Chapter 195

[English text for this chapter is available]

sūta uvāca |
atha devaṛṣistatra kumārānanumānya ca |
uvāca praṇato vākyaṃ jñānayajña kṛtādaraḥ || 1 ||
[Analyze grammar]

nārada uvāca |
jñānayajñaṃ kariṣyāmi śukaśāstra kathojvalam |
bhakti jñāna virāgāṇāṃ sthāpanārthe prayatnataḥ || 2 ||
[Analyze grammar]

yatra kāryo mayā yajñaḥ sthānaṃ tatkathyatāṃ dvijāḥ |
catvāro yajñavāhāśca yūyameva vṛtā mayā || 3 ||
[Analyze grammar]

kiyadbhirdivasaiḥ śrāvyā śrīmadbhāgavatī kathā |
ko vidhistatra kartavyo jñānayajñaviśāradāḥ || 4 ||
[Analyze grammar]

kumārā ūcuḥ |
śṛṇu nārada vakṣyāmastubhyaṃ yatra kathā nṛṇām |
śṛṇvatāṃ pāparāśighno bhavetpuṇyavibardvinī || 5 ||
[Analyze grammar]

gaṃgādvāra samīpe tu kāmadākhyaṃ puraṃ mahat || 6 ||
[Analyze grammar]

svarṇadyāścottare puṇye taṭamānaṃdanāmakam |
nānāṛṣigaṇairjuṣṭaṃ devasiddhaniṣevitam || 7 ||
[Analyze grammar]

nānā tarulatākīrṇaṃ svacchakomala vālukam |
ramyamekāṃtadeśasthaṃ svarṇapaṃkaja śobhitam || 8 ||
[Analyze grammar]

yatsamīpasthajīvānāṃ kṣetrasyaiva prabhāvataḥ |
mithaḥ saṃsnigdhacittānāṃ vairaṃ cetasi na sthitam || 9 ||
[Analyze grammar]

jñānayajñastvayā tatra karttavyo hi prayatnataḥ |
apūrva rasadātrī ca kathā tatra bhaviṣyati || 10 ||
[Analyze grammar]

vṛṃdāvanapratolisthaṃ jarājīrṇa kalevaram |
sutadvayaṃ puraskṛtya bhaktistatrāgamiṣyati || 11 ||
[Analyze grammar]

yatra bhāgavatī vārtā bhaktistatra sahātmajā |
kṛṣṇakīrtisudhāṃ pītvā taruṇī vā bhaviṣyati || 12 ||
[Analyze grammar]

sūta uvāca |
evamuktvā kumārāste nāradena samaṃtataḥ |
gaṃgādvāre samājagmurjñānayajñāya satvarāḥ || 13 ||
[Analyze grammar]

yadā prāptāstaṭaṃ te tu gaṃgāyā bhārgavarṣabha |
tadā kolāhalaścāsīdbhūrlokādika saptasu || 14 ||
[Analyze grammar]

śrīmadbhāgavatāsvādalaṃpaṭā sāptalaukikāḥ |
dhāvaṃ dhāvaṃ samājagmuḥ prācīnā vaiṣṇavāśca ye || 15 ||
[Analyze grammar]

bhṛgurvasiṣṭhaścyavanaśca gautamo medhātithirdebaladevarātau |
rāmastathāgādhija śākalau ca mṛkaṃḍaputrātrija pippalādāḥ || 16 ||
[Analyze grammar]

yogeśvarau vyāsaparāśarau ca śukādayo bhāgavatapradhānāḥ |
śiṣyairupetā bahuśāstravijñāḥ kṛṣṇāmṛtāsvāda kṛtau pradhānāḥ || 17 ||
[Analyze grammar]

vedāṃtāni ca vedāśca maṃtrāstaṃtrāṇi saṃhitāḥ |
daśasaptapurāṇāni ṣaṭśāstrāṇi tathāyayuḥ || 18 ||
[Analyze grammar]

gaṃgādyāḥ saritastatra puṣkarādi sarāṃsi ca |
kṣetrāṇi ca diśaḥ sarvā daṃḍakādi vanāni ca || 19 ||
[Analyze grammar]

himādayo nagāstatra devagaṃdharvakinnarāḥ |
dvīpāḥ samudrā dikpālāḥ pātālasthāstathāyayuḥ || 20 ||
[Analyze grammar]

dīkṣāyāṃ nāradenātha dattamāsanamuttamam |
kumārā vaṃditā sarve niṣeduḥ kṛṣṇatatparāḥ || 21 ||
[Analyze grammar]

