Chapter 197

[English text for this chapter is available]

kumārā ūcuḥ |
pitaryevaṃ vanaṃ prāpte paścādāgatya nārada |
jananīṃ tarjayāmāsa dhuṃdhukārī mahākhalaḥ || 1 ||
[Analyze grammar]

kva vittaṃ tiṣṭhati brūhi mātaraṃ prati nārada |
sarvathā tvāṃ haniṣyāmi na cedbrūyā nidhānakam || 2 ||
[Analyze grammar]

sā tasya vacanāttrastā rātrau duḥkhitamānasā |
nipatya kūpe tu mṛtā lokairjñātvā bahiḥ kṛtā || 3 ||
[Analyze grammar]

gokarṇastāṃ tu nirhṛtya dvijaistajjñātibāṃdhavaiḥ |
tīrthayātrāṃ yayau prājñaḥ samaduḥkhasukho mune || 4 ||
[Analyze grammar]

dhuṃdhukārī gṛhe tiṣṭhansvake paṇyavadhūvṛtaḥ |
atyugrakarmācāreṇa tatpoṣaṇavimūḍhadhīḥ || 5 ||
[Analyze grammar]

bhūṣaṇānyabhilipsyaṃtyastamūcurvārayoṣitaḥ |
bhobho priya vayaṃ sarvāṃstvayānāthena saṃgatāḥ || 6 ||
[Analyze grammar]

sthitā naivātra kopyanyo dhanadobhyeti mānada |
tasmātsūkṣmāṇi vastrāṇi bhūṣaṇāni dyumaṃti ca || 7 ||
[Analyze grammar]

dehi nocedvrajiṣyāmastvatsakāśānnarāṃtaram |
iti śrutvā vacastāsāṃ ciṃtayitvā kṣaṇaṃ sa ca || 8 ||
[Analyze grammar]

nirgataḥ svagṛhādrātrau kāmāṃdho mṛtyumasmaran |
muṣitvā kasyacidgehādvastrāṇyābharaṇāni ca || 9 ||
[Analyze grammar]

dadau tābhyo mudāyuktaḥ prītyai tāsāṃ sa nārada |
tāni dṛṣṭvā hyamūlyāni vastrāṇyābharaṇāni ca || 10 ||
[Analyze grammar]

tāḥ striyaściṃtayāmāsuścauryeṇaitāni cāmunā |
āhṛtānīti niścitya parasparamamaṃtrayan || 11 ||
[Analyze grammar]

cauryaṃ karotyasau nityamenaṃ rājā gṛhīṣyati |
vittaṃ hṛtvā punaścaiva mārayiṣyati niścitam || 12 ||
[Analyze grammar]

ato rahasi cāsmābhirhatvāmuṃ cauryakāriṇam |
vittaṃ ca bahu saṃgṛhya kimanyatra na gamyate || 13 ||
[Analyze grammar]

iti tāḥ krūrahṛdayāḥ suptaṃ kaṃṭhagrahaṃ tadā |
pāśaiḥ sutīkṣṇairbaddhvā ca vyāpādayitumudyatāḥ || 14 ||
[Analyze grammar]

yadā ca na mṛtaścāsau bhṛśaṃ kaṃṭhagraheṇa vai |
tadāṃgārāṇi bahuśo mukhe cāsya vicikṣipuḥ || 15 ||
[Analyze grammar]

agnijvālātiduḥkhena vyākulo nidhanaṃ gataḥ |
taddehaṃ cikṣipurgarte prāyaḥ sāhasikāḥ striyaḥ || 16 ||
[Analyze grammar]

na jñātaṃ taccaritraṃ tu kenāpi munisattama |
lokaiḥ pṛṣṭā vadaṃti sma dūre yātaḥ patirhi naḥ || 17 ||
[Analyze grammar]

āgamiṣyati dīrgheṇa kālena dhanakarṣitaḥ |
ataḥ strīṇāṃ na viśvāsaḥ karttavyo viduṣāṃ varaiḥ || 18 ||
[Analyze grammar]

viśvastaṃ sarvathā ghnaṃti prārthayaṃtyo navaṃ navam |
sudhāmayaṃ vaco yāsāṃ kāmināṃ rasavarddhanam || 19 ||
[Analyze grammar]

hṛdayaṃ kṣuradhārābhaṃ priyaḥ ko nāma yoṣitām |
atha tā bahulaṃ vittaṃ gṛhītvā vārayoṣitaḥ || 20 ||
[Analyze grammar]

grāmāṃtaraṃ yayuḥ śīghraṃ bhayādrājño'tivihvalāḥ |
dhuṃdhukārī babhūvātha mahāpretaḥ kukarmakṛt || 21 ||
[Analyze grammar]

vātyārūpadharo nityaṃ dhāvandurmṛtyuto diśaḥ |
śītātapaparikliṣṭo nirāhāraḥ pipāsitaḥ || 22 ||
[Analyze grammar]

na ca lebhe sukhaṃ kvāpi hāheti pravadanmuhuḥ |
kiyatkālāṃtare tvenaṃ mṛtaṃ caivāvabudhya ca || 23 ||
[Analyze grammar]

gokarṇastīrthayātrāyāṃ gayāśrāddhamathākarot |
samāpya tīrthayātrāṃ tu svaṃpuraṃ samupeyivāna || 24 ||
[Analyze grammar]

sabhājitaḥ sapauraistu prītyā svajanabāṃdhaṃvaiḥ |
uvāsa svagṛhe caiva dināni katiciddivajaḥ || 25 ||
[Analyze grammar]

rātrau prasuptaṃ gokarṇaṃ jñātvā veśmāṃgaṇe sa tu |
dhuṃdhukārī mahāduṣṭo raudraṃ rūpaṃ vyadarśayat || 26 ||
[Analyze grammar]

kṣaṇaṃ nāgaḥ kṣaṇaṃ coṣṭraḥ kṣaṇaṃ sa mahiṣo'bhavat |
kṣaṇamagniḥ kṣaṇaṃ sarpaḥ kṣaṇena puruṣo'bhavat || 27 ||
[Analyze grammar]

vaiparītyamidaṃ dṛṣṭvā gokarṇo dhairyasaṃyutaḥ |
ciṃtayāmāsa medhāvī kimetaditi vismitaḥ || 28 ||
[Analyze grammar]

ayaṃ durgatimāpannaḥ kopyasti puruṣādhamaḥ |
iti niścitya manasā tamuvāca dayānvitaḥ || 29 ||
[Analyze grammar]

gokarṇa uvāca |
kastvamugrataro rātrau bhīṣayanmāmupāgataḥ |
preto cātha piśāco vā kutaḥ prāpto daśāmimām || 30 ||
[Analyze grammar]

tadbrūhi tvaṃ mahābhāga kiṃ kāryaṃ te mayādhunā |
ghorarūpo yato rātrau matsamīpamupāgataḥ || 31 ||
[Analyze grammar]

iti śrutvā vaco bhrāturdhuṃdhukārī mahākhalaḥ |
pretabhāvamanuprāpto ruroda bhṛśamāturaḥ || 32 ||
[Analyze grammar]

vaktuṃ naiva kṣamo vācā pretatvena vimohitaḥ |
saṃjñayā nirdideśātha jalaṃ pātuṃ pipāsitaḥ || 33 ||
[Analyze grammar]

athāsau sumahābhāgo gokarṇaḥ sādhusaṃmataḥ |
svakāṃjalau jalaṃ kṛtvā prākṣipattamudīrayan || 34 ||
[Analyze grammar]

tatkṣiptaṃ tajjalaṃ bhrātrā gokarṇena mahātmanā |
upasthitaṃ ca tṛptyarthaṃ pretasya dhuṃdhukāriṇaḥ || 35 ||
[Analyze grammar]

athovācāgatajñānaḥ pradattenāṃbunāmunā |
puṇyātmanātmano bhrātrā gokarṇena ca nārada || 36 ||
[Analyze grammar]

preta uvāca |
ahaṃ bhrātā tvadīyo'smi dhuṃdhukārīti nāmataḥ |
ātmanaḥ karmadoṣeṇa pretatvaṃ samupāgataḥ || 37 ||
[Analyze grammar]

mama mātā mṛtā duḥkhādbahuśastarjitā mayā |
dravyahetostataḥ paścādvārastrīpoṣaṇotsukaḥ || 38 ||
[Analyze grammar]

