Chapter 210

[English text for this chapter is available]

nārada uvāca |
evaṃ prabodhya tānsarvānvacobhiḥ pāramārthikaiḥ |
sa haṃsaḥ kārayāmāsa kriyāstasyātmasaṃbhavāḥ || 1 ||
[Analyze grammar]

aṃtarvatnī mukuṃdasya nirbaṃdhaṃ kurvatī vadhūḥ |
anugaṃtuṃ svabhartāraṃ viduṣā tena vāritā || 2 ||
[Analyze grammar]

tasyāsthīni samādāya tena sanyāsinā samam |
tadbhrātā prayayau gaṃgājale pātayituṃ nṛpa || 3 ||
[Analyze grammar]

viprasanyāsinau tau hi katibhirvāsarairnṛpa |
sārthalokavaśātprāptau iṃdraprasthe'tra satpade || 4 ||
[Analyze grammar]

iṃdraprasthāṃtarāvartinyeṣā yā kośalā nṛpa |
atra suptau niśāyāṃ tau yamunātīrabhūtale || 5 ||
[Analyze grammar]

ātmanorubhayormadhye nyasyāsthipaṭasaṃpuṭam |
mārgakhedaparikrāṃtau daśāṃ sauṣuptikīṃ gatau || 6 ||
[Analyze grammar]

niśīthe'tha prasupteṣu sārthalokeṣu kaścana |
ekaḥ śvā tatra saṃprāptaḥ pakvānnādi jihīrṣayā || 7 ||
[Analyze grammar]

babhrāma sarvaśivire jighranpākasthalīṃ muhuḥ |
bhājanāni lihanmūrdhni kva ca daṃḍāhatiṃ sahan || 8 ||
[Analyze grammar]

kenacittāḍito mūrdhni niśabdaṃ vidrutastataḥ |
praticakrumaśaktastu strījitaḥ svastriyā yathā || 9 ||
[Analyze grammar]

yatrāvakaṃḍitaḥ sa śvā daṃḍagrāveṣṭakādibhiḥ |
punarviveśa tatraiva sānnapātralilipsayā || 10 ||
[Analyze grammar]

bhogecchayā yathā veśyā snehavānnirddhano janaḥ |
bhramannevaṃ sa cātrāpi yatra suptau hi tāvubhau || 11 ||
[Analyze grammar]

sārameyastayormadhyājjahre sa paṭasaṃpuṭam |
nītvā sa kiyatīṃ bhūmiṃ daṃtaistatpaṭasaṃpuṭam || 12 ||
[Analyze grammar]

vidāryāsthīni tatsthāni nirmāṃsānyavalokya saḥ |
etasyāḥ kośalāyāstu jalamadhye samākṣipat || 13 ||
[Analyze grammar]

kṣiptamātreṣu tenāsthiṣvetadaṃbuni bhūpate |
divyaṃ vimānamāsthāya mukuṃdo'tra samāgataḥ || 14 ||
[Analyze grammar]

dṛṣṭvā gurvanujau suptau śanaiḥ prābodhayattadā |
uvāca ca namaskṛtya guṃruṃ divyākṛtirnṛpa || 15 ||
[Analyze grammar]

mukuṃda uvāca |
vedāyana guro tubhyaṃ nama āśīstavānuja |
prāsādādvāṃ mamāsthīni tīrthe'tra patitāni vai || 16 ||
[Analyze grammar]

ayaṃ mṛtyumahaṃ gatvā nirayaṃ prāpya tatphalam |
etattīrthaprasādena daivī labdhā mayā gatiḥ || 17 ||
[Analyze grammar]

tvāṃ guruṃ tīrthabhūtaṃ tu namaskartumihāgataḥ |
ahaṃ gacchanvimānena divyena tridaśālayam || 18 ||
[Analyze grammar]

namaskṛto bhavānetattīrtha cāyaṃ sahodaraḥ |
dṛṣṭo māmanujānīhi yāmi svargaṃ sukhodayam || 19 ||
[Analyze grammar]

nārada uvāca |
śrutvaivaṃ vacanaṃ tasya mukuṃdasya gurustadā |
vedāyano vimānasthaṃ tamūce gatavismayaḥ || 20 ||
[Analyze grammar]

devāyana uvāca |
mukuṃdākhyāhi me satyaṃ labdhvā yanmaraṇaṃ bhavān |
kasmiṃlloke gatastāta yato yātyadhunā divam || 21 ||
[Analyze grammar]

kiṃ vṛttaṃ tatra te tāta tasyalokasya ko'dhipaḥ |
kīdṛśī ca prajā kīdṛkdharmastatrākhilaṃ vada || 22 ||
[Analyze grammar]

mukuṃda uvāca |
kathayāmi guro tubhyaṃ yadvṛttaṃ maraṇādanu |
tīrthasyāsya prasādena smṛtirme jāyate'dhunā || 23 ||
[Analyze grammar]

yadāhaṃ tena nihataścaṃḍakena durātmanā |
nāpitena tadā jagmuryamabhṛtyāḥ sudāruṇāḥ || 24 ||
[Analyze grammar]

