Chapter 254

[English text for this chapter is available]

vasiṣṭha uvāca |
evamuktā tu sā devi patinā śūlapāṇinā |
praṇipatya mahātmānamuvāca prāṃjalistadā || 1 ||
[Analyze grammar]

pārvatyuvāca |
sādhūktaṃ hi tvayā nātha vaiṣṇavaṃ dharmamuttamam |
guhyādguhyatamaṃ viṣṇoḥ svarūpaṃ paramātmanaḥ || 2 ||
[Analyze grammar]

dhanyāsmi kṛtakṛtyāsmi sarvadevanamaskṛta |
tava prasādāddeveśamarcayāmi sanātanam || 3 ||
[Analyze grammar]

vasiṣṭhauvāca |
tatastadvacanaṃ śrutvā sa bhavastripurāṃtakaḥ |
samāśliṣyāvadaddevīṃ prahṛṣṭenāṃtarātmanāḥ || 4 ||
[Analyze grammar]

rudra uvāca |
sādhusādhu mahādevi sādhusādhu varānane |
arcayasva hṛṣīkeśaṃ lakṣmībharttāramacyutam || 5 ||
[Analyze grammar]

kṛtakṛtyo'smyahaṃ bhadre vaiṣṇavyā bhāryayā tvayā |
guruṇā tava cārvaṃgi vāmadevena dhīmatā || 6 ||
[Analyze grammar]

anujñātārcayasveśaṃ purāṇaṃ puruṣottamam |
gurūpadeśamārgeṇa pūjayitvaiva keśavam |
prāpnoti vāchitaṃ sarvaṃ nānyathā bhūdharātmaje || 7 ||
[Analyze grammar]

vasiṣṭha uvāca |
evamuktā tadā devi vāmadevāṃtikaṃ nṛpa |
jagāma sahasā hṛṣṭā viṣṇupūjanalālasā || 8 ||
[Analyze grammar]

sametya taṃ guruṃ devi pūjayitvā praṇamya ca |
vinītā prāṃjalirbhūtvā uvāca munisattamam || 9 ||
[Analyze grammar]

pārvatyuvāca |
bhagavaṃstvatprasādena samyagārādhanaṃ hareḥ |
kariṣyāmi dvijaśreṣṭha tvamanujñātumarhasi || 10 ||
[Analyze grammar]

vasiṣṭha uvāca |
ityuktastu tayā devyā vāmadevo mahāmuniḥ |
tasyai maṃtravaraṃ śreṣṭhaṃ dadau sa vidhinā guruḥ || 11 ||
[Analyze grammar]

nāmnāṃ sahasraṃ viṣṇośca proktavānmunisattamaḥ |
nivedayitvā pūjāyā vidhānamapi deśikaḥ |
uvāca paramaprītyā pārvatīṃ saṃśitavratām || 12 ||
[Analyze grammar]

vāmadeva uvāca |
arcayitvā hṛṣīkeśaṃ prātarnityaṃ varānane |
sahasranāmapaṭhanaṃ kuruṣva tadanaṃtaram || 13 ||
[Analyze grammar]

vasiṣṭha uvāca |
dvatyuktā tena guruṇā prahṛṣṭenāṃtarātmanā |
pūjayitvā namaskṛtya punarāyātsvamālayam || 14 ||
[Analyze grammar]

śikṣitā guruṇā tena vāmadevena pārvatī |
tataḥ katipayāhastu dvādaśyāṃ vṛṣabhadhvajaḥ || 15 ||
[Analyze grammar]

kailāsaśikhare ramye viṣṇumārādhya śaṃkaraḥ |
upaviṣṭastato bhoktuṃ pārvatīṃ śaṃkaro'bravīt || 16 ||
[Analyze grammar]

śaṃkara uvāca |
pārvatye himayā sārddhaṃ bhoktuṃ bhuvanavaṃdite |
vasiṣṭha uvāca |
tamāha pārvatī devī japtvā nāmasahasrakam || 17 ||
[Analyze grammar]

tato bhokṣyāmyahaṃ deva bhujyatāṃ bhavatā prabho |
tatastāṃ pārvatīṃ prāha prahasanparameśvaraḥ || 18 ||
[Analyze grammar]

śaṃkara uvāca |
dhanyāsi kṛtakṛtyāsi viṣṇubhaktāsi pārvati |
durlabhā vaiṣṇavī bhaktirbhāgadheyaṃ vineśvari || 19 ||
[Analyze grammar]

rāmarāmeti rāmeti rame rāme manorame |
sahasranāmatattulyaṃ rāmanāma varānane || 20 ||
[Analyze grammar]

rakārādīni nāmāni śṛṇvato mama pārvati |
manaḥ prasannatāṃ yāti rāmanāmābhiśaṃkayā || 21 ||
[Analyze grammar]

rāmetyuktvā mahādevi bhuṃkṣva sārdhaṃ mayādhunā |
vasiṣṭha uvāca |
tato rāmeti nāmoktvā saha bhuṃktvā'tha pārvatī || 22 ||
[Analyze grammar]

rāmetyuktā mahādevī śaṃbhunā saha saṃsthitā |
papraccha śaṃkaraṃ devaṃ prītipraṇavamānasā || 23 ||
[Analyze grammar]

pārvatyuvāca |
sahasranāmabhistulyaṃ rāmanāma tvayoditam |
tasyāparāṇi nāmāni saṃti cedrāvaṇadviṣaḥ |
kathyatāṃ mama deveśa tatra me bhaktirutthitā || 24 ||
[Analyze grammar]

śrīmahādeva uvāca |
śṛṇu nāmāni vakṣyāmi rāmacaṃdrasya pārvati |
laukikā vaidikāḥ śabdāḥ ye kecitsaṃti pārvati || 25 ||
[Analyze grammar]

nāmāni rāmacaṃdrasya sahasraṃ teṣu cādhikam |
teṣu cātyaṃtamukhyaṃ hi nāmnāmaṣṭottaraṃ śatam || 26 ||
[Analyze grammar]

viṣṇorekaikanāmaiva sarvavedādhikaṃ matam |
tādṛṅnāmasahasrāṇi rāmanāmasamāni ca || 27 ||
[Analyze grammar]

yatphalaṃ sarvavedānāṃ maṃtrāṇāṃ japataḥ priye |
tatphalaṃ koṭiguṇitaṃ rāmanāmnaiva labhyate || 28 ||
[Analyze grammar]

nāmāni śṛṇu rāmasya mukhyāni śubhadarśane |
ṛṣibhiḥ parigītāni tāni vakṣyāmi te priye || 29 ||
[Analyze grammar]

oṃ śrīrāmo rāmacaṃdraśca rāmabhadraśca śāśvataḥ |
rājīvalocanaḥ śrīmānrājeṃdro raghupuṃgavaḥ || 30 ||
[Analyze grammar]

jānakīvallabho jaitro jitāmitro janārdanaḥ |
viśvāmitrapriyo dāṃtaḥ śaraṇya trāṇatatparaḥ || 31 ||
[Analyze grammar]

vālipramathano vāgmī satyavāksatyavikramaḥ |
satyavrato vrataphalaḥ sadā hanumadāśrayaḥ || 32 ||
[Analyze grammar]

kauśaleyaḥ kharadhvaṃsī virādhavadhapaṃḍitaḥ |
vibhīṣaṇaparitrātā daśagrīvaśiroharaḥ || 33 ||
[Analyze grammar]

saptatālaprabhettā ca harakodaṃḍa khaṃḍanaḥ |
jāmadagni mahādarppadalanastāḍakāṃtakṛt || 34 ||
[Analyze grammar]

vedāṃtapāro vedātmā bhavabaṃdhaikabheṣajam |
dūṣaṇatriśiroriśca trimūrttistriguṇastrayī || 35 ||
[Analyze grammar]

trivikramastrilokātmā puṇyacāritrakīrttanaḥ |
trilokarakṣako dhanvī daṃḍakāraṇyavāsakṛt || 36 ||
[Analyze grammar]

ahalyāpāvanaścaiva pitṛbhakto varapradaḥ |
jiteṃdriyo jitakrodho jitalobho jagadguruḥ || 37 ||
[Analyze grammar]

