Padma Purana [sanskrit]

462,305 words | ISBN-13: 9789385005305

The Padma-purana Book 6 Chapter 240 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

śrīmahādeva uvāca |
atha varṣasahasrāṃte sarvalokamaheśvaram |
aditirjanayāmāsa vāmanaṃ viṣṇumacyutam || 1 ||
[Analyze grammar]

śrīvatsakaustubhoraskaṃ pūrṇeṃdusadṛśadyutim |
sundaraṃ puṃḍarīkākṣamatikharvatanuṃ harim || 2 ||
[Analyze grammar]

vaṭuveṣadharaṃ devaṃ sarvavedāṃgagocaram |
mekhalājinadaṇḍādi cihnairaṃkitamīśvaram || 3 ||
[Analyze grammar]

taṃ dṛṣṭvā devatāḥ sarve śatakratupurogamāḥ |
stutvā maharṣibhiḥ sārddhaṃ namaścakrurmahaujasam || 4 ||
[Analyze grammar]

tataḥ prasanno bhagavānprovāca surasattamān |
vāmana uvāca |
kiṃ kartavyaṃ mayā cādya tadbravītha surottamāḥ || 5 ||
[Analyze grammar]

śrīśaṃkara uvāca |
tataḥ prahṛṣṭāstridaśāstamūcuḥ parameśvaram |
devā ūcuḥ |
asminkāle baleryajño varttate madhusūdana || 6 ||
[Analyze grammar]

apratyākhyānakālo'yaṃ tasya daityapateḥ prabho |
yācitvā tridivaṃ lokaṃ tannastvaṃ dātumarhasi || 7 ||
[Analyze grammar]

śaṃkara uvāca |
ityuktāstridaśaissarvairājagāma baliṃ hariḥ |
yāgadeśe samāsīnamṛṣibhissārddhamaṣṭabhiḥ || 8 ||
[Analyze grammar]

abhyāgataṃ tu taṃ dṛṣṭvā sahasotthāya daityarāṭ |
abhyāgataḥ svayaṃ viṣṇuritihāsa samanvitaḥ || 9 ||
[Analyze grammar]

pūjayāmāsa vidhinā niveśya kusumāsane |
praṇipatya namaskṛtya prāha gadgadayā girā || 10 ||
[Analyze grammar]

baliruvāca |
dhanyo'smi kṛtakṛtyosmi saphalaṃ mama jīvitam |
tvāmarccayitvā vipreṃdra kiṃ karomi tava priyam || 11 ||
[Analyze grammar]

āgato'si yadarthaṃ tvaṃ māmuddiśya dvijottamaḥ |
tatprayacchāmi te śīghraṃ brūhi vedavidāṃ vara || 12 ||
[Analyze grammar]

śaṃkara uvāca |
tataḥ prahṛṣṭamanasā tamuvāca mahīpatim |
vāmana uvāca |
śṛṇu rājeṃdra vakṣyāmi mamāgamanakāraṇam || 13 ||
[Analyze grammar]

agnikuṇḍasya pṛthivīṃ dehi daityapate mama |
mama trivikramapadāṃ nānyadicchāmi mānada || 14 ||
[Analyze grammar]

sarveṣāmeva dānānāṃ bhūmidānamanuttamam |
yo dadāti mahīṃ rājā viprāyākiṃcanāya vai || 15 ||
[Analyze grammar]

aṃguṣṭhamātrāmapi vā sa bhavetpṛthivīpatiḥ |
na bhūmidānasadṛśaṃ pavitramiha vidyate || 16 ||
[Analyze grammar]

bhūmiṃ yaḥ pratigṛhṇāti bhūmiṃ yaśca prayacchati |
ubhau tau puṇyakarmmāṇau nidhane svargagāminau || 17 ||
[Analyze grammar]

tasmādbhūmiṃ mahārāja prayaccha tripadīṃ mama |
etadalpāṃ mahīṃ dātuṃ mā viśaṃka mahīpate |
jagattrayapradānaṃ tannāma bhūpa bhaviṣyati || 18 ||
[Analyze grammar]

śaṃkara uvāca |
tataḥ prahṛṣṭavadanastathetyāha mahīpatiḥ |
tasmai mahīpradānaṃ tu kartuṃ mene vidhānataḥ || 19 ||
[Analyze grammar]

taṃ dṛṣṭvā daityarājānaṃ tadā tasya purohitaḥ |
uśanā hyabravīdvākyaṃ mā rājandīyatāṃ mahīm || 20 ||
[Analyze grammar]

