Chapter 177

[English text for this chapter is available]

śrībhagavānuvāca |
janasthāne jaḍo nāma dvijanmā kauśikānvayī |
hitvā jātyucitaṃ dharmaṃ vaṇigvṛttyāṃ mano dadhe || 1 ||
[Analyze grammar]

vyasanī paradāreṣu dīvyannakṣaiḥ pibanmadhu |
mṛgayā nirato nityaṃ kālamevaṃ nināya saḥ || 2 ||
[Analyze grammar]

kṣīṇe vitte tato rātrau cauryāmārabdhavāṃstataḥ |
pratipede dhanaṃ tena yajvanāṃ yaṣṭumarthinām || 3 ||
[Analyze grammar]

sa dūramagamattena vāṇijyāyottarāṃ diśam |
kastūrimaguruṃ kṛṣṇaṃ cāmarāṃścaṃdrikojjvalān || 4 ||
[Analyze grammar]

gṛhītvā vṛtya cāninye paṃcaṣādadhvayojanāt |
athāparasminnahani priyādarśanadohani || 5 ||
[Analyze grammar]

dūramadhvānamullaṃghya ravāvastamite sati |
dhvāṃte prasarpati svairaṃ diśo daśa tarostale || 6 ||
[Analyze grammar]

gato vaśaṃ sadasyūnāṃ nijaghne taiśca satvaram |
dharmalopādasau jajñe ghoraścogrataro grahaḥ || 7 ||
[Analyze grammar]

pipāsito bubhukṣārto lelihānaśca sṛkkiṇī |
urdhvakeśo'tijaṃghāluḥ pṛṣṭalagnodaro mahat || 8 ||
[Analyze grammar]

asthimātraśarīro'bhūddurvṛttanayano bhṛśam |
atrāṃtare sutastasya dharmātmā vedakovidaḥ || 9 ||
[Analyze grammar]

paryapālayadatyarthaṃ didṛkṣustaṃ tadāgamat |
nityamanveṣayanvārttāṃ pāṃthebhyo nopalabdhavān || 10 ||
[Analyze grammar]

tataḥ kadācidāyāte sahāyini ca mānave |
tasmādviditavṛttāṃtaḥ śuśoca pitaraṃ bahu || 11 ||
[Analyze grammar]

tato vimṛśya medhāvī cikīrṣuḥ pāralaukikam |
vārāṇasīṃ sasaṃbhāraḥ sa gaṃtumupacakrame || 12 ||
[Analyze grammar]

mārge nivāsānsaptāṣṭau nītvā tasya tarostale |
saṃdhyāṃ pracakrame kartuṃ yatrāsya nihataḥ pitā || 13 ||
[Analyze grammar]

tatrādhyāyaṃ sa gītānāṃ tṛtīyaṃ saṃjajāpa ha |
tato ghorasvarastatra vyomamadhye parāmṛśat || 14 ||
[Analyze grammar]

dadarśa ghoramākāśātpataṃtaṃ pitaraṃ tataḥ |
vismayena bhayenāpi vikalīkṛtacetanaḥ || 15 ||
[Analyze grammar]

tejasā bhūyasā vyāptamāluloke puro'mbare |
kiṃkiṇīkoṭisaṃkīrṇaṃ tejasā vyāptadiṅmukham || 16 ||
[Analyze grammar]

vimānamagrato'paśyaddivyamadhyagracetanaḥ |
tatrāpaśyatsamārūḍhaṃ divyābhiḥ strībhirāvṛtam || 17 ||
[Analyze grammar]

saṃstūyamānaṃ munibhiḥ pitaraṃ pītavāsasam |
praṇatastaṃ samālokya yuyuje tena cāśiṣā || 18 ||
[Analyze grammar]

tato'pṛcchadidaṃ vṛttaṃ sa ca tasmai nyavedayat |
dustyajātkarmaṇo vatsa vapuṣo puṇyakāraṇāt || 19 ||
[Analyze grammar]

mocito'smi tvayā daivādadhyāyaṃ japatāṃtike |
tannivarttasva japataḥ sāṃprataṃ tvāmupasthitam || 20 ||
[Analyze grammar]

