |
yathā bhavenmahāpuṇyaṃ tadvai kathaya sūtaja || 15 ||
[Analyze grammar]

yasyopadeśataḥ puṇyaṃ pāpaṃ vā kurvate janāḥ |
sa tadbhāgī bhavenmartya iti śāstreṣu niścitam || 16 ||
[Analyze grammar]

puṇyopadeśaḥ sadayaḥ kaitavaiśca vivarjitaḥ |
pāpamārgavirodhī ca catvāraḥ keśavopamāḥ || 17 ||
[Analyze grammar]

jñānaṃ saṃprāpya saṃsāre yaḥ parebhyo na yacchati |
jñānarūpī haristasmai prasanna iva nekṣate || 18 ||
[Analyze grammar]

jñānaratnaiśca ratnaiśca parasaṃtoṣakṛnnaraḥ |
sa jñeyaḥ sumatirnūnaṃ nararūpadharo hariḥ || 19 ||
[Analyze grammar]

tvameva muniśārdūla vedavedāṅgapāragaḥ |
tvadṛte na hi vaktā'nyo yatastvaṃ vyāsaśāsitaḥ || 20 ||
[Analyze grammar]

sūta uvāca |
dhanyo'si tvaṃ muniśreṣṭha tvameva vaiṣṇavāgraṇīḥ |
yataḥ samastalokānāṃ hitaṃ vāñchasi sarvadā || 21 ||
[Analyze grammar]

śṛṇu śaunaka vakṣyāmi yattvayā śrotumicchitam |
sarvalokahitārthāya vaiṣṇavānāṃ viśeṣataḥ || 22 ||
[Analyze grammar]

pṛṣṭo jaimininā sarvaṃ yaduvāca śṛṇuṣva tat |
maharṣirjaiminirnāma yogābhyāsarataḥ sadā || 23 ||
[Analyze grammar]

praṇamya śirasā vyāsaṃ papraccha munisattamaḥ |
jaiminiruvāca |
bhagavansarvadharmajña vyāsa satyavatī suta || 24 ||
[Analyze grammar]

kalau kasmādbhavenmokṣastanmamācakṣva mūlataḥ |
sūta uvāca |
jaiminervacanaṃ śrutvā vyāsaḥ saṃtuṣṭamānasaḥ || 25 ||
[Analyze grammar]

prārebhe muniśārdūla kathāṃ maṃgalasaṃyutām |
vyāsa uvāca |
jaimine muniśārdūla dhanyo'si tvaṃ mahāmate || 26 ||
[Analyze grammar]

nārāyaṇakathāṃ śrotuṃ yato vāṃchasi sarvadā |
satkathāśravaṇe buddhiryasya yasya pravartate || 27 ||
[Analyze grammar]

tasya tasya bhavejjñānaṃ jñānaṃ mokṣapradaṃ viduḥ |
na vaiṣṇavakathā yasmai rocate pāpine bhuvi || 28 ||
[Analyze grammar]

vṛthaiva sṛṣṭvā vidhinā bhūmirbhāravatī kṛtā |
kathāyai jagatī vaktuṃ ślāghyate vaiṣṇavairjanaiḥ || 29 ||
[Analyze grammar]

tāṃ mithyāmiva yo vakti sa jñeyaḥ pāpināṃ varaḥ |
yasmindine muniśreṣṭha śrūyate na hareḥ kathā || 30 ||
[Analyze grammar]

taddinaṃ durdinaṃ manye ghanacchannaṃ na durdinam |
yatra yatra mahībhāge vaiṣṇavī vartate kathā || 31 ||
[Analyze grammar]

sāṃnidhyaṃ tatra bhagavānna jahāti kadācana |
yo vaiṣṇavakathārambhe vighnakṛnmānavo bhavet || 32 ||
[Analyze grammar]

tameva śaptvā bhagavāndaivataiḥ saha gacchati |
prabhāvaṃ vāsudevasya śrutvā hṛṣyaṃti ye janāḥ || 33 ||
[Analyze grammar]

jñeyāsta eva devāṃśāḥ pūjyā dṛśyāśca sattamāḥ |
nārāyaṇaprabhāvaṃ ye śrutvā copahasaṃti vai || 34 ||
[Analyze grammar]

te vijñeyā dānavāṃśā narā narakabhāginaḥ |
tatra tīrthāni sarvāṇi gaṅgādīni dvijottama || 35 ||
[Analyze grammar]

devarṣayaśca devāśca munayaśca tapodhanāḥ |
śṛṇvatāṃ lokasaṃghānāṃ pāpavyādhivināśanī || 36 ||
[Analyze grammar]

nārāyaṇakathā yatra vartate prativāsaram |
mune kriyāyogasāraṃ bahvarthaṃ pāpanāśanam || 37 ||
[Analyze grammar]

nārāyaṇakathopetaṃ setihāsaṃ niśāmaya || 38 ||
[Analyze grammar]

iti śrīpādme mahāpurāṇe kriyāyogasāre jaiminivyāsasaṃvāde prathamo'dhyāyaḥ || 1 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 1

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: