Chapter 204

[English text for this chapter is available]

śivaśarmovāca |
viṣṇuśarmaṃstato vaiśyaḥ śarabhaḥ saha bhāryayā |
nītvā pūjopakaraṇaṃ yayau śrīcaṃḍikālayam || 1 ||
[Analyze grammar]

tatra tauvidhivatsnātvā sumano dhūpadīpakaiḥ |
ānarcaturbhaktiyuktau caṃḍikāṃ putrakāmyayā || 2 ||
[Analyze grammar]

śraddhayā pūjitā tābhyāṃ dinaiḥ saptabhiraṃbikā |
uvāca vācā pratyakṣaṃ bhūtvā viśadamānasā || 3 ||
[Analyze grammar]

pārvatyuvāca |
bho bho vaiśya prasannāsmi bhaktyā sudṛḍhayā tava |
dadāmi putraṃ te sādho yadarthe yatnavānasi || 4 ||
[Analyze grammar]

gaccha tvaṃ mā vilaṃbasva vanamaidraṃ ca khāṃḍavam |
tatra tīrthaṃ mahāpuṇyamiṃdraprasthākhyamuttamam || 5 ||
[Analyze grammar]

nigamodbodhakaṃ tatra tīrthaṃ nikhilakāmadam |
bṛhaspatikṛtaṃ tatra snāhi tvaṃ sutavāṃchayā || 6 ||
[Analyze grammar]

bhaviṣyati sutastāta tava snānena tatra hi |
tatra snātvā mayāpyaṃga labdhaḥ skaṃdaḥ surārihā || 7 ||
[Analyze grammar]

śivaśarmovāca |
ityākarṇya vaco devyāḥ pitā mama sahastriyā |
atrājagāma sattīrthe sasnau ca sutavāṃchayā || 8 ||
[Analyze grammar]

upaskaravatīrdhenūrdvijebhyaḥ pradadau śatam |
devānpitṝṃśca saṃtarpya yathāvidhyatra buddhimān || 9 ||
[Analyze grammar]

saptarātramuṣitvā tu daṃpatī yatamānasau |
jagmatuḥ svagṛhāniṣṭalābhotphullamukhāṃbujau || 10 ||
[Analyze grammar]

tasminnevābhavadgarbho māsi māturmamānvaham |
vyatīte navame māsi jāto'haṃ daśame śubhe || 11 ||
[Analyze grammar]

viṣṇuśarmanyaduktaṃ te purāvṛttamidaṃ mayā |
daśābdadvayamevaitacchrutaṃ sarvaṃ piturmukhāt || 12 ||
[Analyze grammar]

ekadā kṣamamālokya gṛhakarmaṇi māṃ pitā |
gṛhaṃ māmarpayāmāsa viśvādvairāgyamāpnuvan || 13 ||
[Analyze grammar]

māṃ covāca sa dharmātmā goviṃdāsaktamānasaḥ |
viniṃdanviṣayāsaktiṃ viṣṇubhaktiṃ stuvanmuhuḥ || 14 ||
[Analyze grammar]

pitovāca |
sumate vārddhakaṃ prāptaṃ palitāścikurā mama |
goviṃdacaraṇāṃbhojaṃ seviṣye sādhusevitam || 15 ||
[Analyze grammar]

tatsaivayā bhavetsvacchaṃ mano yasya ca susthiram |
sa pumānātmasaṃtuṣṭo na kiṃcidabhivāṃchati || 16 ||
[Analyze grammar]

niṣkāmaḥ sukhaduḥkhābhyāṃ bhuṃjansukṛtaduṣkṛte |
prākṛte tatsamāptau ca tyajandehaṃ bhavatyajaḥ || 17 ||
[Analyze grammar]

tāṃ vaddravyaṃ guṇasukhaṃ yāvatprāptaṃ na citsukham |
tatprāptau tadbhavettucchaṃ sudhāyā iva takrakam || 18 ||
[Analyze grammar]

harermāyābalavatīyaṃ mohayati dehinam |
hitāni taṃ na jānāti sa yathā madirāmadaḥ || 19 ||
[Analyze grammar]

pravṛttiṃ ca nivṛttiṃ ca vidyayāvidyayā ca saḥ |
karoti svecchayā kāle bālalīlo hi sa prabhuḥ || 20 ||
[Analyze grammar]