ṛkṣavānarasaṃghātī citrakūṭasamāśrayaḥ |
jayaṃtatrāṇavaradaḥ sumitrāputrasevitaḥ || 38 ||
[Analyze grammar]

sarvadevādhidevaśca mṛtavānarajīvanaḥ |
māyāmārīcahaṃtā ca mahābhāgo mahābhujaḥ || 39 ||
[Analyze grammar]

sarvadevastutaḥ saumyo brahmaṇyo munisattamaḥ |
mahāyogī mahodāraḥ sugrīvasthirarājyadaḥ || 40 ||
[Analyze grammar]

sarvapuṇyādhikaphalaḥ smṛtaḥ sarvāghanāśanaḥ |
ādipuruṣo mahāpuruṣaḥ paramaḥ puruṣastathā || 41 ||
[Analyze grammar]

puṇyodayo mahāsāraḥ purāṇapuruṣottamaḥ |
smitavaktro mitabhāṣī pūrvabhāṣī ca rāghavaḥ || 42 ||
[Analyze grammar]

anaṃtaguṇagaṃbhīro dhīro dāṃtaguṇottaraḥ |
māyāmānuṣacāritro mahādevādhipūjitaḥ || 43 ||
[Analyze grammar]

setukṛjjitavārīśaḥ sarvatīrthamayo hariḥ |
śyāmāṃgaḥ suṃdaraḥ śūraḥ pītavāsā dhanurddharaḥ || 44 ||
[Analyze grammar]

sarvayajñādhipo yajño jarāmaraṇavarjitaḥ |
śivaliṃgapratiṣṭhātā sarvādyaguṇavarjitaḥ || 45 ||
[Analyze grammar]

paramātmā parabrahma saccidānaṃdavigrahaḥ |
paraṃjyotiḥ paraṃdhāma parākāśaḥ parātparaḥ || 46 ||
[Analyze grammar]

pareśaḥ pāragaḥ pāraḥ sarvabhūtātmakaḥ śivaḥ |
iti śrīrāmacandrasya nāmnāmaṣṭottaraṃ śatam || 47 ||
[Analyze grammar]

guhyādguhyataraṃ devi tava snehātprakīrtitam |
yaḥ paṭhecchṛṇuyādvāpi bhaktiyuktena cetasā || 48 ||
[Analyze grammar]

sarvaiḥ pramucyate pāpaiḥ kalpakoṭiśatodbhavaiḥ |
jalāni sthalatāṃ yāṃti śatravo yāṃti mitratām || 49 ||
[Analyze grammar]

rājāno dāsatāṃ yāṃti vahnayo yāṃti saumyatām |
ānukūlyaṃ ca bhūtāni sthairyaṃ yāṃti calāḥ śriyaḥ || 50 ||
[Analyze grammar]

anugrahaṃ grahā yāṃti śāṃtimāyāṃtyupadravāḥ |
paṭhato bhaktibhāvena narasya girisaṃbhave || 51 ||
[Analyze grammar]

paṭhetparamayā bhaktyā tasya vaśyaṃ jagattrayam |
yaṃyaṃ kāmaṃ prakurute taṃtamāpnoti kīrttanāt || 52 ||
[Analyze grammar]

kalpakoṭisahasrāṇi kalpakoṭiśatāni ca |
vaikuṃṭhe modate nityaṃ daśapūrvairdaśāparaiḥ || 53 ||
[Analyze grammar]

