Chapter 112

[English text for this chapter is available]

śrīkṛṣṇa uvāca |
iti tadvacanaṃ śrutvā pṛthurvismitamānasaḥ |
saṃpūjya nāradaṃ bhaktyā visasarja tadā priye || 1 ||
[Analyze grammar]

tasmādvratatrayaṃ hyetanmamātīvapriyaṃkaram |
māghakārtikayostadvattathaivaikādaśīvratam || 2 ||
[Analyze grammar]

vanaspatīnāṃ tulasī māsānāṃ kārtikaḥ priyaḥ |
ekādaśī tithīnāṃ ca kṣetrāṇāṃ dvārakā mama || 3 ||
[Analyze grammar]

eteṣāṃ sevanaṃ yastu karoti ca jiteṃdriyaḥ |
sa me vallabhatāṃ yāti na tathā yajanādibhiḥ || 4 ||
[Analyze grammar]

pāpebhyo na bhayaṃ tena karttavyaṃ niyamādapi |
eteṣāṃ sevanaṃ kāṃte kurvatā matprasādataḥ || 5 ||
[Analyze grammar]

satyabhāmovāca |
vismāpanīyaṃ tannātha yattvayā kathitaṃ mama |
paradattena puṇyena kalahā muktimāgatā || 6 ||
[Analyze grammar]

itthaṃ prabhāvo māso'yaṃ kārttikaste priyaṃkaraḥ |
svāmidrohādipāpāni snānadānairgatāni yat || 7 ||
[Analyze grammar]

dattaṃ ca labhate puṇyaṃ yatpareṇa kṛtaṃ vibho |
adattaṃ kena mārgeṇa labhate cāpi mānavaḥ || 8 ||
[Analyze grammar]

śrīkṛṣṇa uvāca |
adattānyapi puṇyāni pāpāni ca yathā naraiḥ |
prāpyaṃte karmaṇā yena tadyathāvanniśāmaya || 9 ||
[Analyze grammar]

deśagrāmakulāni syurbhāgabhāṃji kṛtādiṣu |
kalau tu kevalaṃ karttā phalabhukpuṇyapāpayoḥ || 10 ||
[Analyze grammar]

akṛte'pi hi saṃsarge vyavastheyamudāhṛtā |
saṃsargātpuṇyapāpāni yathā yāṃti nibodha tat || 11 ||
[Analyze grammar]

ekatramaithunādyānādekapātrasthabhojanāt |
phalārddhaṃ prāpnuyānmartyo yathāvatpuṇyapāpayoḥ || 12 ||
[Analyze grammar]

adhyāpanādyājanādvāpyekapaṃktyaśanādapi |
turyāṃśaṃ puṇyapāpānāṃ nityaṃ prāpnoti mānavaḥ || 13 ||
[Analyze grammar]

ekāsanādekayānānniḥśvāsasyāṃgasaṃgataḥ |
ṣaḍaṃśaṃ phalabhāgī syānnayataṃ puṇyapāpayoḥ || 14 ||
[Analyze grammar]

sparśanādbhāṣaṇādvāpi parasya stavanādapi |
daśāṃśaṃ puṇyapāpānāṃ nityaṃ prāpnoti mānavaḥ || 15 ||
[Analyze grammar]

darśanaśravaṇābhyāṃ ca manodhyānāttathaiva ca |
parasya puṇyapāpānāṃ śatāṃśaṃ prāpnuyānnaraḥ || 16 ||
[Analyze grammar]

parasya niṃdāṃ paiśunyaṃ dhikkāraṃ ca karoti yaḥ |
tatkṛtaṃ pātakaṃ prāpya svapuṇyaṃ pradadāti saḥ || 17 ||
[Analyze grammar]

kurvataḥ puṇyakarmāṇi sevāṃ yaḥ kurute naraḥ |
patnībhṛtakaśiṣyebhyo yadanyaḥ ko'pi mānavaḥ || 18 ||
[Analyze grammar]

tasya sevānurūpeṇa dravyaṃ kiṃcinna dīyate |
so'pi sevānurūpeṇa tatpuṇyaphalabhāgbhavet |
ekapaṃktyaśnatāṃ yastu laṃghayetpariveṣaṇam || 19 ||
[Analyze grammar]

tasya pāpaṣaḍaṃśaṃ tu labhedvai pariveṣakaḥ |
snānasaṃdhyādikaṃ kurvanyaḥ spṛśedvā prabhāṣate || 20 ||
[Analyze grammar]

sa puṇyakarmaṣaṣṭhāṃśaṃ dadyāttasmai suniścitam |
dharmoddeśena yo dravyamaparaṃ yācate naraḥ || 21 ||
[Analyze grammar]

tatpuṇyakarmajaṃ tasya dhanadastvāpnuyātphalam |
apahṛtya paradravyaṃ puṇyakarma karoti yaḥ || 22 ||
[Analyze grammar]

karmakṛtpāpabhāktatra dhaninastadbhavaṃ phalam |
nāpanudya ṛṇaṃ yastu parasya mriyate naraḥ || 23 ||
[Analyze grammar]

dhanī tatpuṇyamādhatte svadhanasyānurūpataḥ |
buddhidastvanumaṃtā ca yaścopakaraṇapradaḥ || 24 ||
[Analyze grammar]

balakṛccāpi ṣaṣṭhāṃśaṃ prāpnuyātpuṇyapāpayoḥ |
prajābhyaḥ puṇyapāpānāṃ rājā ṣaṣṭhāṃśamuddharet || 25 ||
[Analyze grammar]

śiṣyādguruḥ striyo bharttā pitāputrāttathaiva ca |
svapaterapi puṇyasya yoṣidarddhamavāpnuyāt || 26 ||
[Analyze grammar]

cittasyānuvratā śaśvadvartate tuṣṭikāriṇī |
parahastena dānādi kurvataḥ puṇyakarmaṇi || 27 ||
[Analyze grammar]

vinā bhṛtakaputrābhyāṃ karttā ṣaṣṭhāṃśamuddharet |
vṛttido vṛttisaṃbhoktuḥ puṇyamaṣṭāṃśamuddharet || 28 ||
[Analyze grammar]

ātmano vā parasyāpi yadi sevāṃ na kārayet || 29 ||
[Analyze grammar]

śrīkṛṣṇa uvāca |
itthaṃ hyadattānyapi puṇyapāpānyā yāṃti nityaṃ parasaṃcitāni |
śṛṇuṣva cemaṃ itihāsamagryaṃ purābhavaṃ puṇyamatipradaṃ ca || 30 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe kārttikamāhātmye śrīkṛṣṇasatyabhāmāsaṃvāde puṇyapāpāṃśakathanaṃnāma dvādaśādhikaśatatamo'dhyāyaḥ || 112 ||
[Analyze grammar]