Chapter 135

[English text for this chapter is available]

śrīmahādeva uvāca |
sābhramatyāstu māhātmyaṃ vakṣye devi yathātatham |
kaśyapo vai muniśreṣṭhastapo vai taptavānmahat || 1 ||
[Analyze grammar]

anekavarṣaparyaṃtaṃ tena taptaṃ mahattapaḥ |
arbude parvate ramye nānādrumasamākule || 2 ||
[Analyze grammar]

tatra gatvā tapastaptaṃ ṛṣiṇā kaśyapena vai |
sarasvatī yatra ramyā pavitrā pāpanāśinī || 3 ||
[Analyze grammar]

ekasmindivase devi gato'sau naimiṣaṃ prati |
tadā te ṛṣayaḥ sarve kathāṃ cakruranekaśaḥ || 4 ||
[Analyze grammar]

tadā taistu dvijaiḥ samyakpṛṣṭo'sau kaśyapo muniḥ |
aho kaśyapa naḥ prītyai gaṃgehānīyatāṃ prabho || 5 ||
[Analyze grammar]

bhavannāmnā tu sā gaṃgā bhaviṣyati saridvarā |
teṣāṃ vākyamupākarṇya namaskṛtya dvijāṃśca tān || 6 ||
[Analyze grammar]

āgato hyarbudāraṇye sarasvatītīrasaṃnidhau |
tatra taptaṃ tadā tena tapaḥ paramaduṣkaram || 7 ||
[Analyze grammar]

ārādhito hyahaṃ tena kaśyapena dvijena vai |
pratyakṣo'haṃ tadā jātastasya dvijavarasya ca || 8 ||
[Analyze grammar]

varaṃ varaya bhadraṃ te yatte manasi varttate || 9 ||
[Analyze grammar]

kaśyapa uvāca |
varaṃ dātuṃ samartho'si devadeva jagatpate |
śiraḥsthitā yā gaṃgeyaṃ pavitrā pāpahāriṇī || 10 ||
[Analyze grammar]

mama deyā viśeṣeṇa mahādeva namostute |
tadā devi mayoktaṃ ca gṛhṇīṣva tvaṃ dvijottama || 11 ||
[Analyze grammar]

jaṭāmekāṃ parityajya dattā gaṃgā tadā mayā |
tāṃ gṛhītvā dvijaśreṣṭhaḥ svasthānaṃ harṣato yayau || 12 ||
[Analyze grammar]

keśarandhraṃ nāma tīrthaṃ vāso vai kaśyapasya ca |
gatastatra tu deveśi munibhiḥ parivāritaḥ || 13 ||
[Analyze grammar]

kaśyapena samānītā kāśyapī sā saridvarā |
yasyā darśanamātreṇa brahmahā mucyate kila || 14 ||
[Analyze grammar]

pārvatyuvāca |
snānamātreṇa kiṃ puṇyaṃ tatra tīrthe vadasva me |
viśvanātha kṛpālustvaṃ dayāṃ kuru mamopari || 15 ||
[Analyze grammar]

darśane kiṃ bhavetpuṇyaṃ snāne kiṃ vada devarāṭ |
mahimā kīdṛśo brahmansarvaṃ tvaṃ vaktumarhasi || 16 ||
[Analyze grammar]

mahādeva uvāca |
mayā śrutānyanekāni tīrthānyāyatanāni ca |
śrīviṣṇośca prasādācca nadyaḥ sāgaragāḥ prabhoḥ || 17 ||
[Analyze grammar]

gaṃgā ca yamunā revā tāpī caiva mahānadī |
godāvarī tuṃgabhadrā kauśikī gallikā tathā || 18 ||
[Analyze grammar]

kāverī vedikā bhadrā sarayūḥ pāpahāriṇī |
anyāśca vividhā nadyaḥ sarvapāpaharā bhuvi || 19 ||
[Analyze grammar]

prayāgastīrtharājaśca kāśī puṣkara eva ca |
naimiṣāraṇyasaṃjñaṃ tu tīrthaṃ cāmarakaṃṭakam || 20 ||
[Analyze grammar]

uttamaṃ dvārakākṣetramarbudāraṇyamuttamam |
evaṃvidhāni divyāni kṣetrāṇi vividhāni ca || 21 ||
[Analyze grammar]

śrutāni tatra deveśi māyā viṣṇoḥ prasādataḥ |
pūrvaṃ bhagīrathenaiva yācito'haṃ tu pārvati || 22 ||
[Analyze grammar]

tadā dattā iyaṃ gaṃgā viṣṇorlokamabhīpsunā |
kaśyapāya punardattā ṛṣīṇāṃ vacanānmayā || 23 ||
[Analyze grammar]

iyaṃ vai kāśyapī gaṃgā rogadoṣaharā sadā |
iyaṃ yā kathyate loke yuge vai nāmapūrvakam || 24 ||
[Analyze grammar]

tadahaṃ kathayiṣyāmi śṛṇu suṃdari tatvataḥ |
kṛte kṛtavatī nāma tretāyāṃ girikarṇikā || 25 ||
[Analyze grammar]

dvāpare caṃdanā nāma kalau sābhramatī smṛtā |
dinedine viśeṣeṇa snānārthaṃ tu narāśca ye || 26 ||
[Analyze grammar]

sarvapāpavinirmuktā yāṃti viṣṇoḥ sanātanam |
plakṣāvataraṇe tīrthe sarasvatyāṃ tatheśvari || 27 ||
[Analyze grammar]

kedāre ca kurukṣetre yatphalaṃ snānato bhavet |
tatphalaṃ tu nṛṇāṃ nūnaṃ sābhramatyā dine dine || 28 ||
[Analyze grammar]

bhavatīti na saṃdeho vyāsasya vacanaṃ yathā |
nabhasyeparapakṣe tu pratyahaṃ vā sureśvari || 29 ||
[Analyze grammar]

amāvāsyādine samyakśrāddhadāne ca yatphalam |
narastatphalamāpnoti sābhramatyāvagāhanāt || 30 ||
[Analyze grammar]

kārtikyāṃ kṛttikāyoge śrīsthale mādhavāgrataḥ |
tatphalaṃ labhate martyo sābhramatyāvagāhanāt || 31 ||
[Analyze grammar]

eṣā śreṣṭhatamā devi sarvalokeṣu pāvanī |
iyaṃ dhanyatamā devi pavitrā hyaghanāśinī || 32 ||
[Analyze grammar]

yasyāṃ vai sābhramatyāṃ ca ete tiṣṭhaṃti nityaśaḥ |
pūrvaṃ saṃbaṃdhino ye ca uttare ye tathā punaḥ || 33 ||
[Analyze grammar]

pāścātyā dākṣiṇātyāśca sarve yāṃti ca nityaśaḥ |
tīrthayātrāmiṣeṇaiva kheṭake brahmasannidhau || 34 ||
[Analyze grammar]

āyāṃti sarvadā devi kārtikyāṃ ca na saṃśayaḥ |
tatra śrāddhaṃ prakurvaṃti tathā vai viprabhojanam || 35 ||
[Analyze grammar]

nānā dharmānprakurvaṃti nānāyajñāṃśca nityaśaḥ |
vividhāni ca dānāni prakurvaṃti janāḥ sadā || 36 ||
[Analyze grammar]

caturyugeṣu sarveṣu nātra kāryā vicāraṇā |
yavakrīto'tha raibhyaśca kākṣīvānuśijastathā || 37 ||
[Analyze grammar]

bhṛgvaṃgirāstathā kaṇvo medhāvī ca punarvasuḥ |
baṃdī ca guṇasaṃpannaḥ prācyāṃ diśi upaśritāḥ || 38 ||
[Analyze grammar]

udīcyāṃ ye mahābhāgā madhumatpramukhāstathā |
subaṃdhuśca mahābhāgo dattātreyaśca vīryavān || 39 ||
[Analyze grammar]

śikhī dīrghatamāścaiva gautamaḥ kaśyapastathā |
śvetaketuḥ kahoḍaśca pulaho devalastathā || 40 ||
[Analyze grammar]

viśvāmitra bharadvājau jamadagniśca vīryavān |
ṛcīkaputro gargaśca ṛṣiruddālakastathā || 41 ||
[Analyze grammar]

devaśarmā'tha dhaumyaśca āstīkaḥ kaśyapastathā |
lomaśo nābhiketuśca lomaharṣaṇa eva ca || 42 ||
[Analyze grammar]