niṣiddhaṃ kṛtavānkarma cauryādidhanalobhataḥ |
ekadā prārthitastābhirbhūṣaṇānyaṃbarāṇyaham || 39 ||
[Analyze grammar]

dhanikasya gṛhādrātrau muṣitvā tānyupānayam |
tatastā dhanalobhena pāśairbaddhvā gale balāt || 40 ||
[Analyze grammar]

māṃ tu vyāpādayāmāsurvahnikṣepeṇa mānada |
gṛhītvā maddhanaṃ bhūri tāḥ sarvā bhūpaterbhayāt || 41 ||
[Analyze grammar]

palāyitāḥ purādasmātsvārthonmūlita sauhṛdāḥ |
ataḥ pretatvamāpanno bhrātaradya tvayāṃbunā || 42 ||
[Analyze grammar]

siktaḥ saṃjñāmahaṃ prāptaḥ puṇyenātikṛpālunā |
vātāhāreṇa jīvāmi daivādiṣṭaphalodayaḥ || 43 ||
[Analyze grammar]

apaśyaṃ tvāmahaṃ suptaṃ bhrātaraṃ svagṛhāṃgaṇe |
tatastvāmanabhijñaṃ māṃ dharṣaṇāya kṛtodyamaḥ || 44 ||
[Analyze grammar]

abhavaṃ sahasā sādho jñātaścāhaṃ tvayādhunā |
dīnabaṃdho dayāsiṃdho bhrātarmāmāśu mocaya || 45 ||
[Analyze grammar]

pretabhāvādamuṣmāttvaṃ kṛtārtho'si na saṃśayaḥ |
iti śrutvā vaco bhrāturgokarṇo jñānavānsudhīḥ || 46 ||
[Analyze grammar]

bhrātaraṃ prāha khinnātmā duḥkhitaṃ dhuṃdhukāriṇam |
gokarṇa uvāca |
tubhyaṃ datto mayā piṃḍo gayāyāṃ tvāmahaṃ bhṛtam || 47 ||
[Analyze grammar]

śrutvā lokamukhādbhrātastvaṃ kathaṃ pretatāṃ gataḥ |
gayāpiṃḍapradānena durgato'pi śubhāṃ gatim || 48 ||
[Analyze grammar]

prāpnoti nātra saṃdehastvaṃ kathaṃ na divaṃ gataḥ |
bhrāturitthaṃvacaḥ śrutvā gokarṇasya mahātmanaḥ || 49 ||
[Analyze grammar]

dhuṃdhukārī duḥkhitātmā provāca purataḥ sthitaḥ |
gayāśrāddhaśatenāpi na me muktirbhaviṣyati || 50 ||
[Analyze grammar]

upāyo'nyaściṃtanīyo mamoddhārāya vai tvayā |
iti tadvākyamākarṇya gokarṇo vismayaṃ gataḥ || 51 ||
[Analyze grammar]

prāha śrāddhairna muktiścettarhyasādhyā gatistava |
idānīṃ tvaṃ nijasthānamātiṣṭha preta nirbhayaḥ || 52 ||
[Analyze grammar]

vicāryāhaṃ kariṣyāmi muktyupāyaṃ paraṃ tava |
iti vākyaṃ samākarṇya dhuṃdhukārī tato gataḥ || 53 ||
[Analyze grammar]

nijaṃ sthānaṃ śmaśānasthaṃ kalidrumamataḥ param |
śeṣāṃ rātriṃ sa gokarṇaściṃtayanneva nārada || 54 ||
[Analyze grammar]

tasya muktiṃ sthitastatra tadupāyaṃ na cādhyagāt |
prātastataḥ sa gokarṇaḥ svajñāti kulabāṃdhavān || 55 ||
[Analyze grammar]

dharmaśāstravidoviprānrātrivṛttaṃ nyavedayat |
te vicārya ca tadvṛttaṃ śāstreṣu bahuśo dvijāḥ || 56 ||
[Analyze grammar]

yadā na jñātavaṃtastadvṛttaṃ sūryaṃ tadā stuvan |
dvijā ūcuḥ |
namaste bhāskarāditya tamohaṃtargabhastiman || 57 ||
[Analyze grammar]

lokasākṣinjagaddhāma surāsuranamaskṛta |
dvādaśātmanharihaya bhāsvanlokaprabodhaka || 58 ||
[Analyze grammar]

