Padma Purana [sanskrit]

462,305 words | ISBN-13: 9789385005305

The Padma-purana Book 6 Chapter 174 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

mahādeva uvāca |
śṛṇu devi pravakṣyāmi vrataṃ trailokyadurlabham |
yaṃ śrutvā mucyate loko brahmahatyādipātakāt || 1 ||
[Analyze grammar]

utpatiḥ svaprakāśasya bhaktānāṃ sukhahetave |
tithirvāpi samāso vai saṃjātaḥ puṇyakārakaḥ || 2 ||
[Analyze grammar]

yasya nāma gṛṇandevi muktiṃ labhati śāśvatīm |
sa eva paramātmā ca kāraṇānāṃ ca kāraṇam || 3 ||
[Analyze grammar]

viśvātmā viśvarūpī ca sarveṣāṃ bhagavānprabhuḥ |
dvādaśārkā dhṛtā yena nṛsiṃhena mahātmanā |
sa eva prakaṭījāto bhaktānāṃ śamabhīpsayā || 4 ||
[Analyze grammar]

pārvatyuvāca |
avatārā hyasaṃkhyātāḥ kathitāḥ surasattama |
nṛsiṃhākhyaṃ paraṃ dhāma vada viśveśvara prabho |
yena vijñānamātreṇa sukha lokamavāpnuyāt || 5 ||
[Analyze grammar]

mahādeva uvāca |
hiraṇyakaśipuṃ hatvā devadevaṃ jagadgurum |
sukhāsīnaṃ tadutsaṃge sthito vacanamabravīt || 6 ||
[Analyze grammar]

prahlādo jñānināṃ śreṣṭhaḥ pitṝhaṃtāramuttamam || 7 ||
[Analyze grammar]

prahlāda uvāca |
namaste bhagavanviṣṇo nṛsiṃhādbhutarūpiṇe |
tvadbhaktohaṃ suraśreṣṭha tvāṃ pṛcchāmi ca tatvataḥ || 8 ||
[Analyze grammar]

svāmiṃstvayi mamābhinnā bhaktirjātā hyanekadhā |
kathaṃ te'haṃ priyo jātaḥ kāraṇaṃ vada me prabho || 9 ||
[Analyze grammar]

nṛsiṃha uvāca |
kathayāmi mahāprājña śṛṇuṣvaikāgramānasaḥ |
bhakteryatkāraṇaṃ vatsa priyatvasya ca yatpunaḥ || 10 ||
[Analyze grammar]

purā kasya dvijasyāpi jātastvaṃ nāpyadhītavān |
nāmnā tu vasudevo hi veśyāyāmati laṃpaṭaḥ || 11 ||
[Analyze grammar]

tasminjanmani naivaṃ ca cakāra sukṛtaṃ kiyat |
bhuktvā madhu ghṛtaṃ caiva veśyāsaṃgamalālasaḥ || 12 ||
[Analyze grammar]

madvratasya prabhāvena bhaktirjātā tavānagha |
prahlādovāca |
vistarādvada deveśa kasya putrasya kiṃ vratam || 13 ||
[Analyze grammar]

veśyāyāṃ vartamānena kathaṃciddhi kṛtaṃ mayā |
mamopari kṛpāṃ kṛtvā sarvaṃ kathaya sāṃpratam || 14 ||
[Analyze grammar]

nṛsiṃha uvāca |
sṛṣṭyarthaṃ tu purā brahmā cakre hyetadanuttamam |
madvratasya prabhāvena nirmitaṃ sacarācaram || 15 ||
[Analyze grammar]

īśvareṇa vrataṃ cīrṇaṃ vadhārthaṃ tripurasyaca |
vratasyāsyaprabhāvena tripurastu nipātitaḥ || 16 ||
[Analyze grammar]

anyaiśca bahubhirdevairṛṣibhiśca purātanaiḥ |
rājabhiśca mahāprājñairvihitaṃ vratamuttamam || 17 ||
[Analyze grammar]

vratasyāsya prabhāvena sarve siddhimavāpnuyuḥ |
mama te vai priyā jātā divi bhogānanekaśaḥ || 18 ||
[Analyze grammar]

bhuktvā mayi vilīnāstu prahlāda tvaṃ viśasva mām |
kāryārthamavatāraste maccharīratpṛthagyataḥ || 19 ||
[Analyze grammar]

