Chapter 115

[English text for this chapter is available]

sūta uvāca |
ityuktvā vāsudevo'sau satyabhāmāmatipriyām |
sāyaṃsaṃdhyādikaṃ kartuṃ jagāma jananīgṛham || 1 ||
[Analyze grammar]

evaṃ prabhāvaḥ proktoyaṃ kārtikaḥ pāpanāśanaḥ |
viṣṇupriyakaro nityaṃ bhuktimuktipradaḥ sadā || 2 ||
[Analyze grammar]

harijāgaraṇaṃ prātaḥ snānaṃ tulasisevanam |
udyāpanaṃ dīpadānaṃ vratānyetāni kārtike || 3 ||
[Analyze grammar]

paṃcakairvratakairebhiḥ saṃpūrṇaṃ kārtikavratam |
phalaṃ prāpnoti tatproktaṃ bhuktimuktiphalapradam || 4 ||
[Analyze grammar]

ṛṣaya ūcuḥ |
viṣṇoḥ priyo'tiphaladaḥ prokto'yaṃ romaharṣaṇe |
kārtikasya vidhiḥ samyakpāvanaḥ pāpanāśanaḥ || 5 ||
[Analyze grammar]

avaśyameva karttavyaḥ prāpya duḥkhanivāraṇaḥ |
mokṣārthibhirnaraḥ samyagbhogakāmairathāpivā || 6 ||
[Analyze grammar]

evaṃ sthite yathākaścidvratasthaḥ saṃkaṭe sthitaḥ |
durgāraṇyasthito vāpi vyādhibhiḥ paripīḍitaḥ |
kathaṃ tena prakartavyaṃ kārtikavratakaṃ śubham || 7 ||
[Analyze grammar]

sūta uvāca |
yasmādatyaṃtaphaladaṃ kartavyaṃ tu yathā naraiḥ |
tatsarvaṃ kathayiṣye'haṃ śṛṇudhvaṃ munipuṃgavāḥ || 8 ||
[Analyze grammar]

viṣṇoḥ śivasya vā kuryādālaye harijāgaram |
śivaviṣṇugrahābhāve sarvadevālayeṣvapi || 9 ||
[Analyze grammar]

durgāraṇyasthito yaśca yadi vā yadgato bhavet |
kuryāttadāśvatthamūle tulasīnāṃ vaneṣvapi || 10 ||
[Analyze grammar]

viṣṇunāmapradhānānāṃ gāyanādviṣṇusannidhau |
gosahasrapradānasya phalaṃ prāpnoti mānavaḥ || 11 ||
[Analyze grammar]

vādyakṛtpuruṣaścāpi vājapeyaphalaṃ labhet |
sarvatīrthāvagāhotthaṃ nartakaḥ phalamāpnuyāt || 12 ||
[Analyze grammar]

sarvametallabhetpuṇyaṃ teṣāṃ tu dravyadaḥ pumān |
praśaṃsādarśanābhyāṃ hi tatṣaḍaṃśamavāpnuyāt || 13 ||
[Analyze grammar]

āpadgato yadāpyaṃbho na labhetsnapanāya saḥ |
vyādhito vā punaḥ kuryādviṣṇornāmāpamārjanam || 14 ||
[Analyze grammar]

udyāpanavidhiṃ kartuṃ na śakto yo vrate sthitaḥ |
brāhmaṇānbhojayecchaktyā vratasaṃpūrṇahetave || 15 ||
[Analyze grammar]

yasmādatyaṃtaphalado na tyājyaḥ sarvadā naraiḥ |
avyaktarūpiṇo viṣṇoḥ svarūpaṃ brāhmaṇā bhuvi || 16 ||
[Analyze grammar]

tatsaṃtuṣṭyā susaṃtuṣṭaḥ sarvadā syāṃ na saṃśayaḥ |
aśakto dīpadāne tu paradīpaṃ prabodhayet || 17 ||
[Analyze grammar]

teṣāṃ vā rakṣaṇaṃ kuryādvātādibhyaḥ prayatnataḥ |
abhāve tulasīnāṃ tu pūjayedvaiṣṇavaṃ dvijam || 18 ||
[Analyze grammar]

yasmātsaṃnihito viṣṇuḥ svabhakteṣveva sarvadā |
sarvābhāve vratī kuryādbrāhmaṇānāṃ gavāmapi || 19 ||
[Analyze grammar]

sevāṃ vāśvatthavaṭayorvratasaṃpūrṇahetave || 20 ||
[Analyze grammar]

ṛṣaya ūcuḥ |
kathaṃ tvayāśvatthavaṭau gobrāhmaṇasamau kṛtau |
sarvebhyo'pi tarubhyastau kasmātpūjyatarau kṛtau || 21 ||
[Analyze grammar]

sūta uvāca |
aśvattharūpī bhagavānviṣṇureva na saṃśayaḥ |
rudrarūpī vaṭastadvatpālāśo brahmarūpadhṛk || 22 ||
[Analyze grammar]

darśanaṃ pūjanaṃ sevā teṣāṃ pāpaharā smṛtā |
duḥkhāpadvyādhiduṣṭānāṃ vināśakaraṇī dhruvam || 23 ||
[Analyze grammar]

ṛṣaya ūcuḥ |
kathaṃ vṛkṣatvamāpannā brahmaviṣṇumaheśvarāḥ |
etatkathaya sarvajña saṃśayo'tra mahānhi naḥ || 24 ||
[Analyze grammar]

sūta uvāca |
pārvatīśivayordevaiḥ surataṃ kurvatoḥ kila |
agnirbrāhmaṇarūpeṇa preṣito vighnakṛtpurā || 25 ||
[Analyze grammar]

tataḥ sā pārvatī kruddhā śaśāpa tridivaukasaḥ |
ratotsavasukhabhraṃśātkaṃpamānā ruṣā tadā || 26 ||
[Analyze grammar]

pārvatyuvāca |
kṛmikīṭādayopyete jānaṃti surataṃ sukham |
tadvighnakaraṇāddevā hyudbhijjatvamavāpsyatha || 27 ||
[Analyze grammar]

sūta uvāca |
evaṃ sā pārvatī devānaśapatkruddhamānasā |
tasmādvṛkṣatvamāpannāḥ sarve devagaṇāḥ kila || 28 ||
[Analyze grammar]

tasmādimau viṣṇumaheśvarāvubhau babhūvaturbodhivaṭau munīśvarāḥ |
bodhistvagādārkidine spṛśatvamaspṛśyatāmarkajaviṣṭiyogāt || 29 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārttikamāhātmye aśvatthavaṭapraśaṃsanaṃnāma paṃcadaśādhikaśatatamo'dhyāyaḥ || 115 ||
[Analyze grammar]