Chapter 215

[English text for this chapter is available]

saubhariruvāca |
yudhiṣṭhiredamākarṇya nāradasya vacaḥ śubham |
śibirauśīnaro rājā vinītastamuvāca ha || 1 ||
[Analyze grammar]

śibiruvāca |
mune mayā tu māhātmyaṃ śrutaṃ madhuvanasya vai |
tvanmukhātkiṃtu saṃdeho hyekosti mama mānase || 2 ||
[Analyze grammar]

yena dharmātmanā sarve tāritā nijabāṃdhavāḥ |
janmadvayakṛtā hyāsītsa kathaṃ svairiṇīsutaḥ || 3 ||
[Analyze grammar]

etadācakṣva bhagavansarvasvaṃ vetsi tattvataḥ |
atītaṃ varttamānaṃ ca bhaviṣyamapi nārada || 4 ||
[Analyze grammar]

nārada uvāca |
ekadā munayaḥ sarve haridvāre samāgatāḥ |
daśamyāṃ jyeṣṭhaśuklasya yuktāyāṃ sarvaparvabhiḥ || 5 ||
[Analyze grammar]

tatra te vidhivatsnātvā kṛtvā ca svakriyāṃ śubhām |
himācalasya pṛṣṭhe tu svasthacittā upāviśan || 6 ||
[Analyze grammar]

tārātmajo budhastatra munisaṃge samāgataḥ |
rsaudaryabharasaṃyuktaḥ smaro mūrtta ivāparaḥ || 7 ||
[Analyze grammar]

taṃ samāgatamālokya samuttasthurmunīśvarāḥ |
tenābhivaṃditā mūrdhnā punaste samupāviśan || 8 ||
[Analyze grammar]

budhasyādaramālokya vihitaṃ munipuṃgavaiḥ |
muniputraḥ sa papraccha pitaraṃ svamiti prabho || 9 ||
[Analyze grammar]

muniputra uvāca |
ko'yaṃ tāta samāyātaḥ sauṃdaryeṇāparaḥ smaraḥ |
vyāsādibhirmunivarairbhṛśaṃ tasyādaraḥ kṛtaḥ || 10 ||
[Analyze grammar]

nārada uvāca |
ityākarṇya sa dharmātmā svasya putrasya bhāṣitam |
babhāṣe muniśārdūlaḥ putraṃ nirbaṃdhasaṃyutam || 11 ||
[Analyze grammar]

pitovāca |
bṛhaspateḥ suraguroḥ sutastārodarododbhavaḥ |
buddhimānbudhanāmāyaṃ śaśivaṃśakaraḥ paraḥ || 12 ||
[Analyze grammar]

putra uvāca |
kiṃ tvayā kathitaṃ tāta niḥsaṃbaṃdhaparaṃ vacaḥ |
bṛhaspateḥ suto yastu sa kathaṃ śaśivaṃśakṛt || 13 ||
[Analyze grammar]

jajñe na sūyayā tāta vidhuratrermunīśvarāt |
tasyavaṃśasya karttāyaṃ kathaṃ suraguroḥ sutaḥ || 14 ||
[Analyze grammar]

eṣa me mānase tāta saṃśayo vartate mahān |
tamapākuru vipreṃdra saṃdihānasya me śiśoḥ || 15 ||
[Analyze grammar]

pitovāca |
purā bṛhaspaterbhāryā tārānāma yaśasvinī |
caṃdreṇāpahṛtā tāta balādbalavatā tadā || 16 ||
[Analyze grammar]

apahṛtya tadā nītā svagṛhaṃ vidhinā guroḥ |
bhāryā sā tu tayā sārddhaṃ ramitaṃ tena vai ciram || 17 ||
[Analyze grammar]

tasmāgarbho'bhavattāta kālena kiyatā tadā |
tato bṛhaspatirbhāryā nijāṃ tāṃ samayācata || 18 ||
[Analyze grammar]

caṃdramāpi madāviṣṭo na dadau baladarpitaḥ |
tato bṛhaspatistāta devaiḥ śakrādibhiḥ saha || 19 ||
[Analyze grammar]

sannaddho yoddhumārebhe samaṃ balavadiṃdunā |
sahāyārthaṃ vidhoḥ śukraḥ samaṃ ditijadānavaiḥ || 20 ||
[Analyze grammar]

