Chapter 133

[English text for this chapter is available]

pārvatyuvāca |
dvīpe'sminyāni tīrthāni tāni me vada suvrata |
dvīpānāṃ dvīparājo'yaṃ sarvadā bhuvi nirmitaḥ |
saṃkhyayā tvaṃ vada svāminkṛpāṃ kṛtvā mamopari || 1 ||
[Analyze grammar]

mahādeva uvāca |
sarvagaḥ sarvabhūteṣu draṣṭavyaḥ sarvato bhuvi |
saptalokeṣu yatkiṃciddṛśyate sacarācaram || 2 ||
[Analyze grammar]

tatvaṃ tena vinā devi na dṛṣṭaṃ na śrutaṃ mayā |
ato viṣṇurmahādevaḥ keśavaḥ kleśanāśanaḥ |
tīrtharūpeṇa varteta dvīpe hyasminsureśvari || 3 ||
[Analyze grammar]

tāni tīrthāni vakṣyāmi sāṃprataṃ nātra saṃśayaḥ |
prathamaṃ puṣkaraṃ kṣetraṃ tīrthānāṃ pravaraṃ śubham |
vārāṇasī dvitīyaṃ tu kṣetraṃ muktipradāyakam || 4 ||
[Analyze grammar]

tṛtīyaṃ naimiṣaṃ kṣetramṛṣīṇāṃ pāvanaṃ smṛtam |
prayāgaṃ vai caturthaṃ tu tīrthānāmuttamaṃ smṛtam || 5 ||
[Analyze grammar]

kārmukaṃ paṃcamaṃ proktaṃ utpannaṃ gaṃdhamādane |
ekādaśaṃ kānyakubjaṃ yatra tiṣṭhati vāmanaḥ || 6 ||
[Analyze grammar]

saptamaṃ viśvakāyaṃ tu avare parvate śubhe |
aṣṭamaṃ gautamākhyaṃ ca maṃdare nirmitaṃ purā || 7 ||
[Analyze grammar]

madotkaṭaṃ tu navamaṃ daśamaṃ rathacaitrakam |
ekādaśaṃ kānyakubjaṃ yatra tiṣṭhati vāmanaḥ || 8 ||
[Analyze grammar]

dvādaśaṃ malayaṃ caiva kubjāmrakamataḥ param |
viśveśvaraṃ girikarṇaṃ kedāraṃ gatidāyakam || 9 ||
[Analyze grammar]

bāhyaṃ himavataḥ pṛṣṭhe gokarṇe gopakaṃ tathā |
sthāneśvaraṃ himādrau ca bilvake bilvapatrikam || 10 ||
[Analyze grammar]

śrīśaile mādhavaṃ tīrthaṃ bhadraṃ bhadreśvare tathā |
vārāhe vijayaṃ proktaṃ vaiṣṇavaṃ vaiṣṇave girau || 11 ||
[Analyze grammar]

raudraṃ tu rudrakoṭe tu paitryaṃ kālijare girau |
kaṃpile kāpilaṃ tīrthaṃ mukuṭe karkoṭakaṃ tathā || 12 ||
[Analyze grammar]

śālagrāmodbhavaṃ tīrthaṃ gallikāyāṃ sureśvari |
narmadāyāṃ śivākhyaṃ tu māyāyāṃ viśvarūpakam || 13 ||
[Analyze grammar]

utpalākṣaṃ sahasrākṣaṃ jātaṃ vai raivate girau |
gaṃgāyāṃ pitṛtīrthaṃ ca viṣṇupādodbhavaṃ tathā || 14 ||
[Analyze grammar]

vipāśāyāṃ vipāpā ca pāṭale puṃḍravarddhanam |
nārāyaṇaṃsupārśvetutrikūṭeviṣṇumaṃdiram || 15 ||
[Analyze grammar]

vipule vipulaṃ nāma kalyāṇaṃ malayācale |
kauravaṃ koṭitīrthe ca sugaṃdhaṃ gaṃdhamādane || 16 ||
[Analyze grammar]

kubjāmrake trisaṃdhyaṃ tu gaṃgāṃdvāre haripriyam |
śailaṃ viṃdhyapradeśe tu badaryāṃ sārasvataṃ smṛtam || 17 ||
[Analyze grammar]

kālidyāṃ kālarūpaṃ ca sahye vai sāyakaṃ smṛtam |
cāṃdraṃ caṃdrapradeśe tu ramaṇaṃ tīrthanāyakam || 18 ||
[Analyze grammar]

yamunāyāṃ mṛgākhyaṃ tu karavīre kurūdbhavam |
vināyake parvate vai umākhyaṃ tīrthameva ca || 19 ||
[Analyze grammar]