vārāṇasīṃ yadarthaṃ yattadanuṣṭhitamātmanaḥ |
śrībhagavānuvāca |
evamuktaḥ sa ca prāha pitaraṃ dīptatejasam || 21 ||
[Analyze grammar]

suta uvāca |
hitaṃ mamānuśādhi tvaṃ kāryamanyanmayānu kim |
śrībhagavānuvāca |
tataḥ prāha pitā putraṃ kāryametattvayānagha || 22 ||
[Analyze grammar]

yanmayācaritaṃ karma bhrātrā mama tu tatkṛtam |
sa yāto narakaṃ ghoraṃ taṃ mocayitumarhasi || 23 ||
[Analyze grammar]

anye madanvaye ye vai nirayaṃ pratipedire |
te ca mocayitavyāste iti me'sti manorathaḥ || 24 ||
[Analyze grammar]

ityevamuktaḥ putrastaṃ punaḥ prāha kṛtāṃjali |
karmaṇā kena tānsarvānmocayāmi tadādiśa || 25 ||
[Analyze grammar]

evaṃ nivedito vākyaṃ pitā sutamuvāca ha |
pitovāca |
yenāhaṃ mocito vatsa tadanuṣṭhātumarhasi || 26 ||
[Analyze grammar]

anuṣṭhāya tadutpannaṃ tebhyaḥ puṇyaṃ samutsṛja |
tato'hamiva te sarve pūrve saṃtyajya yātanām || 27 ||
[Analyze grammar]

gamiṣyaṃtyacireṇaiva tadviṣṇoḥ paramaṃ padam |
sa saṃdiṣṭovadatputro yadyevaṃ tāta nārakān || 28 ||
[Analyze grammar]

sarvānapi vimokṣyāmi yadi te rocate vacaḥ |
evamastu śivaṃ bhūyādupapannaṃ mahatpriyam || 29 ||
[Analyze grammar]

ityādiśya pitā putraṃ yayau viṣṇoḥ paraṃ padam |
so'pi tasmātparāvṛttya janasthānaṃ prapadya ca || 30 ||
[Analyze grammar]

suṃdarasya puraḥ śaureścālaye kālamabhyagāt |
sa kurvāṇoḥsamādīni pitrā ca yadudīritam || 31 ||
[Analyze grammar]

utsasarja kṛtaṃ puṇyaṃ mocayiṣyansa nārakān |
atrāṃtare pade viṣṇoryātanāpadamīyuṣaḥ || 32 ||
[Analyze grammar]

nārakānmocayiṣyaṃtaḥ kiṃkarā yamamabhyayuḥ |
tena te pūjitāḥ sarve satkriyābhiranekadhā || 33 ||
[Analyze grammar]

kuśalaṃ paripṛṣṭāste sarvataḥ sukhamūcire |
emaṃ satkṛtya medhāvī pitṛloka maheśvaraḥ || 34 ||
[Analyze grammar]

hetumāgamane pṛcchatte ca tasmai nyavedayan |
viddhi kīnāśanātha tvaṃ śeṣaparyaṃkaśāyinā || 35 ||
[Analyze grammar]

śauriṇā prahitānasmānsamādeṣṭuṃ tvadaṃtike |
asmanmukhena devastvāṃ kuśalaṃ paripṛcchati || 36 ||
[Analyze grammar]

nārakānprāṇinaḥ sarvānvimoktuṃ ca niyacchati |
ityākarṇya samādiṣṭaṃ viṣṇoramitatejasaḥ || 37 ||
[Analyze grammar]

na tena mūrdhnā saṃbhāvya dadhyau kiṃcana cetasā |
vimuktānnirayātsarvāṃstānvilokya madotkaṭān || 38 ||
[Analyze grammar]

sa tairanugataḥ sarvairviṣṇorāyatanaṃ tataḥ |
yayau sa varayānena yatrāste dugdhavāridhiḥ || 39 ||
[Analyze grammar]

tadaṃta uditānekasūryakoṭisamaprabham |
iṃdīvaradalaśyāmamāluloka jagadgurum || 40 ||
[Analyze grammar]