ṛṣirugraśravāścaiva bhārgavaścyavanastathā |
vālakhilyādayo ye ca sarve gacchaṃti tatra vai || 43 ||
[Analyze grammar]

kṛtasnānā nirāhārāḥ sadā viṣṇuparāyaṇāḥ |
śaṃkhacakragadādharāstaṭe tiṣṭhaṃti nityaśaḥ || 44 ||
[Analyze grammar]

pitṛtīrthaṃ gayānāma sarvatīrthavaraṃ śubham |
yatrāste devadeveśaḥ svayameva pitāmahaḥ || 45 ||
[Analyze grammar]

gītāyāḥ pitṛbhirgāthā śrāddhabhāgamapīpsubhiḥ |
eṣṭavyā bahavaḥ putrā yadyeko'pi gayāṃ vrajet || 46 ||
[Analyze grammar]

yajeta vāśvamedhena nīlaṃ vā vṛṣamutsṛjet |
tathā vārāṇasī puṇyā pitṝṇāṃ vallabhā sadā || 47 ||
[Analyze grammar]

yā caiva mama sāṃnidhyādbhuktimuktiphalapradā |
mamājñayā tu deveśo biṃdumādhavasaṃjñakaḥ || 48 ||
[Analyze grammar]

nityaṃ tiṣṭhati deveśi vārāṇasyāṃ viśeṣataḥ |
ato dhanyatamā śreṣṭhā purīyaṃ mama sarvadā || 49 ||
[Analyze grammar]

pitṝṇāṃ vallabhaṃ tīrthaṃ puṇyaṃ vai vimaleśvaram |
pitṛtīrthaṃ prayāgaṃ ca sarvatīrthasamanvitam || 50 ||
[Analyze grammar]

sābhramatyudake devi āyāṃti vacanānmama |
vaṭeśvaraśca bhagavānmādhavena samanvitaḥ || 51 ||
[Analyze grammar]

daśāśvamedhakaṃ puṇyaṃ gaṃgādvāraṃ tathaiva ca |
manniyogācca deveśi sābhramatyāṃ vasaṃti hi || 52 ||
[Analyze grammar]

nadātha lalitādevī tīrthaṃ yatsaptadhārakam |
tathā mitrapadaṃ nāma kedāraṃ śaṃkarālayam || 53 ||
[Analyze grammar]

gaṃgāsāgaramityāhuḥ sarvatīrthamayaṃ śubham |
tīrthaṃ brahmasarastadvacchatadru salile hrade || 54 ||
[Analyze grammar]

tīrthaṃ tu naimiṣaṃ nāma ājñayā mama sarvadā |
sābhramatyudake devi nivasaṃti na saṃśayaḥ || 55 ||
[Analyze grammar]

śvetā valkalinī puṇyā tataḥ śvetā hiraṇmayī |
hastimatyathavārttaghnī nadī sāgaragāminī || 56 ||
[Analyze grammar]

pitṝṇāṃ vallabhā hyetāḥ śrāddhakoṭiphalapradaḥ |
tatra śrāddhāni deyāni putraiḥ pitṛhitāya vai || 57 ||
[Analyze grammar]

pāṭalaṃ vāḍavākhyaṃ ca nagaraṃ tatra suṃdari |
sābhramatyāṃ sadā etāḥ prāptā nadyo viśeṣataḥ || 58 ||
[Analyze grammar]

tatra snānaṃ ca dānaṃ ca ye kurvaṃti narā bhuvi |
ihaloke sukhaṃ bhuktvā yāṃti viṣṇoḥ sanātanam || 59 ||
[Analyze grammar]

jaṃbūdvīpaṃ mahāpuṇyaṃ yatra puṇyaṃ vivarddhate |
tatrāryākhyaṃ mahāpuṇyaṃ sarvakāmaphalapradam || 60 ||
[Analyze grammar]

nīlakaṃṭhamiti khyātaṃ tīrthaṃ naṃdahradastathā |
tathā rudrahradastīrthaṃ puṇyaṃ rudra mahālayam || 61 ||
[Analyze grammar]