ārogyaṃ bhāskare deśe mahākāle maheśvaram |
tīrthaṃ abhayadaṃ nāmāmṛtākhyaṃ viṃdhyakaṃdhare || 20 ||
[Analyze grammar]

maṃḍape viśvarūpaṃ ca svāhākhyaṃ īśvare pure |
vaigaleyaṃ pracaṃḍāyāṃ cāṃḍikaṃmarakaṃṭake || 21 ||
[Analyze grammar]

someśvaraṃ tathā tīrthe prabhāse puṣkaraṃ tathā |
devamātraṃ sarasvatyāṃ pārāvatataṭe sthitam || 22 ||
[Analyze grammar]

mahālayaṃ mahāpadme payoṣṇyāṃ piṃgaleśvaram |
siṃhikāyāṃ tathā tīrthaṃ sauraveravisaṃjñakam || 23 ||
[Analyze grammar]

kārtikaṃ kṛttikākṣetre śāṃkaraṃ śaṃkare girau |
utpalākhyaṃ tato divyaṃ subhadrā siṃdhusaṃgame || 24 ||
[Analyze grammar]

gāṇapatyaṃ tataścaiva parvato viṣṇusaṃjñake |
jālaṃdhare tataḥ proktaṃ tīrthaṃ viṣṇumukhaṃ ca yat || 25 ||
[Analyze grammar]

tāre vai tārakaṃ proktaṃ parvate viṣṇusaṃjñake |
devadāruvane pauṃḍraṃ pauṣkaṃ kāśmīramaṃḍale || 26 ||
[Analyze grammar]

bhaumaṃ himaṃ himādrau ca tuṣṭikaṃ pauṣṭikaṃ punaḥ |
kapālamocanaṃ tīrthaṃ jātaṃ māyāpure tathā || 27 ||
[Analyze grammar]

śaṃkhoddhāraṃ tataścaiva devaṃ vai śaṃkhadhārakam |
piṃḍe vai piṃḍanāmānaṃ siddhe vaikhānasaṃ bhavet || 28 ||
[Analyze grammar]

acchode viṣṇukāmaṃ tu dharmakāmārthamokṣadam |
auṣadhyaṃ cottarekūle kuśadvīpe kuśodakam || 29 ||
[Analyze grammar]

manmathaṃ hemakūṭe tu kumude satyavādanam |
vadaṃtyāvāśvakaṃ tīrthaṃ viṃdhye vai mātṛkaṃ smṛtam || 30 ||
[Analyze grammar]

citte brahmamayaṃ tīrthaṃ tīrthānāṃ pāvanaṃ smṛtam |
eteṣāṃ sarvatīrthānāmuttamaṃ śṛṇu suṃdari || 31 ||
[Analyze grammar]

viṣṇornāmamayaṃ tīrthaṃ na bhūtaṃ na bhaviṣyati |
brahmahā hemahārī vā bālahā goghna eva ca || 32 ||
[Analyze grammar]

mucyate nāmamātreṇa prasādātkeśavasya tu |
kalau dvāravatī ramyā dhanyo devo janārdanaḥ || 33 ||
[Analyze grammar]

ye paśyaṃti narā devaṃ muktisteṣāṃ suniścalā |
evaṃ dhanyatamaṃ devaṃ viṣṇuṃ sarveśvaraṃ prabhum || 34 ||
[Analyze grammar]

ciṃtayāmi mahādevi vidvatsaṃstho janārdanam |
aṣṭottaraṃ tu tīrthānāṃ śatametadudāhṛtam || 35 ||
[Analyze grammar]

yo japecchṛṇuyādvāpi sarvapāpaiḥ pramucyate |
eṣu tīrtheṣu yaḥ snātvā paśyennārāyaṇaṃ harim || 36 ||
[Analyze grammar]

sarvapāpavinirmukto yāti viṣṇoḥ sanātanam |
jagannāthaṃ mahātīrthaṃ lokānāṃ pāvanaṃ smṛtam || 37 ||
[Analyze grammar]

ye gacchaṃti naraśreṣṭhāstepi yāṃti parāṃ gatim |
śatāṣṭakaṃ mahāpuṇyaṃ śrāvayetpitṛkarmaṇi || 38 ||
[Analyze grammar]

ihaloke sukhaṃ bhuktvā yāti viṣṇoḥ sanātanam |
godāne śrāddhadāne vā ahanyahani vā punaḥ || 39 ||
[Analyze grammar]

devārcanavidhau vidvānparaṃ brahmādhigacchati || 40 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāṃ uttarakhaṃḍe jaṃbūdvī |
patīrthavarṇanaṃnāma trayastriṃśādhikaśatatamo'dhyāyaḥ || 133 ||
[Analyze grammar]