piṃgākṣā raktakeśāśca śyāmadeha nakhādharāḥ |
vāmanā dīrghacaraṇā hrasvanāsāśca daṃturāḥ || 25 ||
[Analyze grammar]

nīyatāṃ nīyatāmeṣa dharmarājasya śāsanāt |
purīṃ saṃyamanīmevamūcire te parasparam || 26 ||
[Analyze grammar]

ityuktvā yātanā dehe māṃ niveśya mahāruṣā |
nibadhya dāruṇaiḥ pāśairjaghnurlohasya mudgaraiḥ || 27 ||
[Analyze grammar]

tairahaṃ nīyamānastu mārge hyuttaptavāluke |
arudaṃ bhṛśaduḥkhārtastāḍito'haṃ punaśca taiḥ || 28 ||
[Analyze grammar]

procuśca te dhruvaṃ kṛtvā nirbhartsyeti ca māṃ bahu |
yamadūtā ūcuḥ |
tvayā lupto gururyasmādvadatā brahma niścalam || 29 ||
[Analyze grammar]

kiṃ karoṣi yamasyāgre draṣṭavyaṃ dāruṇaṃ mukham |
tasya pāpasya bhoktavyaṃ dāruṇasya phalaṃ tvayā || 30 ||
[Analyze grammar]

tenaiva pāpmanā pāpinnapamṛtyuṃ gato bhavān |
ityuktvā māṃ muhūrtena bahuyojanasaṃsthitām || 31 ||
[Analyze grammar]

purīṃ saṃyamanīṃ ninyuryatra rājā svayaṃ yamaḥ |
praṇamya dharmarājānaṃ sthāpayitvā tu māṃ puraḥ || 32 ||
[Analyze grammar]

ānīto'yaṃ dvijaḥ pāpa iti māṃ te nyavedayan |
dṛṣṭvā māṃ dharmarājo'tha provāca svasabhāsadaḥ || 33 ||
[Analyze grammar]

yama uvāca |
bho sabhyā māmakīṃ vācaṃ śṛṇvaṃtu susamāhitāḥ |
yadāhaṃ brahmaṇā hyasminnadhikāre niveśitaḥ || 34 ||
[Analyze grammar]

tadā māmityuvācāsau brahmā lokapitāmahaḥ |
brahmovāca |
adharmiṇāṃ narāṇāṃ tvaṃ śāstā saṃyamanīpatiḥ || 35 ||
[Analyze grammar]

yathāparādhamādhatsva daṃḍaṃ caṃḍakarātmaja |
pitrorapoṣako yastu samartho gurudhruktu yaḥ |
etau mahāpātakinau nipātyau nirayeṣu te || 36 ||
[Analyze grammar]

sarveṣu yāvadvarṣāṇāṃ pratyekamayutaṃ bhavet |
etayorna tvayā kāryā dayā jātu kakuppate || 37 ||
[Analyze grammar]

yama uvāca |
ityahaṃ brahmaṇo vākyātsvagurudruhi mānave |
na karomi kriyāṃ sabhyāstathā pitrorapoṣake || 38 ||
[Analyze grammar]

brāhmaṇo'yaṃ gurudrohī taddrohādapamṛtyutām |
prāpto macchāsanādbhṛtyairānīto darśanākṣamaḥ || 39 ||
[Analyze grammar]

bho bhṛtyāḥ prathamaṃ ghore raurave vatsarāyute |
pātyatāṃ ca punastasmānniḥsāryyānyatra pātyatām || 40 ||
[Analyze grammar]

tāvaṃtameva kālaṃ vai pāpo'yaṃ gurulopakaḥ |
narakeṣviti sarveṣu yathākālaṃ sthitaṃ drutam || 41 ||
[Analyze grammar]

mukuṃda uvāca |
vedāyana guro svāminbhṛtyāste yamaśāsanāt |
nītvā māṃ raurave ghore pāśairbadhvā nyapātayan || 42 ||
[Analyze grammar]

tatrāhaṃ tāṃ vyathāṃ gurvī labdhavānatidāruṇām |
yathāko'pi kṣaṇastāta nīto me yugavattadā || 43 ||
[Analyze grammar]

triṃśaddināni tannītaṃ duḥkhaṃ me tatra tiṣṭhatā |
ekatriṃśatame hyasmindine'haṃ nirgatastadā || 44 ||
[Analyze grammar]

patiteṣvasthikhaṃḍeṣu tīrthe'sminnutamottame |
gurulopodbhavaṃ pāpaṃ sadyo naṣṭaṃ mamābhavata || 45 ||
[Analyze grammar]

tīrthasyāsya prasādena labdhā ca svargatirmayā |
sukhaṃ svarge nivatsyāmi yāvadiṃdrāścaturdaśa || 46 ||
[Analyze grammar]

yamasya nagare tasminyāḥ prajā nivasaṃti vai |
pāpināṃ bhayadāyinyo dharmiṇāṃ tā manoharāḥ || 47 ||
[Analyze grammar]

siṃhāsyā gajakolāsyā mahādaṃṣṭronnatodarīḥ |
biḍālāsyāḥ piṃgakeśyo bhāminyo dīrghapatkarāḥ || 48 ||
[Analyze grammar]

tīrthasyāsya prasādena niḥpāpohaṃ yadābhavam |
tadā mayā prajā dṛṣṭā divyarūpā yamālaye || 49 ||
[Analyze grammar]

sarvāstāḥ satyavādinyo vinayācārasaṃcitāḥ |
divyābharaṇadhāriṇyo divyāṃbaravibhūṣitāḥ || 50 ||
[Analyze grammar]

ityetatkathitaṃ tāta yatpṛṣṭo'haṃ tvayānagha |
anujānīhi māṃ gaṃtumamareśapurīṃ prati || 51 ||
[Analyze grammar]

nārada uvāca |
ityākarṇya sa sanyāsī svaśiṣyoktaṃ vacastadā |
bhūyaḥ papraccha dharmātmā mukuṃdaṃ taṃ dvijaṃ nṛpa || 52 ||
[Analyze grammar]

vedāyana uvāca |
bālyāvadhi gurusnehaṃ matto'dhītaṃ tvayākhilam |
śabdaśāstrasametaśca vedastu sapadakramaḥ || 53 ||
[Analyze grammar]

vihitā mama śuśrūṣā bhāvena bhavatottamā |
tvayi saṃti satāṃ sādho guṇāḥ śamadamādayaḥ || 54 ||
[Analyze grammar]

gurulopakṛtaṃ pāpaṃ kathaṃ te samajāyata |
etadākhyāhi me tāta yathā jānāmi tatvataḥ || 55 ||
[Analyze grammar]

mukuṃda uvāca |
janmopavītakanyānāṃ dhātāro nigamasya ca |
yajñopavītadātuśca nājñābhaṃgaḥ kṛto mayā || 56 ||
[Analyze grammar]

śvaśruśvaśurayoḥ sevā bhṛtyeneva kṛtā mayā |
tavāpi śāstradātuśca nājñābhaṃgaḥ kṛto mayā || 57 ||
[Analyze grammar]

purodhā yaḥ kulācāryo vedavedāṃtapāragaḥ |
tasyāparāddhaṃ kecinme tatra tvaṃ śrotumarhasi || 58 ||
[Analyze grammar]

yadyasmākaṃ kule putro jāyate dharmakovida |
tadā purodhase dhenumekāṃ vā tasya dakṣiṇām || 59 ||
[Analyze grammar]

dattvā saṃcchidyate nālamiti vaṃśasya naḥ sthitiḥ |
purā mamaiva putre tu jātamātre śubhe'hani || 60 ||
[Analyze grammar]

kulakriyā mayā tāta na kṛtā mūḍhabuddhinā |
tasyāścākaraṇenaiva gurulopakaro'bhavam || 61 ||
[Analyze grammar]

niveditamidaṃ sarvaṃ gurulopādyathā mama |
pāpamāsīdanujñā me dehi yāmi surālayam || 62 ||
[Analyze grammar]

vedāyana uvāca |
iṃdraprasthāṃtarāvartinyeṣā yā kośalā śubhā |
smṛtirasyāḥ prasādena dṛśyate pūrvajanmanaḥ || 63 ||
[Analyze grammar]

kena puṇyena tīrthe'sminnasthīni patitāni te |
mukuṃdākhyāhi caitasya smṛtirasti tavānagha || 64 ||
[Analyze grammar]

mukaṃda uvāca |
ekastu brāhmaṇaḥ kaścitsāyaṃ madgṛhamāgataḥ |
tasmai sthānaṃ mayā dattaṃ bhojanaṃ ca yathāvidhi || 65 ||
[Analyze grammar]

so'pi bhuktvā yathākāmaṃ suṣvāpa śayane śubhe |
niśīthe tasya sarvāṃge jvaro'bhūdati dāruṇaḥ || 66 ||
[Analyze grammar]

tena pīḍitasarvāṃgo nidrāṃ lebhe na sa dvijaḥ |
prabhāta eva tatyāja prāṇānmṛtyāvupasthite || 67 ||
[Analyze grammar]

tasya dāhādi karmāṇi vihitāni mayā guro |
tadasthīni ca gaṃgāyāṃ pātitāni vidhānataḥ || 68 ||
[Analyze grammar]

tena puṇyena mesthīni patitāni śivaprade |
tīrthe'sminkośale nāmni brahmadevavinirmite || 69 ||
[Analyze grammar]

nārada uvāca |
svacaritamitirājansa dvijaḥ procya sadyaḥ surasubhagaśarīro dyāṃ yayau yānagatyā |
idamakathita mayā taṃ taskarātprāpya mṛtyuṃ vyalabhata divametattīrtharājaprasādāt || 70 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe kāliṃdīmāhātmye mukuṃdopākhyāne daśādhikadviśatatamo'dhyāyaḥ || 210 ||
[Analyze grammar]