vaiṣṇavāḥ suviraktāśca nyāsino brahmacāriṇaḥ |
mukhyā hyagresthitā steṣāṃ purato nāradaḥ sthitaḥ || 22 ||
[Analyze grammar]

vāmabhāgemunigaṇādakṣiṇecadivaukasaḥ |
vedopaniṣado'nyatratīrthānicabhṛgūdvaha || 23 ||
[Analyze grammar]

jayaśabdonamaḥ śabdaḥśaṃkhaśabdastathaivaca |
babhūvākāśasaṃsparśīghoṣayanvidiśodaśa || 24 ||
[Analyze grammar]

vimānānisamāruhyaprahṛṣṭānākavāsinaḥ |
kalpavṛkṣaprasūnaiścatāṃsabhāṃsamavākiran || 25 ||
[Analyze grammar]

sūtauvāca |
evaṃteṣuniviṣṭeṣubhṛgvādiṣuyathārhataḥ |
śrībhāgavatamāhātmyamūcirenāradāyate || 26 ||
[Analyze grammar]

kumārā ūcuḥ |
śṛṇu nārada vakṣyāmo mahimānaṃ mahādbhutam |
śrīmadbhāgavatākhyasya śāstrasya vidhipūrvakam || 27 ||
[Analyze grammar]

sadā naraiḥ sukṛtibhiḥ sevyā bhāgavatī kathā |
yasyāḥ śravaṇamātreṇa kṛtārthatvaṃ prayāṃti te || 28 ||
[Analyze grammar]

graṃtho 'ṣṭādaśasāhasro dvādaśaskaṃdha saṃyutaḥ |
parīkṣicchukasaṃvādaḥ śrīmadbhāgavatābhidhaḥ || 29 ||
[Analyze grammar]

tāvatsaṃsāracakresminbhramatyajñānamohitaḥ |
yāvatkarṇagataṃnosyācchukaśāstraṃ janasya ca || 30 ||
[Analyze grammar]

kiṃ śrutairbahubhiḥ śāstraiḥ purāṇaiḥ saṃhitāgamaiḥ |
yadi bhāgavataṃ puṃbhirna śrutaṃ bhaktibhāvanaiḥ || 31 ||
[Analyze grammar]

kathā bhāgavatasyāpi nityaṃ bhavati yadgṛhe |
tadgṛhaṃ tīrtharūpaṃ hi nṛṇāṃ pāpavināśanam || 32 ||
[Analyze grammar]

aśvamedhasahasrāṇi rājasūyaśatāni ca |
bhāgavatyāḥ kathāyāśca kalāṃ nārhaṃti ṣoḍaśīm || 33 ||
[Analyze grammar]

tāvatpāpāni tiṣṭhaṃti dehe'sminmunipuṃgava |
yāvanna śrūyate samyakśrīmadbhāgavataṃ naraiḥ || 34 ||
[Analyze grammar]

na gaṃgā na gayā kāśī pratiṣṭhānaṃ na puṣkaraḥ |
kathāyā bhāgavatyāśca samā puṇyaphalena ca || 35 ||
[Analyze grammar]

ślokārddhaṃ ślokapādaṃ vā nityaṃ bhāgavatodbhavam |
paṭhasva svamukhenāpi yadīcchasi bhavakṣayam || 36 ||
[Analyze grammar]

vedādirvedamātā ca pauruṣaṃsūktameva ca |
trayī bhāgavataṃ caiva dvādaśāṣṭākṣarau manū || 37 ||
[Analyze grammar]

dvādaśātmā prayāgaśca kālaḥ saṃvatsarātmakaḥ |
brāhmaṇaścāgnihotraṃ ca surabhirdvādaśī tithiḥ || 38 ||
[Analyze grammar]

tulasī ca vasaṃtartuḥ puruṣottama eva ca |
eteṣāṃ vastuto nāsti pṛthagbhāvo munīśvara || 39 ||
[Analyze grammar]

yaśca bhāgavataṃ śāstraṃ vyākuryādanvahaṃ dvija |
janmakoṭikṛtaṃ pāpaṃ tasya naśyati nārada || 40 ||
[Analyze grammar]