vedoditaṃ yadā karma kriyate phalamicchatā |
pravṛttiṃ sā parā tāta teṣāmarpaṇamīśvare || 21 ||
[Analyze grammar]

yathā nirdagdhābījāni na prarohaṃti yatnataḥ |
yathā karmāṇi viśveśe niḥkāmenārpitāni tu || 22 ||
[Analyze grammar]

karmaṇāṃ ca layo mokṣaḥ sukhaduḥkhapradāyinām |
tadutpattistu baṃdhaḥ syādityasau śāstranirṇayaḥ || 23 ||
[Analyze grammar]

ato'haṃ karmavedoktaṃ kurvannābhilaṣanphalam |
paryaṭiṣyāmi tīrtheṣu hṛdi bhakti dadhaddhareḥ || 24 ||
[Analyze grammar]

evaṃ prārabdhakarmāṇi bhuṃjannānyānyatarjayan |
haniṣyāmi jagadrogaṃ pītvā satsaṃgamauṣadham || 25 ||
[Analyze grammar]

śivaśarmovāca |
evamākarṇya vacanaṃ tasyāhaṃ piturātmanaḥ |
avadaṃ viṣṇuśarmastvaṃ tanniśāmaya tatvataḥ || 26 ||
[Analyze grammar]

vaiśyaputra uvāca |
ayaṃ jano durārādhyaḥ kathayiṣyati no yaśaḥ |
duṣṭakuṭuṃbādudvijya niḥsṛtya gata ityayam || 27 ||
[Analyze grammar]

iyaṃ viṣṇupadī tāta bhuvanatrayapāvanī |
smṛtā haratyaghaṃ dūrātkasmādenāṃ vimuṃcasi || 28 ||
[Analyze grammar]

pāpakārī janastāta mriyate magadhe tu yaḥ |
sopyastapāpo gaṃgāyāṃ svaryāti tyajamāśubham || 29 ||
[Analyze grammar]

putrāḥ ṣaṣṭisahasrāṇi sagarasya mahātmanaḥ |
kapilakrodhanirdagdhā gatāyatsparśanāddivam || 30 ||
[Analyze grammar]

tāmimāṃ tridivaśreṇīṃ mukterapi vidhāyinīm |
mumukṣusevitāṃ tāta muktvā mānyatra gamyatām || 31 ||
[Analyze grammar]

māvajānīhi sāmīpye gaṃgā tridaśamānitām |
yadicchasi mahābhāga sevitaiṣā pradāsyati || 32 ||
[Analyze grammar]

tiryaṃco'pi vinā jñānājjale cetsyurgatāsavaḥ |
bhaveyustarhi te brahma sā kathaṃ tyajyate tvayā || 33 ||
[Analyze grammar]

śivaśarmovāca |
niśamyaitadvacastātastato mama ṛtapriyaḥ |
uvāsa sadane sarvaviṣayebhyaḥ parāṅmukhaḥ || 34 ||
[Analyze grammar]

triṣu kāleṣuṃ gagāyāṃ pratyahaṃ snānamācaran |
purāṇaṃ syādgṛhe yatra tatra yāti sa nityaśaḥ || 35 ||
[Analyze grammar]

ekadākarṇayandhīro yamunātīrthagauravam |
tatra śuśrāva māhātmyamasyatīrthasya putra saḥ || 36 ||
[Analyze grammar]

avimukta haridvāra prayāgebhyaśca puṣkarāt |
ayodhyādvārikā kāṃcī mathurābhyastathānyataḥ || 37 ||
[Analyze grammar]

sarvatīrthamayasyāsya puṇyaṃ śataguṇādhikam |
kathitaṃ tena viduṣā sutenākarṇyamatpitā || 38 ||
[Analyze grammar]

tyaktvā gṛhamagādatra tīrthe sarvairalakṣitaḥ |
āvāmiva mahābhāgo goviṃdapadasevakaḥ || 39 ||
[Analyze grammar]

atrāgatya mahābhāgo matpitā mokṣavāṃchayā |
nigamodbodhake tīrthe trikālaṃ snānamācaran || 40 ||
[Analyze grammar]

uvāsa katicinmāsānatra tīrthottame hi saḥ || 41 ||
[Analyze grammar]

kurvannijakriyāṃ dhīmānnispṛhopyajaveśmani |
ekadā sahasā tasya jvaro'bhūdatidāruṇaḥ || 42 ||
[Analyze grammar]

