Chapter 152

[English text for this chapter is available]

mahādeva uvāca |
tīrthānāṃ pravaraṃ tīrthaṃ sābhramatyāstaṭe sthitam |
bālāpa iti vikhyātaṃ bhuktimuktipradāyakam || 1 ||
[Analyze grammar]

tapasvidhāritaṃ tīrthaṃ vibudhānāṃ samāśrayam |
tatra kanyā tapastepe paramaṃ sudṛḍhavratā || 2 ||
[Analyze grammar]

kanyā kaṇvamuneḥ sādhvī rūpeṇāpratimā bhuvi |
bālā bālāvatī nāma kumārī brahmacāriṇī || 3 ||
[Analyze grammar]

vrataṃ cacāra sāvitryā niyamairbahubhiryutā |
bhartā me bhāskaro bhūyāditi niścitya bhāmini || 4 ||
[Analyze grammar]

samāstasya samākrāṃtā daśa sābhramatītaṭe |
caraṃtyā niyamāṃstāṃstānbhaktyā paramaduścarān || 5 ||
[Analyze grammar]

tasyāstu tena vratena tapasā vratacaryayā |
bhaktyā ca bhagavānprītaḥ parayā bhaktisaṃpadā || 6 ||
[Analyze grammar]

ājagāmāśramapadaṃ devadevo divākaraḥ |
āsthāya rūpaṃ viprarṣeḥ praviṣṭastu mahāmanāḥ || 7 ||
[Analyze grammar]

sā taṃ dṛṣṭvogratapasā variṣṭhaṃ brahmavittamam |
vānaprasthavidhānena pūjayāmāsa taṃ dvijam || 8 ||
[Analyze grammar]

uvāca ravibhaktā sā kalyāṇī taṃ tapodhanam |
bhagavanmuniśārdūla kimājñāpayasi prabho || 9 ||
[Analyze grammar]

sarvaṃ tubhyaṃ yathāśakti dāsyāmi svatanuṃ vinā |
sūryabhaktāsmi te pāṇiṃ dāsyāmi na kathaṃcana || 10 ||
[Analyze grammar]

vrataiśca niyamaiścāpi tapobhiśca tapodhana |
sūryastoṣayitavyo me devastribhuvaneśvaraḥ || 11 ||
[Analyze grammar]

ityuktavatyāṃ tasyāṃ tu smayanniva nirīkṣya tām |
uvāca niyamasthāṃ tāṃ sāṃtvayanniva bhāskaraḥ || 12 ||
[Analyze grammar]

ugraṃ carasi kalyāṇi tapaḥ paramaduṣkaram |
yadarthaṃ ca samāraṃbhastava bāle tathaiva tat || 13 ||
[Analyze grammar]

tapasā labhyate sarvaṃ sarvaṃ tapasi tiṣṭhati |
devatvaṃ prāpyate bhadre tapasā mokṣa eva ca || 14 ||
[Analyze grammar]

imāni paṃca subhage badarāṇi pratīccha me |
dattvā sa badarāṇyasyai pacetyuktvā raviryayau || 15 ||
[Analyze grammar]

apṛṣṭvā tāṃ tu kalyāṇīṃ brahmarūpī vihāya tām |
sthito'sau nātidūreṇa iṃdragrāme mahāyaśāḥ || 16 ||
[Analyze grammar]

sthitvā jijñāsayā bhāvaṃ tasyāśca brāhmaṇo raviḥ |
badarāṇāmupavanaṃ kārayāmāsa bhāskaraḥ || 17 ||
[Analyze grammar]

tataḥ sā prayatā bālā prāṃjalirvigataśramā |
pākāya badarāṇāṃ sā pāvakaṃ samadhiśrayat || 18 ||
[Analyze grammar]

apacatparamā devi badarāṇi mahāprabhā |
tasyāḥ pacaṃtyāḥ sumahānkālo'gācca sureśvari || 19 ||
[Analyze grammar]

bhasmapuṃjo mahānjāto dinaṃ ca kṣayamanvagāt |
hutāśanena dagdhastu mahānvai kāṣṭhasaṃcayaḥ || 20 ||
[Analyze grammar]

pādau prakṣālya sā paścātpāvake cārudarśane |
dadāha badarārthaṃ ca brāhmaṇapriyakāmyayā || 21 ||
[Analyze grammar]

dagdhvā dagdhvā punaḥ pādau uparyā dhāryate'naghe |
athāsyāḥ karma taddṛṣṭvā prīto devo divākaraḥ || 22 ||
[Analyze grammar]

tataḥ saṃdarśayāmāsa kanyāyai rūpamātmanaḥ |
uvāca paramaprītastāṃ kanyāṃ sudṛḍhavratām || 23 ||
[Analyze grammar]