tvaṃ gatiḥ sarvalokānāṃ satataṃ dharmaśīlinām |
tvaṃ brahmā tvaṃ hariḥ śūlī sṛṣṭisthitivināśakṛt || 59 ||
[Analyze grammar]

tvāmṛte nāsti lokesmiñcharaṇaṃ prāṇināṃ vibho |
śarvastvaṃ kṣitirūpo'si bhavo'si jalarūpadhṛk || 60 ||
[Analyze grammar]

tvamagnirupo rūdrosi vāyurasyugrarūpadhṛk |
bhīmosyākāśadehastvaṃ yajvā paśupatiḥ svayam || 61 ||
[Analyze grammar]

mahādevaḥ somamūrtirīśānaḥ sūrya eva hi |
tavāṣṭaumūrttayo divyā ijyaṃte vedavādibhiḥ || 62 ||
[Analyze grammar]

sarvakāmasamṛddhyarthaṃ vyāptalokatrayasya ca |
matsyastvaṃ vedadhṛk cāsi kūrmaścādridharo varaḥ || 63 ||
[Analyze grammar]

dharādharo varāhosi lokadhṛktvaṃ trivikramaḥ |
brahmadhrugghno bhārgavastvaṃ lokadhrukgghnosi rāghavaḥ || 64 ||
[Analyze grammar]

bhūbhārahaṃtā kṛṣṇosi buddhosyasuramohakṛt |
kalkyasi mlecchahaṃtā tvaṃ dharmaglānau yugeyuge || 65 ||
[Analyze grammar]

devāsuramanuṣyāṇāṃ paśupakṣyaṃbucāriṇām |
nānāvidhānaṃ jīvānāṃ tvaṃ sraṣṭā brahmarūpadhṛk || 66 ||
[Analyze grammar]

iṃdrosi dharmarājosi varuṇastvaṃ dhaneśvaraḥ |
lokapālasvarūpeṇa varttase gogaṇeśvara || 67 ||
[Analyze grammar]

trayīmūrttistrikālejyastridhāmā triguṇātmakaḥ |
tvameva pūjyase lokaistridhā bhinno divākaraḥ || 68 ||
[Analyze grammar]

padmaprabodhanakarastvamevāsi jagatpate |
ityudīrya dvijaśreṣṭhā yāvattasthurmunīśvara || 69 ||
[Analyze grammar]

tāvadākāśagaḥ prāha sphuṭaṃ teṣāṃ tu śṛṇvatām |
śrīsūrya uvāca |
śrūyatāṃbhodvijaśreṣṭhā yadarthaṃ varṇitosmyaham || 70 ||
[Analyze grammar]

bhavadbhirdhuṃdhulīsūnormahāpātakaśāṃtaye |
ātmadevasya puṇyena gokarṇo rauhiṇo hyayam || 71 ||
[Analyze grammar]

śrībhāgavatasaptāhastasyoddhartā bhaviṣyati |
yadbhavadbhiḥ kṛtaṃ stotraṃ mama vaibhavavarṇanam || 72 ||
[Analyze grammar]

tena stutvā naroviprā devayānaṃ labhiṣyati |
putrārthī ca dhanārthī ca dharmārthī mokṣakāmukaḥ || 73 ||
[Analyze grammar]

vāṃchā ciṃtāmaṇistotraṃ paṭhitvātyaṃtamāpnuyāt |
ityuktvā bhāskaro devo virarāma divisthitaḥ || 74 ||
[Analyze grammar]

te dvijāḥ sādhviti procurgokarṇaṃ hṛṣṭamānasāḥ |
tataḥ samāje viprāṇāṃ tuṃgabhadrā taṭe śubhe || 75 ||
[Analyze grammar]

kautukaṃ sumahaddraṣṭuṃ tatrāgānnāgarīprajā |
gokarṇo jñātatatvārtho vaktādhyāsanamāsthitaḥ || 76 ||
[Analyze grammar]

nārāyaṇādikānnatvā saptāhaṃ samavarttayan |
śrīharestu vacaḥ śāstraṃ tīrthapādābjasaṃbhavam || 77 ||
[Analyze grammar]

yadi satyaṃ tadāpnotu dhuṃdhulītanayo gatim |
iti saṃkalpya manasā śrīmadbhāgavatābhidham || 78 ||
[Analyze grammar]

janmādyasya yataśceti dhīmahyaṃtamupāvadat |
tatra pretaṃ samāgatya sthānaṃ paśyannitastataḥ || 79 ||
[Analyze grammar]

saptagraṃthiyutaṃ vaṃśaṃ praviṣṭo vātarūpadhṛk |
śṛṇvatsu vaiṣṇavāgryeṣu brāhmaṇeṣvatha nārada || 80 ||
[Analyze grammar]

