Chapter 181

[English text for this chapter is available]

śrībhagavānuvāca |
atha te varṇayiṣyāmi saptamādhyāyagauravam |
yadākarṇya sudhāpūra pūrtirbhavati karṇayoḥ || 1 ||
[Analyze grammar]

asti pāṭaliputrākhyaṃ durgamuttuṅgagopuram |
tatrābhūdbrāhmaṇo nāma śaṃkukarṇo dayārṇavaḥ || 2 ||
[Analyze grammar]

vaiśyavṛttiṃ samāsādya dhanamarjitavānbahu |
pitṝnnatarpayāmāsa pūjayāmāsa no surān || 3 ||
[Analyze grammar]

pārthivānbhojayāṃścakre dhanārjanaparāyaṇaḥ |
turīyapāṇigrahaṇaṃ maṃgalārthaṃ gṛhāṃtare || 4 ||
[Analyze grammar]

tanujairbaṃdhubhiḥ sārdhaṃ saṃpratasthe kadācana |
rajanyāṃ dharmakalpāyāṃ nidrālostasya dostale || 5 ||
[Analyze grammar]

daśati sma samāgatya daṃdaśūkaḥ kutaścana |
sa daṣṭamātro'sādhyātmā maṇimaṃtrauṣadhādibhiḥ || 6 ||
[Analyze grammar]

kṣaṇaiḥ katipayaireva gatāsurabhavattataḥ |
picumaṃdadalairnālairavaguṃṭhitavigraham || 7 ||
[Analyze grammar]

tamāropya taruskaṃdhe sūnavo gṛhamāyayuḥ |
tataḥ kālena bahunā tato jātaḥ sarīsṛpaḥ || 8 ||
[Analyze grammar]

tadvāsanānibaddhātmā janmapūrvamanusmaran |
vaṃcayitvā sutānetānpūrayāmi gṛhādbahiḥ || 9 ||
[Analyze grammar]

ātmanaḥ koṭisaṃkhyākaṃ yatrāste sthāpitaṃ vasu |
tato nārāyaṇabaliśraddhayā parayānvitāḥ || 10 ||
[Analyze grammar]

kṛtavaṃtaḥ pare tasya sūnavo hi dvijanmanaḥ |
ekadā svapnamāgatya pīḍitaḥ sarpajanmanā || 11 ||
[Analyze grammar]

abhāṣayanmanovṛttaṃ putrāṇāmagrataḥ pitā |
tataste prātarutthāya paraṃ vismayamohitāḥ || 12 ||
[Analyze grammar]

itaretaramākhyāya paryaṃtaste niraṃkuśāḥ |
ekastatrapitṛsnehāduddhartumapi vāṃchati || 13 ||
[Analyze grammar]

anyo draviṇalobhena nihaṃtuṃ sarpamīhate |
itarastu pitṛsneharasamohitamānasaḥ || 14 ||
[Analyze grammar]

kiṃvā ahimayo na syācchocanroditi kevalam |
madhyamastu tataḥ putro vaṃcayitvā sahodarau || 15 ||
[Analyze grammar]

kenāpi chadmanotthāya jagāma nijamālayam |
tataḥ śanaiḥ samāhūya gṛhiṇīṃ guṇaśālinīm || 16 ||
[Analyze grammar]

kuddālahasto niragādyatrāste pannagaḥ pitā |
tenāviditavittena cihnairniścitya tatvataḥ || 17 ||
[Analyze grammar]

sthānamāgatya taṃ haṃtuṃ valmīkaṃ lobhabuddhitaḥ |
bhāryayotsārya te mṛtsnā svayaṃ tena ca khanyate || 18 ||
[Analyze grammar]

nikhanyamānādatyugro valmīkādahirutthitaḥ |
tato garalagaṃḍūṣairnirgatairatiduḥsahaiḥ || 19 ||
[Analyze grammar]

giraḥ sa kathayāṃcakre phaṇī phūtkāramārutaiḥ || 20 ||
[Analyze grammar]

ahiruvāca |
kastvaṃ kimarthamāyātaḥ kathaṃ vā khanyate bilam |
kena vā prahito mūḍha tadākhyāhi mamāgrataḥ || 21 ||
[Analyze grammar]

putra uvāca |
putraste'haṃ śivo nāma hemagrahaṇakautukī |
āgato rātralabdhasya svapnasya tu suvismitaḥ || 22 ||
[Analyze grammar]

śiva uvāca |
itthamākarṇya putrasya giraṃ lokavigarhitām |
vaktumārabhata spaṣṭaṃ hasannuccaiḥ phaṇī tadā || 23 ||
[Analyze grammar]

sarpa uvāca |
yadiputro'si me tūrṇaṃ māmunmocaya baṃdhanāt |
nikṣepārthāya saṃjātaṃ pannagaṃ pūrvajanmanaḥ || 24 ||
[Analyze grammar]

putra uvāca |
pitaḥ kathaṃ te muktiḥ syādityācakṣva mamāgrataḥ |
parityaktvākhilaṃ lokamāgatosmi yathā niśi || 25 ||
[Analyze grammar]

pitovāca |
na tīrthāni na dānāni na tapāṃsi na cādhvarāḥ |
māmunmocayituṃ putra prabhavaṃti ca sarvathā || 26 ||
[Analyze grammar]

gītānāṃ saptamādhyāyamaṃtareṇa sudhāmayam |
jaṃtorjarāmṛtyuduḥkhanirākaraṇakāraṇam || 27 ||
[Analyze grammar]

saptamādhyāyinaṃ vipraṃ madīye śrāddhavāsare |
bhojaya śraddhayā putra tena muktirna saṃśayaḥ || 28 ||
[Analyze grammar]

anyānapi dvijānvatsa vedavidyāviśāradān |
saṃbhojaya yathāśakti paramaśraddhayānvitaḥ || 29 ||
[Analyze grammar]

ityākarṇya piturvākyamuragatvamupeyuṣaḥ |
te sarve sūnavo kurvanyathādiṣṭaṃ tato'dhikam || 30 ||
[Analyze grammar]

śaṃkukarṇastataḥ śrīmānutsṛjya tanumauragīm |
kṛtvā vibhāgaṃ putrāṇāṃ divyaṃdehamupādade || 31 ||
[Analyze grammar]

vibhajya dattaṃ pitrāya dravyaṃ tatkoṭisaṃkhyayā |
tena te sūnavaḥ sarve mumuduḥ sādhuvṛtayaḥ || 32 ||
[Analyze grammar]

vāpīkūpasaroyajñadevaprāsādahetave |
annaśālāṃ tataḥ kurvanputrāste dharmabuddhayaḥ || 33 ||
[Analyze grammar]

saptamādhyāya japato muktibhājobhavaṃstataḥ |
ṣaṣṭhamiṣṭatamaṃ jñātvā nirvāṇārpitadṛṣṭayaḥ || 34 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe gītāmāhātmye ekāśītyadhikaśatatamo'dhyāyaḥ || 181 ||
[Analyze grammar]