śrutaṃ ca paṭhitaṃ dhyātaṃ śrīmadbhāgavataṃ nṛbhiḥ |
dadāti muktiṃ bhaktiṃ vā tulasyagnyośca sevanam || 41 ||
[Analyze grammar]

aṃtakāle tu saṃprāpte bhayaṃ tyaktvā sudūrataḥ |
śrīmadbhāgavataṃ bhaktyā śṛṇuyādyaḥ sa muktibhāk || 42 ||
[Analyze grammar]

prauṣṭhapadyāṃ ca rākāyāṃ hemasiṃha samanvitam |
alaṃkṛtya dvijāgryāya śrīmadbhāgavataṃ dadet || 43 ||
[Analyze grammar]

bhaktiyukto vimānaśca mitāśī ca jiteṃdriyaḥ |
śrutvāditaḥ sa kṛṣṇasya sāyujyaṃ lokamāpnuyāt || 44 ||
[Analyze grammar]

ājanmamātramapi yena śaṭhena cittaṃ samyaṅniyamya bhuvi kṛṣṇakathā na pītā |
cāṃḍālavacca paśuvadbata tena nītaṃ mithyā svajanma jananī bhṛśamarditā ca || 45 ||
[Analyze grammar]

yairna śrutaṃ bhāgavataṃ purāṇamārādhito no puruṣaḥ purāṇaḥ |
mukhe hutaṃ naiva dharāmarāṇāṃ teṣāṃ vṛthā janma gataṃ narāṇām || 46 ||
[Analyze grammar]

cittaṃ na yasya tu narasya hareḥ kathāyāṃ saṃprīyate duritaduṣṭamasatprasaṃgāt |
dhiktaṃ naraṃ paśusamaṃ bhuvibhārabhūtamevaṃ vadaṃti munayaḥ kila pūrvasiddhāḥ || 47 ||
[Analyze grammar]

durllabhaiva kathā loke śrīmadbhāgavatodbhavā |
koṭijanmasamutthena puṇyenaiva tu labhyate || 48 ||
[Analyze grammar]

tena yoganidhe sādho śrotavyā sātvatī kathā |
pratyahaṃ niyamo nāsti dinānāṃ vastuto dvija || 49 ||
[Analyze grammar]

satyena brahmacaryeṇa yato'sya śravaṇaṃ matam |
tataḥ kalau viśeṣo hi vidhiḥ saptadinātmakaḥ || 50 ||
[Analyze grammar]

manasaścājayādrogātpuṃsāṃ caivāyuṣaḥ kṣayāt |
kalerdoṣabahutvācca saptāhaśravaṇaṃmatam || 51 ||
[Analyze grammar]

manaso nigrahaścaiva niyamācaraṇaṃ tathā |
kartuṃ saptadinaṃ śakyaṃ tato niyamakalpanā || 52 ||
[Analyze grammar]

śraddhayā śravaṇe nityamādyaṃtāvadhi yatphalam |
tatphalaṃ śukadevena saptāhaśravaṇe kṛtam || 53 ||
[Analyze grammar]

yatphalaṃ nāsti tapasā na yogena samādhinā |
anāyāsena tatsarvaṃ saptāha śravaṇāllabhet || 54 ||
[Analyze grammar]

yajñādvratācca tapaso dhyānājjñānācca tīrthataḥ |
śrībhāgavatasaptāha niyamo hyuttamo mataḥ || 55 ||
[Analyze grammar]

yadā kṛṣṇo bhuvaṃ tyaktvā svapadaṃ gaṃtumudyataḥ |
tadājñāyoddhavo dhīmāngoviṃdaṃ vākyamabravīt || 56 ||
[Analyze grammar]

uddhava uvāca |
bhagavanbhavatā sarvaṃ devakāryaṃ prasādhitam |
adhunā gaṃtumicchustvaṃ svaṃpadaṃ tamasaḥ param || 57 ||
[Analyze grammar]

ataściṃtā mamotpannā tvadviyoga bhiyā vibho |
tāmapākuru deveśa tvāmahaṃ śaraṇaṃ gataḥ || 58 ||
[Analyze grammar]

āgato'yaṃ kalirghoro'tra sarve'pi janāḥ khalāḥ |
bhaviṣyaṃti tato nātha kiṃ vidheyaṃ tadādiśa || 59 ||
[Analyze grammar]

iyaṃ bhāravatī bhūmiḥ śaraṇaṃ kiṃ prayāsyati |
tvadanyo dṛśyate nātra trātā syād yadunaṃdana || 60 ||
[Analyze grammar]

ato'smāsu dayāṃ kṛtvā tiṣṭhātraiva dayānidhe |
sādhūnāṃ rakṣaṇāyaiva tvamāvirabhavaḥ prabho || 61 ||
[Analyze grammar]

nirguṇo'pi nirākāraḥ saccidānaṃdavigrahaḥ |
tvadviyogena te bhaktāḥ kathaṃ sthāsyaṃti bhūtale || 62 ||
[Analyze grammar]

nirguṇopāsane kaṣṭamato'smaddhitamācara |
sūta uvāca |
ityuddhavavacaḥ śrutvā ciṃtayitvā kṣaṇaṃ hariḥ || 63 ||
[Analyze grammar]

dadau bhāgavataṃ tasmai kṛpayā parayā yutaḥ |
nijaṃ tejaḥ samādhāya śrīmadbhāgavate dvija || 64 ||
[Analyze grammar]

datvoddhavāya bhagavānsvakīyaṃ padamāviśat |
teneyaṃ vāṅmayī mūrtirvarttate śrīhareriha || 65 ||
[Analyze grammar]

sevanātsatataṃ cāsyāḥ pāpaṃ naśyennṛṇāṃ kṣaṇāt |
saptāhaśravaṇaṃ tena kathitaṃ sarvato'dhikam || 66 ||
[Analyze grammar]

śrotā vaktā pṛcchakaśca yāṃti tanmayatāṃ dvija |
duḥkhadāridrya daurbhāgya pāpa prakṣālanāya ca || 67 ||
[Analyze grammar]

kāmakrodha jayārthaṃ ca kalau bhāgavataṃ kṣamam |
anyathā vaiṣṇavī māyā devānāmapi durjayā |
kathaṃ nivartate puṃsāṃ śrīmadbhāgavataṃ vinā || 68 ||
[Analyze grammar]

sūta uvāca |
ityevamuktvā māhātmyaṃ śrīmadbhāgavatasya te |
kathāṃ bhāgavatīṃ divyāṃ pravaktumupacakramuḥ || 69 ||
[Analyze grammar]

vedopaniṣadāṃ sāre śrīmadbhāgavate dvijaiḥ |
ārabhyamāṇe tatraiva bhaktirāvirabhūtkṣaṇāt || 70 ||
[Analyze grammar]

premānvitā cārutanurmudānvitau sutau gṛhītvā taruṇau svadorbhyām |
śrīkṛṣṇa goviṃda hare murāre nātheti nāmāni muhurvadaṃtī || 71 ||
[Analyze grammar]

tāmāgatāṃ bhāgavatārthabhūṣāṃ sucāruveṣāṃ dadṛśuḥ sadasyāḥ |
vyatarkayaṃścāpi kathaṃ kutāsau kāstīti sarve'pi suvismitākṣāḥ || 72 ||
[Analyze grammar]

tataḥ kumārā jagaduḥ kṛtārthā kathārthato niṣpatitādhuneyam |
evaṃ giraḥ sā sasutā niśamya jagāda namrābjabhuvaḥ kumārāt || 73 ||
[Analyze grammar]

bhaktiruvāca |
bhavadbhiradyaiva kṛtāsmi puṣṭā kalau praṇaṣṭāpi kathārasena |
tiṣṭhāmi kutrāhamabhīṣṭamābhyāṃ sahāspadaṃ mahyamupādaśadhvam || 74 ||
[Analyze grammar]

sūta uvāca |
tadvākyamākarṇya vidheḥ kumārā vicārya samyakpraṇidhāya citte |
ucuśca bhaktiṃ bhavarogahartrīṃ premaikadātrīṃ haribhaktibhājām || 75 ||
[Analyze grammar]

kumārā ūcuḥ |
bhakteṣu goviṃda parāyaṇeṣu sādhuṣvatho dīnadayā pareṣu |
mano niyamyotpathasaṃpravṛttaṃ kṛtvaikatānaṃ haripādapadme || 76 ||
[Analyze grammar]

tato hi doṣāḥ kalijā ime tvāṃ draṣṭuṃ na śaktāḥ prabhavopi loke |
kalau tvamekaiva jagaddhitāya bhaviṣyase nārada saṃpraṇītā || 77 ||
[Analyze grammar]

sakalabhuvanamadhye nirdhanāścātidhanyā nivasati hṛdi yeṣāṃ śrīharerbhaktirekā |
harirapi nijalokaṃ satvaraṃ saṃvihāya praviśati hṛdi yeṣāṃ premasūtrāpinaddhaḥ || 78 ||
[Analyze grammar]