na teṣāṃ punarāvṛttirmahākalpaśatairapi |
daridro labhate lakṣmīṃ dhanadasya ca yādṛśī || 20 ||
[Analyze grammar]

tataḥ kāmī labhetkāmaṃ rājyārthī rājyamuttamam |
āyuṣkāmo labhedāyuryādṛśaṃ ca śivasya hi || 21 ||
[Analyze grammar]

avaidhavyakaraṃ strīṇāṃ putradaṃ bhāgyadaṃ tathā |
dhanadhānyakaraṃ caiva tathāśokavināśanam || 22 ||
[Analyze grammar]

striyo vā puruṣā vāpi kurvaṃti vratamuttamam |
tebhyo dadāmyahaṃ saukhyaṃ bhukti mukti phalaṃ tathā || 23 ||
[Analyze grammar]

bahunoktena kiṃ vatsa vratasyāsya phalasya hi |
madvratasya phalaṃ vaktuṃ nāhaṃ śakto na śaṃkaraḥ || 24 ||
[Analyze grammar]

prahlāda uvāca |
bhagavaṃstvatprasādena śrutaṃ vratamanuttamam |
vratasyāsya phalaṃ śrotuṃ tvayi me bhakti kāraṇam || 25 ||
[Analyze grammar]

adhunā śrotumicchāmi vratasyāsya vidhiṃ param |
kasminmāse bhavedeva kasmiṃścidvāsare prabho || 26 ||
[Analyze grammar]

etadvistarato deva vaktumarhasi sāṃpratam |
vidhinā yena vai svāminsamagraphalabhāgbhavet || 27 ||
[Analyze grammar]

nṛsiṃha uvāca |
prahlāda vatsa bhadraṃ te śṛṇuṣvaikamanā vratam |
vaiśākhesita pakṣe tu caturdaśyāṃ samācaret || 28 ||
[Analyze grammar]

mamāvirbhāvasaṃyuktaṃ mama saṃtuṣṭikāraṇam |
śṛṇu putra mamotpattiṃ bhaktānāṃ sukhahetave || 29 ||
[Analyze grammar]

paścimāyāṃ diśāyāṃ ca saṃjātaṃ kāraṇāṃtarāt |
maulistānamidaṃ kṣetraṃ pavitraṃ pāpanāśanam || 30 ||
[Analyze grammar]

tasminkṣetre tu vikhyāto brāhmaṇo vedapāragaḥ |
hārīta iti nāmnā ca jñānadhyānaparāyaṇaḥ || 31 ||
[Analyze grammar]

tasya strī tu mahāpuṇyā satīrūpā sadā prabho |
līlāvatī tu nāmnā ca bharturvaśaparā sadā || 32 ||
[Analyze grammar]

tābhyāṃ tapo mahattaptaṃ kālaṃ bahutaraṃ suta |
ekaviṃśayugāścaiva yātāstatra na saṃśayaḥ |
tasminkṣetre tu vai tābhyāṃ pratyakṣo vābhavattadā || 33 ||
[Analyze grammar]

nṛsiṃha uvāca |
yaṃ yaṃ vāṃchayase brahmaṃstaṃ dadāmi na saṃśayaḥ |
tābhyāmuktaṃ tadā tasmai dīyate cedvaro mama || 34 ||
[Analyze grammar]

tvādṛśo mama putrastu hyadhunaiva bhavatviti |
mayoktaṃ tu tadā vatsa putro'haṃ te na saṃśayaḥ || 35 ||
[Analyze grammar]

viśvakarmā hyahaṃ sākṣātparamātmā parātparaḥ |
udare'haṃ na vatsyāmi yato'haṃ vai sanātanaḥ || 36 ||
[Analyze grammar]

hārītena tadā coktaṃ bhavatvevaṃ na saṃśayaḥ |
tadāprabhṛti vai kṣetre sthito'haṃ bhaktakāraṇāt || 37 ||
[Analyze grammar]

atrāgatya prakurvīta darśanaṃ bhaktasattamaḥ |
tasyāhaṃ sakalāṃ bādhāṃ nāśayāmi niraṃtaram || 38 ||
[Analyze grammar]

