Chapter 139

[English text for this chapter is available]

mahādeva uvāca |
sābhramatyuttare kūle agnitīrthamiti śrutam |
tasyāścottarapūrveṇa nātidūre kṛtāspadam || 1 ||
[Analyze grammar]

tīrthaṃ pāleśvaraṃ nāma caṃḍī yatra pratiṣṭhitā |
pīṭhaṃ tadyogamātṝṇāṃ sarvasiddhividhāyakam || 2 ||
[Analyze grammar]

yatra tāḥ sarvadevānāṃ kāryārthe mātaraḥ sthitāḥ |
paramaṃ yatnamāsthāya lokānugrahakāraṇāt || 3 ||
[Analyze grammar]

trirātramuṣito bhūtvā tasmiṃstīrthe dṛḍhavrataḥ |
abhigacchettamīśānaṃ deveśaṃ caṃḍikeśvaram || 4 ||
[Analyze grammar]

sābhramatyāṃ kṛtasnāno mātṛtīrthasya saṃnidhau |
samādhividhinā yukto gacchedvai mātṛmaṃḍalam || 5 ||
[Analyze grammar]

gosahasrapradānasya phalaṃ prāpnoti mānavaḥ |
agnitīrthe naraḥ snātvā cāmuṃḍādarśane kṛte || 6 ||
[Analyze grammar]

na bhayaṃ jāyate tasya rakṣobhūtapiśācajam |
gokhurā ca nadī yatra sābhramatyāṃ tu saṃgatā || 7 ||
[Analyze grammar]

tatra tīrthasahasrāṇi tiṣṭhaṃtīti sureśvari |
śrāddhaṃ tatra prakarttavyaṃ tilacūrṇena pārvati || 8 ||
[Analyze grammar]

piṃḍāndattvā dvijānbhojya akṣayaṃ padamāpnuyāt |
yatra kukardamo rājā pāpiṣṭho durddharaḥ khalaḥ || 9 ||
[Analyze grammar]

mūḍho'haṃkārasaṃyukto dvijānāṃ pariniṃdakaḥ |
goghno'pi balahā caiva pāpiṣṭho durdamaḥ sadā || 10 ||
[Analyze grammar]

rājyaṃ ca kurvatastasya pure piṃḍārasaṃjñake |
tadā mṛttiḥ samāpannā dharme yoge sureśvari || 11 ||
[Analyze grammar]

mṛto'sau tatra saṃjātaḥ pretarūpo maheśvari |
pītāsyaḥ śuṣkatuṃḍaśca pītaromā'tha karkaśaḥ || 12 ||
[Analyze grammar]

uccastaro bahuromā kṣutpipāsāprapīḍitaḥ |
vāyubhakṣaṃ prakurvāṇaḥ pragacchati itastataḥ || 13 ||
[Analyze grammar]

bahupretaiḥ samāyukto hāheti karuṇo rudan |
kiṃ kartavyamiti prāhuḥ pretāste vai samīpagāḥ || 14 ||
[Analyze grammar]

te'pi tadā rodamānāḥ kṣutpipāsādi pīḍitāḥ |
anye pretā durātmāno rājñaḥ saṃgatimāyayuḥ || 15 ||
[Analyze grammar]

rājñā sārddhaṃ ca gacchaṃti lokānvijanakānbahūn |
nodakamathavā cānnaṃ na mārge dṛśyate kadā || 16 ||
[Analyze grammar]

te pretā duṣṭarūpāśca vicaraṃti mahītale |
bhakṣaṃti śavamāṃsāni pibaṃti rudhiraṃ sadā || 17 ||
[Analyze grammar]

evaṃ kukardamo rājā sadā taiḥ parivāritaḥ |
kadāciddaivayogena gurorāśramamanvagāt || 18 ||
[Analyze grammar]

pūrvajanmakṛtaṃ puṇyaṃ tena yogena saṃgataḥ |
pārvatyuvāca |
kiṃ kṛtaṃ tena vai puṇyaṃ vada viśveśvara prabho || 19 ||
[Analyze grammar]

ayaṃ pāpī durātmā ca brāhmaṇānāṃ ca duḥkhadaḥ |
satsaṃgatiḥ kathaṃ jātā tanme dustarato vada || 20 ||
[Analyze grammar]

mahādeva uvāca |
etena naradevena pūrvajanmani yatkṛtam |
tatsarvaṃ kathayiṣyāmi śṛṇu tvaṃ naganaṃdini || 21 ||
[Analyze grammar]

pūrvajanmanyayaṃ devi brāhmaṇo vedapāṭhakaḥ |
saṃpūjya ca mahādevaṃ kṛtvā cātithipūjanam || 22 ||
[Analyze grammar]

bhojanaṃ kurute nityamasau vāḍavasattamaḥ |
tena puṇyaprabhāvena puro piṃḍārasaṃjñake || 23 ||
[Analyze grammar]

rājā vai tatra saṃjātaḥ kukardama iti śrutaḥ |
karmaṇā manasā caiva na kṛtaṃ puṇyameva ca || 24 ||
[Analyze grammar]

tena devābhiyogena mṛto vai pretarāḍabhūt |
śuṣkāsyaḥ śuṣkarūpaśca pītavarṇaḥ karālakaḥ || 25 ||
[Analyze grammar]

pūrvajanmakṛtaṃ puṇyaṃ na naśyati sureśvari |
tena puṇyābhiyogena saṃgato guruṇāśrame || 26 ||
[Analyze grammar]

kahoḍo vartate tatra tena dṛṣṭo'tha pretarāṭ |
śuṣkāsyaḥ śuṣkarūpaśca pītavarṇaḥ karālakaḥ || 27 ||
[Analyze grammar]

gaṃbhīrākṣo mahāpāpī duṣṭaiḥ pretaiśca saṃyutaḥ |
ūrddhvaromā jaṭāyuktaḥ kālarūpo bhayaṃkaraḥ || 28 ||
[Analyze grammar]

evaṃ dṛṣṭvā tadā devi vihvalo vāḍavo'bhavat |
kahoḍa uvāca |
asminmanorame cāhaṃ sthāne vai paramādbhute || 29 ||
[Analyze grammar]

agnipāleśvare tīrthe nityaṃ tiṣṭhāmi bhūmipa |
yajamānastvamasmākaṃ kathaṃ jāto'si pretarāṭ || 30 ||
[Analyze grammar]

durātmā duṣṭarūpaśca kālarūpo bhayaṃkaraḥ |
kena karmavipākena jāto vai bhūtale śubhe || 31 ||
[Analyze grammar]

preta uvāca |
śṛṇu vāḍava me pāpaṃ pūrvajanmani yatkṛtam |
ahaṃ kukardamo rājā pure piṃḍārasaṃjñake || 32 ||
[Analyze grammar]

tatrasthena mayā deva yatkṛtaṃ tacchṛṇuṣva hi |
brahmaṇāṃ hiṃsanaṃ caiva purā'satyādibhāṣaṇam || 33 ||
[Analyze grammar]

prajānāṃ pīḍanaṃ caiva jīvānāṃ hiṃsanaṃ sadā |
gavāṃ vai duḥkhakartā'haṃ brāhmaṇavratalopanaḥ || 34 ||
[Analyze grammar]

asnātaḥ sarvadā vipra sajjanānāṃ vidūṣakaḥ |
viṣṇuniṃdāparo nityaṃ vaiṣṇavānāṃ ca niṃdakaḥ || 35 ||
[Analyze grammar]

durācāro durātmā ca vṛṣalīsaṃyutaḥ sadā |
tatra tatra prabhuṃjāno nā'haṃ śaucaparāyaṇaḥ || 36 ||
[Analyze grammar]

tena karmābhiyogena mṛto vai dvijarāṭtataḥ |
pretayoniṃ prapanno'smi duḥkhī jāto hyanekadhā || 37 ||
[Analyze grammar]

yasya mātā pitā nāsti yasya svajanabāṃdhavāḥ |
tasya baṃdhurgururmātā pitāpi gurureva ca || 38 ||
[Analyze grammar]

iti jñātvā tu bho brahmanmuktiṃ dātuṃ tvamarhasi || 39 ||
[Analyze grammar]

kahoḍa uvāca |
śṛṇu tvaṃ nṛpatiśreṣṭha kariṣye vacanaṃ tava |
muktiṃ yāsyati vai sadyo bhavāṃstviha na saṃśayaḥ || 40 ||
[Analyze grammar]

ekādaśa purogāśca pretā ye tava saṃgatāḥ |
te cāpi muktimāyāṃti sutīrthe'sminviśeṣataḥ || 41 ||
[Analyze grammar]

tadā vai tena vipreṇa tīrthe gatvā sureśvari |
sarvaiścakārayāmāsa tilapiṃḍodakakriyāḥ || 42 ||
[Analyze grammar]

na māso na tithirdevī tīrthe gatvā punaḥ punaḥ |
karttavyaṃ śrāddhakarmādi brahmaṇoktaṃ purā mama || 43 ||
[Analyze grammar]

kṛte karmaṇi deveśi muktāste tīrtharājake |
vimānavaramārūḍhāste gatā māmakīṃ purīm || 44 ||
[Analyze grammar]

saṃgatā gokhurā yatra sābhramatyā sureśvari |
tatra snānaṃ ca dānaṃ ca koṭiyajñaphalaṃ labhet || 45 ||
[Analyze grammar]

yatrāgnitīrthaṃ varteta kapāleśvarasaṃjñakam |
tatra muktistu saṃproktā satyaṃ satyaṃ bhaveddhruvam || 46 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde agnipāleśvaramahimānāmaikonacatvāriṃśatyadhikaśatatamo'dhyāyaḥ || 139 ||
[Analyze grammar]