mahatyā pīḍayā tasya mumoha gatacetanaḥ |
muhūrtaṃ sa pitā muhyaṃ tadavastho vyatiṣṭhita || 43 ||
[Analyze grammar]

paścātsamāgataprāṇo viciṃtya yadidaṃ tadā |
aho me kaṣṭamāpannaṃ dūre putraḥ sa dhārmikaḥ || 44 ||
[Analyze grammar]

yo māṃ jvaravitaptāṃgamāśvāsayati buddhimān |
agamyāgamanaṃ pāpaṃ kṛtaṃ yanme sudāruṇam || 45 ||
[Analyze grammar]

prāyaścittaṃ na tasyāpi kṛtaṃ kāme gatirbhavet |
āgamiṣyati putro me tasmai dāsyāmi vasviti || 46 ||
[Analyze grammar]

yanmayā gopitaṃ gehe na dṛṣṭaṃ ca tadapyaham |
śivaśarmovāca |
iti ciṃtayatastasya pāntho varṣeṇa pīḍitaḥ || 47 ||
[Analyze grammar]

śītārtaḥ kaṃpitavapuruṭajaṃ prāviśattadā |
sa taṃ saṃviṣṭamālokya bhūyo gatvā tadaṃtike || 48 ||
[Analyze grammar]

munireṣa iti jñātvā vavaṃde śirasādhvagaḥ |
ūce ca kasmātsuptosi mune saṃdhyā samāgatā || 49 ||
[Analyze grammar]

ravirastaṃ prayātyeṣa na supteḥ kāla eṣa te |
ityuktamātre vacasi pathikena pitā mama || 50 ||
[Analyze grammar]

śarabho jvarataptāṃgastamāha kathamapyaho |
śarabha uvāca |
śrūyatāṃ vacanaṃ pāṃtha yadvadāmi purastava || 51 ||
[Analyze grammar]

śrutvā madbhāgyayātena tvayā sādho vidhīyatām |
vaiśyo'haṃ śarabho nāmnā kānyakubje gṛhaṃ mama || 52 ||
[Analyze grammar]

atrāgato niṣiddhopi jāyāmitrasutairaham |
asya tīrthasya māhātmyaṃ śrutvā sūnumukheritam || 53 ||
[Analyze grammar]

māsāstu katicitsādho vyatītā mayi cāgate |
dinatrayamatikrāṃtaṃ jvaritasya mamādhunā || 54 ||
[Analyze grammar]

prāṇā me vigatā āsannadyabhūyaḥ samāgatāḥ |
kiyānapyāyuṣaḥ śeṣaḥ sādho me khalu tiṣṭhati || 55 ||
[Analyze grammar]

śamanasya gṛhaṃ dṛṣṭvā yadahaṃ punarāgataḥ |
bhāgyodayena kenāpi mamātra tvaṃ samāgataḥ || 56 ||
[Analyze grammar]

naya māṃ madgṛhaṃ mitra dravyaṃ bahu dadāmi te |
dāsyāmyapi gṛhaṃ gatvā kṛpāṃ kuru kṛpānidhe || 57 ||
[Analyze grammar]

iha bhūbhāga utkhāya gṛhyatāṃ māmakaṃ dhanam |
śivaśarmovāca |
ityākarṇya sa durbuddhirgrāmyo viṣayalaṃpaṭaḥ || 58 ||
[Analyze grammar]

uvāca dhanalubdhastaṃ tvaduktaṃ sādhayāmyaham |
ityuktvā dhanamutkhāya tasmādbhūbhāgatastadā || 59 ||
[Analyze grammar]

agrataḥ sthāpayāmāsa śarabhasyāha cādhvagaḥ |
adhvaga uvāca |
dhanametadviśāṃnātha tava bhūbhāgato mayā || 60 ||
[Analyze grammar]

niṣkāsitaṃ prayacchāśu śibikānayanāya me |
yāmāropya jvarārtaṃ tvāṃ nayāmi tava ketanam || 61 ||
[Analyze grammar]

śivaśarmovāca |
ityuktastena sa tadā dadau svarṇapalatrayam |
sopi nītvā piturdravyaṃ yayau lavaṇapattanam || 62 ||
[Analyze grammar]

uṣitvā rātrimekāṃ tu śibikāṃ saparicchadām |
savāhāmānayatputra dattvā svarṇapaladvayam || 63 ||
[Analyze grammar]

palaṃ dvayaṃ gṛhītaṃ tattenaivādharmabuddhinā |
āropya śibikāṃ taṃ tu śarabhaṃ vaiśyasattamam || 64 ||
[Analyze grammar]

pāṃthaḥ sa calito vāhāṃstvarayankānyakubjakam |
asya tīrthavarasyātha kamaṃḍalujalaṃ dhṛtam || 65 ||
[Analyze grammar]

pāyayannalpamalpaṃ taṃ tṛṣārtaṃ sodhvago yayau |
atha te sarasastīre uttīrṇā bhoktumadhvani || 66 ||
[Analyze grammar]

snātvā bhuktvā punastasmātsthānāccelustvarānvitāḥ |
kiyaṃti bhūmimullaṃghya tṛṣārtāṃste kamaṃḍaloḥ || 67 ||
[Analyze grammar]

jalaṃ pītvā tṛṣārtaṃ taṃ śarabhaṃ cāpyapāyayat |
atha kaścinmahābhīmo vikaṭo nāma rākṣasaḥ || 68 ||
[Analyze grammar]

vicarannirjane'raṇye gacchatastānavaikṣata |
tāndṛṣṭvā sa kṣudhākrāṃto vegavānvivṛtānanaḥ || 69 ||
[Analyze grammar]

abhidudrāva caraṇāghātenākaṃpayanmahīm |
āgatya tarasā pārśve tānvāhānpathikaṃ ca tam || 70 ||
[Analyze grammar]

sakośeṣu samādāya bhrāmayāmāsa khecaraḥ |
gatāsūnbhrāmaṇenaiva bhūtale tānapothayat || 71 ||
[Analyze grammar]

cakhāda piśitaṃ teṣāṃ papau kośācca śoṇitam |
kutra yāsyati rogārto naro'yaṃ purato mama || 72 ||
[Analyze grammar]

enaṃ tu bhakṣayiṣyāmi paścādaṃbu pibāmyaham |
iti kṛtvā matirvāritīrthasyāsya kamaṃḍaloḥ || 73 ||
[Analyze grammar]

mukhe cikṣepa sa tadā rajanīcarapuṃgavaḥ |
kṣiptamātre jale tasya pūrvajanmabhavā smṛtiḥ || 74 ||
[Analyze grammar]

jātā sa tu vadhāttasya śarabhasya nyavartata |
pūrvajanmakṛtaṃ pāpaṃ tadapi smṛtimāgamat || 75 ||
[Analyze grammar]

yena rākṣasabhāvastu bhūto viprodbhavādapi |
smṛtvā pāpamupetyāśu samīpe śarabhasya tu |
uvāca jñānamāpanno rākṣasaḥ pitaraṃ mama || 76 ||
[Analyze grammar]

rākṣasa uvāca |
bho bho manuṣyaśārdūla kastvaṃ ke ca janā amī |
bhakṣitā ye mayā ghora rūpeṇādhamarakṣasā || 77 ||
[Analyze grammar]

kasya tīrthavarasyedaṃ jalaṃ yasya prabhāvataḥ |
pāpino'pi smṛtirjātā pūrvajanmabhavā mama || 78 ||
[Analyze grammar]

vaiśya uvāca |
vaiśyo'haṃ rākṣasaśreṣṭha kānyakubje gṛhaṃ mama |
tīrthāni paryaṭanniṃdraprasthe'haṃ samupāgataḥ || 79 ||
[Analyze grammar]

tatrāhamabhavaṃ duḥkhī jvareṇa vidhiyogataḥ |
tato me buddhirutpannā gaṃtuṃ gṛhamasatpatha |
tatra kaścitsamāyātaḥ pāṃtho varṣeṇa pīḍitaḥ || 80 ||
[Analyze grammar]

prārthitaḥ sa mayānīya śibikāṃ māṃ gṛhaṃ naya |
sa cāyaṃ śibikāṃ pāṃthaḥ samupānīya satvaraḥ || 81 ||
[Analyze grammar]

māmāropya ca tāṃ dhīraścalito madgṛhaṃ prati |
sa pāṃthaste ca śibikāvāhāḥ saṃprati bhakṣitāḥ || 82 ||
[Analyze grammar]