sūrya uvāca |
prīto'smi bāle bhaktyā te tapasā vratacaryayā |
yasmādabhimataḥ kāmo bāle saṃpadyatāṃ tava || 24 ||
[Analyze grammar]

asmiṃstīrthe tapoyuktā madgṛhe tvaṃ nivatsyasi |
idaṃ ca tīrthapravaraṃ tava nāmnā ca lakṣitam || 25 ||
[Analyze grammar]

bālāpa iti vikhyātaṃ sābhramatyāstaṭe sthitam |
vikhyātaṃ triṣu lokeṣu brahmarṣibhistu stutaṃ purā || 26 ||
[Analyze grammar]

bālātīrthe naraḥ snātvā trirātramuṣitaḥ śuciḥ |
raktādityamukhaṃ dṛṣṭvā sūryasyodayanaṃ prati || 27 ||
[Analyze grammar]

sūryalokamavāpnoti nātra kāryā vicāraṇā |
sūryavāre'tha saṃkrāṃtau saptamyāṃ tu viśeṣataḥ || 28 ||
[Analyze grammar]

viṣuvatyayane cāpi caṃdrasūryagrahe'pi ca |
snātvā saṃtarpayeddevānpitṝnatha pitāmahān || 29 ||
[Analyze grammar]

guḍadhenuṃ tato dadyādbrāhmaṇebhyo guḍodanam |
karavīrairjapāpuṣpai raktādityaprapūjanam || 30 ||
[Analyze grammar]

ye kurvaṃti narāste vai sūryaloke vasaṃti vai |
raktāṃ dhenuṃ naro dadyādekaṃ caiva dhuraṃdharam || 31 ||
[Analyze grammar]

sa yajñaphalamāpnoti na naro nirayaṃ vrajet |
vyādhito mucyate rogātbaddho mucyeta baṃdhanāt |
tīrthe'sminpiṃḍadānena tṛptiṃ yāṃti pitāmahāḥ || 32 ||
[Analyze grammar]

mahādeva uvāca |
tathānyadapi māhātmyaṃ tīrthasyāsya tapodhane |
śrūyatāṃ yatpurāvṛttaṃ vyāsena kathitaṃ mahat || 33 ||
[Analyze grammar]

purātra mahiṣo vṛddho jarayā jarjarīkṛtaḥ |
aśakto bhāramudvoḍhuṃ sārthavāhastamatyajat || 34 ||
[Analyze grammar]

sa nidāghe jalaṃ pātuṃ jagāma ca mahānadīm |
daivātpaṃke nimagno'sau tato mṛtyuvaśaṃ gataḥ || 35 ||
[Analyze grammar]

plavitāsthirjale puṇye tīrthasyāsya prabhāvataḥ |
kānyakubjeśvarasuto rājā jātismaro'bhavat || 36 ||
[Analyze grammar]

saṃsmṛtya ca svavṛttāṃtaṃ prabhāvaṃ tīrthajaṃ mahat |
āgatya tajjale snātvā dadau dānānyanekaśaḥ || 37 ||
[Analyze grammar]

sa tatra sthāpayāmāsa devadevaṃ maheśvaram |
atra tīrthe naraḥ snātvā saṃpūjya mahiṣeśvaram || 38 ||
[Analyze grammar]

raktādityamukhaṃ dṛṣṭvā sarvapāpaiḥ pramucyate |
sābhramatyudakaṃ yatra pūrvataḥ paścimaṃ vrajet || 39 ||
[Analyze grammar]

prayāgādapi tatpuṇyaṃ sarvakāmapradaṃ mahat |
dattaṃ dvijeṃdreṣu hutaṃ yadagnau śrāddhaṃ kṛtaṃ jāpyamihākṣayaṃ syāt || 40 ||
[Analyze grammar]

gobhūtilāḥ kāṃcanavastradhānyaṃ śayyāsanaṃ vāhanachatradānam |
yaṃ yaṃ vāṃchayate kāmaṃ taṃ taṃ prāpnoti mānavaḥ || 41 ||
[Analyze grammar]

śrīmaheśaprasādācca tīrthasyāsya prabhāvataḥ |
bālāpeṃdraṃ idaṃ tīrthaṃ puṇyapāpaharaṃ sadā || 42 ||
[Analyze grammar]

yaṃ dṛṣṭvā munayaḥ sarve vītarāgāḥ sadaiva tu |
yatra māhiṣanāmeti śvetākhyaṃ puṇyadaṃ mahat || 43 ||
[Analyze grammar]

yatra snātvā tu deveśi punarjanma na vidyate |
godāvaryāṃ kṛte snāne yatphalaṃ labhate naraḥ || 44 ||
[Analyze grammar]

tatphalaṃ labhate devi atra tīrthe na saṃśayaḥ || 45 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe bālāpeṃdraṃ tīrthaṃnāmadvipaṃcāśadadhikaśatatamo'dhyāyaḥ || 152 ||
[Analyze grammar]