śuśrāva dhuṃdhulīputro graṃthichidrasthito'nvaham |
yadā kathāvirāmo'bhūtprathame'hani nārada || 81 ||
[Analyze grammar]

tadaikākī cakagraṃthiḥ pusphoṭātyadbhutaṃ hyabhūt |
dvitīyādiṣvahaḥsvevamekaikagraṃthibhedanam || 82 ||
[Analyze grammar]

babhūva saptame bhinne sa sadyaḥ pretatāṃ jahau |
divyarūpadharo bhūtvā tulasīdāmamaṃḍitaḥ || 83 ||
[Analyze grammar]

pītavāsā ghanaśyāmaḥ prababhau bhūṣaṇānvitaḥ |
gokarṇaṃ bhrātaraṃ natvā provācākhila tatvadṛk || 84 ||
[Analyze grammar]

tvayā'haṃ mocito baṃdho kṛpayā pretakaśmalāt |
dhanyā bhāgavatīvārtā pretatvonmūlinī śrutā || 85 ||
[Analyze grammar]

saptāhopi tathā dhanyo viṣṇulokagatipradaḥ |
yatprabhāvādvimukto'haṃ pretabhāvādbhṛśāturaḥ || 86 ||
[Analyze grammar]

ārdraṃ śuṣkaṃ laghusthūlaṃ vāṅmanaḥ karmabhiḥ kṛtam |
pātakaṃ bhasmasātkuryātsaptāho'gniriveṃdhanam || 87 ||
[Analyze grammar]

asminvai bhārate varṣe devānāmapyabhīpsite |
śṛṇvatāṃ bhagavacchāstraṃ gatiratyuttamā bhavet || 88 ||
[Analyze grammar]

snāyvasthi majjā māṃsāsṛksaṃghātaṃ dehamucyate |
śuci bhāgavatāsvādādaśucitvanyathā matam || 89 ||
[Analyze grammar]

karmakaśmalasaṃduṣṭo deho narakabhājanam |
ato doṣanivṛtyarthametadeva hi sādhanam || 90 ||
[Analyze grammar]

budbudā iva toyeṣu maśakā iva jaṃtuṣu |
jāyaṃte maraṇāyaiva bhagavacchāstravarjitāḥ || 91 ||
[Analyze grammar]

bhidyate hṛdayagraṃthiśchidyaṃte sarvasaṃśayāḥ |
kṣīyaṃte cāsya karmāṇi śrute bhāgavate dvijāḥ || 92 ||
[Analyze grammar]

evaṃ bruvati vai tasminvimānavaramāgatam |
vaikuṃṭhāttadadhiṣṭhāya gato'sau viṣṇumaṃdiram || 93 ||
[Analyze grammar]

viṣṇulokaṃ gatetasminsarve vismitamānasāḥ |
babhūvuścāpi papracchurgokarṇaṃ te dvijottamāḥ || 94 ||
[Analyze grammar]

dvijā ūcuḥ |
śrutaṃ bhāgavataṃ sarvairasmābhiriha saṃgataiḥ |
kiṃ kāraṇaṃ mahābhāga tvadbhrātaiko gato harim || 95 ||
[Analyze grammar]

gokarṇa uvāca |
śrūyatāmabhidhāsyāmi kāraṇaṃ bhātṛsadgatau |
yacchrutvā yūyamevāpi golokaṃ ca gamiṣyatha || 96 ||
[Analyze grammar]

saptāhaśravaṇaṃ kāryamupavāsaparāyaṇaiḥ |
kṛṣṇaikatānamatibhirgoloka gatidāyakam || 97 ||
[Analyze grammar]

punaḥ śuṇudhvaṃ saptāhaṃ śrīmadbhāgavataṃ dvijāḥ |
ekāgracittāḥ satataṃ kṛṣṇapremāmṛtapradam || 98 ||
[Analyze grammar]

