Chapter 97

[English text for this chapter is available]

nārada uvāca |
ye devairnirjitāḥ pūrvaṃ daityāḥ pātālasaṃsthitāḥ || 1 ||
[Analyze grammar]

te hi bhūmaṃḍalaṃ jātā nirbhayāstamupāsitum |
kadācicchinnaśirasaṃ rāhuṃ dṛṣṭvā sa daityarāṭ |
papraccha bhārgavaṃ vipraṃ kenedaṃ vihitaṃ prabho || 2 ||
[Analyze grammar]

bhārgavastasya śirasaśchedaṃ rāhoḥ śaśaṃsa ha |
amṛtārthaṃ samudrasya mathanaṃ devakāritam || 3 ||
[Analyze grammar]

ratnāpaharaṇaṃ caiva daityānāṃ ca parābhavam |
tacchrutvā krodharaktākṣaḥ svapiturmathanaṃ tadā || 4 ||
[Analyze grammar]

sa dūtaṃ preṣayāmāsa ghasmaraṃ śakrasaṃnidhau |
dūtastriviṣṭapaṃ gatvā sudharmāṃ prāpya satvaram || 5 ||
[Analyze grammar]

garvādakharvamaulistu deveṃdraṃ vākyamabravīt |
dūta uvāca |
jalaṃdharo'bdhitanayaḥ sarvadaityajaneśvaraḥ || 6 ||
[Analyze grammar]

dūto'haṃ preṣitastena sa yadāha śṛṇuṣva tat |
kasmāttvayā mama pitā mathitaḥ sāgaro'driṇā || 7 ||
[Analyze grammar]

nītāni sarvaratnāni tāni śīghraṃ prayaccha me |
iti dūtavacaḥ śrutvā vismitastridaśādhipaḥ |
uvāca ghasmaraṃ ghoraṃ bhayaroṣasamanvitaḥ || 8 ||
[Analyze grammar]

īśvara uvāca |
śṛṇu dūta mayā pūrvaṃ mathitaḥ sāgaro yathā |
adrayo madbhayādbhītāḥ svakukṣisthāstathā kṛtāḥ || 9 ||
[Analyze grammar]

anye'pi maddviṣastena rakṣitā ditijāstathā |
tasmāttadratnajātaṃ tu mayāpyapahṛtaṃ kila || 10 ||
[Analyze grammar]

śaṃkho'pyevaṃ purā devānadviṣatsāgarātmajaḥ |
mamānujena nihataḥ praviṣṭaḥ sāgarodaram || 11 ||
[Analyze grammar]

tadgaccha kathayasvāsyasarvaṃ mathanakāraṇam || 12 ||
[Analyze grammar]

nārada uvāca |
itthaṃ visarjito dūtastadeṃdreṇāgamadgṛham |
tadiṃdravacanaṃ daityarājāyākathayattadā || 13 ||
[Analyze grammar]

tanniśamya tadā daityo roṣātprasphuritādharaḥ |
udyogamakarottūrṇaṃ sarvadevajigīṣayā || 14 ||
[Analyze grammar]

tadodyoge sureṃdrasya digbhyaḥ pātālatastathā |
ditijāḥ pratyapadyaṃta śataśaḥ koṭiśastathā || 15 ||
[Analyze grammar]

atha śuṃbhaniśuṃbhādyairbalādhipatikoṭibhiḥ |
gatvā triviṣṭapaṃ daityo yuddhāyādhiṣṭhito'bhavat || 16 ||
[Analyze grammar]

niryayustvamarāvatyā devā yuddhāya daṃśitāḥ |
puramāvṛtya tiṣṭhaṃti dṛṣṭvā daityabalaṃ mahat || 17 ||
[Analyze grammar]

tataḥ samabhavadyuddhaṃ devadānavasenayoḥ |
muśalaiḥ parighairbāṇairgadāparaśuśaktibhiḥ || 18 ||
[Analyze grammar]

te'nyonyaṃ samadhāvetāṃ jaghnatuśca parasparam |
kṣaṇenābhavatāṃ sene rudhiraugha pariplute || 19 ||
[Analyze grammar]

patitaiḥ pātyamānaiśca gajāśvarathapattibhiḥ |
vyarājata raṇe bhūmiḥ saṃdhyābhrapaṭalairiva || 20 ||
[Analyze grammar]

tatra yuddhe hatāndaityānbhārgavastūdatiṣṭhayat |
vidyayā'mṛtajīvinyā maṃtritaistoyabiṃdubhiḥ || 21 ||
[Analyze grammar]

devāstatra tathā yuddhe jīvayedaṃgirassutaḥ |
divyauṣadhīḥ samānīya droṇadeśyāḥ punaḥ punaḥ || 22 ||
[Analyze grammar]

dṛṣṭvā devāṃstathā yuddhe punareva samutthitān |
jalaṃdharaḥ krodhavaśo bhārgavaṃ vākyamabravīt || 23 ||
[Analyze grammar]

jalaṃdhara uvāca |
mayā devā hatā yuddhe uttiṣṭhaṃti kathaṃ punaḥ |
tava saṃjīvanīvidyā naivānyatreti viśrutam || 24 ||
[Analyze grammar]

bhṛguruvāca |
divyauṣadhīḥ samānīya droṇādreraṃgirāḥ surān |
jīvayatyeṣa vai śīghraṃ droṇādriṃ samapāhara || 25 ||
[Analyze grammar]

nārada uvāca |
ityuktaḥ sa tu daityeṃdro nītvā droṇācalaṃ tadā |
prākṣipatsāgare tūrṇaṃ punarāgānmahāhavam || 26 ||
[Analyze grammar]

atha devānhatāndṛṣṭvā droṇādrimagamadguruḥ |
tāvattatra girīṃdraṃ taṃ na dadarśa surārcitaḥ || 27 ||
[Analyze grammar]

jñātvā daityahṛtaṃ droṇaṃ viṣaṇṇo bhayavihvalaḥ |
āgatya dūrādvyājahre śvāsākulitavigrahaḥ || 28 ||
[Analyze grammar]

palāyadhvaṃ palāyadhvaṃ nāyaṃ jetuṃ hi śakyate |
rudrāṃśasaṃbhavo hyeṣa smaradhvaṃ śakraceṣṭitam || 29 ||
[Analyze grammar]

śrutvā tadvacanaṃ devā bhayavihvalitāstadā |
daityaistairvadhyamānāste palāyaṃta diśo daśa || 30 ||
[Analyze grammar]

devānvidāritāndṛṣṭvā daityaḥ sāgaranaṃdanaḥ |
śaṃkhabherījayaravaiḥ praviveśāmarāvatīm || 31 ||
[Analyze grammar]

praviṣṭe nagaraṃ daitye devāḥśakrapurogamāḥ |
suvarṇādriguhāṃ prāpya nyavasandaityatāpitāḥ || 32 ||
[Analyze grammar]

tataśca sarveṣvasurādhikāreṣviṃdrādikānāṃ viniveśayattadā |
śuṃbhādikāndaityavarānpṛthakpṛthaksvayaṃ suvarṇādriguhāmagātpunaḥ || 33 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye amarāvatīvijayonāma saptanavatitamo'dhyāyaḥ || 97 ||
[Analyze grammar]