śukra uvāca |
eṣa viṣṇuḥ pareśo'tha devaiḥ saṃprārthito nṛpa |
vaṃcayitvā mahīṃ sarvāṃ tvattaḥ prāptumihāgataḥ || 21 ||
[Analyze grammar]

tasmānmahī na dātavyā tasmai rājanmahātmane |
anyamarthaṃ prayacchasva vacanānmama bhūpate || 22 ||
[Analyze grammar]

śrīśaṃkara uvāca |
tataḥ prahasya rājāsau taṃ guruṃ prāha dhairyyataḥ |
baliruvāca |
prītaye vāsudevasya sarvaṃ puṇyaṃ kṛtaṃ mayā || 23 ||
[Analyze grammar]

adya dhanyosmyahaṃ viṣṇuḥ svayamevāgato yadi |
tasya pradeyamevādya jīvitaṃ ca mahatsukham || 24 ||
[Analyze grammar]

tasmādasmai prayacchāmi trilokīmapi mā ciram |
śrīśaṃkara uvāca |
ityuktvā bhūpatistasya pādau prakṣālya bhaktitaḥ || 25 ||
[Analyze grammar]

vāṃcchitāṃ pradadau bhūmiṃ vāripūrvaṃ vidhānataḥ |
pariṇīya namaskṛtya datvā vai dakṣiṇāṃ vasu || 26 ||
[Analyze grammar]

provāca taṃ punarvipraṃ prahṛṣṭenāṃtarātmanā |
baliruvāca |
dhanyosmi kṛtakṛtyosmi tava datvā mahīṃ dvija || 27 ||
[Analyze grammar]

yatheṣṭā tava vipreṃdra tadgṛhāṇa mahīmimām |
śrīśaṃkara uvāca |
tamuvāca nṛpaṃ viṣṇū rājaṃstava samīpataḥ || 28 ||
[Analyze grammar]

māpayāmi padenādya pṛthivīṃ tava paśyataḥ |
ityuktvā kharvarūpaṃ tadvihāya parameśvaraḥ || 29 ||
[Analyze grammar]

trivikramavapurbhūtvā jagrāha pṛthivīmimām |
paṃcāśatkoṭivistīrṇa sasamudra mahīdharām || 30 ||
[Analyze grammar]

sasāgarāṃ ca sadvīpāṃ sadevāsuramānuṣām |
pādenaikena vapuṣo vyakrāṃta madhusūdanaḥ || 31 ||
[Analyze grammar]

uvāca daityarājeṃdra kiṃ karomīti śāśvataḥ |
tadvai trivikramaṃ rūpamīśvarasya mahaujasam || 32 ||
[Analyze grammar]

hitārthamapi devānāmṛṣīṇāṃ ca mahātmanām |
na dṛṣṭamapi śakyaṃ syādbrahmaṇaḥ śaṃkarasya ca || 33 ||
[Analyze grammar]

tatpadaṃ pṛthivīṃ sarvāmākramya girije śubhe |
atiriktaṃ samabhavacchatayojanamāyatam || 34 ||
[Analyze grammar]

divyacakṣurdadau tasmai daityarājñe sanātanaḥ |
tasmai saṃdarśayāmāsa svakaṃ rūpaṃ janārdanam || 35 ||
[Analyze grammar]

tadviśvarūpaṃ devasya dṛṣṭvā daityeśvaro bali |
praharṣamatulaṃ lebhe sānaṃdāśru pariplutaḥ || 36 ||
[Analyze grammar]

dṛṣṭvā devaṃ namaskṛtya stutvā stutibhireva ca |
prāha gadgadayā vācā prahṛṣṭenāṃtarātmanā || 37 ||
[Analyze grammar]

baliruvāca |
dhanyosmi kṛtakṛtyosmi tvāṃ dṛṣṭvā parameśvaram |
lokatrayaṃ tvamevaitadgṛhāṇa parameśvara || 38 ||
[Analyze grammar]

