Chapter 113

[English text for this chapter is available]

śrīkṛṣṇa uvāca |
purāvaṃtīpure vāsī vipra āsīddhaneśvaraḥ |
brahmakarmaparibhraṣṭaḥ pāpaniṣṭhaḥ sudurmatiḥ || 1 ||
[Analyze grammar]

rasakaṃbalacarmādi vikrayānṛtavarttanaḥ |
steyaveśyāsurāpānadyūtasaṃsaktamānasaḥ || 2 ||
[Analyze grammar]

deśāddeśāṃtaraṃ gacchankrayavikrayakāraṇāt |
māhiṣmatīṃ purīṃ yātaḥ kadācitsa dhaneśvaraḥ || 3 ||
[Analyze grammar]

mahiṣeṇa kṛtā pūrvaṃ tasmānmāhiṣmatībhavat |
yasyāṃ vaprataṭābhāti narmadā pāpanāśinī || 4 ||
[Analyze grammar]

kārtikavratinastatra nānāgrāmāgatānnarān |
sa dṛṣṭvā vikrayaṃ kurvanmāsamekamuvāsa ha || 5 ||
[Analyze grammar]

sa nityaṃ narmadātīre bhramanvikrayakāraṇāt |
dadarśa brāhmaṇānsnātānjapadevārcaneratān || 6 ||
[Analyze grammar]

kāṃścitpurāṇaṃ paṭhataḥ kāṃścittacchravaṇe ratān |
nṛtyagāyanavāditraviṣṇustavanatatparān || 7 ||
[Analyze grammar]

viṣṇumudrāṃkitānkāṃścinmālātulasidhāriṇaḥ |
dadarśa kautukāviṣṭastatra tatra dhaneśvaraḥ || 8 ||
[Analyze grammar]

nityaṃ paribhramaṃstatra darśanasparśabhāṣaṇāt |
vaiṣṇavānāṃ tathā viṣṇornāmaśrāvādi so'labhat || 9 ||
[Analyze grammar]

evaṃ māsaṃ sthitaḥso'tha kārtikodyāpane vidhau |
kriyamāṇe dadarśāsau bhaktairjāgaraṇaṃ hareḥ || 10 ||
[Analyze grammar]

paurṇamāsyāṃ tato'paśyadvividhaṃ pūjanādikam |
dakṣiṇā bhojanādyaṃ ca dīpadānaṃ vratasthitaiḥ || 11 ||
[Analyze grammar]

tato'rkāstamaye caivaṃ dīpotsavavidhiṃ tadā |
kriyamāṇaṃ dadarśāsau prītyarthaṃ tripuradviṣaḥ || 12 ||
[Analyze grammar]

tripurāṇāṃ kṛto dāho yatastasyāṃ śivena tu |
atastu kriyate tasyāṃ tithau bhaktairmahotsavaḥ |
mama rudrasya yaḥ kaścidaṃtaraṃ parikalpayet || 13 ||
[Analyze grammar]

tasya puṇyakriyāḥ sarvā niṣphalāḥ syurna saṃśayaḥ |
tatra nṛtyādikaṃ paśyanbabhrāma sa dhaneśvaraḥ |
tāvatkṛṣṇāhinā daṣṭo vikalaḥ sa papāta ha |
janāstaṃpati taṃ vīkṣya parivavruḥ kṛpānvitāḥ || 14 ||
[Analyze grammar]

tulasīmiśritaistoyaistanmukhaṃ siṣicustadā |
atha dehe parityakte taṃ baddhvā yamakiṃkarāḥ || 15 ||
[Analyze grammar]

bādhyamānaṃ kaśāghātairninyuḥ saṃyaminīṃ ruṣā |
citraguptastu taṃ dṛṣṭvā nirbhartsyāvedayattadā || 16 ||
[Analyze grammar]

yamāyatena bālyāttu karma yadduṣkṛtaṃ kṛtam |
citragupta uvāca |
naivāsya dṛśyate kiṃcidābālyātsukṛtaṃ kvacit || 17 ||
[Analyze grammar]