maṃdākinī mahāpuṇyā tathācchodā mahānadī |
sābhramatyāṃ vahaṃtyete svātmanā darśanīkṛte || 62 ||
[Analyze grammar]

dhūmrā mitrapadaṃ tadvadvaijanāthaṃ dṛṣadvaram |
kṣiprā nadī mahākālaṃ tathā kāliṃjaro giriḥ || 63 ||
[Analyze grammar]

gaṃgodbhūtaṃ harodbhedaṃ narmadākārameva ca |
gaṃgāpiṃḍapradānena samānyāhurmanīṣiṇaḥ || 64 ||
[Analyze grammar]

etāni brahmatīrthāni sābhramatyuttare taṭe |
guptīkṛtāni deveśi devairbrahmapurogamaiḥ || 65 ||
[Analyze grammar]

smaraṇādapi lokānāṃ pāpaghnāni maheśvari |
kiṃ punaḥ śrāddhadātṝṇāṃ mānavānāṃ sureśvari || 66 ||
[Analyze grammar]

oṃkāraṃ pitṛtīrthaṃ ca kāverī kapilodakam |
saṃbhedaścaṃḍavegāyāstathaivāmarakaṃṭakam || 67 ||
[Analyze grammar]

kurukṣetrācchataguṇamasminsnānādikaṃ bhavet |
vārtaghnīsaṃgame devi gaṇeśvarapuraḥsaram || 68 ||
[Analyze grammar]

sābhramatyāṃ purā nītaṃ gaṇaistīrthakadaṃkabam |
eṣa tūddeśataḥ proktastīrthānāṃ saṃgamo mayā || 69 ||
[Analyze grammar]

vāgīśāpi na śaknoti tīrthānāṃ tatvavistaram |
satyaṃ tīrthaṃ dayātīrthaṃ tīrthamiṃdriyavigrahaḥ || 70 ||
[Analyze grammar]

tasyāstīrthe prayatnena snānaṃ kuryānna saṃśayaḥ |
prātaḥkālo muhūrtāṃstrīnsaṃgavastāvadeva tu || 71 ||
[Analyze grammar]

tadā snānādikaṃ tīrthe devānāṃ prītidāyakam |
madhyāhnastrimuhūrtaḥ syādaparāhṇastataḥ param || 72 ||
[Analyze grammar]

pitṝṇāṃ prītijananaṃ snānapiṃḍādi tarpaṇam |
sāyāhnastrimuhūrtaḥ syācchrāddhaṃ tatra na kārayet || 73 ||
[Analyze grammar]

rākṣasī nāma sā velā garhitā sarvakarmasu |
ahno muhūrtā vikhyātā daśapaṃca ca sarvadā || 74 ||
[Analyze grammar]

tatrāṣṭamo muhūrto yaḥ sa kālaḥ kutupaḥ smṛtaḥ |
madhyāhne sarvadā yasmānmaṃdī bhavati bhāskaraḥ || 75 ||
[Analyze grammar]

tasmādanaṃtaphaladaḥ pitṝṇāṃ piṃḍadānataḥ |
madhyāhnaḥ khaṅgapātraṃ ca tathā nepālakaṃbalaḥ || 76 ||
[Analyze grammar]

rūpyaṃ darbhāstathā gāvo dauhitraṃ kutapāstilāḥ |
pāpaṃ kutsitamityāhustasya saṃtāpakārakāḥ || 77 ||
[Analyze grammar]

aṣṭāvete yatastasmātkutapā iti viśrutāḥ |
ūrddhvaṃ muhūrtātkutupātyanmuhūrta catuṣṭayam || 78 ||
[Analyze grammar]

mahūrtapaṃcakaṃ caitacchrāddhakāle samiṣyate |
viṣṇordehātsamudbhūtāḥ kuśāḥ kṛṣṇatilāḥ smṛtāḥ || 79 ||
[Analyze grammar]