śrīśaṃkara uvāca |
atha sarveśvaro viṣṇurdvitīyaṃ padamavyayam |
ūrdhvaṃ prasārayāmāsa brahmalokāṃtamacyutaḥ || 39 ||
[Analyze grammar]

sanakṣatragrahopetaṃ sarvadevasamāvṛtam |
padena paripūrṇo'bhūdacyutasya śubhānane || 40 ||
[Analyze grammar]

tataḥ pitāmaho brahmacakrapadmādicihnitam |
pādaṃ taddevadevasya harṣasaṃkulacetasā || 41 ||
[Analyze grammar]

dhanyosmīti vadanbrahmā gṛhītvā svakamaṃḍalum |
bhaktyā prakṣālayāmāsa tatrasaṃsthita vāriṇā || 42 ||
[Analyze grammar]

akṣayyamabhavattoyaṃ tasya viṣṇoḥ prabhāvataḥ |
tattīrthaṃ meruśikhare papāta vimalaṃ jalam || 43 ||
[Analyze grammar]

jagataḥ pāvanārthaṃ vai caturdikṣu pravāhitam |
sitā cālakanandā ca cakṣurbhadrā yathākramam || 44 ||
[Analyze grammar]

tataścālakanandā ca merordakṣiṇataḥ smṛtā |
tridhā nāmnā tripathagā trisrotā lokapāvanī || 45 ||
[Analyze grammar]

svarge maṃdākinī proktā tvadho bhogavatī tathā |
madhye vegavatī gaṃgā pāvanārthaṃ nṛṇāṃ śivā || 46 ||
[Analyze grammar]

tāṃ dṛṣṭvā merumadhye tu prasravaṃtīṃ śubhānane |
ātmanaḥ pāvanārthāya śirasāhamadhārayam || 47 ||
[Analyze grammar]

divyaṃ varṣasahasraṃ tu dhṛtvā gaṃgājalaṃ śubham |
śivatvamagamaṃ devi sarvalokeṣu pūjitaḥ || 48 ||
[Analyze grammar]

yo vahecchirasā gaṃgātoyaṃ viṣṇupadodbhavam |
prāśayedvā jagatpūjyo bhaviṣyati na saṃśayaḥ || 49 ||
[Analyze grammar]

gaṃgāgaṃgeti yo brūyādyojanānāṃ śatairapi |
mucyate sarvapāpebhyo viṣṇulokaṃ sa gacchati || 50 ||
[Analyze grammar]

tato bhagīratho rājā gautamaśca mahātapāḥ |
tapasā pūjayitvā māṃ gaṃgārthaṃ samayācata || 51 ||
[Analyze grammar]

sarvalokahitārthāya tāṃ gaṃgāṃ vaiṣṇavīṃ śivām |
tayorahaṃ tāmadadāṃ prītyā devi saridvarām || 52 ||
[Analyze grammar]

gautamena samānītā gautamī tena kīrttitā |
bhāgīrathīti vikhyātā tena rājñā vṛtā yataḥ || 53 ||
[Analyze grammar]

prasaṃgātte samākhyātaṃ gaṃgājanmātyanuttamam |
tato nārāyaṇaḥ śrīmānbaliṃ daityapatiṃ prabhuḥ || 54 ||
[Analyze grammar]

rasātalaṃ śubhaṃ lokaṃ pradadau bhaktavatsalaḥ |
sarveṣāṃ dānavānāṃ tu nāgānāṃ yādasāmapi || 55 ||
[Analyze grammar]

rājānaṃ tu baliṃ cakre yāvadābhūtasaṃplavam |
pratigṛhya balerlokānbaṭuveṣeṇa daityahā || 56 ||
[Analyze grammar]

maheṃdrāya dadau prītyā kāśyapo viṣṇuravyayaḥ |
tato devāḥ sagaṃdharvā ṛṣayaśca mahaujasaḥ || 57 ||
[Analyze grammar]

tuṣṭuvuḥ stutibhirddivyaiḥ pūjayāmāsuracyutam |
saṃkṣipya tanmahadrūpaṃ teṣāṃ saṃdarśanāya vai || 58 ||
[Analyze grammar]

saṃpūjyamānāstridaśairaṃtarddhānaṃ yayau hariḥ |
itthaṃ surakṣitaḥ śakro viṣṇunā prabhaviṣṇunā || 59 ||
[Analyze grammar]

trailokyaṃ mahadaiśvaryyamavāpa tridiveśvaraḥ |
etatte sarvamākhyātaṃ vāmanaṃ vaibhavaṃ śubham |
śeṣaṃ yadvaibhavaṃ devi tadvakṣyāmi yathākramāt || 60 ||
[Analyze grammar]

iti śrīpādmemahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvara |
saṃvāde vāmanaprādurbhāvonāma catvāriṃśadadhikadviśatatamo'dhyāyaḥ || 240 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 240

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Let's grow together!

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: