Chapter 235

[English text for this chapter is available]

śrīpārvatyuvāca |
pāṣaṃḍānāṃ ca saṃvādaṃ varjayediti yattvayā || 1 ||
[Analyze grammar]

uktaṃ mameha bhagavānśvapacādapi garhitam |
te yādṛśāḥ samākhyātāḥ kairliṃṅgaiścihnitā bhuvi |
rudra uvāca |
ye'nyadevaṃ paratvena vadaṃtyajñānamohitāḥ || 2 ||
[Analyze grammar]

nārāyaṇājjagannāthātte vai pāṣaṃḍinaḥ smṛtāḥ |
kapālabhasmāsthidharā ye hyavaidikaliṅginaḥ || 3 ||
[Analyze grammar]

ṛte vanasthāśramācca jaṭāvalkaladhāriṇaḥ |
avaidikakriyopetāstai vai pāṣaṃḍinastathā || 4 ||
[Analyze grammar]

śaṃkhacakrordhvapuṃḍrādi cihnaiḥ priyatamairhareḥ |
rahitā ye dvijā devi te vai pāṣaṃḍinaḥ smṛtāḥ || 5 ||
[Analyze grammar]

śrutismṛtyuditācāraṃ yastu nācarati dvijaḥ |
sa pāṣaṃḍīti vijñeyaḥ sarvalokeṣu garhitaḥ || 6 ||
[Analyze grammar]

vinā vai bhagavatprītyā te vai pāṣaṃḍinaḥ smṛtāḥ |
samastayajñabhoktāraṃ viṣṇuṃ vai brahmadaivatam || 7 ||
[Analyze grammar]

udiśya devatā eva juhoti ca dadāti ca |
sa pāṣaṇḍīti vijñeyaḥ svataṃtraḥ sarvakarmasu || 8 ||
[Analyze grammar]

svātaṃtryātkurute yastu karma vedoditaṃ mahat |
yastu nārāyaṇaṃ devaṃ brahmarudrādidaivataiḥ || 9 ||
[Analyze grammar]

samamanyairnirīkṣeta sa pāṣaṃḍī bhavetsadā |
avasthātritaye yastu manovākkāyakarmmabhiḥ || 10 ||
[Analyze grammar]

vāsudevaṃ na jānāti sa pāṣaṃḍī bhaveddivajaḥ |
kimatra bahunoktena brāhmaṇā yepyavaiṣṇavāḥ || 11 ||
[Analyze grammar]

na spraṣṭavyā na vaktavyā na draṣṭavyāḥ kadācana |
pārvatyuvāca |
bhagavanparamaṃ guhyaṃ pṛcchāmi surasattama || 12 ||
[Analyze grammar]

mayi prītyā samācakṣva saṃśayo varttate bhṛśam |
kapālabhasmacarmmāsthi dhāraṇaṃ śrutigarhitam || 13 ||
[Analyze grammar]

tattvayā dhāryyate deva garhitaṃ kena hetunā |
strīcāpalyena deveśa pṛcchāmi tvāṃ mahāmate || 14 ||
[Analyze grammar]

mahāprabhāvātkathitaṃ na karttavyaṃ kvacidbhavet |
tvayeti na purā proktaṃ vistareṇa mahāprabho || 15 ||
[Analyze grammar]

akarttavyamiti praśnaṃ kṣaṃtumarhasi me prabho |
vasiṣṭha uvāca |
iti devyā haraḥ pṛṣṭo rahasye janavarjite || 16 ||
[Analyze grammar]

uvāca paramaṃ guhyaṃ yadyadācaritaṃ svakam |
śiva uvāca |
śṛṇu devi pravakṣyāmi yadguhyaṃ paramādbhutam || 17 ||
[Analyze grammar]

na vaktavyaṃ tvayā devi janeṣu kathitaṃ mayā |
apṛthaktvāccharīrasya vakṣyāmi tava suvrate || 18 ||
[Analyze grammar]

namucyādyā mahādaityāḥ purā svāyaṃbhuveṃtare |
mahābalā mahāvīryā mahāvīrā mahaujasaḥ || 19 ||
[Analyze grammar]

sarve viṣṇuratāḥ śuddhāḥ sarvapāpavivarjitāḥ |
trayīdharmavṛtāḥ sarve bhagnā iṃdrapurogamāḥ || 20 ||
[Analyze grammar]

viṣṇoḥ samīpamāgamya bhayārttāḥ śaraṇaṃ gatāḥ |
devā ūcuḥ |
ajeyānsarvadevānāṃ taponirddhūtakalmaṣān || 21 ||
[Analyze grammar]

