Chapter 228

[English text for this chapter is available]

śrīmahādeva uvāca |
tripādvibhūterlokāstu asaṃkhyātāḥ prakīrtitāḥ |
śuddhasatvamayāḥ sarve brahmānaṃdasukhāhvayāḥ || 1 ||
[Analyze grammar]

sarve nityā nirvikārā heyarāgādivarjitāḥ |
sarve hiraṇmayāśśuddhāḥ koṭisūryyasamaprabhāḥ || 2 ||
[Analyze grammar]

sarve vedamayārdivyāḥ kāma krodhavivarjitāḥ |
nārāyaṇapadāṃbhoja bhaktyekarasasevitāḥ || 3 ||
[Analyze grammar]

niraṃtaraṃ sāmagānaparipūrṇasukhaṃ śritāḥ |
sarve paṃcopaniṣada svarūpā vedavarcasaḥ || 4 ||
[Analyze grammar]

sarve vedamayairdivyaiḥpuruṣaiḥ strībhirāvṛtāḥ |
vedaikarasatoyāḍhyaissarobhirupaśobhitāḥ || 5 ||
[Analyze grammar]

śrutismṛtipurāṇādi rūpasthāvarasaṃyutāḥ |
sarvaṃ varṇayituṃ śakyaṃ na mayā lokavistṛtam || 6 ||
[Analyze grammar]

virajā paramavyomnoraṃtaraṃkevalaṃ smṛtam |
tatsthānamupabhoktavyamavyaktabrahmasevinām || 7 ||
[Analyze grammar]

svātmānubhavajānaṃdasukhadaṃ kevalaṃ padam |
niḥśreyasaṃ ca nirvāṇaṃ kaivalyaṃ mokṣa ucyate || 8 ||
[Analyze grammar]

śrīśāṃghribhaktisevaikarasabhogavivardhitāḥ tam |
tadicchantyalpamatayo mokṣaṃ sukhavivarjitam |
mahātmāno mahābhāgā bhagavatpādasevakāḥ || 9 ||
[Analyze grammar]

tadviṣṇoḥ paramaṃ dhāma yāṃti brahmasukhapradam |
nānājanapadākīrṇaṃ vaikuṃṭhaṃ taddhareḥ padam || 10 ||
[Analyze grammar]

prākāraiśca vimānaiśca saudhairatnamayairvṛtam |
tanmadhye nagarī divyā sā'yodhyeti prakīrtitā || 11 ||
[Analyze grammar]

maṇikāṃcanacitrāḍhya prākāraistoraṇairvṛtā |
caturdvārasamāyuktā ratnagopurasaṃvṛtā || 12 ||
[Analyze grammar]

caṃḍādidvārapālaiśca kumudādyaiśca rakṣitā |
caṃḍapracaṃḍau prāgdvāra yāmye bhadrasubhadrakau || 13 ||
[Analyze grammar]

vāruṇyāṃ jayavijayau saumye dhātṛvidhātarau |
kumudaḥ kumudākṣaśca puṃḍarīko'tha vāmanaḥ || 14 ||
[Analyze grammar]

śaṃkukarṇaḥ sarvanetraḥ sumukhaḥ supratiṣṭhitaḥ |
ete dikpatayaḥ proktāḥ puryyāmatra śubhānane || 15 ||
[Analyze grammar]

koṭivaiśvānaraprakhya gṛhapaṃktibhirāvṛtā |
ārūḍhayauvanairnityairdivyanārīnarairyutā || 16 ||
[Analyze grammar]

antaḥpuraṃ tu devasya madhye puryāmmanoharam |
maṇiprākārasaṃyuktaṃ ratnatoraṇaśobhitam || 17 ||
[Analyze grammar]

vimānairgṛhamukhyaiśca prāsādairbahubhiryutam |
divyāpsarogaṇaiḥ strībhissarvatassamalaṃkṛtam || 18 ||
[Analyze grammar]

madhye tu maṃḍapaṃ divyaṃ rājasthānaṃ mahocchrayam |
māṇikyastaṃbhasāhasrajuṣṭaṃ ratnamayaṃ śubham || 19 ||
[Analyze grammar]

divyairmuktaiḥ samākīrṇaṃ sāmagānopaśobhitam |
madhye siṃhāsanaṃ ramyaṃ sarvavedamayaṃ śubham || 20 ||
[Analyze grammar]

dharmādidaivatairnityairvṛṃtavaidamayātmakaiḥ |
dharmmajñānamahaiśvaryavairāgyaiḥ pādavigrahaiḥ || 21 ||
[Analyze grammar]

ṛgyajuḥsāmacātharvairūpairnityaṃ vṛtaṃ kramāt |
śaktirādhāraśaktiśca cicchaktiśca sadāśivā || 22 ||
[Analyze grammar]

dharmādidevatānāṃ ca śaktayaḥ parikīrtitāḥ |
vasaṃti madhyame tatra vahnisūryasudhāṃśavaḥ || 23 ||
[Analyze grammar]

kūrmaśca nāgarājaśca vainateyastrayīśvaraḥ |
chaṃdāsi sarvamaṃtrāśca pīṭharūpatvamāsthitāḥ || 24 ||
[Analyze grammar]

sarvākṣaramayaṃ divyaṃ yogapīṭhamiti smṛtam |
tanmadhye'ṣṭadalaṃ padmamudayārkasamaprabham || 25 ||
[Analyze grammar]

tanmadhye karṇikāyāṃ tu sāvitryāṃ śubhadarśane |
īśvaryyā saha deveśastatrāsīnaḥ paraḥ pumān || 26 ||
[Analyze grammar]

iṃdīvaradalaśyāmaḥ koṭisūryaprakāśavān |
yuvākumāraḥ snigdhaśca komalāvayavairvṛtaḥ || 27 ||
[Analyze grammar]

phullaraktāṃbujanibhaḥ komalāṃghrisarojavān |
prabuddhaḥ puṃḍarīkākṣaḥ subhrū latāyugāṅkitaḥ || 28 ||
[Analyze grammar]

sunāsassukapolāḍhyassuśrotramukhapaṃkajaḥ |
muktāphalābhadantāḍhyaḥ sasmitādharavidrumaḥ || 29 ||
[Analyze grammar]

paripūrṇedusaṃkāśaḥ susmitānanapaṃkajaḥ |
taruṇādityavarṇābhyāṃ kuṃḍalābhyāṃ virājitaḥ || 30 ||
[Analyze grammar]

sasnigdhanīlakuṭilakuntalairupaśobhitaḥ |
mandārapārijātāḍhya kabarīkṛtakeśavān || 31 ||
[Analyze grammar]

prātarudyatsahasrāṃśunibhakaustubhaśobhitaḥ |
hārasvarṇasragāsakta kambugrīvo virājitaḥ || 32 ||
[Analyze grammar]

siṃhaskaṃdhanibhaiḥ proccaiḥ pīnairaṃsairvirājitaḥ |
pīnavṛttāyatabhujaiścaturbhirupaśobhitaḥ || 33 ||
[Analyze grammar]

aṅgulīyaiśca kaṭakaiḥ keyūraiḥ parimaṇḍitaḥ |
bālārkakoṭisaṃkāśaiḥ kaustubhādyaiḥ subhūṣaṇaiḥ || 34 ||
[Analyze grammar]

virājitamahāvakṣo vanamālāvibhūṣitaḥ |
vidhātṛjananasthāna nābhipaṅkajaśobhitaḥ || 35 ||
[Analyze grammar]

bālātapanibhaślakṣṇa pītavastrasamanvitaḥ |
nānāratnavicitrāṃghriḥ kaṭakābhyāṃ virājitaḥ || 36 ||
[Analyze grammar]

sajyotsnacaṃdrapratima nakhapaṃktisamanvitaḥ |
koṭikaṃdarpalāvaṇya sauṃdaryyanidhiracyutaḥ || 37 ||
[Analyze grammar]

divyacaṃdanaliptāṃgo divyamālāvibhūṣitaḥ |
gṛhītaśaṃkhacakrābhyāmudbāhubhyāṃ virājitaḥ || 38 ||
[Analyze grammar]

varadābhayahastābhyāmitarābhyāṃ tathaiva ca |
vāmāṅke saṃsthitā devī mahālakṣmīrmaheśvarī || 39 ||
[Analyze grammar]

hiraṇyavarṇā hariṇī suvarṇarajatasrajā |
sarvalakṣaṇasaṃpannā yauvanāraṃbhavigrahā || 40 ||
[Analyze grammar]

ratnakuṃḍalasaṃyuktā nīlā kuṃcitaśīrṣajā |
divyacaṃdanaliptāṃgī divyapuṣpopaśobhitā || 41 ||
[Analyze grammar]

maṃdāraketakī jātī puṣpāñcitasukuṃtalā |
subhrūssunāsā suśroṇī pīnonnatapayodharā || 42 ||
[Analyze grammar]

paripūṃrṇeṃdusaṃkāśā susmitānanapaṃkajā |
taruṇādityavarṇābhyāṃ kuṃḍalābhyāṃ virājitā || 43 ||
[Analyze grammar]

taptakāṃcanavarṇābhā taptakāṃcanabhūṣaṇā |
hastaiścaturbhiḥ saṃyuktā kanakāṃbujabhūṣitā || 44 ||
[Analyze grammar]

nānāvicitraratnāḍhyā kanakāṃbujamālayā |
hārakeyūrakaṭakairaṃgulīyaiśca śobhitā || 45 ||
[Analyze grammar]

bhujadvayaghṛtodagra padmayugmopaśobhitā |
gṛhītamātuluṃgākhya jāṃbūnadakarāñcitā || 46 ||
[Analyze grammar]

evaṃ nityānapāyinyā mahālakṣmyā maheśvaraḥ |
modate parame vyomni śāśvate sarvadā prabhuḥ || 47 ||
[Analyze grammar]

pārśvayordharaṇī nīle samāsīne śubhāsane |
aṣṭadikṣu dalāgreṣu vimalādyāśca śaktayaḥ || 48 ||
[Analyze grammar]

vimalotkarṣiṇī jñānākriyāyogā tathaiva ca |
prahvī satyā tatheśānā śaktayaḥ paramātmanaḥ || 49 ||
[Analyze grammar]

gṛhītvā cāmarāndivyānsudhākarasamaprabhān |
sarvalakṣaṇasaṃpannā modaṃte patimacyutam || 50 ||
[Analyze grammar]

divyāpsarogaṇāḥ paṃca śatasaṃkhyāśca yoṣitaḥ |
aṃtaḥpuranivāsinyaḥ sarvābharaṇabhūṣitāḥ || 51 ||
[Analyze grammar]

padmahastāśca tāḥ sarvāḥ koṭivaiśvānaraprabhāḥ |
sarvalakṣaṇasaṃpannāḥ śītāṃśusadṛśānanāḥ || 52 ||
[Analyze grammar]

tābhiḥ parivṛto rājā śuśubhe paramaḥ pumān |
anaṃtavihagādhīśa senānyādyaissureśvare || 53 ||
[Analyze grammar]

anyaiḥ parijanairnityairmuktaiśca parisaṃvṛtaḥ |
modate ramayā sārddhaṃ bhogaiśvaryarataḥ pumān || 54 ||
[Analyze grammar]

evaṃ vaikuṃṭhanātho'sau rājate parame pade |
tadvyūhabhedāṃllokāṃśca vakṣyāmi girije śubhe || 55 ||
[Analyze grammar]

prācyāṃ vaikuṃṭhalokasya vāsudevasya maṃdiram |
āgneyyāṃ lakṣmyālokastu yāmyāṃ saṃkarṣaṇālayaḥ || 56 ||
[Analyze grammar]

sārasvatastu nairṛtyā prādyumnaḥ paścime tathā |
ratilokastu vāyavyāmudīcyāmaniruddhabhūḥ || 57 ||
[Analyze grammar]

aiśānyāṃ śāṃtilokaḥ syātprathamāvaraṇaṃ smṛtam |
keśavādicaturviṃśatyamī lokāstataḥ kramāt || 58 ||
[Analyze grammar]

dvitīyāvaraṇaṃ proktaṃ vaikuṃṭhasya śubhāhvayam |
matsyakūrmādilokāstu tṛtīyāvaraṇaṃ śubham || 59 ||
[Analyze grammar]

satyācyutānaṃta durgā viṣvaksena gajānanāḥ |
śaṃkhapadmanidhīlokāścaturthāvaraṇaṃ śubham || 60 ||
[Analyze grammar]

ṛgyajuḥ sāmātharvāṇo lokā dikṣu mahatsu ca |
sāvitryā vihageśasya dharmasya ca makhasya ca || 61 ||
[Analyze grammar]

paṃcamāvaraṇaṃ proktamakṣayaṃ sarvavāṅmayam |
śaṃkhacakragadāpadmakhaḍgaśārṅgahalaṃ tathā || 62 ||
[Analyze grammar]

mauśalaṃ ca tathā lokāḥ sarvaśastrāstrasaṃyutāḥ |
ṣaṣṭhamāvaraṇaṃ proktaṃ maṃtrāstramayamakṣaram || 63 ||
[Analyze grammar]

aiṃdra pāvakayāmyāni nairṛtaṃ vāruṇaṃ tathā |
vāyavyaṃ saumyamaiśānaṃ saptamaṃ munibhiḥ smṛtam || 64 ||
[Analyze grammar]

sādhyā marudgaṇāścaiva viśvedevāstathaiva ca |
nityāḥ sarve pare dhāmni ye cānye ca divaukasaḥ || 65 ||
[Analyze grammar]

te vai prākṛtalokesminna nityāstridaśeśvarāḥ |
te ha nākaṃ mahimānaḥ sacaṃta iti vai śrutiḥ || 66 ||
[Analyze grammar]

evaṃ paraṃ padaṃ nityairmuktairbhogaparāyaṇaiḥ |
divyābhirmahiṣībhiśca rājate vibhurīśvaraḥ || 67 ||
[Analyze grammar]

na tadbhāsayate sūryo na śaṃśāṃko na pāvakaḥ |
yadgatvā na nivarttaṃte yoginaḥ saṃśitavratāḥ || 68 ||
[Analyze grammar]

dvayaikamaṃtraniṣṭhā ye te vai yāṃti tadavyayam |
na vedayajñādhyayanairna dānairna vrataiḥ śubhaiḥ || 69 ||
[Analyze grammar]

na tapobhirnirāhārairna ca sādhanakarmabhiḥ |
ekena dvayamaṃtreṇa tathā bhaktyā tvananyathā || 70 ||
[Analyze grammar]

tadgamyaṃ śāśvataṃ sthānaṃ prapattyā vai sanātanam |
pārvatyuvāca |
sādhūktaṃ paramaṃ svargasvarūpaṃ bhavatā prabho || 71 ||
[Analyze grammar]

paravyomni sthito nityaṃ kathaṃ prakṛtimaṇḍale |
sthitavānkiṃ nimittena līlayā kiṃ prayojanam || 72 ||
[Analyze grammar]

śuddhasatvamaye loke saṃsthitaḥ parameśvaraḥ |
kathaṃ rajastamomiśra vibhūtyā sthivānprabhuḥ || 73 ||
[Analyze grammar]

rudra uvāca |
tripādvibhūtau bhagavānīśvaryyā parameśvaraḥ |
nityamuktyaikabhogyo'sau modate satataṃ vibhuḥ || 74 ||
[Analyze grammar]

tamīśvaraṃ mahāmāyā prakṛtirjagadāśrayā |
kṛtāṃjalipuṭā bhūtvā tuṣṭāva parameśvaram || 75 ||
[Analyze grammar]

mahāmāyovāca |
namaste trijagaddhāmne namaste viśvarūpiṇe |
purāṇāya namastubhyaṃ jagadutpattihetave || 76 ||
[Analyze grammar]

śrībhūlīlādhipataye namo nārāyaṇāya ca |
namo bhagavate tubhyaṃ vāsudevāya śārṅgiṇe || 77 ||
[Analyze grammar]

sarvadevasvarūpāya viṣṇave jiṣṇave namaḥ |
sahasramūrtaye tubhyamanaṃtāya namostu te || 78 ||
[Analyze grammar]

acyutāya vikārāya śuddhasattvasvarūpiṇe |
adimadhyāṃtarahita svarūpāya namo namaḥ || 79 ||
[Analyze grammar]

namo hiraṇyagarbhāya jñānāya paramātmane |
sarvabhūtātmane tubhyaṃ sarvabhūtāśrayāya ca || 80 ||
[Analyze grammar]

brahmaṇe jyotiṣe tubhyaṃ namaste viśvarūpiṇe |
namaḥ śuciṣade tubhyaṃ haṃsāya paramāya ca || 81 ||
[Analyze grammar]

saṃkarṣaṇāya rudrāya sarvabhūtadharāya ca |
hayagrīvāya dīptāya kālāya haraye namaḥ |
namaste yajñapuruṣa havyakavyasvarūpiṇe || 82 ||
[Analyze grammar]

namaḥ prajāpataye tasmai sūryāya śubhavarcase |
agnaye havyabhoktre ca tasmai yajñātmane namaḥ || 83 ||
[Analyze grammar]

namaste prasavitre ca sargasthityaṃtahetave |
namo vedāṃtavedyāya caturātmasvarūpiṇe || 84 ||
[Analyze grammar]

brahmaṇe viṣṇave tubhyaṃ namaste śaṃkārāya ca |
triguṇāya namastubhyaṃ sargasthityaṃtahetave || 85 ||
[Analyze grammar]

nirguṇāya namastubhyaṃ sarvātmāntaravartine |
avyaktāya namastasmai viṣṇave lokasākṣiṇe || 86 ||
[Analyze grammar]