tvayā jalamidaṃ yasya tīrthasyāpi ca tacchṛṇu |
iṃdrasya khāṃḍavavane yamunāsti saridvarā || 83 ||
[Analyze grammar]

tattīre'sti hariprasthaṃ tīrthaṃ tīrthottamottamam |
surācāryasya tatrāsti tīrthaṃ sarvārthasādhakam || 84 ||
[Analyze grammar]

nigamodbodhakaṃ jātā smṛtiste yajjalāśanāt |
etatte sarvamākhyātaṃ yatpṛṣṭo'haṃmiha tvayā || 85 ||
[Analyze grammar]

pṛcchāmi tvāmahaṃ kiṃcittadvadāśu niśācara |
pūrvajanmakṛtaṃ karma smarasi tvamihādhunā |
vada kiṃ te kṛtaṃ pāpaṃ yena jāto'si rākṣasaḥ || 86 ||
[Analyze grammar]

rākṣasa uvāca |
purāhamabhavaṃ vipraḥ puṇye vedavidāṃ kule |
durācāro hyadharmātmā śṛṇu sarvaṃ vadāmi te || 87 ||
[Analyze grammar]

krīḍatā hi mayā nityaṃ dyūtena saha tadvidaiḥ |
hāritaṃ draviṇaṃ bhūri svakīyaṃ pitureva ca || 88 ||
[Analyze grammar]

pitrā nivedya bhūpāya māmakaṃ karma tajjanaiḥ |
purānniḥsārito niḥsvo gato'haṃ grāmamaṃtike || 89 ||
[Analyze grammar]

tatrāsīnme sakhā nāma devako brāhmaṇottamaḥ |
tenā'haṃ rakṣito gehe kurvatā ciramādaram || 90 ||
[Analyze grammar]

vastuṃ tatra sukhenāhaṃ tadbhāryāṃ rūpaśālinīm |
kāmāturo'hamabhajaṃ balānmitre gate kvacit || 91 ||
[Analyze grammar]

sā mṛtā tatkṣaṇātsādhvī bhakṣayitvā mahāviṣam |
tāṃ dṛṣṭvā tamasāyukte niśīthe'haṃ palāyitaḥ || 92 ||
[Analyze grammar]

palāyamānastarasā dhṛto'haṃ rājakiṃkaraiḥ |
cauro'yamiti khaṅgena cicchiduste śiro mama || 93 ||
[Analyze grammar]

mṛtaṃ māṃ yātanādehamāveśya yamakiṃkarāḥ |
raurave nirayaghore cikṣipuryamaśāsanāt || 94 ||
[Analyze grammar]

ṣaṣṭivarṣasahasrāṇi tatrā'haṃ tīvrayātanām |
bhuktvā tenaiva pāpena rākṣasatvamupāgataḥ || 95 ||
[Analyze grammar]

śatavarṣāṇyatītāni rākṣasatve viśāṃpate |
vadāmi tamupāyaṃ me yenāsmānmuktimāpnuyām || 96 ||
[Analyze grammar]

puṇyaṃ tadarpite sādho vadāmi śṛṇu sādaram |
yena tīrthavarasyedaṃ jalaṃ mama mukhe gatam || 97 ||
[Analyze grammar]

tatraiva janmani mayā kṛtvā haridine vratam |
saṃsargānnecchayā vaiśya rātrau jāgaraṇaṃ kṛtam || 98 ||
[Analyze grammar]

dvādaśyāmatha saṃsnātvā bhoktuṃmapi samudyate |
madgṛhe kaścidāyāto vaiṣṇavo viṣṇurūpadhṛk || 99 ||
[Analyze grammar]

kupito'haṃ tamālokya durvaco vadamagrataḥ |
kva gacchasi durācāra dāṃbhikastrījanāṃtare || 100 ||
[Analyze grammar]

ityuktaṃ sa mayā dhīrastulyo mānāpamānayoḥ |
tūṣṇīmeva niketānme nirgatya calito yadā || 101 ||
[Analyze grammar]

tadābhimukhamāyāṃtī patnī mama pativratā |
patitvā pādayostasya taṃ sādhuṃ gṛhamānayat || 102 ||
[Analyze grammar]

mayāpamānitasyāpi na krodho'bhūnmahātmanaḥ |
tayādṛtasyāpyānaṃdo yataḥ sori suhṛtsamaḥ || 103 ||
[Analyze grammar]

tamarcayitvā vidhivadviṣṭare copaveśya sā |
bhojyaṃ bhojaya jīveśa jayatādbhuvanatrayam || 104 ||
[Analyze grammar]

ityukto'haṃ tayā sādhvyā nyagadaṃ taṃ mahāśayam |
mlānavaktraḥ prasannāsyamuttiṣṭha śamaya kṣudhām || 105 ||
[Analyze grammar]

ityuktvā tasya caraṇau noditastanumadhyamā |
prākṣālayaṃ punastaṃ tu niveśyāsanamuttamam || 106 ||
[Analyze grammar]

adadāṃ pātramannena pūrṇaṃ tasmai vivekine |
jalaṃ ca tatkare sādhvyā prerito'haṃ tayā muhuḥ || 107 ||
[Analyze grammar]

upabhujya sa dharmātmā svairaṃ vigatavikriyaḥ |
harerāma harekṛṣṇa japanniti jagāma ha || 108 ||
[Analyze grammar]

kṛtaṃ puṇyamidaṃ vaiśya noditena mayā striyā |
pūrvajanmani yenedaṃ prāpitaṃ tīrthavāri me || 109 ||
[Analyze grammar]

śivaśarmovāca |
viṣṇuśarmannidaṃ vākyamuktvā tiṣṭhati rākṣase |
pathikaḥ sa ca te vāhāḥ prāhuḥ khe divyadehinaḥ || 110 ||
[Analyze grammar]

pathikavāhā ūcuḥ |
bho bho viśāṃpate sādho prāptā apyapamṛtyutām |
tvatprasādādidaṃ vāri pītvā devatvamāgatāḥ || 111 ||
[Analyze grammar]

tvatsaṃge dhanalobhena viṭpate calitā yataḥ |
vigatā na dhanākāṃkṣā maraṇāvasarepyataḥ || 112 ||
[Analyze grammar]

tīrtharājajalasyāsya tiṣṭhato jaṭhare hi naḥ |
maraṇe hyanubhāvāttu maitrī prāptā dhaneśituḥ || 113 ||
[Analyze grammar]

namāmastvāṃ vayaṃ yāmo dhaneśa nagarīṃ prabho |
vimānaistadgaṇānītairnānāmaṇivibhūṣitaiḥ || 114 ||
[Analyze grammar]

prayāhi mā vilaṃbasva tīrthe nigamabodhake |
tvamanenasamaṃ sādho tārayainamapi drutam || 115 ||
[Analyze grammar]

śivaśarmovāca |
ityuktvā te gatāstāta diśyudīcyāṃ samaṃtataḥ |
vimānakiṃkiṇīnādairnādayaṃto'tha rodasī || 116 ||
[Analyze grammar]

atha vaiśyo mama pitā tamāha rajanīcaram |
śarabha uvāca |
uttiṣṭha naya māmāśu tīrthe nigamabodhake || 117 ||
[Analyze grammar]

jvarārttena mayā padbhyāṃ tatra gaṃtuṃ na śakyate |
yo māṃ nayati tattīrthaṃ tvadanyo nāsti kaścana || 118 ||
[Analyze grammar]

śivaśarmovāca |
tatheti tamathāśvāsya vaiśyaṃ sa rajanīcaraḥ |
skaṃdhamāropya vegena tattīrthaṃ pāvanaṃ yayau || 119 ||
[Analyze grammar]

ūṣatustāvubhau tatra viśpatiḥ sa ca rākṣasaḥ |
kurvaṃtau snānamātraṃ tu sarvatīrthottamottame || 120 ||
[Analyze grammar]

athā'haṃ piturākarṇya mahatīṃ guruvedanām |
taṃ prati prerito mātrā calito nijasadmataḥ || 121 ||
[Analyze grammar]

atrāgatya mayā dṛṣṭaḥ sa mahājvarapīḍitaḥ |
mūrdhnā ca vaṃditastena dattāśīrme'bhyabhāṣi ca || 122 ||
[Analyze grammar]

śarabha uvāca |
kimarthamiha bho tāta dūramārge samāgataḥ |
dināni katicittiṣṭhankurvannatra nijakriyām || 123 ||
[Analyze grammar]

vikaṭo nāma me mitraḥ rākṣasaḥ samupaiti vai |
uttiṣṭha vapuṣāmuṣya daṃḍavatpata pādayoḥ || 124 ||
[Analyze grammar]

na bhetavyaṃ tvayāmuṣmāttyaktahiṃsādi karmaṇaḥ |
adhunā tīrthamāsādya sannidhau mama tiṣṭhati || 125 ||
[Analyze grammar]