tvamevaitānmahādaityāñjetumarhasi keśava |
mahādeva uvāca |
ityākarṇya harirvākyaṃ devānāṃ ca bhayānakam || 22 ||
[Analyze grammar]

tānsamāśvāsya dikpālānmāmāha puruṣottamaḥ |
śrībhagavānuvāca |
tvaṃ hi rudra mahābāho mohanārthe suradviṣām || 23 ||
[Analyze grammar]

pāṣaṃḍācaraṇaṃ dharmaṃ kuruṣva surasattama |
tāmasāni purāṇāni kathayasva ca tānprati || 24 ||
[Analyze grammar]

mohanāni ca śāstrāṇi kuruṣva ca mahāmate |
mayi muktāśca vipraśca bhaviṣyaṃti maharṣayaḥ || 25 ||
[Analyze grammar]

madbhaktyā tānsamāviśya kathayasva ca tāmasān |
kāṇādaṃ gautamaṃ śaktimupamanyuṃ ca jaiminim || 26 ||
[Analyze grammar]

kapilaṃ caiva durvāsaṃ mṛkaṃḍuṃ ca bṛhaspatim |
bhārgavaṃ jāmadagnyaṃ ca daśaitāṃstāmasānṛṣīn || 27 ||
[Analyze grammar]

bhāvaśaktyā samāviśya kurvatā jagato śivam |
tvacchaktyā ca niviṣṭāste tamasodriktayā bhṛśam || 28 ||
[Analyze grammar]

tāmasāste bhaviṣyaṃti kṣaṇādeva na saṃśayaḥ |
kathayiṣyaṃti te viprāstāmasāni jagattraye || 29 ||
[Analyze grammar]

purāṇāni ca śāstraṇi tvayā satvena bṛṃhitāḥ |
kapālacarmmabhasmāsthi cihnānyamarasarvaśaḥ || 30 ||
[Analyze grammar]

tvameva dhṛtavānlokānmohayasva jagattraye |
tathā pāśupataṃ śāstraṃ tvameva kuru satkṛtaḥ || 31 ||
[Analyze grammar]

kaṃkālaśaivapāṣaṃḍamahāśaivādibhedataḥ |
alakṣyaṃ ca mataṃ samyagvedabāhyaṃ narādhamāḥ || 32 ||
[Analyze grammar]

bhasmāsthidhāriṇaḥ sarve bhaviṣyaṃti hyacetasaḥ |
tvāṃ paratvena vakṣyaṃti sarvaśāstreṣu tāmasāḥ || 33 ||
[Analyze grammar]

teṣāṃ matamadhiṣṭhāya sarve daityāḥ sanātanāḥ |
bhaveyuste madvimukhāḥ kṣaṇādeva na saṃśayaḥ || 34 ||
[Analyze grammar]

ahamapyavatāreṣu tvāṃ ca rudra mahābala |
tāmasānāṃ mohanārthaṃ pūjayāmi yuge yuge || 35 ||
[Analyze grammar]

matametadavaṣṭabhya pataṃtyeva na saṃśayaḥ |
mahādeva uvāca |
tacchrutvāhaṃ yathoktaṃ tu vāsudevena bhāmini || 36 ||
[Analyze grammar]

sumahadvadano dīno babhūvātra varānane |
namaskṛtvātha taṃ devamabravaṃ parameśvaram || 37 ||
[Analyze grammar]

tvayoditamidaṃ deva karomi yadi bhūtale |
tasmānnāśāya me nātha bhaviṣyati na saṃśayaḥ || 38 ||
[Analyze grammar]

tatra śakyaṃ mayā kartumetatkṛtyaṃ hare'dhunā |
tvadājñāpi ca nollaṃghyā etadduḥkhataraṃ mahat || 39 ||
[Analyze grammar]

evamukte tato devi samāśvāsya ca māṃ punaḥ |
ātmanāśāya tenātra bhavatvityāha māṃ hariḥ || 40 ||
[Analyze grammar]

devatānāṃ hitārthāya kuruṣva vacanaṃ mama |
tavāpi jīvanopāyaṃ kathayāmi surottama || 41 ||
[Analyze grammar]

dattavānkṛpayā mahyamātmanāma sahasrakam |
hṛdaye māṃ samādhāya japa maṃtraṃ mamāvyayam || 42 ||
[Analyze grammar]

