Chapter 98

[English text for this chapter is available]

nārada uvāca |
punardaityaṃ samāyāṃtaṃ dṛṣṭvā devāḥ savāsavāḥ |
bhayaprakaṃpitāḥ sarve viṣṇuṃ stotuṃ pracakramuḥ || 1 ||
[Analyze grammar]

devā ūcuḥ |
namo matsyakūrmādi nānāsvarūpaiḥ sadābhaktakāryodyatāyārtihaṃtre |
vidhātrādisargasthitidhvaṃsakartre gadāśaṃkhapadmārihastāyate'stu || 2 ||
[Analyze grammar]

ramāvallabhāyāsurāṇāṃ nihaṃtre bhujaṃgādināthāya pītāṃbarāya |
makhādikriyāpākakartre vikartre śaraṇyāya tasmai natāḥ smo natāḥ smaḥ || 3 ||
[Analyze grammar]

namo daityasaṃtāpitā martyaduḥkhācaladhvaṃsa daṃbholaye viṣṇavete |
bhujaṃgeśatalpeśayāyārkacaṃdra dvinetrāya tasmai natāsmo natāḥ smaḥ || 4 ||
[Analyze grammar]

nārada uvāca |
saṃkaṣṭanāśanaṃ stotraṃ nityaṃ yastu paṭhennaraḥ |
sa kadācinnasaṃkaṣṭai pīḍyate kṛpayā hareḥ || 5 ||
[Analyze grammar]

iti devāḥ stutiṃ yāvatkurvaṃti danujadviṣaḥ |
tāvatsurāṇāmāpattirvijñātā viṣṇunā tadā || 6 ||
[Analyze grammar]

sahasotthāya daityāriḥ kṛpayā khinnamānasaḥ |
āruhya garuḍaṃ vegāllakṣmīṃ vacanamabravīt || 7 ||
[Analyze grammar]

viṣṇuruvāca |
jalaṃdhareṇa te bhrātrā devānāṃ kadanaṃ kṛtam |
tairāhūto gamiṣyāmi yuddhāyādya tvarānvitaḥ || 8 ||
[Analyze grammar]

lakṣmīruvāca |
ahaṃ te vallabhā nātha bhaktā ca yadi sarvadā |
tatkathaṃ te mama bhrātā yuddhe vadhyaḥ kṛpānidhe || 9 ||
[Analyze grammar]

śrībhagavānuvāca |
rudrāṃśasaṃbhavatvācca brahmaṇo vacanādapi |
prītyā ca tava naivāyaṃ mama vadhyo jalaṃdharaḥ || 10 ||
[Analyze grammar]

nārada uvāca |
ityuktvā garuḍārūḍhaḥ śaṃkhacakragadāsibhṛt |
viṣṇurvegādyayau yoddhuṃ yatra devāḥ stuvaṃti te || 11 ||
[Analyze grammar]

athāruṇānujātyugrapakṣavātaprapīḍitāḥ |
vātyāvivartitā daityā babhramuḥ khe yathā ghanāḥ || 12 ||
[Analyze grammar]

tato jalaṃdharo dṛṣṭvā daityānvātyā prapīḍitān |
novāca vacanaṃ krodhāttato viṣṇuṃ samabhyayāt || 13 ||
[Analyze grammar]

tataḥ samabhavadyuddhaṃ viṣṇudaityeṃdrayormahat |
ākāśaṃ kurvatorbāṇairaṃte niravakāśavat || 14 ||
[Analyze grammar]

viṣṇurdaityasya bāṇaughairdhvajaṃ cchatraṃ dhanurhayān |
ciccheda taṃ ca hṛdaye bāṇenaikenatāḍayan || 15 ||
[Analyze grammar]

tato daityaṃ samutpatya gadāpāṇistvarānvitaḥ |
āgatya garuḍaṃ mūrdhni pātayāmāsa bhūtale || 16 ||
[Analyze grammar]

viṣṇurgadāṃ ca khaḍgena ciccheda prahasanniva |
tāvatsa suhṛde viṣṇuṃ jaghāna dṛḍhamuṣṭinā || 17 ||
[Analyze grammar]

tatastau bāhuyuddhena yuyudhāte mahābalau |
bāhubhirmuṣṭibhiścaiva jānubhirnādayanmahīm || 18 ||
[Analyze grammar]

evaṃ suruciraṃ yuddhaṃ kṛtvā viṣṇuḥ pratāpavān |
uvāca daityarājānaṃ meghagaṃbhīrayā girā || 19 ||
[Analyze grammar]

viṣṇuruvāca |
varaṃ varaya daityeṃdra prīto'smi tava vikramāt |
adeyamapi te dadmi yatte manasi vartate || 20 ||
[Analyze grammar]

jalaṃdhara uvāca |
yadi bhāvukatuṣṭo'si varametaṃ dadasva me |
madbhaginyā saha tayā madgṛhe sagaṇo vasa || 21 ||
[Analyze grammar]

nārada uvāca |
tathetyuktvā sa bhagavānsarvadevagaṇaiḥ saha |
jalaṃdharaṃ nāma puramagamadramayā saha || 22 ||
[Analyze grammar]

jalaṃdharaśca devānāmadhikāreṣu dānavān |
sthāpayitvā saharṣaḥ sanpunarāgānmahītale || 23 ||
[Analyze grammar]

devagaṃdharvasiddheṣu yatkiṃcidratnasaṃjñitam |
tadātmavaśagaṃ kṛtvā tiṣṭhatsāgaranaṃdanaḥ || 24 ||
[Analyze grammar]

pātālabhavane daityaṃ niśuṃbhaṃ ca mahābalam |
sthāpayitvā sa śeṣādīnanayadbhūtalaṃ balī || 25 ||
[Analyze grammar]

devagaṃdharvasiddhaughānyakṣarāsamānuṣān |
svapure nāgarānkṛtvā śaśāsa bhuvanatrayam || 26 ||
[Analyze grammar]

evaṃ jalaṃdharaḥ kṛtvā devāṃśca vaśavarttinaḥ |
dharmeṇa pālayāmāsa prajāḥ putrānivaurasān || 27 ||
[Analyze grammar]

na kaścitvyādhito naiva duḥkhito na kṛśastathā |
na dīno dṛśyate tasmindharmādrājyaṃ praśāsati || 28 ||
[Analyze grammar]

evaṃ mahīṃ śāsati dānaveṃdre dharmeṇa samyakca yadṛcchayāham |
kadācidāgāmatha tasya lakṣmīṃ vilokituṃ śrīramaṇaṃ ca sevitum || 29 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārttikamāhātmye śrīkṛṣṇasatyabhāmāsaṃvāde jalaṃdharapraveśonāma aṣṭanavatitamo'dhyāyaḥ || 98 ||
[Analyze grammar]