Padma Purana [sanskrit]

462,305 words | ISBN-13: 9789385005305

The Padma-purana Book 6 Chapter 190 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

īśvara uvāca |
ataḥ paraṃ pravakṣyāmi ṣoḍaśādhyāyagauravam |
ākarṇaya kuraṃgākṣi harṣotkaṃṭhapravarṣiṇi || 1 ||
[Analyze grammar]

asti saurāṣṭrikaṃ nāmnā puraṃ gurjaramaṃḍale |
tatrāsītkhaṅgabāhuśca rājā caṃdra ivāparaḥ || 2 ||
[Analyze grammar]

yadīya kusumāmodamālāsurabhitodare |
vārāṃnidhau hariḥ svāsthyādaśeta saha padmayā || 3 ||
[Analyze grammar]

yadīya kīrtikarpūrakaṇābhāṃtinabhoṃgaṇe |
kīrṇā vairikṛtaśvāsa mārutaistārakāchalāt || 4 ||
[Analyze grammar]

yasyāsidhārā tīrtheṣu snātā vai ripubhūbhujaḥ |
vyāvarttaṃ te divo'dyāpi svargastrīvāgvimohitāḥ || 5 ||
[Analyze grammar]

tasyārimardanonāma madahastī madoddhuraḥ |
madāṃbudhārā salile guṃjadbhramaramaṃḍalaḥ || 6 ||
[Analyze grammar]

kapolaphalakottīrṇa madadhārājalāvilaḥ |
babhau yo nirjharodgorairaṃjanādririvāccakaiḥ || 7 ||
[Analyze grammar]

yasyāṃgeṣu vyarājaṃta cāmarāścaṃdrikojjvalāḥ |
kiraṇāiva śītāṃśoḥ patitāḥ kānanodare || 8 ||
[Analyze grammar]

siṃdūrapāṃsupaṭalī rājatkuṃbhasthalo babhau |
yaḥ saṃdhyāvāridavyāptaṃ viyatkhaṃḍamiva sthitam || 9 ||
[Analyze grammar]

sa kadācinmocayitvā śṛṃkhalānnigaḍānapi |
bhaṃktvā lauhadṛḍhastaṃbhaṃ prasahya niśi nirgataḥ || 10 ||
[Analyze grammar]

ādhoraṇagaṇānsarvānpārṣṇivisphūrjadaṃkuśān |
krodhādavagaṇayyaiva nijaśālāṃ babhaṃja saḥ || 11 ||
[Analyze grammar]

tīkṣṇāṃkuśamukhairviṣvakhanyamāno'pi vaiṇavaiḥ |
daṃḍaistu trāsayāmāsuḥ sādino na manāgapi || 12 ||
[Analyze grammar]

tato rājā samāgatya niśamyedaṃ kutūhalam |
tatra hastikalābhijñaiḥ samaṃ rājakumārakaiḥ || 13 ||
[Analyze grammar]

adṛśyata samāgatya rājñā daṃtāvalo balī |
mohayannudbhaṭāṭopo hṛtāṭṭālikamālikaḥ || 14 ||
[Analyze grammar]

dadṛśustaṃ mahābhīmaṃ paurā dūrataraṃ sthitāḥ |
gopāyaṃtaḥ śiśūnbhītyā nivṛttānyakutūhalāḥ || 15 ||
[Analyze grammar]

ruddheṣu tatra mārgeṣu palāyanaparairjanaiḥ |
vāsiteṣu tadīyogradānadhārāṃbusīkaraiḥ || 16 ||
[Analyze grammar]

snātvā tenādhvanā yātaḥ sarasaḥ kaścana dvijaḥ |
gītānāṃ ṣoḍaśādhyāyaślokānkatipayāñjapan || 17 ||
[Analyze grammar]

niṣiddhyamāno bahudhā paurairādhoraṇairapi || 18 ||
[Analyze grammar]

amanyamānaḥ kariṇo bhītāncalitavāṃstataḥ |
phūtkāreṇa sa āvṛṇvañjanānviparimardayan || 19 ||
[Analyze grammar]

spṛśandānāṃbujaṃ tasya svastimānnirgato dvijaḥ |
tato mahānabhūttatra vismayo vāgagocaraḥ || 20 ||
[Analyze grammar]

mānase bhūmipālasya paurāṇāmapi paśyatām |
samāhūya tato rājā phullarājīvalocanaḥ || 21 ||
[Analyze grammar]

tamāpṛcchaddvijaṃ vāhādavatīrya praṇamya ca || 22 ||
[Analyze grammar]

rājovāca |
alaukikamidaṃ vipra tvayādyācaritaṃ mahat |
kṛtāṃtakalpādetasmātkathaṃ niryātavāngajāt || 23 ||
[Analyze grammar]

kamarcayasi gīrvāṇaṃ kaṃ maṃtraṃ japasi prabho |
kā ca siddhistavāstīti dvijanmansamudīraya || 24 ||
[Analyze grammar]

dvija uvāca |
gītāyāḥ ṣoḍaśodhyāyaḥ ślokānkatipayānaham |
japāmi pratyahaṃ bhūpa tenaitāḥ sarvasiddhayaḥ || 25 ||
[Analyze grammar]

tato vihāya dviradaṃ kautūhalarasaṃ nṛpaḥ |
ājagāma dvijanmānamādāya nijamaṃdiram || 26 ||
[Analyze grammar]

śubhaṃ muhūrtamanvīkṣya toṣayitvā dvijottamam || 27 ||
[Analyze grammar]

suvarṇairlakṣyasaṃkhyākairgītāmaṃtramupādade |
gītāyāḥ ṣoḍaśādhyāyaślokānkatipayānapi || 28 ||
[Analyze grammar]

samabhyasya tato rājā satkāreṇa sakautukaḥ |
athaikadā vinirgatya bāhyālīṃ saha sainikaiḥ || 29 ||
[Analyze grammar]

tamevāmocayadrājā mattamādhoraṇādgajam |
vispaṣṭamiti vākyāni rājyasaukhyamamānayan || 30 ||
[Analyze grammar]

tṛṇavajjīvitaṃ rājā gajasyāgreviśattataḥ |
ādāya gaṃḍaphalakaṃ madapaṃktiniraṃkuśam || 31 ||
[Analyze grammar]

āyayau maṃtriviśvāsānnṛpaḥ sāhasikāgraṇīḥ |
rāhoriva mukhādiṃduḥ kālāsyādiva dhārmikaḥ || 32 ||
[Analyze grammar]

sādhuḥ khalasya vadanānnṛyoniragamadgajāt |
āgatya nagaraṃ rājā tvabhiṣicya kumārakam || 33 ||
[Analyze grammar]

gītāyāḥ ṣoḍaśādhyāyādavāpa paramāṃ gatim || 34 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttaraṃkhaḍe gītāmāhātmye navatyadhikaśatatamo'dhyāyaḥ || 190 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 190

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: