Chapter 189

[English text for this chapter is available]

īśvara uvāca |
pravakṣyāmi viśālākṣi tuhinācalakanyake |
gītā paṃcadaśādhyāyamāhātmyamavadhāraya || 1 ||
[Analyze grammar]

kṛpālurnarasiṃho'bhūnnāmnā gauḍeṣu bhūpatiḥ |
yasyāsidhārayā saṃkhye devāsaṃghā vadhīkṛtāḥ || 2 ||
[Analyze grammar]

yadīya mattamātaṃga dānadhārājalairilā |
nidāghepi ca sehetāṃ ravisaṃtāpavedanām || 3 ||
[Analyze grammar]

saṃkraṃdanaparitrastā yadīya śaraṇaṃ gatāḥ |
rejire kariṇo mattāścalaṃtaḥ parvatā iva || 4 ||
[Analyze grammar]

mattamātaṃgacītkārapratisvanamivādarāt |
yasya gopāyataḥ śailā vyāharaṃti kṛpāvataḥ || 5 ||
[Analyze grammar]

yadīya dhāvatturagakṣurasaṃghātajarjaram |
nābhūccitraṃ kathaṃkāraṃ gatakhaṃḍaṃ dharātalam || 6 ||
[Analyze grammar]

yasminvṛtrahaṇo mitre samuddharati medinīm |
punarujvalayāṃcakre mahābhāṣyaṃ phaṇīśvaraḥ || 7 ||
[Analyze grammar]

tasyāsītsainiko dhīmāñchastraśāstrakalānidhiḥ |
nāmnā sarabhabheruṃḍaḥ pracaṃḍabhujamaṃḍalaḥ || 8 ||
[Analyze grammar]

bhāṃḍāreṇa turaṃgaiśca bhaṭairvīrarasodbhavaiḥ |
samāna eva bhūpāladurgairatyaṃtadurgamaiḥ || 9 ||
[Analyze grammar]

sa kadācitsvayaṃ rājyaṃ kartuṃ pāpo dadhe manaḥ |
nihatya vasudhāpālaṃ balātsākaṃ kumārakai || 10 ||
[Analyze grammar]

kartuṃ vyavasya divasaiḥ svalpairitthaṃ cikīrṣayā |
viṣūcikāmayādāśu parāsuḥ samajāyata || 11 ||
[Analyze grammar]

kālenālpīyasā pretya pāpātmā tena karmaṇā |
tejasvī turago jātaḥ siṃdhudeśe kṛśodariḥ || 12 ||
[Analyze grammar]

mūlena bahunā krītvā hayatatvavidā tataḥ |
bahuyatnavatā nītaḥ kenacidvaiśyasūnunā || 13 ||
[Analyze grammar]

rājāpi pautranapttrādyaistasyaiva maraṇātparam |
kālena vṛddhatāṃ prāptaḥ svarājyaṃ cāpi pālayan || 14 ||
[Analyze grammar]

sa vaiśyasūnustaṃ cāśvaṃ rājñe dātuṃ samāgataḥ |
rājñodvāristhatastatra pratīkṣaṃstatsamāgamam || 15 ||
[Analyze grammar]

jñātapūrvo'pi vaiśyo'sau pratīhāreṇa darśitaḥ |
kimarthaṃ brūhi rājñeti pṛṣṭaḥ spaṣṭamabhāṣata || 16 ||
[Analyze grammar]

deva trijagatīratnamiti matvā turaṃgamaḥ |
mayā niyutamūlyena bahunā sādhulakṣaṇaḥ || 17 ||
[Analyze grammar]

tato'valokya vaktrāṇi bhūpālaḥ pārśvavartinām |
samādideśa vaṇijamaśvo'tra nīyatāmiti || 18 ||
[Analyze grammar]

śirāṃsi dhūnayannṛṇāmaśvalakṣaṇavedinām |
śūrāṇāmapi cetāṃsi muhurutsāhayanmahān || 19 ||
[Analyze grammar]

akhaṃḍamedinīvegabahusaṃkramaṇārjitam |
lālāphenachalenāsau vamanśubhrataraṃ yaśaḥ || 20 ||
[Analyze grammar]

uccaiḥśravastulāṃ bheje guṇasāmyena tattvataḥ |
vivṛṇvannati tejasvī hriyevanatakaṃdharaḥ || 21 ||
[Analyze grammar]

cāmarairiṃdudhavalairvījyamāno niraṃtaram |
dugdhāṃbhonidhilolaistaiḥ śvāsairuccaiḥśravā iva || 22 ||
[Analyze grammar]

nīlātapatrayugalaṃ ghanacchāyatulaśriyā |
bibhrāṇo vāridālīḍha himādri śikharaśriyam || 23 ||
[Analyze grammar]

medinīmaṃḍalasparśa saṃkrāṃtamiva pāvakam |
muhuruddharayandhunvanbaṃdhuraṃ kaṃdharātaṭam || 24 ||
[Analyze grammar]

dārayanvairiṇaḥ sarvānvyāharaṃśca jayaśriyam |
heṣāraveṇa guruṇā dikṣuprakhyāpayanyaśaḥ || 25 ||
[Analyze grammar]

sattvasya rāśiratyuccairgatīnāmiva śevadhiḥ |
rūpasya nilayaṃ sākṣāllakṣaṇānāṃ payonidhiḥ || 26 ||
[Analyze grammar]

ānīto vaṇijā vājī rājñā ca samadṛśyata |
bahudhā varṇito'mātyairaśvalakṣaṇavedibhiḥ || 27 ||
[Analyze grammar]

yathecchaṃ vaṇijodīrṇaṃ svarṇaṃ dattvā mahīpatiḥ |
jagrāha turagaṃ vegādasīmānaṃdanirbharaḥ || 28 ||
[Analyze grammar]

tato'śvapālamāhūya yatnatastaṃ nirūpya ca |
visarjitasabhāloko gṛhāṃtaramagānnṛpaḥ || 29 ||
[Analyze grammar]

anekadhā samāpṛṣṭo mahīpālaṃ raṃṇāṃgaṇe |
śastravraṇakiṇaśreṇībhūṣaṇaṃ satvasannibham || 30 ||
[Analyze grammar]

ekadā mṛgayāṃ khelankutūhalarasātmanā |
tamāruhya mahīpālo vanaṃ prati viveśa ha || 31 ||
[Analyze grammar]

visṛjya sainikānpṛṣṭe dhāvataḥ parito'khilān |
ākṛṣyamāṇo hariṇaiḥ pipāsākulito'bhavat || 32 ||
[Analyze grammar]

tata uttīrya turagājjalamanveṣayan nṛpaḥ |
badhvāśvaṃ taruśākhāyāmāruroha śilāṃ nṛpaḥ || 33 ||
[Analyze grammar]

gītāpaṃcadaśādhyāyaślokārddhalikhitaṃ tataḥ |
pātitaṃ marutā tatra yatra khaṃḍe vilokayat || 34 ||
[Analyze grammar]

patraṃ vācayato rājñaḥ śrutvā gītākṣarāvalīm |
tato muktipadaṃ lebhe turagastvarayā'patat || 35 ||
[Analyze grammar]

tato graṃthiṃ samācchidya palyāṇavatārya ca |
utthāpamānasturago rājñā notthitavānmṛtaḥ || 36 ||
[Analyze grammar]

tataḥ sarabhabheruṃḍo nṛpamābhāṣya susvaram |
divyaṃ vimānamāruhya jagāma tridaśālayam || 37 ||
[Analyze grammar]

tato giriṃ samāruhya dadarśāśramamuttamam |
punnāgakadalīcūtanārikelasamanvitam || 38 ||
[Analyze grammar]

drākṣekṣuvāṭikāpūganāgakesaracaṃpakam |
khelatkarabhasāraṃgaṃ nṛtyatkekikulaṃ nṛpaḥ || 39 ||
[Analyze grammar]

praṇipatya dvijanmānamuṭajābhyaṃtarasthitam |
papraccha parayā bhaktyā muktasaṃsāravāsanāt || 40 ||
[Analyze grammar]

turago niragātsvargaṃ hetunā kena me vada |
ityākarṇya vaco rājño dvijanmā vācamūcivān || 41 ||
[Analyze grammar]

kālena bahunā pretya tatpāpātturago'bhavat |
atha paṃcadaśādhyāyaślokārddhaṃ likhitaṃ kvacit || 42 ||
[Analyze grammar]

tato vācayataḥ śrutvā niragātturago divam |
tataḥ samāgataistatra parivārajanairvṛtaḥ || 43 ||
[Analyze grammar]

praṇipatya dvijanmānaṃ hṛṣṭaromā vinirgataḥ |
patraṃ tadeva likhitaṃ gītāpaṃcadaśākṣaram || 44 ||
[Analyze grammar]

vācayansa mahīpālo harṣasaṃphullalocanaḥ |
abhiṣicya nijaṃ putraṃ maṃtravinmaṃtribhiḥ samam || 45 ||
[Analyze grammar]

siṃhāsane siṃhabalaṃ muktimāpa viśuddhadhīḥ || 46 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe gītā |
māhātmye ekonanavatyadhikaśatatamo'dhyāyaḥ || 189 ||
[Analyze grammar]