rāmaṃ dūrvādalaśyāmaṃ padmākṣaṃ pītavāsasam |
stuvaṃti nāmabhirddivyairna te saṃsāriṇo janāḥ || 54 ||
[Analyze grammar]

rāmāya rāmabhadrāya rāmacaṃdrāya vedhase |
raghunāthāya nāthāya sītāyāḥ pataye namaḥ || 55 ||
[Analyze grammar]

imaṃ maṃtraṃ mahādevi japanneva divāniśam |
sarvapāpavinirmukto viṣṇusāyujyamāpnuyāt || 56 ||
[Analyze grammar]

iti te rāmacaṃdrasya māhātmyaṃ vedasaṃmitam |
kathitaṃ vai mayā subhrūstava prītyā śubhāhvayam || 57 ||
[Analyze grammar]

vasiṣṭha uvāca |
tacchratvā śaṃkareṇoktaṃ māhātmyaṃ paramātmanaḥ |
praharṣamatulaṃ lebhe ānaṃdāśrujalāplutā || 58 ||
[Analyze grammar]

praṇamya prāha deveśaṃ bhartāraṃ vṛṣabhadhvajam |
pārvatyuvāca |
aho māhātmyamatulaṃ rāmasya paramātmanaḥ |
śrotratṛptirhi me na syātkalpāyutaśatairapi || 59 ||
[Analyze grammar]

dhanyāhaṃ kṛtakṛtyāsmi sarvamuktaṃ tvayānagha |
tvatprasādāddharerbhaktirjanmajanmani cāstu me || 60 ||
[Analyze grammar]

vasiṣṭha uvāca |
evamuktvā svabhartāraṃ gaurī bhāgavatottamā |
rāmāya rāmabhadrāya rāmacaṃdrāya vedhase |
raghunāthāya nāthāya sītāyāḥ pataye namaḥ || 61 ||
[Analyze grammar]

imameva japanmaṃtraṃ sarvāvasthāsu pārvatī |
uvāsa ca sukhenaiva kailāse patinā saha || 62 ||
[Analyze grammar]

etatte sarvamākhyātaṃ guhyādguhyatamaṃ nṛpa |
rudraproktāni śāstrāṇi tāmasānyeva pārthiva || 63 ||
[Analyze grammar]

saṃmohanārthaṃ lokānāṃ proktavānvṛṣabhadhvajaḥ |
rahasi proktavāndevyā idamekaṃ haraḥ prabhuḥ || 64 ||
[Analyze grammar]

yathārthamarthaṃ guhyaṃ ca sāraṃ maṃtrasya bhūpate |
devyā prītyai mahādevaḥ kathayāmāsa tatparaḥ || 65 ||
[Analyze grammar]

umāmaheśvaraṃ rājansaṃvādamimamadbhutam |
yaḥ paṭhecchṛṇuyādvāpi bhaktiyuktena cetasā || 66 ||
[Analyze grammar]

sa sarvavaṃdyaḥ sarvajño mahābhāgavato bhavet |
sarvadharmavinirmuktaḥ prāpnoti paramaṃ padam || 67 ||
[Analyze grammar]

dhanyaḥ khalu bhavānloke pārthiveṃdra mahābala |
tvadanvaye hariḥ śrīmānpurāṇaḥ puruṣottamaḥ || 68 ||
[Analyze grammar]

utpatsyate dāśarathiḥ sarvalokahitāya vai |
tasmādikṣvākavaḥ pūjyāḥ surāṇāmapi pārthiva || 69 ||
[Analyze grammar]

yeṣāṃ jāto hi bhagavānrāmo rājīvalocanaḥ |
iti śrīpādme mahāpurāṇe paṃcapacāśatsāhasryāṃ saṃhitāyāmuttarakhaṃḍe umāmaheśvarasaṃvāde rāmacaṃdrāṣṭottaraśatanāmakathanaṃ nāma catuḥpaṃcāśadadhika dviśatatamo'dhyāyaḥ || 254 ||
[Analyze grammar]