Chapter 211

[English text for this chapter is available]

nārada uvāca |
śive tavapuraḥ sarvaṃ mukaṃdākhyānamuttamam |
kathitaṃ caṃḍakasyāpi nāpitasya śṛṇuṣva me || 1 ||
[Analyze grammar]

yasmindine mukuṃdastu brāhmaṇastena ghātitaḥ |
caṃḍakena tadārājaṃstadvṛttaṃ nāgaraiḥ śrutam || 2 ||
[Analyze grammar]

śrutvā taistannṛpasyāgre niveditamiti sphuṭam |
nāgarā ūcuḥ |
caṃḍakena hato rājanmukuṃdo brāhmaṇottamaḥ || 3 ||
[Analyze grammar]

nītaṃ ca taddhanaṃ bhūri yadyuktaṃ tadvidhīyatām |
tvamasmākaṃ prajānāṃ hi rakṣakaḥ śāsako'satām || 4 ||
[Analyze grammar]

nārada uvāca |
ityākarṇya sa bhūpālo maṃtriṇaṃ pārśvavartinam |
uvāca koparaktākṣaḥ kimebhiḥ kathyate śṛṇu || 5 ||
[Analyze grammar]

śīghramānayataṃ pāpaṃ nocettvāṃ ghātayāmyaham |
uttiṣṭhottiṣṭha pāpiṣṭha sādhūnāṃ śaṃ vidhīyatām || 6 ||
[Analyze grammar]

pīḍyaṃte viṣaye yasya prajā dasyubhirulbaṇaiḥ |
sa nṛpo narakaṃ yāti tebhyastāścenna rakṣati || 7 ||
[Analyze grammar]

nārada uvāca |
niśamyeti vaco rājñaḥ sacivaḥ sa śive nṛpaḥ |
vegena hayamāruhya padātiśatasaṃyutaḥ || 8 ||
[Analyze grammar]

yayau gṛhe mukuṃdasya tasya baṃdhūnapṛcchata |
mukuṃdaḥ kena nihataḥ satyaṃ brūta mamāgrataḥ || 9 ||
[Analyze grammar]

taṃ pāpaṃ nihaniṣyāmi śāsanādbhūpateraham |
nārada uvāca |
śrutveti maṃtriṇo vākyaṃ pratyūcurviprabāṃdhavāḥ || 10 ||
[Analyze grammar]

viprabāṃdhavā ūcuḥ |
caṃḍakena hato maṃtrinmukuṃdo nāpitena hi |
idaṃ palāyamānasya tasyoṣṇīṣaṃ papāta vai || 11 ||
[Analyze grammar]

dṛṣṭaḥ svacakṣuṣā vadhvā mukuṃdasyaiva soghakṛt |
kiṃ kurmastena pāpena majjitāḥ śokasāgare || 12 ||
[Analyze grammar]

nārada uvāca |
ityākarṇya vacasteṣāṃ baṃdhūnāṃ brāhmaṇasya hi |
sa maṃtrī tasya pāpasya nāpitasya gṛhaṃ yayau || 13 ||
[Analyze grammar]

aśvāduttīrya tarasā tadgṛhaṃ svayamāviśat |
katibhiḥ pattibhiḥ sārddhaṃ śayānaṃ ca dadarśa ha || 14 ||
[Analyze grammar]

pattayastu tadājñaptāḥ keśeṣvākṛṣya tatkṣaṇāt |
talpādutthāpayāmāsustaṃ pāpaṃ nāpitādhamam || 15 ||
[Analyze grammar]

kiṃ kimityeva saṃjalpannetre unmīlayatyasau |
yāvatsa nāpitaḥ pāpastāvattaṃ dadṛśe puraḥ || 16 ||
[Analyze grammar]

saṃsmaraṃtaṃ nijaṃ karma rātrau yatkṛtavānagham |
adhomukhaḥ kṣaṇaṃ tasthau paśyanmūrdhni sthitaṃ yamam || 17 ||
[Analyze grammar]

grāhayitvā ca sacivastaṃ pāpaṃ ca svapattibhiḥ |
nināya nṛpateḥ pārśvamiti covāca bhūpatim || 18 ||
[Analyze grammar]

ānīto brahmahā rājannayaṃ caṃḍaka nāpitaḥ |
yadājñāpayasi svāmiṃstarasā tatkaromyaham || 19 ||
[Analyze grammar]

rājovāca |
dharmajña sacivaśreṣṭha śṛṇu tvaṃ vacanaṃ mama |
iyaṃ saridvarā yuṣmaṃścaṃdrabhāgātra nirmalāḥ || 20 ||
[Analyze grammar]

tyajaṃti ye'tra vai prāṇāllaṃbhaṃte te surāspadam |
ata eṣa na haṃtavyaḥ pāpātmā hyatra nāpitaḥ || 21 ||
[Analyze grammar]

paṃcakośāṃtare hyasyā maryādāyā bahiryadi |
narakāndāruṇānhyeṣa brahmahā yātu mā ciram || 22 ||
[Analyze grammar]

nāradovāca |
ityuktastena vai rājñā sa rājanmaṃtrisattamaḥ |
śvapacānprerayāmāsa haṃtuṃ taṃ bhūpaśāsanāt || 23 ||
[Analyze grammar]