duṣkṛtaṃ śakyate vaktuṃ śatavarṣairna bhāskare |
pāpamūrtirayaṃ duṣṭaḥ kevalaṃ dṛśyate vibho || 18 ||
[Analyze grammar]

tasmādākalpamaryādaṃ niraye paripācyatām |
śrīkṛṣṇa uvāca |
niśamyetthaṃ vacaḥ krodhādyamaḥ prāha svakiṃkarān || 19 ||
[Analyze grammar]

darśayannātmanorūpaṃ kālāgnisadṛśaprabham |
yama uvāca |
bho pretāpanayasvainaṃ badhyamānaṃ svamudgaraiḥ || 20 ||
[Analyze grammar]

kuṃbhīpāke kṣipasvāśu tailakvathanaśabdite |
yāvatkṣiptastu tatrāsau tāvacchītalatāṃ yayau || 21 ||
[Analyze grammar]

kuṃbhīpāko yathā vahniḥ prahlādakṣepaṇātpurā |
taddṛṣṭvā mahadādaścaryaṃ pretapo vismayānvitaḥ || 22 ||
[Analyze grammar]

vegādāgatya tatsarvaṃ yamāyākathayattadā |
yamastu kautukaṃ śrutvā pretapena niveditam || 23 ||
[Analyze grammar]

āḥ kimetaditi procya samyagetadvicārayat |
tāvadabhyāgatastatra nāradaḥ prahasaṃstvaran || 24 ||
[Analyze grammar]

yamena pūjitaḥ samyaktaṃ dṛṣṭvā vākyamabravīt |
nārada uvāca |
naivāyaṃ nirayānbhoktuṃ kṣamaḥ savitṛnaṃdana || 25 ||
[Analyze grammar]

yasmādetasya saṃjātaṃ karma yannirayāpaham |
yaḥ puṇyakarmaṇāṃ kuryāddarśanasparśabhāṣaṇam || 26 ||
[Analyze grammar]

tatṣaḍaṃśamavāpnoti puṇyasya niyataṃ naraḥ |
asaṃkhyātaistusaṃsargaiḥ kṛtavāneṣa yaddhareḥ || 27 ||
[Analyze grammar]

kārtikavratibhirmāsaṃ tasmātpuṇyāṃśabhāgayam |
paricaryākarasteṣāṃ saṃpūrṇavratapuṇyabhāk || 28 ||
[Analyze grammar]

ato'syorjavratodbhūtapuṇyasaṃkhyā na vidyate |
kārttikavratināṃ puṃsāṃ pātakāni mahāṃtyapi || 29 ||
[Analyze grammar]

nāśayatyeva sarvāṇi viṣṇuḥ sadbhaktavatsalaḥ |
aṃte tannāmabhistoyaistulasīmiśritaistvayam || 30 ||
[Analyze grammar]

vaiṣṇavānugrahī yasmānnarake naiva pacyate |
tasmānnihatapāpo'yaṃ sadgatiṃ yātumarhati || 31 ||
[Analyze grammar]

ārdraiḥ śuṣkairyathāpāpairniraye bhogasaṃnidhiḥ |
prāpyate sukṛtaistadvatsvargabhogasya saṃnidhiḥ || 32 ||
[Analyze grammar]

tasmādakāmapuṇyo hi yakṣayonisthitastvasau |
vilokya narakānsarvānpāpabhogamavāpnuyāt || 33 ||
[Analyze grammar]

śrīkṛṣṇa uvāca |
ityuktvā gatavati nārade'tha sauristadvākyaśravaṇavibuddha tatsukarmā |
vipraṃ taṃ punaranayatsvakiṃkareṇa tānsarvānnirayagaṇānpradarśayiṣyan || 34 ||
[Analyze grammar]

iti śrīpādme mahāpurāṇe paṃcapaṃcāśatsāhastrasaṃhitāyāmuttarakhaṃḍe kārtikamāhātmye śrīkṛṣṇasatyabhāmāsaṃvāde dhaneśvaropākhyāne trayodaśādhikaśatatamo'dhyāyaḥ || 113 ||
[Analyze grammar]