iti śrutvā vacastasya gokarṇasya dvijottamāḥ |
punaḥ śrotuṃ bhāgavataṃ saptāhaṃ samupāvasan || 99 ||
[Analyze grammar]

kṛṣṇaikatānamatayo niyamena ca nārada |
punaste śuśruvuḥ sarve śrīmadbhāgavataṃ dvijāḥ || 100 ||
[Analyze grammar]

kathāvasāne bhagavānkṛṣṇaḥ kamalalocanaḥ |
āvirāsīnmuniśreṣṭha śaṃkhacakragadābjadhṛk || 101 ||
[Analyze grammar]

kirīṭakuṃḍaladharo vanamālī vibhūṣitaḥ |
pītavāsā ghanaśyāmaḥ kaṭakāṃgadabhūṣitaḥ || 102 ||
[Analyze grammar]

taṃ dṛṣṭvā te dvijāḥ sarve viṣvaksenādibhiryutam |
pārṣadapravarairhṛṣṭāḥ praṇemurbhuvi saṃgatāḥ || 103 ||
[Analyze grammar]

jayaśabdo namaḥ śabdastadāsītsarvato mune |
atha śaṃkhadhvaniṃ cakre hariḥ saṃharṣayandvijān || 104 ||
[Analyze grammar]

tadāneke vimānāstu vaikuṃṭhātsamupāgatāḥ |
dvijānāṃ paśyatāṃ tatra pārṣadapravarairyutāḥ || 105 ||
[Analyze grammar]

gokarṇaṃ tu samāliṃgya dadau sārūpyamātmanaḥ |
śrotṝnanyānghanaśyāmānpītakauśeyavāsasaḥ || 106 ||
[Analyze grammar]

kirīṭinaḥ kuṃḍalino hāriṇo vanamālinaḥ |
cakāra tatkṣaṇāttatra mahadāścaryamapyabhūt || 107 ||
[Analyze grammar]

tasmingrāme sthitā ye tu ācāṃḍālajanā mune |
samāruhya vimānāṃstānyayuḥ kṛṣṇājñayā divam || 108 ||
[Analyze grammar]

gokarṇasahitaḥ kṛṣṇo gopagopījanapriyaḥ |
golokaṃ samanuprāptaḥ sarvalokoparisthitam |
yatra vṛṃdāvanaṃ ramyaṃ śataśṛṃgasamāvṛtam || 109 ||
[Analyze grammar]

tadbāhye paritovṛtaṃ vijayayāhyatyadbhutaṃ rājate'raṇyaṃ yatra tu maṃḍapāni subahūnyacchodavāpyo hradāḥ |
gāvaḥ kāmadughāḥ suradrumataticchāyāśritā gopakaiḥ krīḍātatparamānasaiḥ parivṛto naṃdātmajaḥ krīḍati || 110 ||
[Analyze grammar]

madhye tvasya sukānanasya racito vṛṃdāvaneśecchayā ramyaṃ ratnasamūhabharmakhacitaṃ |
prākāramudbhāsayan |
nyagrodhaḥ sumahāṃstataḥ pratidiśaṃ gopījanādhyāsitaṃ vatsālaṃkṛtamadbhutākṛti mahacchrīgokulaṃ rājate || 111 ||
[Analyze grammar]

tanmadhye bhavanaṃ hareradhikṛtaṃ prodbhāsate bhāsvaraṃ yasminnaṃdagṛheśvarī samuditāste rādhayā rādhitāḥ |
yadbhāgyaṃ mahadapyumāpatimukhaiściṃtyaṃ sadābhyaṃtaraistatsūnormadhurākṛteradhicakāstyaṃḍaughabhāsyāṃśubhiḥ || 112 ||
[Analyze grammar]

vātāṃbuparṇāśanadehaśoṣaṇaistapobhirugrairjapayajñakarmabhiḥ |
asādhyamapyāyasadhenusaṃbhavo lokaṃ na gāhākhyamakhapravarttanāt || 113 ||
[Analyze grammar]

itihāsamimaṃ puṇyaṃ yaḥ paṭhecchṛṇuyādapi |
so'pi golokamabhyeti kiṃ śrībhāgavataṃ punaḥ || 114 ||
[Analyze grammar]