Chapter 105

[English text for this chapter is available]

nārada uvāca |
kṣiptebhyastatrabījebhyo vanaspatyastrayobhavan |
dhātrī ca mālatī caiva tulasī ca nṛpottama || 1 ||
[Analyze grammar]

dhātryudbhavā smṛtā dhātrī mābhavā mālatī smṛtā |
gaurībhavā ca tulasī tamaḥ sattva rajoguṇāḥ || 2 ||
[Analyze grammar]

strīrūpiṇyau vanaspatyau dṛṣṭvā viṣṇustadā nṛpa |
uttasthau saṃbhramādvṛṃdārūpātiśayamohitaḥ || 3 ||
[Analyze grammar]

dadarśa tāstadā mohātkāmāsaktena cetasā |
taṃ cāpi tulasīdhātryau rāgeṇaivāvalokatām || 4 ||
[Analyze grammar]

yaccalakṣmyāpurābījaṃmāyayaivasamarpitam |
tasmāttadudbhavānārītasminnīrṣyāyutābhavat || 5 ||
[Analyze grammar]

ataḥsābarbarītyākhyāmādhavasyātigarhitā |
dhātrītulasyaitadrā gāttasyaprītipradesadā || 6 ||
[Analyze grammar]

tato vismṛtaduḥkho'sau viṣṇustābhyāṃ sahaiva tu |
vaikuṃṭhamagamaddhṛṣṭaḥ sarvadevanamaskṛtaḥ || 7 ||
[Analyze grammar]

kārtikodyāpane viṣṇostasmātpūjā vidhīyate |
tulasīmūladeśe tu prītidā sā yataḥ smṛtā || 8 ||
[Analyze grammar]

tulasīkānanaṃ rājangṛhe yasyāvatiṣṭhate |
tadgṛhaṃ tīrtharūpaṃ tu nāyāṃti yamakiṃkarāḥ || 9 ||
[Analyze grammar]

sarvapāpaharaṃ puṇyaṃ kāmadaṃ tulasīvanam |
ropayaṃti naraśreṣṭhā na tepaśyaṃti bhāskarim || 10 ||
[Analyze grammar]

darśanaṃ narmadāyāstu gaṃgāsnānaṃ tathaiva ca |
tulasīvanasaṃsargaḥ samametattrayaṃ smṛtam || 11 ||
[Analyze grammar]

ropaṇātpālanātsekāddarśanātsparśanānnṛṇām |
tulasī dahate pāpaṃ vāṅmanaḥkāya saṃcitam || 12 ||
[Analyze grammar]

tulasīmaṃjarībhiryaḥ kuryāddhariharārcanam |
na sa garbhagṛhaṃ yāti muktibhāgī na saṃśayaḥ || 13 ||
[Analyze grammar]

puṣkarādīni tīrthāni gaṃgādyāḥ saritastathā |
vāsudevādayo devāstiṣṭhaṃti tulasīdale || 14 ||
[Analyze grammar]

tulasīmaṃjarīyukto yadi prāṇānvimuṃcati |
viṣṇoḥ sāyujyamāpnoti satyaṃ satyaṃ nṛpottama || 15 ||
[Analyze grammar]

tulasīmṛttikālipto yastu prāṇānvimucaṃti |
yamo'pi nekṣituṃ śakto yuktaṃ pāpaśatairapi || 16 ||
[Analyze grammar]

tulasīkāṣṭhajaṃ yastu caṃdanaṃ dhārayennaraḥ |
taddehaṃ naspṛśetpāpaṃ kriyamāṇamapīha yat || 17 ||
[Analyze grammar]

tulasīvipinacchāyā yatra yatra bhavennṛpa |
tatra śrāddhaṃ prakarttavyaṃ pitṝṇāṃ dattamakṣayam || 18 ||
[Analyze grammar]

dhātrīchāyāsu yaḥ kuryātpiṃḍadānaṃ nṛpottama |
tṛptiṃ ca yāṃti pitarastasya ye narake sthitāḥ || 19 ||
[Analyze grammar]

mūrdhni pāṇau mukhe caiva dehe ca nṛpasattama |
dhatte dhātrīphalaṃ yastu sa vijñeyo hariḥ svayam || 20 ||
[Analyze grammar]

dhātrīphalaṃ ca tulasīmṛttikā dvārakodbhavā |
yasya dehe sthitā nityaṃ sa jīvanmukta ucyate || 21 ||
[Analyze grammar]

dhātrīphalavimiśraistu tulasīdalamiśritaiḥ |
jalaiḥ snāti narastasya gaṃgāsnānaphalaṃ smṛtam || 22 ||
[Analyze grammar]

devārcanaṃ naraḥ kuryāddhātrīpatraiḥ phalairapi |
suvarṇapuṣpairvividhairarcanasyāpnuyātphalam || 23 ||
[Analyze grammar]

tīrthāni munayo devā yajñāḥ sarve'pi kārtike |
nityaṃ dhātrīṃ samāśritya tiṣṭhaṃtyarke tulāśrite || 24 ||
[Analyze grammar]

dvādaśyāṃ tulasīpatraṃ dhātrīpatraṃ tu kārtike |
lunāti sa naro gacchennirayānatigarhitān || 25 ||
[Analyze grammar]

dhātrīchāyāṃ samāśritya kārtike'nnaṃ bhunakti yaḥ |
annasaṃsargajaṃ pāpamāvarṣaṃ tasya naśyati || 26 ||
[Analyze grammar]

dhātrīmūle tu yo viṣṇuṃ kārtike'rcayate naraḥ |
viṣṇukṣetreṣu sarveṣu pūjitastena sarvadā || 27 ||
[Analyze grammar]

dhātrītulasyormāhātmyamapidevaścaturmukhaḥ |
na samartho bhavedvaktuṃ yathā devasyaśārṅgiṇaḥ || 28 ||
[Analyze grammar]

dhātrī tulasyudbhavakāraṇaṃ ca śṛṇoti yaḥ śrāvayate ca bhaktyā |
vidhūtapāpmā saha pūrvajaiśca svargaṃ vrajatyagryavimānasaṃsthaḥ || 29 ||
[Analyze grammar]

iti śrīpādmemahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye śrīkṛṣṇasatyabhāmāsaṃvāde dhātrītulasyormāhātmyaṃnāma paṃcādhikaśatatamo'dhyāyaḥ || 105 ||
[Analyze grammar]