śvapacāste tamunnīya caṃdrabhāgāpare taṭe |
yojanadvayabhūbhāgaṃ cicchidustasya mastakam || 24 ||
[Analyze grammar]

sa pāpo mārave deśe sarpo'bhūtkālavigrahaḥ |
dhavakoṭaramadhyastho viṣajvālākarānanaḥ || 25 ||
[Analyze grammar]

sa śuṣko dhavavṛkṣastu tasya phūtkāravahninā |
tathā tapanatāpena saraso'pi yathā hradaḥ || 26 ||
[Analyze grammar]

gamanāttasya pāpasya sarvato vṛkṣamūṣaram |
ucchidya tṛṇajātādi jātaṃ paśvahitaṃ tadā || 27 ||
[Analyze grammar]

tatra jātu samāyātaḥ sārtho dakṣiṇadeśataḥ |
nārāyaṇāśramaṃ gacchanbadaryākhyaṃ śive nṛpa || 28 ||
[Analyze grammar]

tatraiko brāhmaṇaḥ kaścitsārthesaṃmīlitaḥ pathi |
niśchidrāṃ kāṣṭhamaṃjūṣāṃ pitṛmātrasthisaṃyutām || 29 ||
[Analyze grammar]

skaṃdhena dhārayanyāti tāni pātayituṃ nṛpa |
gaṃgāṃbhasi mahābhāga pāpināmapi kāmade || 30 ||
[Analyze grammar]

so'pyāgatastatra vane yatrāsti sa bhujaṃgamaḥ |
vivikte kṣipya maṃjūṣāṃ śalākālohanirmitām || 31 ||
[Analyze grammar]

athāgatya bhujaṃgo'sau śalākāṃ phaṇayāghaṭat |
kiṃciduddhāṭitāyāṃ sa maṃjūṣāyāṃ samāviśat || 32 ||
[Analyze grammar]

punaḥ śalākā svaṃsthānamāgatātha sa kuṃḍalī |
tatraiva tasthau niśceṣṭo maṃjūṣāyāṃ viṣolbaṇaḥ || 33 ||
[Analyze grammar]

atha prabhāte sarve te celuḥ sthānāttato nṛpa |
brāhmaṇaḥ so'pi maṃjūṣāṃ kaṃbalena samāvṛtām || 34 ||
[Analyze grammar]

kṛtvā śirasi rājeṃdra cacāla prati jāhnavīm |
katibhirvāsaraiḥ sārthaḥ saṃprāptastīrthagāminām || 35 ||
[Analyze grammar]

ihaiva kośalāyāṃ vai punītāyāṃ mahīpate |
atha śītāturo vipraḥ kaṃbalaṃ codaghāṭayat || 36 ||
[Analyze grammar]

maṃjūṣāvaraṇaṃ rājantatrāyodhyātaṭe śubhe |
so'pi sarpo nirāhāro labdhvā mārutabhojanam || 37 ||
[Analyze grammar]

niścakrāma bahistasmādutkṣepya suśalākikām |
taṃ niḥsṛtaṃ samālokya sarppa sarpa iti krudhā || 38 ||
[Analyze grammar]

vyāharaṃto janāḥ sarve loṣṭahastāḥ samabhyayuḥ |
yāvatpalāyate sarpastāvadekena ghātitaḥ || 39 ||
[Analyze grammar]

tatyāja sa tadā prāṇānpaśyatāṃ tīrthagāminām |
tyaktvā bhujaṃgadehaṃ sa devatvaṃ prāpa durlabham || 40 ||
[Analyze grammar]

divyaṃ vimānamāruhya provācedaṃ janāni ha |
sarpa uvāca |
bho dākṣiṇātyāḥ śṛṇuta brāhmaṇā vacanaṃ mama || 41 ||
[Analyze grammar]

purā caṃḍakanāmāhaṃ nāpito brahmahādhamaḥ |
brahmahatyāpradoṣeṇa sarpaāsaṃ marusthale || 42 ||
[Analyze grammar]

bhuktvā narakaduḥkhāni varṣāṇāṃ lakṣapaṃcakam |
atītaṃ sarpayonau me varṣāṇāmayutadvayam || 43 ||
[Analyze grammar]

tīrthasyāsya prasādena prāptaṃ devatvamuttamam |
tasmādidaṃ na vai tyājyaṃ tīrthaṃ vai kośalābhidham |
sarvārthadaṃ yato nākaḥ prāptaḥ pāpīyasā mayā || 44 ||
[Analyze grammar]

nārada uvāca |
evaṃ sa nāpitaḥ pāpo yoniṃ prāpya viniṃditām |
jagāma dyāṃ vimānasthastīrthasyāsya prasādataḥ || 45 ||
[Analyze grammar]

te dākṣiṇātyā yatayo bhūtvā tatraiva tīrthake |
ūṣurgoviṃdapādābja mānasā dṛṣṭavaibhave || 46 ||
[Analyze grammar]

māhātmyamasya tīrthasya dṛṣṭvā sa brāhmaṇottamaḥ |
tīrthe'trajātaviśraddhaḥ pitrorasthīni so'kṣipat || 47 ||
[Analyze grammar]

patiteṣvasthikhaṃḍeṣu pitarau tasya tatkṣaṇāt |
vimānavaramārūḍhau divyau tatra samāgatau || 48 ||
[Analyze grammar]

ūcatuśca svatanayaṃ śṛṇvāneṣu janeṣu vai |
vatsa jīva ciraṃ loke dhanadhānyasukhī bhava || 49 ||
[Analyze grammar]

āvayormuktidānācca muktiṃ yāsyasi no mṛṣā |
gaṃgāyāṃ piṃḍadānena yatphalaṃ syātsutasya vai |
pitṝṇāṃ yā gatiścātra dvayaṃ syādasthipātataḥ || 50 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe |
kāliṃdīmāhātmye mukuṃdopākhyānaṃ nāmaikādaśādhikadviśatamodhyāyaḥ || 211 ||
[Analyze grammar]