śivaśarmovāca |
ityukto'haṃ tadā pitrā śarabheṇa mahātmanā |
utthāya patitastasya pādayordaṃḍavadbhuvi || 126 ||
[Analyze grammar]

dorbhyāmutthāpya māṃ so'tha gāḍhamāliṃgya rākṣasaḥ |
svāgataṃ mitraputreti jagādāśiṣamīrayan || 127 ||
[Analyze grammar]

rākṣasa uvāca |
bhāgyavānasi bho tāta yattvamatra samāgataḥ |
piturdharmātmanaḥ śrutvā jvarapīḍāṃ sudāruṇām || 128 ||
[Analyze grammar]

piturāṇyamāpnoṣi tīrthe kṛtvā tilodakam |
snātvā kuru kriyāṃ svīyāḥ pūrvajanmasmariṣyasi || 129 ||
[Analyze grammar]

śivaśarmovāca |
evamuktastadā tena snātuṃ tīrthe varāṃbhasi |
praviṣṭo'haṃ smaraṃstāta pūrvajanmaśubhāśubham || 130 ||
[Analyze grammar]

snātvā vidhivadatraiva pituraṃtikamāgataḥ |
apṛcchaṃ rakṣaso vṛttaṃ kuto'yaṃ dharmadhīriti || 131 ||
[Analyze grammar]

pitroktaṃ rakṣaso vṛttaṃ vāhānāṃ pathikasya ca |
śrutvā'haṃ tīrtharājasya stutimasya cakāra vai || 132 ||
[Analyze grammar]

pitā me roganirmukto bhaviṣyati yadā tadā |
yāsyāmi gṛhamityatra daśoṣitamahāni me || 133 ||
[Analyze grammar]

daśāhābhyaṃtare tāta tātasya maraṇaṃ mama |
abhūdardhajale hyasya tīrtharājasya paśyataḥ || 134 ||
[Analyze grammar]

atho garuḍamāruhya vakṣaso dhārayanśriyam |
ājagāma svayaṃ viṣṇurnavīna ghanavigrahaḥ || 135 ||
[Analyze grammar]

pītavāsā caturbāhuḥ paṃkajāruṇalocanaḥ |
brahmeṃdrādibhirādivyaiḥ sanāthairaṃdhakāriṇā || 136 ||
[Analyze grammar]

sevyamāno guṇagrāmāngāyadbhiḥ kinnaraiḥ saha |
hāhāhūhūprabhṛtibhiḥ stūyamānaśca sarvataḥ || 137 ||
[Analyze grammar]

dattvā svakīya sārūpyamāropya garuḍaṃ tadā |
pitaraṃ mama brahmādyairvṛto vaikuṃṭhamāruhat || 138 ||
[Analyze grammar]

pituḥ sārūpyamālokya viṣṇorahamaciṃtayam |
iti citte tadālokya jātatatvodaye tadā || 139 ||
[Analyze grammar]

na hi varṇayituṃ śakyo hyasya tīrthaśiromaṇeḥ |
mahimā yajjalārddhe syānmṛto jaṃtuścaturbhujaḥ || 140 ||
[Analyze grammar]

na mayā sarvathā tyājyaṃ tīrtharājamidaṃ nanu |
aṃjasā dṛḍhamāhātmyaṃ dhanarogāditṛṣṇyā || 141 ||
[Analyze grammar]

pituratroṭaje tāvatsthātavyaṃ hi mayā mama |
yāvattu karmaṇāṃ bhuktaḥ prārabdhānāṃ mahītale || 142 ||
[Analyze grammar]

evaṃ viciṃtayitvā ca pituḥ kṛtvā tu satkriyām |
rakṣasā tena sahitaḥ sthito'haṃ mokṣavāṃchayā || 143 ||
[Analyze grammar]

iti śrīpādmemahāpurāṇe paṃcapaṃcāśatsāhasryāṃ saṃhitāyāmuttarakhaṃḍe kāliṃ |
dīmāhātmye caturadhikadviśatatamo'dhyāyaḥ || 204 ||
[Analyze grammar]