etasmātkāraṇāccaiva vrataṃ vai vidhipūrvakam |
ye kurvaṃti naraśreṣṭhā na teṣāṃ vidyate bhayam || 39 ||
[Analyze grammar]

bālarūpamayaṃ dhyātvā tābhyāṃ saha viśeṣataḥ |
pūjanaṃ kurute rātrau sa vai nārāyaṇo bhavet || 40 ||
[Analyze grammar]

caturbhujaṃ mahādaṃṣṭraṃ kālarūpaṃ durāsadam |
sūryakoṭipratīkāśaṃ yamakoṭidurāsadam |
siṃhavacca mukhaṃ yasya naravaccāṃgasaṃyutam || 41 ||
[Analyze grammar]

śrīnṛsiṃhaṃ divyasiṃhaṃ kālarūpaṃ bhajetsadā |
evaṃ jñātvā viśeṣeṇa yaḥ sthānaṃ māmakaṃ vrajet || 42 ||
[Analyze grammar]

vrataṃ pavitraṃ paramaṃ śrīkadaṃba pradaṃ mahat |
aṃte muktipradaṃ caiva bhaktānāṃ ca na saṃśayaḥ || 43 ||
[Analyze grammar]

yena vai kriyamāṇena sahasradvādaśī phalam |
svātī nakṣatra saṃyoge śanivāre tu madvratam || 44 ||
[Analyze grammar]

siddhiyogasya saṃyoge vaṇije karaṇe tathā |
yogaiḥ sarvaiśca saṃyogaṃ hatyākoṭi vināśanam || 45 ||
[Analyze grammar]

etadanyatarairyoge maddinaṃ pāpanāśanam |
vijñāya maddinaṃ yastu laṃghayetsa tu pāpakṛt || 46 ||
[Analyze grammar]

akarttā narakaṃ yāti yāvaccaṃdra divākarau |
prāpte mama dine vatsa daṃtadhāvanapūrvakam || 47 ||
[Analyze grammar]

mamāgre vratasaṃkalpaṃ madbhakto vijiteṃdriyaḥ |
adyāhaṃ te vidhāsyāmi vrataṃ nirvighnatāṃ naya || 48 ||
[Analyze grammar]

vratasthena na karttavyaṃ duṣṭasaṃbhāṣaṇādikam |
tato madhyāhnasamaye nadyādau vimale jale || 49 ||
[Analyze grammar]

gṛhe vā devakhāte vā taḍāge vātha śobhane |
vaidikena tu maṃtreṇa snānaṃ kuryādvicakṣaṇaḥ || 50 ||
[Analyze grammar]

mṛttikā gomayenaiva tathā dhātrīphalena ca |
tilaiśca vidhivatsnāyātsarvapāpaugha śāṃtaye || 51 ||
[Analyze grammar]

paridhāya śubhe vastre nityakarma samārabhet |
tato gṛhaṃ vilipyātha kuryādaṣṭadalaṃ śubham || 52 ||
[Analyze grammar]

kalaśaṃ tatra saṃsthāpya tāmraṃtrasamanvitam |
tasyopari nyasetpātraṃ taṃḍulaiḥ paripūritam || 53 ||
[Analyze grammar]

haimīṃ ca tatra manmūrti sthāpya lakṣmyā samanvitām |
nirmāya śaktyā svarṇena snāpya paṃcāmṛtaistataḥ || 54 ||
[Analyze grammar]

tato brāhmaṇamāhūya ācāryaṃ nātilolupam |
śāstrajñamagrataḥ kṛtvā tato devaṃ samarcayet || 55 ||
[Analyze grammar]

maṃḍapaṃ kārayettatra puṣpastabaka śobhitam |
ṛtukālodbhavaiḥ puṣpaiḥ pūjyo'haṃ ca yathāvidhi || 56 ||
[Analyze grammar]

upacāraiḥ ṣoḍaśabhirmaṃtrairniyamaiśca yaḥ |
tataḥ paurāṇikairmaṃtraiḥ pūjanīyo viśeṣataḥ || 57 ||
[Analyze grammar]

caṃdanaṃ ca sakarpūraṃ ghanakuṃkumamiśritam |
kālodbhavāni puṣpāṇi tathā tulasīdalāni ca || 58 ||
[Analyze grammar]