samāgatastadā tāta tasminraṇasamudyame |
tatastārānimittaṃ vai yuddhaṃ prāvarttatolbaṇam || 21 ||
[Analyze grammar]

kariṣyate sarvajanaiḥ pradhānaṃ tārakāmayam |
tasminyuddhe mahābhīme hatā devāśca dānavāḥ || 22 ||
[Analyze grammar]

na kasyacijjayastāta babhūva na parājayaḥ |
tataḥ samāgato brahmā saṃnivāryolbaṇaṃ raṇam || 23 ||
[Analyze grammar]

dadau bṛhaspatestārāṃ bodhayitvā niśāpatim |
bṛhaspatistu tāṃ vīkṣya tārāṃ garbhavatīṃ tadā |
kruddho viriṃceḥ pratyakṣaṃ samāje devadaityayoḥ || 24 ||
[Analyze grammar]

bṛhaspatiruvāca |
śṛṇuṣva māmakaṃ vākyaṃ tāre taralalocane |
kasyāyaṃ dhriyate garbho bhavateṃdormamāthavā || 25 ||
[Analyze grammar]

pitovāca |
evaṃ muhurmuhuḥ pṛṣṭā sā ca lajjāvatī śubhā |
yadā na kathayāmāsa kiṃcittāta tadagrataḥ || 26 ||
[Analyze grammar]

tadāyaṃ paśyatāṃ teṣāṃ devānāṃ ca suradviṣām |
utpannastāmuvācedaṃ jananīṃ ca ruṣānvitaḥ || 27 ||
[Analyze grammar]

budha uvāca |
kasmānna kathyate duṣṭe madīyo janakastvayā |
lajjāṃ vihāya saṃpaśya śāpasya mama vaibhavam || 28 ||
[Analyze grammar]

pitovāca |
ityuktvā jalamādāya yadā śaptuṃ samudyataḥ |
tadā sā maṃdamāhedaṃ pitā tava sudhākaraḥ || 29 ||
[Analyze grammar]

ityukte ca tayā sādhvyā caṃdra svaḥtanayaṃ budham |
amuṃ gṛhītvā sānaṃdaṃ jagāma nijamaṃdiram || 30 ||
[Analyze grammar]

bṛhaspatistu tāṃ tārāṃ gṛhītvā svagṛhaṃ yayau |
brahmā devāśca daityāśca tepi svaṃ svaṃ gṛhaṃ yayuḥ || 31 ||
[Analyze grammar]

etatte sarvamākhyātaṃ yastvaṃ māṃ paripṛṣṭavān |
bṛhaspatistriyāṃ jāto yathāyaṃ caṃdravaṃśakṛt || 32 ||
[Analyze grammar]

nārada uvāca |
ityākarṇya piturvākyaṃ jahāsoccairmuneḥ sutaḥ |
uvāca ca svapitaraṃ kuṃḍo'yaṃ svairiṇīsutaḥ || 33 ||
[Analyze grammar]

uvāca ca pitā putraṃ hā putredaṃ na bhaṇyatām |
sarvasatvāṃtarajño'yaṃ śapsyate tvāṃ tvaduktavit || 34 ||
[Analyze grammar]

nārada uvāca |
ityukte tena muninā cāṃdrirjñātvā tadīritam |
sarveṣāṃ śṛṇvatāṃ prāha munīnāmiti bhūpate || 35 ||
[Analyze grammar]

budha uvāca |
śṛṇvaṃtu muniśārdūlā bhavaṃto mama bhāṣitam |
yadi sādhvathavā sādhu vicārayata mā ciram || 36 ||
[Analyze grammar]

bhavatāṃ tatvabuddhīnāṃ darśanārthamihāgataḥ |
kṛtavānkasyacinnāhamaparādhaṃ manāgapi || 37 ||
[Analyze grammar]

asūyayā kimarthaṃ māmavajānaṃti durmadāḥ |
svajanmasaphalatvāya bhavaddarśanalālasaḥ || 38 ||
[Analyze grammar]

svabhāva eva duṣṭānāṃ sādhūnapi nirenasaḥ |
udvejayaṃti yatkvāpi miṣṭavācaḥ pikā iva || 39 ||
[Analyze grammar]