ṣaḍakṣaraṃ mahāmaṃtraṃ tārakaṃ brahma ucyate |
ye japaṃti hi māṃ bhaktyā teṣāṃ muktirna saṃśayaḥ || 43 ||
[Analyze grammar]

iṃdīvaradalaśyāmaṃ padmapatravilocanam |
śaṃkhāṃgaśārṅgeṣudharaṃ sarvābharaṇabhūṣitam || 44 ||
[Analyze grammar]

pītavastraṃ caturbāhuṃ jānakīpriyavallabham |
śrīrāmāya nama ityevamuccāryyaṃ mantramuttamam || 45 ||
[Analyze grammar]

sarvaduḥkhaharaṃ caitatpāpināmapi muktidam |
imaṃ maṃtraṃ japannityamamalastvaṃ bhaviṣyasi || 46 ||
[Analyze grammar]

bhasmāsthidhāraṇādyattu saṃbhūtaṃ kilbiṣaṃ tvayi |
maṃgalaṃ tadabhūtsarvaṃ manmaṃtroccāraṇācchubhāt || 47 ||
[Analyze grammar]

tarpito nāśayiṣyāmi pāpaṃ sarvaṃ surottama |
madanyadevatābhaktirjāyate na tu suvrata || 48 ||
[Analyze grammar]

manasaivārccaya hṛdi māṃ nāthaṃ puruṣottamam |
madājñāṃ kuru matprītyā sarvametacchubhaṃ tava || 49 ||
[Analyze grammar]

iti saṃdiśya māṃ devi visasarja marudgaṇān |
visṛṣṭāste tato devā nivṛttāḥ svāśramaṃ yayuḥ || 50 ||
[Analyze grammar]

tato māṃ prārthayāmāsurdevā iṃdra purogamāḥ |
indrādaya ūcuḥ |
śīghraṃ kuru hitaṃ deva yathoktaṃ hariṇādhunā || 51 ||
[Analyze grammar]

mahādeva uvāca |
devatānāṃ hitārthāya vṛttiṃ pākhaṃḍināṃ śubhe |
kapālacarmabhasmāsthidhāraṇaṃ tatkṛtaṃ mayā || 52 ||
[Analyze grammar]

tāmasāni purāṇāni yathoktaṃ viṣṇunā śubhe |
pāṣaṃḍaśaivaśāstrāṇi yathoktaṃ kṛtavānaham || 53 ||
[Analyze grammar]

macchaktyāpi samāviśya gautamādi dvijānapi |
vedabāhyāni śāstrāṇi samyaguktaṃ mayānaghe || 54 ||
[Analyze grammar]

imaṃ matamavaṣṭabhya duṣṭāḥ sarve ca rākṣasāḥ |
bhagavadvimukhāḥ sarve babhūvustāmasāvṛtāḥ || 55 ||
[Analyze grammar]

bhasmādidhāraṇaṃ kṛtvā mahogratapasāvṛtāḥ |
māmeva pūjayāṃcakrurmmāṃsāsṛkcaṃdanādibhiḥ || 56 ||
[Analyze grammar]

matto varapradānāni labdhvā madabaloddhatāḥ |
atyaṃtaviṣayāsaktāḥ kāmakrodhasamanvitāḥ || 57 ||
[Analyze grammar]

satvahīnāstu nirvīryyā jitā devagaṇaistadā |
sarvadharmmaparibhraṣṭāḥ kāle yāṃtyadhamāṃ gatim || 58 ||
[Analyze grammar]

ye me matamavaṣṭabhya caraṃti pṛthivītale |
sarvadharmaiśca rahitāḥ paśyaṃti nirayaṃ sadā || 59 ||
[Analyze grammar]

evaṃ devahitārthāya vṛttirme devi garhitā |
viṣṇorājñāṃ puraskṛtya kṛtaṃ bhasmāsthidhāraṇam || 60 ||
[Analyze grammar]

bāhyacihnamidaṃ devi mohanārthāya vidviṣām |
athāṃtarhṛdaye nityaṃ dhyātvā devaṃ janārdanam || 61 ||
[Analyze grammar]

japanneva ca tanmaṃtraṃ tārakaṃ brahmavācakam |
sahasranāmasadṛśaṃ viṣṇornārāyaṇasya tu || 62 ||
[Analyze grammar]

ṣaḍakṣaraṃ mahāmaṃtraṃ raghūṇāṃ kulavarddhanam |
japanvai satataṃ devi sadānaṃdasudhāplutam |
sukhamātyaṃtikaṃ brahma hyaśnāma satataṃ śubhe || 63 ||
[Analyze grammar]

etatte sarvamākhyātaṃ tvayāpṛṣṭaṃ śubhānane |
kimanyacchrotukāmāsi prītyā tatparipṛccha mām || 64 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe pāṣaṃḍotpattivarṇanaṃnāma paṃcatriṃśadadhikadviśatatamo'dhyāyaḥ || 235 ||
[Analyze grammar]