śayyāphaṇiphaṇāratnamarīcyāmiśratejasam |
vilokyamānamānaṃdanirbharaṃ prītamānasam || 41 ||
[Analyze grammar]

bhāvānugairdṛgālīkaiḥ śriyā premṇekṣitaṃ muhuḥ |
yogibhiḥ parito juṣṭaṃ dhyānaniṣpaṃdatārakaiḥ || 42 ||
[Analyze grammar]

stūyamānaṃ maheṃdreṇa parājetuṃ virodhinaḥ |
āmnāyavacasāmaṃte brahmaṇo niḥsṛtairmukhāt || 43 ||
[Analyze grammar]

mūrtimadbhirvacobhiśca gīyamānaṃ guṇotkaram |
saṃprītaṃ cāpyudāsīnamapi sarvāsu yoniṣu || 44 ||
[Analyze grammar]

yogasaṃcitapuṇyānāṃ yaugapadyena jaṃtuṣu |
vilokamānamātmānamakhilaṃ sacarācaram || 45 ||
[Analyze grammar]

āmodyannamālokairātmānaṃ dīptipūritaiḥ |
ābibhrāṇaṃ vapurvyāpi dyotitaṃ bhoginasviṣā || 46 ||
[Analyze grammar]

iṃdīvaradalaśyāmaṃ jyotsnayeva nabhastalam |
vilokya taṃ sa tuṣṭāva dhiyā bahulayānataḥ || 47 ||
[Analyze grammar]

yama uvāca |
namaḥ samastanirmāṇanirmalībhūtacetase |
vada nodgīrṇavedāya viśvarūpāya vedhase || 48 ||
[Analyze grammar]

balavegasudurddharṣa dānaveṃdra madadruhe |
namaḥ sthitau ca satvāya viśvādhārāya viṣṇave || 49 ||
[Analyze grammar]

namaḥ pātakasaṃghāta jiṣṇave'khiladehinām |
īṣadunmīlallālāṭanetrāgniprabhavārciṣe || 50 ||
[Analyze grammar]

tvaṃ hi sarvasya lokasya gururātmā maheśvaraḥ |
visṛjya vaiṣṇavānsarvānatastvamanukaṃpase || 51 ||
[Analyze grammar]

vyāpayannakhilaṃ lokaṃ māyayā paribṛṃhitam |
na tayā paribhūto'si na ca tatprabhavairguṇaiḥ || 52 ||
[Analyze grammar]

aṃtarāvartamāno'pi na tābhyāmabhibhūyase |
dṛśā viṣayavartinyā nigrahītamanā api || 53 ||
[Analyze grammar]

tayā phalābhigāminyā ātmanyevābhilīyase |
na tavāsti mahimnoṃto yathā niravadhiḥ svayam || 54 ||
[Analyze grammar]

maunamevātrayuktaṃ me viṣayo'si kathaṃ girām |
iti stutvā tato vākyamidamāha kṛtāṃjali || 55 ||
[Analyze grammar]

viniyogādamī yuktā dehino nirguṇā mayā |
samādiśa yadanyanme kāryamasti jagadguro || 56 ||
[Analyze grammar]

iti vijñāpitastena tamāha madhusūdanaḥ |
meghagaṃbhīrayā vācā siṃcanniva sudhārasaiḥ || 57 ||
[Analyze grammar]

pāpāduddhārya te loko mayā samayavartinā |
tvayi vinyastabhāro'haṃ nānuśocāmi dehinaḥ || 58 ||
[Analyze grammar]

tadācara nijaṃ karma prayāhi svaṃ niketanam |
śrībhagavānuvāca |
ityuktvāṃtardadhe devaḥ so'pi svapuramāyayau || 59 ||
[Analyze grammar]

so'pi svajātijānsarvānnirayasthānanekaśaḥ |
uddhṛtya varayānena viṣṇulokaṃ yayau svayam || 60 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe gītāmāhātmye saptasaptatyadhikaśatatamo'dhyāyaḥ || 177 ||
[Analyze grammar]