nārāyaṇāya śrīśāya pūrṇaṣāḍguṇyamūrttaye |
anaṃtaguṇapūrṇāya namaḥ sarvārthadāyine || 87 ||
[Analyze grammar]

namaste vāsudevāya paṃcāvasthasvarūpiṇe |
namaḥ paṃcanavavyūha bhedarūpāya te namaḥ || 88 ||
[Analyze grammar]

namo yajñavarāhāya goviṃdāya namo namaḥ |
avikārāya śuddhāya heyapratibhaṭāya ca || 89 ||
[Analyze grammar]

namo rāmāya kṛṣṇāya narasiṃhāya te namaḥ |
keśavāya namastubhyaṃ jagatāṃ kleśahāriṇe || 90 ||
[Analyze grammar]

tvameva sarvalokānāmāśrayaḥ puruṣottamaḥ |
prasīda devadeveśa sarvalokahitāya vai || 91 ||
[Analyze grammar]

matsaṃsthāścetanāssarve nirādhārā nirāśrayāḥ |
hīnadehā nirākārāḥ sarvendriyavivarjitāḥ || 92 ||
[Analyze grammar]

sarvānuṣṭhānarahitāḥ satataṃ duḥkhabhoginaḥ |
teṣāṃ lokāṃśca dehāṃśca dātumarhasi keśava || 93 ||
[Analyze grammar]

līlāvibhūtiṃ sarvajña yathāpūrvaṃ prakalpaya |
cetanācetanaṃ kṛtsnaṃ jagatsthāvarajaṃgamam || 94 ||
[Analyze grammar]

mayā saṃmohitaṃ paśya līlārthaṃparameśvara |
prākṛtāṇḍaṃ mayā sārdhaṃ sṛjasva puruṣottama || 95 ||
[Analyze grammar]

dharmmādharmmau sukhaṃ duḥkhaṃ tasminnikṣipya saṃsṛtau |
māmadhiṣṭhāya līlāṃ vai kartumarhasi mā ciram || 96 ||
[Analyze grammar]

śrīmahādeva uvāca |
evamuktastayā devyā māyayā parameśvaraḥ |
tasyāṃ niveśya māyāyāṃ jagatsraṣṭuṃ pracakrame || 97 ||
[Analyze grammar]

yo'sau prakṛtipuruṣaḥ procyate sa ihācyutaḥ |
sa eva bhagavānviṣṇuḥ prakṛtyāṃ praviveśa ha || 98 ||
[Analyze grammar]

asṛjatprakṛtau brahmabhūtādimahadāśrayam |
mahataḥ puruṣādasmādahaṃkāro'bhyajāyata || 99 ||
[Analyze grammar]

ahaṃkārāttu vai tasmādguṇatrayamajāyata |
tribhyo guṇebhyastanmātrāmasṛjadviśvabhāvanaḥ || 100 ||
[Analyze grammar]

tanmātrebhyobhyajāyaṃta mahābhūtāni tatkṣaṇāt |
oṃkāraḥ prathamaṃ jāto brahmaṇastriguṇātmanaḥ || 101 ||
[Analyze grammar]

ākāśādabhavadvāyurvāyoragnirajāyata |
agnerāpaḥ samudbhūtā adbhyaśca pṛthivī matā || 102 ||
[Analyze grammar]

ākāśādīni bhūtāni sṛṣṭānyekottarāṇi vai |
śabdasparśaśca rūpaṃ ca raso gaṃdhaśca tadguṇāḥ || 103 ||
[Analyze grammar]

ekottaraguṇānsṛṣṭvā tānādāya mahāprabhuḥ |
teṣāṃ vimiśraṇaṃ kṛtvā jagadaṃḍaṃ mahattaram |
asṛjattatralānvai saṃkhyayā ye caturdaśa || 104 ||
[Analyze grammar]

brahmāditridaśāṃstasminnasṛjatpuruṣottamaḥ |
daivatiryyaktathā martyaṃ sthāvaraṃ ca caturvvidham || 105 ||
[Analyze grammar]

tathā sṛṣṭo mahāsargantena vai jalajekṣaṇe |
tatra karmānurūpeṇa tridaśādiṣu yoniṣu || 106 ||
[Analyze grammar]

saṃsthitāḥ prakṛtau pūrva ātmanaḥ prabhavaṃti hi || 107 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe paramavyomādivarṇanaṃnāma aṣṭāviṃśatyadhikadviśatatamo'dhyāyaḥ || 228 ||
[Analyze grammar]