śrīnṛsiṃhāya yo dadyātsa mukto nātra saṃśayaḥ |
kṛṣṇāgurumayaṃ dhūpaṃ sarvadā harivallabham || 59 ||
[Analyze grammar]

haraye gurave dadyātsarvakāmārthasiddhaye |
mahādīpaḥ prakarttavyo hyajñānadhvāṃta nāśanaḥ |
mahānīrājanaṃ kuryādghaṃṭānāda puraḥsaram || 60 ||
[Analyze grammar]

naivedyaṃ śarkarāṃ cāpi bhakṣyabhaujyasamanvitam |
dadāmi te ramākāṃta sarvapāpakṣayaṃ kuru || 61 ||
[Analyze grammar]

naivedya maṃtra |
nṛsiṃhācyuta deveśa tava janmadine śubhe |
upavāsaṃ kariṣyāmi sarvabhogavivarjitaḥ || 62 ||
[Analyze grammar]

tena prīto bhava svāminpāpaṃ janma nirākuru |
rātrau jāgaraṇaṃ kāryaṃ gītavāditra niḥsvanaiḥ || 63 ||
[Analyze grammar]

purāṇapaṭhanaṃ nityaṃ śrīnṛsiṃkathāśrayam |
tataḥ prabhātasamaye snānaṃ kṛtvā hyanaṃtaram || 64 ||
[Analyze grammar]

pūrvoktena vidhānena pūjayenmāṃ pratarpayan |
vaiṣṇavaṃ kārayecchrāddhaṃ madagre svasthamānasaḥ || 65 ||
[Analyze grammar]

tato dānāni deyāni vakṣyamāṇāni yānyuta |
pātrebhyaḥ sa dvijebhyo hi lokadvaya jigīṣayā || 66 ||
[Analyze grammar]

sahasvarṇamayo devo mama saṃtoṣakārakaḥ |
gobhūtilahiraṇyādi pradadāti dvijātaye || 67 ||
[Analyze grammar]

śayyā satūlikā deyā saptadhānyasamanvitā |
anyāni ca yathāśaktyā deyāni nijaśaktitaḥ || 68 ||
[Analyze grammar]

vittaśāṭhyaṃ na kurvīta yathoktaphalakāṃkṣayā |
brāhmaṇānbhojayetpaścāttebhyo dadyātsudakṣiṇām || 69 ||
[Analyze grammar]

nirdhanairapi karttavyaṃ deyaṃ śaktyanusārataḥ |
sarveṣāmeva varṇānāmadhikāro'sti madvrate |
madbhaktaistu viśeṣeṇa karttavyaṃ matparāyaṇaiḥ || 70 ||
[Analyze grammar]

tataḥ prārthanā maṃtraḥ |
madvaṃśe yena rājā tā ye bhaviṣyāśca mānavāḥ |
tānuddharasva deveśa duḥkhadādbhavasāgarāt || 71 ||
[Analyze grammar]

pātakārṇavamagnasya vyādhibhiścāṃbucāribhiḥ |
jīvaistu paribhūtasya mahāduḥkhagatasya me || 72 ||
[Analyze grammar]

karāvalaṃbanaṃ dehi śeṣaśāyī jagatpate |
vratenānena deveśa bhuktimuktiprado bhava || 73 ||
[Analyze grammar]

evaṃ prārthya tato devaṃ visṛjya ca yathāvidhi |
upahārādikaṃ sarve ācāryāya nivedayet || 74 ||
[Analyze grammar]

dakṣiṇābhiśca saṃtoṣyā brāhmaṇāṃśca visarjayet |
mama dhyāna samāyukto bhuṃjīta saha baṃdhubhiḥ || 75 ||
[Analyze grammar]

akiṃcanopi niyatamupoṣyati caturdaśīm |
sapta janma kṛtātpāpānmucyate nātra saṃśayaḥ || 76 ||
[Analyze grammar]

ya idaṃ śṛṇuyādbhaktyā vrataṃ pāpapraṇāśanam |
tasya śravaṇamātreṇa brahmahatyāṃ vyapohati || 77 ||
[Analyze grammar]

pavitraṃ paramaṃ guhyaṃ kīrtayedyastu mānavaḥ |
sarvakāmānavāpnoti vratasyāsya phalaṃ sadā || 78 ||
[Analyze grammar]