duḥsvabhāvaṃ na muṃcaṃti duṣṭāḥ satsaṃgamādapi |
gaṃgābusaṃgamenāpi kṣāratāmiva nīradhiḥ || 40 ||
[Analyze grammar]

aho vyādhasya duṣṭatvaṃ munivṛttīnyato mṛgān |
vane mṛgacarānhaṃti nijagānavido'pi saḥ || 41 ||
[Analyze grammar]

matsyaiḥ kimaparāddhaṃ hi dhīvarāṇāṃ durātmanām |
yajjale caratastīrthe ghnaṃti tatprakṛtirhi sā || 42 ||
[Analyze grammar]

sādhavo'pi na muṃcaṃti svabhāvaṃ duṣṭasaṃgatāḥ |
vṛtā viṣāgniyuksarpaiḥ śrīkhaṃḍā iva śītatām || 43 ||
[Analyze grammar]

parodayepi nṛtyaṃti kiṃ svapakṣasya sādhavaḥ |
yathonmanā munivarā vārivāhasya barhiṇaḥ || 44 ||
[Analyze grammar]

dhārayaṃti parārthe hi nijāṃgamapi sādhavaḥ |
pitṛdevamanuṣyāṇāmarthe matpitṛvatkalāḥ || 45 ||
[Analyze grammar]

nijodayastu sādhūnāṃ svacchasyānaṃdahetavaḥ |
yathā kumudapuṣpāṇāṃ matpituḥ śītalatviṣaḥ || 46 ||
[Analyze grammar]

nārada uvāca |
ityudīrya vacaḥ krodhādbudhastaṃ munibālakam |
śaśāpeti tvamapyāśu kuṃḍo bhava mahītale || 47 ||
[Analyze grammar]

evamākarṇya taṃ śāpaṃ pitā budhavisarjitam |
svaputraṃ pātayāmāsa tadaṃghryoḥ kṣamyatāmiti || 48 ||
[Analyze grammar]

uvāca ca na jānāti bālo'yaṃ tava vaibhavam |
nocitaṃ krodhakaraṇamasminbāle bhavādṛśaiḥ || 49 ||
[Analyze grammar]

kutaścitkāraṇātsādhoḥ kruddhasya prakṛtikṣamā |
hutāśanaprataptasya śītatvamiva cāṃbunaḥ || 50 ||
[Analyze grammar]

ataḥ kṣamāṃ vidhāyāśu vidhehyasminnanugraham |
bāle vivekarahite kṣamāsārā hi sādhavaḥ || 51 ||
[Analyze grammar]

nārada uvāca |
ityuktastena muninā śītāṃśutanayastadā |
krodhaṃ tatyāja śāṃtātmā cakre tasminnanugraham || 52 ||
[Analyze grammar]

budha uvāca |
ayaṃ tava mune bālaḥ kuṃḍatvaṃ prāpya bhūtale |
dattayajñopavītaḥ saṃllapsyase hi nijāspadam || 53 ||
[Analyze grammar]

evaṃ sa muniputro vai budhaśāpānnṛpottama |
kuṃḍatvaṃ prāptavānbhūmau pitaro yena tāritāḥ || 54 ||
[Analyze grammar]

idaṃ pavitraṃ māhātmyaṃ śrutvā madhuvanasya vai |
samastamaśvamedhasya phalaṃ prāpnoti mānavaḥ || 55 ||
[Analyze grammar]

ye narā dhārayaṃtyasya māhātmyasyārthamuttamam |
hṛdaye yatra tatteṣāṃ viṣayairnābhibhūyate || 56 ||
[Analyze grammar]

ye paṭhiṣyaṃti māhātmyaṃ śroṣyaṃti ca mahādhiyaḥ |
dehāṃte viṣṇusālokyaṃ gamiṣyaṃti na saṃśayaḥ || 57 ||
[Analyze grammar]

idamaniśapavitraṃ tubhyamāvarṇitaṃ me madhuvanasucaritraṃ śrīpateḥ prītikāri |
kalikaluṣakalāpacchedane dakṣamakṣotpathagamananirāse kāraṇaṃ puṇyamūrtau || 58 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe kāliṃdīmāhātmye madhuvanavarṇanonāma paṃcadaśādhikadviśatatamo'dhyāyaḥ || 215 ||
[Analyze grammar]