śrāddhasya rakṣaṇārthāya evamāhurdivaukasaḥ |
tilodakāṃjalirdeyo jalasthaistīrthavāsibhiḥ || 80 ||
[Analyze grammar]

sadarbhahastairekena śrāddhamevaṃ na hiṃsyate |
sābhramatyāṃ nāmadheyairiti tīrthapraveśanam || 81 ||
[Analyze grammar]

kārayitvā mayā devi dattā vai kaśyapāya ca |
mama bhaktaḥ kaśyaposau vallabho mama sarvadā || 82 ||
[Analyze grammar]

dattā tasmādiyaṃ gaṃgā pavitrā pāpanāśinī |
sābhramatyāṃ mahābhāge tīrthe vai brahmacārike || 83 ||
[Analyze grammar]

ātmānaṃ ca pratiṣṭhāpya tannāmnā śaṃkaro hyaham |
sthito lokahitārthāya brahmacārīśa saṃjñakaḥ || 84 ||
[Analyze grammar]

sābhramatyāmupakaṃṭhe brahmacārīśa saṃjñake |
kalau bhakto viśeṣeṇa pūjanaṃ kurute yadā || 85 ||
[Analyze grammar]

ihaloke sukhaṃ bhuktvā yāti śaivaṃ padaṃ mahat |
mahadbhirvyādhibhiścaiva pīḍito yadi gacchati || 86 ||
[Analyze grammar]

yasyāśu naśyati vyādhirdarśanācca maheśvari |
gatvā vai tasya saṃsthāne upavāsī jiteṃdriyaḥ || 87 ||
[Analyze grammar]

pūjanaṃ kurute bhaktyā rātrau tiṣṭhansuniścalaḥ |
tadāhaṃ yogirūpeṇa darśanaṃ tasya yāmi hi || 88 ||
[Analyze grammar]

dadāmi vāṃcchitānkāmānsatyaṃ satyaṃ varānane |
mamasthāne viśeṣeṇa samāyāṃti ca ye janāḥ || 89 ||
[Analyze grammar]

teṣāṃ vyādhipraśamanaṃ karomi sucirādaham |
caturaśītisaṃjñeyo vyādhiḥ saṃkathito mayā || 90 ||
[Analyze grammar]

sa sa vyādhirvinaśyeta darśanādeva suṃdari |
na liṃgaṃ vartate tatra māmakaṃ naganaṃdini || 91 ||
[Analyze grammar]

snānamātraṃ tu tatraiva māmakaṃ nātra saṃśayaḥ |
ekasminneva kāle tu asyāṃ bhūmau mahātapāḥ || 92 ||
[Analyze grammar]

rājā vai sūryavaṃśīyo brahmadattastu vīryavān |
tena rājñā tapastaptaṃ bahukālaṃ sureśvari || 93 ||
[Analyze grammar]

paṃcāgnisādhanaṃ tena kṛtaṃ ca bahudhā tataḥ |
māsopavāsakādīni tapastaptānyanekaśaḥ || 94 ||
[Analyze grammar]

evaṃ bahutaraṃ kālaṃ rājñā taptaṃ tapo mahat |
pratyakṣo'haṃ tadā jāto varārthaṃ varavarṇini || 95 ||
[Analyze grammar]

brahmadatta śṛṇuṣva tvaṃ mahadvākyaṃ nareśvara |
yaṃ yaṃ vāṃchayase nityaṃ taṃ taṃ dadmi na saṃśayaḥ || 96 ||
[Analyze grammar]

tenoktaṃ mama deveśa vāṃcchitaṃ yadi dīyate |
eka eva varo deva dīyatāṃ mama sarvadā || 97 ||
[Analyze grammar]

mama nāmnā hi deveśa īśvaro bhuvi jāyatām |
tena vākyena saṃtuṣṭo varo datto mayā'naghe || 98 ||
[Analyze grammar]

tadāhaṃ tena vai sārddhaṃ nivasāmi sureśvari |
atra sthitvā nirāhāro bhaktiṃ kuryādaśeṣataḥ || 99 ||
[Analyze grammar]

dadāmi vāṃchitānkāmānyāvadiṃdrāścaturdaśa |
atrāgatya tu ye viprā rudrajāpyādikaṃ ca yat || 100 ||
[Analyze grammar]

prakurvaṃti viśeṣeṇa teṣāṃ dadmi śṛṇuṣva tat |
strīsaukhyaṃ putrasaukhyaṃ ca lakṣmīvṛddhikaraṃ punaḥ || 101 ||
[Analyze grammar]