ya idaṃ kurute śaktyā kāle madhyāhna saṃjñake |
līlāvatyā saha ṛṣiṃ śrīnṛsiṃha prasādataḥ || 79 ||
[Analyze grammar]

pūjayetparayā bhaktyā muktiṃ prāpnoti śāśvatīm |
tasminkṣetre tu yo gatvā śrīnṛsiṃhaṃ prapūjayet || 80 ||
[Analyze grammar]

vāṃcchitaṃ labhate nityaṃ śrīnṛsiṃha prasādataḥ |
śrīnṛsiṃha mahadrūpa kālakoṭidurāsada || 81 ||
[Analyze grammar]

bhairaveśa harārtighna bālarūpa namostu te |
śrīnṛsiṃhāya rūpāya bālāya bālarūpiṇe || 82 ||
[Analyze grammar]

vyāpakāya sunaṃdāya svātmaprakaṭa rūpiṇe |
sarvajīvātmakāyaiva viśveśāya svarātmane || 83 ||
[Analyze grammar]

mārtaṃḍa maṃḍalasthāya dayāsiṃdho namostu te |
caturviṃśasvarūpāya kālarudrāgnirūpiṇe || 84 ||
[Analyze grammar]

jagadekasvarūpāya nṛsiṃhāya namostu te |
bhāle dadhāra yo devo nṛsiṃho vīrabhadra jit || 85 ||
[Analyze grammar]

dvādaśādityabiṃbāni sutaptāni pramāṇataḥ |
tatra siṃdhu mahāpuṇyā nadī ramyā viśeṣataḥ || 86 ||
[Analyze grammar]

tasyāḥ samīpe nagaraṃ varttate'dyāpi suṃdari |
maulistāneti vikhyātaṃ sarvadā devanirmitam || 87 ||
[Analyze grammar]

vasatirvarttate tatra hārītasya mahātmanaḥ |
līlāvatī tu tatraiva tiṣṭhate nātra saṃśayaḥ || 88 ||
[Analyze grammar]

pratiśabdo bhavettatra siṃdhunadyāḥ samīpataḥ |
kalau yuge tu saṃprāpte mlecchā vai pāpacāriṇaḥ || 89 ||
[Analyze grammar]

nivasaṃti tu tatraiva bahavo nātra saṃśayaḥ |
nṛsiṃhajanmani yathā śabdo'bhūdadbhutaḥ paraḥ || 90 ||
[Analyze grammar]

nṛsiṃheti nṛsiṃheti ya uccairnadate naraḥ |
tādṛśaḥ pratiśabdo vai jāyate naganaṃdini || 91 ||
[Analyze grammar]

brahmahā hemahārī vā surāpo gurutalpagaḥ |
siṃdhau gatvā viśeṣeṇa snānaṃ kurvaṃti ye janāḥ || 92 ||
[Analyze grammar]

mucyate nātra saṃdehaḥ śrīnṛsiṃha prasādataḥ |
daśārātripramāṇena mānavā ye vasaṃti hi || 93 ||
[Analyze grammar]

te jñeyāḥ puṇyakarmāṇo nāsatyaṃ māmakaṃ vacaḥ |
nivasaṃti kalau tatra varṇā ye dvijapūrvakāḥ || 94 ||
[Analyze grammar]

mlecchavatte'pi vijñeyā vedabāhyāḥ surottamaiḥ |
māṃsaṃ khādaṃti te tatra madyapānaṃ papuḥ sadā || 95 ||
[Analyze grammar]

ato hyadharmarūpāste pāpiṣṭhā nātra saṃśayaḥ |
saṃdhyāhīnā yathā viprā vedabāhyāstathaiva ca || 96 ||
[Analyze grammar]

nivasaṃti pure tasminpaścimāyāṃ sureśvari |
ekameva paraṃ tīrthaṃ nṛsiṃhākhyaṃ suvistaram |
yaṃ śrutvā mucyate pāpānnaraḥ sadyo na saṃśayaḥ || 97 ||
[Analyze grammar]

iti śrīpādmemahāpurāṇe paṃcapaṃcāśatsāhasryāṃ saṃhitāyāmuttarakhaṃḍe nṛsiṃhotpatti |
rnāma catuḥsaptatyadhikaśatatamo'dhyāyaḥ || 174 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Padma Purana Chapter 174

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: