Chapter 117

[English text for this chapter is available]

sūta uvāca |
iti sarvaṃ samākarṇya satrājitasutā tadā |
harervākyaṃ mahābhāgā satyā vacanamabravīt || 1 ||
[Analyze grammar]

satyovāca |
kārtikasya ca māhātmyaṃ na śrutaṃ vistarātprabho |
sarveṣāmeva māsānāṃ kārtikaḥ pravaraḥ katham || 2 ||
[Analyze grammar]

śrīkṛṣṇa uvāca |
sādhu pṛṣṭaṃ tvayā satye kārtikavratamādarāt |
śaunakāya purā proktaṃ sūtena sumahātmanā || 3 ||
[Analyze grammar]

sūta uvāca |
śrūyatāṃ tatpravakṣyāmi etatpraśnottaraṃ śubham |
īśvareṇa purā proktaṃ pṛcchate ṣaṇmukhāya vai || 4 ||
[Analyze grammar]

kārtikeya uvāca |
bahūni padmanābhasya rahasyāni śrutāni ca |
yathā hi procyamānāni vaiṣṇavena tvayā prabho || 5 ||
[Analyze grammar]

saṃsārasāgare prāptā duḥkhorulaharīvṛte |
teṣāmuttāraṇārthāya kathayasva prayatnataḥ || 6 ||
[Analyze grammar]

kārtikasya vidhiścaiva snānasya vadatāṃ vara |
yena duḥkhāṃbudhiṃ tāta saṃtariṣyaṃti mānavāḥ || 7 ||
[Analyze grammar]

phalaṃ vaiṣṇavadharmasya kathayasva suvistaram |
yena dharmaprabhāvena padaṃ gacchati vaiṣṇavam || 8 ||
[Analyze grammar]

dīpadānasya māhātmyaṃ munipuṣpasya suvrata |
gopīcaṃdanamāhātmyaṃ tulasyāstu tathā vibho || 9 ||
[Analyze grammar]

mālatīpuṣpamāhātmyaṃ vārijānāṃ tathā vada |
dhātrīphalānāṃ māhātmyaṃ tathā damanakasya ca || 10 ||
[Analyze grammar]

ketakīpuṣpamāhātmyaṃ naivedyasya paraṃtapa |
tīrthodakasya māhātmyaṃ māghasnānaphalaṃ vibho || 11 ||
[Analyze grammar]

phalaṃ brūhi suraśreṣṭha brahmapatreṣu bhojanāt |
nīrājanaphalaṃ sthāṇo paradīpapravedhanāt || 12 ||
[Analyze grammar]

puṣkarakṣetramāhātmyaṃ śūkarasya tathā vibho |
śālagrāmasya māhātmyaṃ svastikasya vidhānakam || 13 ||
[Analyze grammar]

dānānāṃ ca phalaṃ brūhi parānnasya ca varjanāt |
māsopavāsasya phalaṃ khaṭvāyā mokṣaṇādvibho || 14 ||
[Analyze grammar]

dīpāvalyāśca māhātmyaṃ prabodhinyāśca suvrata |
paṃcabhīṣmasyamāhātmyaṃ kathayasva suvistarāt || 15 ||
[Analyze grammar]

īśvara uvāca |
sādhu pṛṣṭaṃ tvayā vatsa lokoddharaṇahetave |
kathayāmi na saṃdehastvatsamo nāsti vaiṣṇavaḥ || 16 ||
[Analyze grammar]

satputreṇa tvayā vatsa tārito'haṃ na saṃśayaḥ |
niścalā keśave bhaktistvayi tiṣṭhati sarvadā || 17 ||
[Analyze grammar]

narebhyo vaiṣṇavaṃ dharmaṃ yo dadāti dvijottamaḥ |
sasāgaramahī dāne tatpuṇyaṃ labhate hi saḥ || 18 ||
[Analyze grammar]

kārtikasya ca māsasya koṭyaṃśenāpi nārhati |
ekataḥ sarvatīrthāni sarvadānāni caikataḥ || 19 ||
[Analyze grammar]

ekato gopradānāni sarve yajñāḥ sadakṣiṇāḥ |
ekataḥ puṣkare vāsaṃ kurukṣetre himālaye || 20 ||
[Analyze grammar]

ekato mathurātīrthe vārāṇasyāṃ ca śūkare |
ekataḥ kārtiko vatsa sarvadā keśavapriyaḥ || 21 ||
[Analyze grammar]

sūta uvāca |
ityuktvā muniśārdūla punarvākyaṃ jagau haraḥ |
kārtikasnānamāhātmyaṃ kathayiṣye suvistarāt || 22 ||
[Analyze grammar]

īśvara uvāca |
brāhmaṃ kṛtayugaṃ proktaṃ tretā tu kṣatriyaṃ svayam |
dvāparaṃ vaiśyamityāhuḥ śūdraṃ kaliyugaṃ smṛtam || 23 ||
[Analyze grammar]

kalau vatsa manuṣyāṇāṃ śaithilyaṃ snānakarmaṇi |
tathāpi kathayiṣyāmi snānaṃ kārtikamāghayoḥ || 24 ||
[Analyze grammar]

yasya hastau ca pādau na vāṅmanaśca susaṃyatam |
vidyā tapaśca kīrtiśca sa tīrthaphalabhāṅnaraḥ || 25 ||
[Analyze grammar]

aśraddadhānaḥ pāpātmā nāstikaśchinnamānasaḥ |
hetuvādī ca paṃcaite na tīrthaphalabhāginaḥ || 26 ||
[Analyze grammar]

prātarutthāya yo viprastīrthasnāyī sadā bhavet |
sarvapāpavinirmuktaḥ paraṃ brahmādhigacchati || 27 ||
[Analyze grammar]

snānaṃ caturvidhaṃ proktaṃ snānavidbhiḥ ṣaḍānana |
vāyavyaṃ vāruṇaṃ divyaṃ brāhmaṃ ceti tathā smṛtam || 28 ||
[Analyze grammar]

vāyavyaṃ gorajaḥ snānaṃ vāruṇaṃ sāgarādiṣu |
brāhmya brāhmaṇamaṃtroktaṃ divyaṃ meghāṃbu bhāskaram || 29 ||
[Analyze grammar]

snānānāṃ caiva sarveṣāṃ viśiṣṭaṃ tatra vāruṇam |
brāhmaṇaḥ kṣatriyo vaiśyo maṃtravatsnānamācaret || 30 ||
[Analyze grammar]

tūṣṇīmeva hi śūdrasya strīṇāṃ caiva ṣaḍānana |
bālā ca taruṇī vṛddhā naranārīnapuṃsakāḥ || 31 ||
[Analyze grammar]

pāpaiḥ sarvaiḥ pramucyaṃte snānātkārtikamāghayoḥ |
snātā vai kārtike lokāḥ prāpnuvaṃtīpsitaṃ phalam || 32 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye śrīśivaṣaḍānanasaṃvāde saptadaśādhikaśatatamo'dhyāyaḥ || 117 ||
[Analyze grammar]